Morgunblaðið - 01.04.1987, Blaðsíða 28
28
MORGUNBLAÐIÐ, MIÐVIKUDAGUR 1. APRIL 1987
Sjö íslensk hótel taka
upp Scanclass-passa
Lækkar gistiverð um 25-40% yfir sumarmánuði
Morgunblaðið/Júlíus
Frá vinstri á myndinni eru: Pétur Snæbjörnsson hótelstjóri á
Húsavík, Sigurður Skúli Bárðarson hótelstjóri á Hótel Stykkis-
hólmi, Bjarni Sigtryggsson aðstoðarhótelstjóri á Hótel Sögu og
Arnþór Björnsson hótelstjóri á Hótel Reynihlíð.
SJÖ íslensk hótel hafa myndað
samstarfshóp til þess að taka þátt
í markaðsöflun Scanclass-hótel-
anna, en Scanclass er samstarf 100
hótela á Norður-löndunum. Allt
eru þetta hótel í fremstu röð á
hveijum stað. Markmiðið með sam-
starfinu er að bjóða upp á ódýrari
möguieika á að ferðast innan
Norðurlandanna og búa á góðum
hótelum, að sögn Bjarna Sig-
tryggssonar, aðstoðarhótelstjóra á
Hótel Sögu. Auk Sögu, taka þátt
í samstarfinu Hótel Borgarnes,
Hótel Stykkishólmur, Hótel KEA,
Hótel Húsavík, Hótel Reynihlíð og
Hótel Selfoss.
í Noregi er það Inter-Nor hótel-
keðjan, sem tekur þátt í Scanclass-
samstarfinu, Danway-hótelin í
Danmörku, Sara-hótelin í Svíþjóð og
Arctia-hótelhringurinn í Finnlandi. A
þessum hótelum njóta handhafar
Scanclass-hótelvegabréfanna 25 til
40% afsláttar. Gildistími þeirra er frá
18. júní til 16. ágúst á öllum Norðurl-
öndunum nema á íslandi er gildistími
þeirra heldur lengri, eða frá 1. maí
til loka september. Vegabréf þessi
kosta 300 krónur og annast hótelin
sjálf pöntun fyrir gesti sína sem halda
áfram för sinni til næsta hótels. Með
hverjum passa fylgir bæklingur með
myndum hótelunum, upplýsingum
um þau og gistiverð. Passinn er seld-
ur í gestamóttöku allra íslensku
samstarfshótelanna.
Þá munu íslensku hótelin bjóða upp
á 40% afslátt af gistiverði sínu fyrir
þá ferðamenn sem til dæmis eru á
ferðalagi á eigin vegum í tjöldum,
en vilja hvíla sig nótt og nótt á hót-
eli. Eftir kl. 20.00 geta þeir bókað
sig eina nótt í senn, séu laus herbergi.
Bjami sagði að samstarfið við nor-
rænu hótelkeðjumar myndu auka
möguleika íslenskra hótel á kynningu
á Norðurlandamarkaði. Greinar um
ísland birtast í næstu tölublöðum
hótelblaðanna, sem liggja inni á her-
bergjum allra Scanclass-hótelanna.
Þátttakendum í orlofsklúbbum er-
lendu hótelkeðjanna verður gefinn
kostur á sérboðum á íslandsferðum
og nú er að hefjast samstarf tveggja
íslensku Scanclass-hótelanna, Hótel
Sögu og Hótel KEA, á sviði viðskipta-
mannakorta. Þá hafa íslensku
Scanclass-hótelin í undirbúningi sér-
stakt boð til íslendinga sem vilja
ferðast innanlands utan sumarleyfis-
tímans.
Alþjóðlegt skákmót á Egilsstöðum:
Verðlaun alls 2,8 milljónir
Egilsstöðum.
OPIÐ alþjóðlegt skákmót verður
haldið á Egilsstöðum 1.—10. júní
í sumar. Mótið er haldið á vegum
sveitarfélaganna á Mið-Austur-
landi og bera þau alla ábyrgð á
því. Keppt verður í 7 styrkleika-
flokkum eftir Monrad-kerfi og
nema verðlaun alls $ 70.000 eða
2,8 milljónum íslenskra króna.
