Morgunblaðið - 01.04.1987, Blaðsíða 31

MORGUNBLAÐIÐ, MIÐVIKUDAGUR 1. APRÍL 1987
31
Reuter
Kristilegi demókratinn Giulio Andreotti kemur út úr húsi neðri deildar italska þingsins eftir viðræð-
ur við Nilde Iotti, sem veitt hefur verið umboð til könnunarviðræðna um stjórnarmyndun á Ítalíu.
__ A
Enn má mynda stjóm á Italíu
- segir Nilde Iotti forseti neðri deildar ítalska þingsins
Róm, Reuter.
NILDE Iotti, forséti neðri deildar ítalska þingsins, sem Francesco
Cossiga forseti veitti „umboð til könnunarviðræðna" um stjórnar-
myndun, sagði í gær að enn væri unnt að afstýra kosningum á
Ítalíu.
Cossiga veitti Iotti, sem er í
Kommúnistaflokknum, umboðið á
föstudag og sögðu stjórnmálaský-
rendur þá að nánast væri ógern-
ingur að koma í veg fyrir að ganga
þyrfti til kosninga. Iotti var svart-
sýn í ummælum sínum um
viðræður við stjómmálaleiðtoga
um helgina og studdi það skoðun
skýrenda.
„Að minni hyggju em enn leið-
ir til að reyna að mynda stjórn,
sem gæti setið út kjörtímabilið
[til ársins 1988], þrátt fyrir tölu-
verð vandamál,“ sagði Iotti aftur
á móti við blaðamenn eftir að
hafa rætt við Cossiga í gær.
Hún var spurð hvort kosningar
væru óhjákvæmilegar: „Eins og
málum er nú komið hygg ég að
mikill meirihluti flokka á þingi sé
andvígur að gengið verði til ótíma-
bærra kosninga."
Yfirlýsing Iotti hefur komið á
óvart og var búist við að hún
þyrfti að greina Cossiga, sem
mjög hefur verið í mun að afstýra
kosningum, að ekki yrði hjá því
komist að boða til kosninga.
Cossiga fól Iotti umboðið eftir
að kristilegi demókratinn Guilio
Andreotti gafst upp á að reyna
að endurreisa fimm flokka stjórn
flokks síns, sósíalista, jafnaðar-
manna, Lýðveldisflokksins og
frjálslyndra, sem sagði af sér 3.
mars.
Iotti sagði að enn mætti mynda
stjórn þessara fimm flokka. Hún
var spurð hvort leysa mætti deil-
una um þjóðaratkvæðagreiðslu,
sem halda á í júní um kjamorku
og lagabætur. Þessi deila hefur
staðið öllum tilraunum til að end-
urreisa samsteypustjómina fyrir
þrifum. Iotti sagði að margir
þeirra, sem átt hefðu í deilunni,
hefðu sagt að komast mætti að
samkomulagi um þetta mál.
Fínnsk ríkisfyrirtæki
flækt í Bofors-málið
Helsinki, frá Lars Lundsten, fréttaritara Morgunblaðsins.
BOFORS-hneykslið í Svíþjóð
snertir einnig Finnland. I ljós
hefur komið að finnsk rikisfyrir-
tæki hafa flutt út púður og ef
til vill önnur skotfæri, sem hafa
verið seld áfram til Irans fyrir
milligöngu Bofors.
Fulltrúar Bofors hafa viðurkennt
í fínnsku sjónvarpi að þeirra fyrir-
tæki hafi keypt talsvert magn af
sprengiefni í Finnlandi og um það
bil helmingur hafi verið fluttur
áfram til landa, sem stunda
stríðsrekstur.
Hvorki finnsk né sænsk fyrirtæki
mega flytja út hergögn til landa,
sem em í stríði eða í yfirvofandi
stríðshættu. Á mánudag viður-
kenndu stjórnendur Borfors í
Svíþjóð, að fyrirtækið hafi stundað
ólöglegan útflutning á vopnum og
skotfæmm. I Finnlandi vilja menn
ekki enn þá viðurkenna að efna-
verksmiðja ríkisins, Kemira, sé
framleiðandi helmings af þessum
sprengiefr.um. Fréttamenn sjón-
varpsins fullyrða og, að önnur
finnsk ríkisfyrirtæki hafi einnig
selt skotfæri til stríðsaðila í Persaf-
lóanum.
