Morgunblaðið - 06.04.1986, Blaðsíða 55
MORGUNBLABIÐ, SUNNUDAGUR 6. APRÍL1986 55
ÍÞRÓTTIR UNGLINGA
UMSJÓN/Vilmar Pétursson
Förum oft
á skíði
— segja Margrét og Kolbeinn
Morgunblaðið/VIP
• Margrét Scheving og Kolbeinn Marteinsson bíAa þess að
kennsla í skíðaskólanum hefjist.
MARGRÉT Scheving, 10 ára, og
Kolbeinn Marteinsson, 12 ára,
voru bœði í skíðakennslu hjá
Fram um páskana. Þau sögðust
fara oft á skíði en hefðu farið í
skíðakennsiuna til að verða
ennþá betri í iþróttinni en þau
eru nú þegar.
Bæði komu þau með rútunni
upp í Eldborgargil og eru orðin
alvön því vegna þess að þau
koma oft í Bláfjöll þó að þaö
hafi verið fyrst núna um páskana
sem þau koma á Framsvæðið.
Margréti þykir skemmtilegast
í bruni og stökki en Kolbeini í
svigi og stökki.
Ég spuröi krakkarna hvort
brun gæti ekki verið hættulegt.
„Jú, brun getur verið dálítið
hættulegt," svaraði Margrét,
„hann Jón rútubílstjórinn okkar
brákaðist í bruni í gær. Hann
keyrði okkur samt uppeftir í dag,
hann er svo ofboöslega harður."
„Enda er hann frændi minn,"
bætti Kolbeinn viö.
Þau Margrét og Kolbeinn voru
ekki alveg ákveðin í hvort þau
tækju þátt í svigmótinu sem fram
átti að fara sama dag og þau
voru tekin tali, en daginn eftir
átti að fara fram mót fyrir krakk-
ana í skíðakennslunni og þar
ætluðu þau ekki að láta sig vanta.
Morgunblaðið/Bjarni
• Anægjusvipurinn leynir sór ekki hjá þessari ungu og efnilegu
skíðakonu.
Morgunblaðið/Bjarni
# Hann er greinilega til í allt og ákveðinn í ad komast óhindradur í mark þessi vel búni skíóamaó-
ur. Hann og fjöidamargir aðrir ungir skíðamenn tóku þátt f svígmóti Fram fyrir 12 ára og yngri um
páskahelgina.
Góður árangur f
byrjendaflokki
— á svigmóti Fram 12 ára og yngri
UNGT skíðafólk úr Fram lát
ekki frekar en aðrir skfðamenn
hið dýrlega veður um páskana
ónotað heldur renndi sár af
miklum móð þessa helgi. Skfða-
kennsla var flesta daga auk
ýmissa móta sem sniðin voru
fyrir unga sem aldna, byrjendur
og lengra komna.
Unglingafþróttasíðan leit inn
hjá Frömmurum f Eldborgargili
á föstudaginn langa en þá fór
fram svigmót fyrir 12 ára og
yngri.
Fjölskyldu-
stemmning
Á þessu móti ríkti sannkölluð
fjölskyldustemmning, krakkarnir
renndu sér af miklum móð niður
brekkurnar en foreldrarnir stóöu
niðri við markið og hvöttu krakk-
ana sína, sáu um tímamælingar
og annað sem tilheyrir mótum
sem þessum og létu gamanyrði
fjúka.
Að sögn Gunnars V. Andrés-
sonar, eins af forsvarsmönnum
skíðadeildar Fram, er reynt aö
byggja starf deildarinnar þannig
upp að öll fjölskyldan sé með og
dagskrá páskahelgarinnar, sem
endaði með fjölskyldumóti á
páskadag, var þar engin undan-
tekning. f fjölskyldumótinu var
engin tímataka heldur dregið um
verðlaun sem voru páskaegg og
áttu því allir þátttakendur jafna
möguleika á verölaunum.
Noregsferð
Þó að páskarnir séu hápunktur
skíðatímabilsins hafa krakkarnir
í Fram ekki setið aðgerðalausir í
vetur og beðið eftir þessari miklu
helgi. Þeir áhugamestu æfa 4
sinnum í viku og um áramót fóru
krakkarnir í æfingaferð til Noregs
þar sem var skíðað frá 9—4 alla
daga ferðarinnar. Að sögn eins
fararstjórans í þeirri ferð hefði
álagið sem var á krökkunum í
þessari ferð verið kallað þræl-
dómur ef þau hefðu verið í vinnu.
