Morgunblaðið - 09.09.1986, Side 69

MÖRGUNBLAÐIÐ, ÞRIÐJUDAGUR 9. SEPTEMBER 1986
69
Nýjungar í skólastarfinu:
Námsefni Fjölbrauta-
skólans kennt í 9. bekk
SKÓLASTARF er nú að hefjast
um allt land og nemendur og
kennarar að mæta aftur í skól-
ana að loknu sumarfríi. í Réttar-
holtsskóla, Hagaskóla og
Garðaskóla verður nemendum í
9. bekk boðið upp á mismunandi
námshraða i samræmdum grein-
um i fyrsta sinn nú þetta skólaár,
auk þess sem þau geta tekið hluta
námsefnis Fjölbrautaskólans.
Undirbúningur þessara breyt-
inga hefur staðið yfir í skólunum
i eitt ár og eru þær í anda til-
rauna sem gerðar hafa verið á
Akranesi undanfarin þrjú ár, en
þar hefur nemendum 9. bekkjar
verið boðið upp á kennslu á hluta
námsefnis Fjölbrautaskólans.
Auk þess hafa nemendur þar
getað valið um mismunandi
námshraða, og hver og einn þvi
verið með sérsmiðaða stunda-
skrá.
„Við komum saman í fyrra, auk
mín þeir Haraldur Finnsson skóla-
stjóri í Réttarholtsskólanum og
Björn Jónsson í Hagaskólanum,"
segir Gunnlaugur Sigurðsson skóla-
stjóri Garðaskóla. „Við höfum
ásamt fleiri skólamönnum lengi
haft áhyggjur af 9. bekk, teljum
að við höfum orðið varir við skóla-
leiða, áhugaleysi og deyfð sem
stafar af því að nemendur fá ekki
verkefni við sitt hæfi. Það skapar
leiða er nemendur fá of auðveld
verkefni og eins ef þeir fá verkefni
sem þeir ráða ekki við. Því ákváðum
við að fara þess á leit við fræðslu-
yfirvöld og Skólaþróunardeild að
gera þessar breytingar, en sam-
kvæmt þeim geta nemendur valið
um námshraða greinanna, geta far-
ið á svokallaðri hraðferð, miðferð
og hægferð í gegnum námsefnið,
svipað því sem tíðkast í framhalds-
skólunum. Valgreinar hér eru
svipaðar og í öðrum skólum, en auk
þess geta afburðanemendur í grein-
um eins og stærðfræði og tungu-
málum tekið viðbótartíma í þeim
greinum í vali og tileinkað sér
námsefni framhaldsskólans, tekið
próf þar og lokið þannig hluta fram-
haldsskólanámsins í grunnskólan-
um. Sérhver nemandi í 9. bekk
verður því með eigin stundatöflu í
vetur."
Gunnlaugur sagði að tölva hefði
verið látin sjá um að setja saman
stundaskrá fyrir hvem einstakan
nemanda, kennslan færi fram á
tímabilinu 8 til 2.30, nemendur
væru með 35 kennslustundir á viku
og ef eyður mynduðust í stunda-
skránni væri aðstaða fyrir nemend-
ur til að vinna í skólanum, t.d.
væri mjög góð aðstaða á bókasafn-
inu, en þar geta um 50 nemendur
verið við lestur samtímis.
En hver var reynsla Akurnesinga
af því að láta nemendur 9. bekkjar
glíma við námsefni Fjölbrautaskól-
ans? Að sögn Þóris Ólafssonar
skólameistara var tilraunin gerð
vegna húsnæðiserfiðleika í grunn-
skólanum, 9. bekkur fékk inni í
húsnæði Fjölbrautaskólans og um
leið var gerð tilraun tii að bjóða
nemendum upp á misjafnan náms-
hraða í námsefni skólans og auk
þess var þeim boðið að taka hluta
af námsefni Fjölbrautaskólans og
létta sér þannig nám næsta vetrar.
Þórir sagði að um þriðjungur nem-
enda hefði notfært sér þetta í einni
grein eða fleirum, tilraunin tekist
mjög vel og af henni mætti ráða
að hluti nemenda 9. bekkjar réði
við námsefni Fjölbrautaskólans.
Hann sagði að skólinn hefði skilað
skýrslum um þessa tilraun til
Menntamálaráðuneytis, en hús-
næðisvandi grunnskólans á staðn-
um væri nú leystur og nemendur
9. bekkjar því nú til húsa í grunn-
skólanum. „Það voru allir sammála
um það sem fylgdust með þessu
hérna hjá okkur að þetta gekk mjög
vel,“ sagði Þórir. „Okkur tókst mjög
vel að verða við óskum hvers og
eins um nám við hæfi, krakkarnir
voru mjög starfsöm og dugleg og
þetta virtist virka mjög hvetjandi á
þau.“
Hann sagði að umræður væru í
gangi um framtíð þessarar kennslu-
skipunar í gi-unnskólanefndinni en
ákvarðanir hefðu ekki verið teknar
um hvort þetta fyrirkomulag yrði
notað í framtíðinni.