Sprengiefnaframleiðendur í
Finnlandi ásaka hergagnaeftirlit
vamarmálaráðuneytisins um að
setja óljósar reglur um útflutning á
hergögnum. Það þykir athyglisvert,
að hvorki tollayfirvöld, né iðnaðar-
ráðuneytið hafi tekið eftir að stór
ríkisfyrirtæki stunduðu verslun við
lönd, t.d. Singapore, sem em þekkt
fyrir að selja vopn áfram til landa,
sem eiga í ófriði, t.d. írans.
Sjóslysið á Svartahafi:
Noregur:
Mikil geislavirkni
í hreindýrakjöti
Oslo, Reuter.
NORSKIR vísindamenn segjast hafa fundið mestu geislavirkni í
hreindýrakjöti sem mælst hefur í Noregi. Geislavirknin mældist í
hreindýri sem skotið var I austurhluta Noregs, en nú er liðið tæpt
ár frá kjarnorkuslysinu í Chernobyl í Sovétrikjunum.
Vísindámenn segja að kjötið hafi
reynst innihalda 98,500 becquerel
í hveiju kílói. Samkvæmt reglu-
gerðum heilbrigðiseftirlitsins em
meira en 6,000 becquerel í kílói
talin geta skaðað heilsu manna.
„Þetta hlýtur að vera heimsmet.
Eg veit ekki til þess að meiri geisla-
virkni hafi mælst," sagði Jon
Barikmo sem er forstöðumaður
stofnunnar sem hefur með höndum
ráðgjöf um nýtingu náttúmauð-
linda.
Á vetuma lifa hreindýr á skófum,
en það em rótlausar jurtir sem
nærast á lofti. Mælingar sýna að
jurtirnar innihalda mikið magu af
efninu caesium 137 sem slapp út í
andrúmsloftið og barst yfir suður-
hluta Noregs og Svíþjóðar eftir
kjarnorkuslysið í Chernobyl.
Skipsljórar dæmd-
ir í 15 ára fangelsi
Moskvu, AP.
SKIPSTJÓRAR tveggja skipa
sem rákust saman á Svartahafi
í ágúst í fyrra voru á mánudag
dæmdir til 15 ára fangelsisvistar
og gert að greiða háar sektir.
400 manns fórust er skipin rák-
ust saman og þótti sannað að
skipstjórarnir hefðu sýnt glæp-
samlega vanrækslu í starfi.
Sérstakur dómstóll sem heyrir
undir æðstaráð Sovétríkjanna kvað
upp dóminn í hafnarborginni
Odessa. Auk fangelsisdómsins var
mönnunum gert að greiða 40.000
rúblur (um 2,4 milljónir ísl. kr.) í
sekt. Dómi þessum er aðeins unnt
að áfrýja til Andreis Gromyko for-
seta.
Skipstjórarnir Vadim Markov og
Viktor Tkachenko voru sviptir
störfum sínum skömmu eftir að
farþegaskipið „Nakkimov sjóliðs-
foringi“ og kaupskipið „Pyotr
Vasyev" lentu í árekstri á Svarta-
hafi þann 31. ágúst síðastliðinn.
Tass-fréttastofan sagði að kveðinn
hefði verið upp þyngsti dómur yfir
mönnunum vegna þess hve glæpur
þeirra hefði verið alvarlegur og af-
leiðingarnar óskaplegar.
Slysið er alvarlegasta sjóslys í
sögu Sovétríkjanna og fékk það
ítarlega umfjöllun í sovéskum fjöl-
miðlum í samræmi við stefnu
Mikhails S. Gorbachev Sovétleið-
toga. Skömmu eftir slysið var
ráðherra þeim sem hafði með hönd-
um yfírstjórn skipaferða vikið úr
embætti.
Hámarksþœgindi fyrir lágmarks-
verð. Hann er loksins kominn stóllinn
sem sameinar þessa tvo kosti.
Þessi stóll styður vel við bakið og
gcetir þess að þú sitjir rétt. Hann er
með léttri hœðastillingu, veltanlegu
baki og fimm arma öryggisfœti.
Þetta er gœðastóll á góðu verði.
Þetta er góð fermingargjöf.
ALLT í EINNI FERÐ
esnn>-
Hallarmúla 2 Sími 83211
Hðm