Morgunblaðið - 19.04.1984, Blaðsíða 13
MORGUNBLAÐIÐ, FIMMTUDAGUR 19. APRÍL 1984
13
Myndlist á friðarviku
Myndlist
Bragi Ásgeirsson
Gildur hluti friðarvikunnar í
Norræna húsinu er myndlist-
arsýning 17 myndlistarmanna í
kjallarasölum hússins. Allt,
sem hefur með list að gera, er
mikið atriði í miðlun friðar og
gegnir myndlistin þar stóru
hlutverki ásamt öðrum sjón-
rænum tjámiðlum.
Það er óhugsandi að hægt sé
að efna til lifandi friðarum-
ræðu án þess að listin sé höfð
með til þess að lyfta upp hugum
þátttakenda og skapa ríkari
samkennd fyrir málstaðnum.
Jafnvel kröfugöngur verða lit-
lausar sé listin ekki höfð með í
farangrinum.
Það má slá því föstu, að listin
sé ómissandi til vaxtar og við-
gangs mannkyninu — hún
kemur alstaðar fram í viðleitni
mannsins til framfara, frá upp-
hafi vega.
Því betur sem listþörfin er
ræktuð því sterkara verður
þjóðfélagið og máttugri maður-
inn. Lítum einungis til sögunn-
ar og hinna voldugu herkon-
unga fornalda eða forfeðra
okkar víkinganna, — fley
þeirra, vopn og verjur, allt var
þetta mikil list og frábært
handverk. Hér var ekki einung-
is hugkvæmnin virkjuð heldur
og einnig guðdómurinn í hinu
sjónræna, öflugustu burðar-
stoðum hvers þjóðskipulags.
— Ætli að þeir menn hafi
ekki hugsað rétt, er ályktuðu
sem svo, að listina mætti virkja
í annars konar hernaði — úr-
slitaorrustu mannsins fyrir lífi
sínu og framtíð niðja sinna? —
Það lifir víst enginn af næstu
heimsstyrjöld og fari þó svo þá
verður það ólíkt öllu því, er við
þekkjum sem líf, og voðalegra
ímyndun okkar.
Öll viðleitni sem miðar að
varðveislu friðar á rétt á sér,
svo sem öll viðleitni til að halda
uppi rétti einstaklingsins til að
tjá sig í máli, mynd og tónum,
— rétti til að vera frjálsborinn
maður hvar sem er á jarð-
kringlunni.
Það hefur um margt verið
vandað til myndlistarsýningar-
innar í kjallarasölum Norræna
hússins og hún er góð þar sem
hún rís hæst. En þó vantar
margt og hví var ekki leitað til
okkar bestu núlifandi mynd-
listarmanna til að auka áhrifa-
mátt hennar? Hér má ekkert
komast að annað en hámark
listrænna gæða því að allt ann-
að veikir málstaðinn. Allir ís-
lenzkir myndlistarmenn eru án
efa friðarsinnar út í fingur-
góma þótt ekki vilji þeir um-
svifalaust láta bóka sig í friðar-
samtök sem þeir ekki þekkja.
Hverjir vilja t.d. bera ábyrgð-
ina á ástandinu í Víetnam og
Kambódíu eftir að „friðarsinn-
arnir“ þar sigruðu? Gæti verið,
að sömu friðarsinnarnir standi
á bak við þessi samtök? Hér eru
þeir varir um sig er vilja frið á
alla vegu. Megi friðarsamtök,
hvar sem er í heiminum, njóta
skilnings og friðhelgi þannig að
sem mestur árangur verði af
starfi þeirra og það varðar
raunar heimsendi að hér náist
árangur.