Mótið er öllum opið en skrásetn-
ingargjald er kr. 4.000. Náðst
hefur góður samningur við Flug-
leiðir og hótel á staðnum um
fargjöld, gistingu og fæði.
Að sögn Siguijóns Bjarnasonar
formanns framkvæmdastjórnar
hefur undirbúningur að þessu skák-
móti staðið í tæp tvö ár. Megin-
markmiðið með þessu skákmóti er
að kynna Austurland fyrir innlend-
um og erlendum ferðamönnum og
örva ferðamannastrauminn hingað
austur. „Auk þess er hér um merk-
an menningar- og íþróttaviðburð
að ræða,“ sagði Sigurjón.
Sveitarfélögin sem að þessu
standa hafa þegar varið um 1,5
milljónum til kynningar á þessu
skákmóti erlendis. Samhliða kynn-
ingu á skákmótinu hafa Austfirð-
ingar gert verulegt átak í
landkynningarmálum erlendis. Sú
kynning er þegar farin að skila sér
Morgunblaðið/Bjöm
Forsvarsmenn skákmótsins: Siguijón Bjarnason, Ottó Jónsson, Anton
Antonsson og Erlendur Steinþórsson.
Djúpivogur:
Mesti afli Sumiutinds
úr einni veiðiferð
Djúpavogi.
MIKILL fiskur hefur borist á
land hér á Djúpavogi að undan-
förnu, bæði af togara og bátum.
Unnið hefur verið í fiski frá
klukkan 6 á morgnana til mið-
nættis flesta daga.
Togarinn Sunnutindur landaði
138 tonnum í síðustu viku. Er það
mesti afli sem hann hefur komið
með að landi úr einni veiðiferð til
þessa. Minni bátamir hafa einnig
aflað vel, bæði á handfæri og í
net. Til dæmis kom Baldur Sig-
urðsson, sem er einn á handfærum
á trillubát sínum, með 3 tonn að
landi eftir einn dag í síðustu viku
og 2 tonn á sunnudag.
Ingimar
Frá Kerlinga-
skarði upp á
Snæfellsjökul
Borgamesi.
SVISSNESKI ferðalangurinn,
sem hefur verið hérlendis síðan
í janúar og ferðast um hálendið
á skíðum og sagt hefur verið frá
á síðum Morgunblaðsins, reisti
nýlega tjald sitt í annað sinn í
Borgarnesi. Kvaðst hann vera að
leggja upp í sína síðustu fjaila-
ferð áður en hann færi aftur
heim til Sviss. A myndinni lýsir
Pierra Alain Treyvaud leiðinni
sem hann ætlar að fara. Hann
ætlar með rútu upp í Kerlinga-
skarð, þaðan ætlar hann á
skiðum vestur eftir Snæfellsnes-
fjallgarðinum endilöngum og
upp á Jökul og síðan ætlar hann
að renna sér niður til Ólafsvíkur.
- TKÞ
Broddur á
Lælgartorgi
KONUR úr Borgarfirði verða á
útimarkaðinum á Lækjartorgi
fimmtudaginn 2. apríl og föstu-
daginn 3. apríl nk. ef veður
leyfir. Konurnar verða með
brodd og bakkelsi á boðstólum
auk annars varnings.
bæði í skráningum á skákmótið og
almennum fyrirspurnum um Aust-
urland sem ferðamannastað.
Fram að þessu hefur Jóhann
Þórir Jónsson ritstjóri tímaritsins
Skákar og einn af aðalhvatamönn-
um þess að þetta skákmót yrði
haldið annast miðlun upplýsinga og
kynningu á mótinu. Upplýsingum
um þetta mót hefur Jóhann Þórir
dreift víða erlendis og er mótið nú
orðið vel kynnt á meðal skákáhuga-
manna á Norðurlöndunum.