Þau voru þó mjög sátt viö allt
þetta, enda er fátt skemmtilegra
en að renna sér á skíðum í góðu
færi við fyrsta flokks aðstæður.
Eftir þessa ferð hafa þeir krakkar
sem í hana fóru haldið vel saman
og eiga Frammarar nú harðsnú-
inn hóp ungra skíðamanna auk
þess sem félagsstarfið hefur
vaxið í kjölfar ferðarinnar.
Páskaegg í verðlaun
Á svigmótinu á föstudaginn
langa var hart barist enda til
páskaeggja að vinna og sáu
krakkarnir súkkulaðieggin í hill-
ingum. Keppt var í nokkrum
flokkum og veitt verðlaun fyrir 3
efstu sætin í hverjum flokki.
Úrslit íflokkunum urðu:
6ÁRAOGYNGRI SEK.
1. Brynjar Bragason 41,35
2. Þorbjörg Gunnarsd. 42,46
3. Kriatján Benediktsson 47,99
7-8 ÁRA:
1. Dagný Einaradóttir 38,36
2. Kjartan Þórisson 40,83
3. Jóhanna K. Claessen 42,97
9—10 ÁRA BYRJENDUR:
1. Kári Sigurbjömsson 39,34
2. Elfn H. Jónsdóttir 52,32
3. Ema K. Gylfadóttir 54,37
9-10 ÁRA PILTAR, LENGRA KOMNIR
1. DavíA Jónsson 38,83
2. Ingl R. Júlfusson 46,75
3. Ágúst Gunnarsson 48,30
9-10 ÁRA STÚLKUR, LENGRA KOMNAR
1. Bargllnd Bragadóttir 51,13
11-12 ÁRA BYRJENDUR:
1. Hanna B. Kjartansddttlr 40,75
2. Gylfl P. Harðarson 41,14
3. Ámi G. Magnússon 44,13
11-12 ÁRA, PILTAR, LENGRA KOMNIR
1. Slgurður Nikulásson 41,12
2. Hörður M. Gytfason 42,76
3. Brynjólfur Ðaldursson 43,70
11—12ÁRA, STÚLKUR, LENGRA KOMNAR
1. Vala Svavarsdóttir 43,06
2. Lára Jónsdóttir 46,65
3. Erla B. Ólafsdóttir 54,96
Mjög góður árangur í byrj-
endaflokki 11—12 ára krakka
vakti sérstaka athygli á þessu
móti. Betri tímar náðust í þess-
um flokki en í sömu aldursflokk-
um hjá þeim lengra komnu. Þess
ber þó að gæta að byrjendur
voru þeir flokkaðir sem ekki
höfðu tekið þátt í mótum áöur
þó svo að þeir hafi e.t.v. lagt
stund á skíði í langan tíma. Þetta
skyggir þó ekki á mjög góðan
árangur þessara krakka.
Handbolti:
Urslitakeppnin
er að hefjast
NU um helgina fer fram úrslita-
keppnin f íslandsmótum yngrl
flokkanna í handknattleik og um
næstu helgi lýkur þeirri keppni. Á
Selfossi keppir 4. flokkur kvenna
og f Seljaskóla keppir 2. flokkur
kvenna til úrslita. Keppnin hefst
f dag klukkan 11.40 f Seljaskóla
en klukkan 13 á Selfossi og
stendur fram eftir degi.
í 2. flokki karla fer úrslitakeppnin
fram í Vestmannaeyjum og hefst
keppnin klukkan 10 þar og úrslita-
leikurinn verður klukkan 11 árdeg-
is.
Um næstu helgi verður síðan
leikið til úrslita í 3. flokki kvenna í
Keflavík, 5. flokki karla á Akranesi,
4. flokki karla í Garðabæ og 3.
flokki karla í Seljaskóla í Reykjavík.
Það verður sem sagt nóg um
að vera hjá yngri kynslóöinni í
handknattleik þessar tvær helgar
áður en knattspyrnuskórnir verða
teknir út úr skáp og handbolta-
skórnir settir þar í staðinn.