Hér eru og orð skáldsins
myndvísa, Snorra Hjartarson-
ar, í fullu gildi:
„Lát himinlog þín lauga / í
lausnareldi þessi dæmdu tré, /
svo heill ég fái að finna til / og
fagna vornöktum huga / fegurð
og yndi ungra / óreyndra daga,
sól!“
Scarface sýnd
í Tónabíói
TÓNABÍÓ mun sýna myndina
„SCAKFACE" um páskana. AAalhlut-
verkið leikur Al Pacino en leikstjóri er
Brian De Palma, sem gerði kvikmynd-
ina „Dressed to Kill“.
Vorið 1980 var þúsundum Kúbu-
manna leyft að flytja til Bandaríkj-
anna, sem voru í leit að hinum amer-
íska draumi. Einn þeirra varð fund-
vís í sólinni á Miami, þar sem hann
komst til auðs og áhrifa.
Regnboginn sýn-
ir Heimkomu
hermannsins
PÁSKAMYND Kegnhogans í ár er
„Heimkoma hermannsins". Gerð eftir
sögu Kebeccu West og leikstjóri er Al-
an Bridges. Með helstu hlutverk fara
Glenda Jackson, Julie Christie, Ann
Margret og Alan Bates.
Sagt er frá Chris sem kemur særð-
ur heim frá vígstöðvunum 1918, og
hittir fyrir þrjár konur, sem allar
hafa komið við sögu í lífi hans áður.
Hann kannast þó ekki við þær því
hann hefur misst minnið.
Síðustu
landanir
fyrir páska
TVÖ íslenzk fiskiskip seldu afla sinn í
l'ýzkalandi í gær og munu fleiri ís-
lenzk skip ekki selja afla sinn þar fyrr
en þann 30. þessa mánaðar. Vegna
mikils framboðs á fiski á Þýzka-
landsmarkaði er verð þar nú fremur
lágt.
Ögri RE seldi 243,3 lestir, mest
karfa, í Bremerhaven. Heildarverð
var 5.685.500 krónur, meðalverð
23,37. Ýmir HF seldi alls 176,4 lestir,
einnig mest karfa í Cuxhaven.
SÍS selur mokka-
skinn til USA
Iðnaðardeild SÍS gekk nýlega frá
sölu á mokkaskinnum til Bandaríkj-
anna. Samtals er þar um að ræða skinn
að verðmti 800 þúsund dollarar, sem
afgreidd verða á yfirstandandi ári.
Kaupandi er fyrirtæki sem nefnist
Excelled og er í New Jerse.v, en eig-
andi þess, Myron Goldman, kom
gagngert til landsins þeirra erinda
að ganga frá þessum kaupum. Fyrir-
tæki hans lætur sauma mokkakápur
úr skinnum, en það er mjög stór
framleiðandi á skinnafatnaði þar
vestra, með heildarframleiðslu, sem
er hvorki meira né minna en um hálf
milljón af flíkum á ári. Meginhlut-
inn af þeirri framleiðslu eru leður-
flíkur.
Hjörtur Eiríksson, frkvstj., segir í
samtali við Sambandsfréttir að á
fullunnum mokkakápum væri 30%
tollur í Bandaríkjunum. Þetta væri
svo hár tollur að nánast ógerlegt
væri að selja fullunnar kápur þang-
að, en tollur á mokkaskinnum væri
aftur lítill, sem gerði þessi viðskipti
hagkvæm.
INNLÁNS
SKÍRTEINI
ÚTVEGSBANKANS
BERA HÆSTU VEXTISEM NOKKUR
ÍSLENSK INNLÁNSSTOFNUN BÝÐUR
-----OG ÞVÍ FYLGJA FLEIRIGÓÐIR KOSTIR.-
RÁÐGJAFim í ÓTVEGSBANKANCIM
LEIÐIR ÞIG í ALLAM SAMMLEIKANN CJM ÞAÐ.
KOMDG Á EIMHVERM AFGREIÐSLUSTAÐ
ÓTVEGSBAMKAMS
OG SPYRÐO EFTIR RÁÐGJAFAMOM.
ÚTVEGSBAHKINN
EINN BANKI • ÖLL ÞJÓNUSTA