Að sögn Hrólfs Kjartanssonar í
Skólaþróunardeild Menntamála-
ráðuneytisins eru auk þessara
skipulagsbreytinga einnig breyting-
ar á almennu námsefni grunnskól-
anna þetta skólaár. Meðal nýjunga
má nefna að aukin áhersla er lögð
á tónlistaruppeldi 6-8 ára bama.
Þá er nýkomið út námsefni um jafn-
réttismál sem notað er í samfélags-
kennslu grunnskólans og auk þess
verður í vetur í fyrsta sinn notað
nýtt íslenskt námsefni í forskóla-
deildunum, en því er ætlað að brúa
bil milli starfsemi leikskóla og dag-
heimila og forskólans.
Hvað segja þau um þessar breytingar?
HVAÐ segja nemendur 9.
bekkjar Garðaskóla um þær
breytingar sem eru fyrirhugað-
ar í vetur?
MÁR MÁSSON:
„Mér líst þrælvel á þetta, og
tel að þetta fyrirkomulag ætti að
geta bætt námsárangurinn. Mér
fínnst gott að nemendur geti valið
sér þann námshraða sem þeim
hentar og held að það sé almenn
ánægja meðal nemenda með
þetta.“
-Hvaða námshraða valdir þú?
„Ég valdi hægferð í stærð-
fræði, miðferð í íslensku og
hraðferð í ensku og dönsku. Svo
tek ég tölvufræði og fjölbrauta-
enskuna."
— Ekkert óánægður með að
bekkjakerfíð sé úr sögunni?
„Nei, alls ekki. Mér finnst þess-
ar breytingar almennt jákvæðar."
SIGRÍÐUR BJÖRNSDÓTTIR:
„Ég er mjög ánægð með þetta,
ég ætla að taka fjölbrautastærð-
fræði og ensku og kemur það mér
áreiðanlega til góða næsta vetur.
Auk þess held ég að það sé mjög
gott fyrir þá sem fara í Fjöl-
Moi^unblaðið/Þorkell
Már Másson: „Þess-
ar breytingar eru
almennt jákvæðar.“
Sigríður Björnsdótt-
ir: „Gott að aðlagast
þessu kerfi smám
sarnan."
Auður Skúladóttir:
„Finnst að allir skól-
ar ættu að taka
þetta upp.“
brautaskólann að aðlagast þessu
kerfi smám saman.“
— Heldurðu að þetta fyrir-
komulag hafi einhver áhrif á það
sem kallað hefur verið skólaleiði?
„Já, krakkarnir eru almennt
ánægð með þetta og ég held að
þetta geti haft í för með sér minni
námsleiða þegar hver og einn fær
verkefni við sitt hæfi. Annars er
lítið farið að reyna á þetta ennþá,
þetta kemur ekki í ljós fyrr en
lengra er liðið á skólaárið."
— Ertu ánægð með stundatöfl-
una þína?
„Já, það er bara ein eyða í
henni, og hún er eftir sundtíma."
— Saknarðu ekki gamla bekkj-
arkerfisins?
„Nei, ég er með sumum gömlu
vinanna í nokkrum námsgreinum,
og auk þess hittumst við áfram í
skólanum. Það er einnig kostur
við þetta kerfi að menn kynnast
fleirum en áður.“
AUÐUR SKÚLADÓTTIR:
„Mér líst mjög vel á þetta, ég
valdi tvær miðferðir og tvær hrað-
ferðir í námsefninu. Auk þess
ætla ég að taka fjölbrautastærð-
fræði og fjölbrautaþýsku. Mér
fínnst þó vera einn stór galli á
þessu kerfí en hann er sá að við
fáum framhaldsskólanámsefnið
eingöngu metið í Fjölbrautaskól-
anum hér, þetta er ekki metið ef
við forum t.d. í menntaskólanám.
En þessi mismunandi námshraði
hjálpar þeim sem þurfa að fara
hraðar og hægar yfír námsefnið.“
— Heldurðu að nemendur séu
almennt ánægðir með þetta fyrir-
komulag?
„Já, ég hef ekki heyrt neina
óánægju með þetta, en sumum
fínnst þeir þó vera með of margar
eyður.“
— Er ekki góð aðstaða til að
læra hér í skólanum?
„Jú, en það er alltaf best að
komast sem fyrst heim til sín. Ég
er með þrjár eyður og fínnst það
fullmikið. En í heild er þetta fyrir-
komulag ágætt og mér fínnst að
allir skólar ættu að taka þetta
upp.“
Verð MAZDA bíla hefur hlutfallslega
aldrei verið lægra en núna. Verðlauna-
bíllinn MAZDA 626 1.6L 5 dyra
Hatchback LX kostar nú aðeins 475
þúsund krónur.
Örfáir bílar til afgreiðslu úr viðbótar-
sendingu í október. Tryggið ykkurþví
bíl strax.
Opið laugardaga frá kl. 1 - 5.
mazDa
BÍLABORG HF
SMIÐSHÖFÐA 23, SlMI 68-12-99