Nú, þegar nær dregur mótinu,
hefur Ottó Jónsson verið ráðinn
framkvæmdastjóri þess. Ottó sagði
að þetta væri í fyrsta sinn sem
opið alþjóðlegt skákmót væri haldið
hér á landi. Verðlaun verða mjög
glæsileg eða $ 70.000 alls. Kepp-
endum verður skipt í 7 flokka eftir
styrkleika þannig að fleiri en stór-
meistarar geta átt von á góðum
vinningi en alls verða 42 verðlaun
veitt, 5—8 í hveijum flokki.
Flokkamir verða eftirfarandi:
1. flokkur fyrir skákmenn með
2.400 ELO-stig eða fleiri. Þar verða
1. verðlaun $ 12.000 og heildar-
verðlaun í flokknum $ 25.000.
2. flokkur 2.200-2.399 ELO-stig.
Verðlaun í flokknum $ 12.500.
3. flokkur 2.000-2.199 ELO-stig.
Verðlaun í flokknum $ 8.100.
4. flokkur 1.800-1.999 ELO-stig.
Verðlaun í flokknum $ 8.100.
5. flokkur 1.600—1.799 ELO-stig.
Verðlaun í flokknum $ 8.100.
6. flokkur 1.400—1.599 ELO-stig.
Verðlaun í flokknum $ 4.100.
7. flokkur er fyrir stiglausa og upp
í 1.399 stig. Verðlaun $ 4.100.
Mjög verður vandað til alls undir-
búnings og framkvæmdar við mótið
en það er skipulagt út frá því að
allt að 500 þátttakendur geti orðið
á mótinu. Aðal taflstaðurinn verður
Valaskjálf á Egilsstöðum. Þegar
hafa borist um 50 staðfestingar
erlendis frá en heldur færri frá
íslenskum þátttakendum. Forráða-
menn mótsins stefna eindregið að
því að gera þetta skákmót að árleg-
um viðburði í skáklífi íslendinga.
Ferðamiðstöð Austurlands á Eg-
ilsstöðum sér um skráningu á mótið
og annast móttöku gesta. Anton
Antonsson framkvæmdastjóri
Ferðamiðstöðvarinnar kvaðst ekki
óttast fjölda þátttakenda því að á
Héraði væru um 450 gistirými á
hótelum, sumarhúsum og svefn-
pokaplássum. Keppt verður á
kvöldin og verður hver skák tefld
til þrautar. Þátttakendum gefst því
kjörið tækifæri til að sameina sum-
arfrí sitt og sinna skákáhuga sínum
á ódýran hátt en boðið verður upp
á margskonar skoðunarferðir og
uppákomur í sambandi við skák-
mótið.
— Björn
24 fá úthlutað úr
Rithöfundarsjóði
STJÓRN Rithöfundasjóðs Is-
lands ákvað á fundi sínum 25.
mars sl. að úthluta 24 rithöfund-
um í viðurkenningarskyni úr
Rithöfundasjóði árið 1987, hveij-
um um sig 85 þúsund krónum.
Rithöfundarnir eru:
Anna Kristín Brynjúlfsdóttir,
Ásgeir Jakobsson,
Böðvar Guðmundsson,
Einar Már Guðmundsson,
Einar Kárason,
Friðrik Guðni Þórleifsson,
Guðlaugur Arason,
Guðmundur Frímann,
Hafliði Vilhelmsson,
Halldór Laxness,
Hannes Pétursson,
Iðunn Steinsdóttir,
Jakobína Sigurðardóttir,
Jenna Jensdóttir,
Jón Björnsson,
Kristján Árnason,
Norma E. Samúelsdóttir,
Ólafur Haukur Símonarson,
Sigi-ún Eldjárn,
Steinunn Sigurðardóttir,
Torfí Jónsson,
Úlfur Hjörvar,
Vigfús Bjömsson,
Öm Bjarnason.
Stjórn Rithöfundasjóðs íslands
skipa nú þessir menn: Hjörtur Páls-
son rithöfundur, Runólfur Þórarins-
son deildarstjóri og Olga Guðrún
Árnadóttir rithöfundur, sem er
formaður stjórnarinnar.