Morgunblaðið - 25.06.1987, Page 45

MORGUNBLAÐIÐ, FIMMTUDAGUR 25. JÚNÍ 1987
45
Eru kraftaverk staðreynd?
eftirJón Habets
Til þess að unnt reynist að svara
þeirri spurningu sem er yfirskrift
þessarar greinar verðum við að
gera okkur grein fyrir því hvað
meint er með hugtakinu „krafta-
verk“. Sennilega verður merking
hugtaksins best skýrt með dæmum
úr Biblíunni, t.d. þegar Jesús kall-
aði Lasarus til lífsins aftur eftir að
hann hafði legið í gröf sinni í fjóra
daga, þegar Jesús gekk á vatninu
og þegar hann mettaði þúsundir
manna með nokkrum brauðum.
Vera kann að menn spyiji sem
svo: Eru kraftaverkin möguleg? Var
það sæmandi af Jesú að gera
kraftaverk? Gerði Jesús í rauninni
kraftaverk.
Eg vil gjaman reyna að svara
þessum þremur spumingum:
1. Eru kraftaverk möguleg? Þeir
sem ekki trúa á Guð hljóta að svara
spumingunni neitandi. Þeir telja að
allt sem gerist í heimi hér lúti
ákveðnum náttúrulögmálum og að
á því sé engin undantekning og því
geti t.d. dauðir ekki risið upp frá
dauðum. Þessi svör hafa svo sem
heyrst áður. Jafnvel Páll postuli
varð að svara þessum spumingum.
Hann sagði aðeins: „Ef ekki er til
upprisa dauðra, þá er Kristur ekki
heldur upprisinn." 1. Kor. 15.13.
Hverju getur kristinn maður svarað
til? Hann gæti sagt: Ég trúi á Guð
sem hefur skapað himin og jörð úr
engu og að hann stjómi heiminum
með náttúrulögmálunum. Sé þessu
þannig varið — en kristnir menn
telja þetta staðreynd — þá væri það
hið sama og að neita almætti Guðs
ef við segðum sem svo: „Guð er svo
bundinn af sínum eigin lögmálum
að hann getur aldrei framar gert
neitt það sem ekki er í samræmi
við þessi lögmál, svo sem að kalla
látinn mann til lífs á ný.“
2. Var það sæmandi af Jesú að
gera kraftaverk? Um það getum
við ekki efast að það var sæmandi.
Ég tel að það hafí verið nauðsyn-
legt. Jesú, trésmiðnum frá Nasaret,
nægði ekki að segja samtíðarmönn-
um sínum að hann x>g Guð væru
eitt, heldur varð hann að sanna
þeim það. Hefði hann ekki gert það
hefðu hinir vantrúuðu gyðingar
getað sagt með sanni þau orð sem
greinir frá í Jóhannesarguðspjalli,
10.33: „Vér grýtum þig ekki fyrir
góð verk, heldur fyrir guðlast, að
þú, sem ert maður, gjörir sjálfan
þig að Guði.“ Jesús svaraði þeim:
„ ... trúið verkunum, þótt þér trúið
mér ekki, svo að þér skiljið og vit-
ið, að faðirinn er í mér og ég í
föðurnum." Við lesum einnig um
það í Markúsarguðspjalli að Jesús
sannaði með kraftaverkum að hann
væri Guð: „Þá er Jesús sér trú
þeirra, segir hann við lama mann-
inn: „Bamið mitt, syndir þínar eru
fyrirgefnar.“ Mk. 2.5. „Þar sátu
nokkrir fræðimenn og hugsuðu í
hjörtum sínum: „Hví mælir þessi
maður svo? Hann guðlastar. Hver
getur fyrirgefíð syndir nema Guð
einn?“ Mk. 2.6. Jesús andmælti
þessu ekki. Hann sannaði að hann
hefði þennan guðlega mátt. Hann
sagði: „En til þess að þér vitið, að
Mannssonurinn hefur vald til að
fyrirgefa syndir á jörðu, þá segi ég
þér“ — og nú talar hann við lama
manninn — „Statt upp, tak rekkju
Jón Habets
„Við skulum ekki efast
um það að það hafi ver-
ið kraftaverk Jesú sem
hafi blásið þeirri sann-
færingoi í brjóst læri-
sveinanna sem gerði þá
tilbúna til þess að láta
lífið fyrir trú sína.“
þína, og far heim til þín.“ Alkunna
var, og það var Jesú einnig ljóst,
að margir létu tigna sig sem guði,
t.d. rómversku keisaramir. Þetta
geta allir fullyrt. Þess vegna var
það gagnlegt, já, nauðsynlegt að
Jesús staðfesti orð sín með krafta-
verkum.
3. Gerði Jesús í rauninni krafta-
verk? Þeir sem einfaldlega trúa
kraftaverkasögum Biblíunnar geta
ekki efast um það. Það skal viður-
kennt að Biblíuskýrendur hafa
leitast við að útskýra kraftaverk
eða svonefnd kraftaverk sem nátt-
úrleg fyrirbæri og hafa þar náð
nokkmm árangri. En þýðir það þá
í raun að engin kraftaverk hafi
verið unnin? Við getum lesið okkur
til um það hvað hinir ýmsu Biblíu-
skýrendur hafa um málið að segja.
Fyrir liggur opinber afstaða lút-
ersku og kaþólsku kirknanna. Hvað
kaþólsku kirkjuna varðar er málið
alveg ljóst. En er það einnig svo
hvað varðar lútersku kirkjuna? Eitt
af játningarritum evangelísk-lút-
ersku kirkjunnar, „Konkordienfor-
mel“, hefur eins og Ágsborgatjátn-
ingin víðtæka þýðingu í lútersku
kirkjunni. í henni segir m.a.: „í
krafti þessarar sameiningar hins
guðlega og hins mannlega gerði
Jesús öll kraftaverk sín og opin-
beraði guðlega tign sína hvar og
hvenær sem honum þóknaðist sjálf-
um, ekki aðeins eftir upprisu sína
og himnaför, heldur einnig meðan
hann lítillækkaði sig sem maður,
t.d. í brúðkaupinu í Kana o.s.frv."
Einnig stendur í hinu stóra
„Evangelíska spumingakveri fyrir
fullorðna" á bls. 364: „Núorðið er
það óumdeilanleg staðreynd í Nýja-
testamentisrannsóknum að Jesús
hafi gert kraftaverk, hvaða merk-
ingu menn svo leggja í þau.“ Síðan
á 19. öld hafa verið gefnar út opin-
berar yfirlýsingar af hendi páfastóls
og einnig frá fyrsta kirkjuþinginu
í Róm varðandi staðreyndir og
sönnunargildi kraftaverka, án þess
að nokkurn tíma væri gefin ná-
kvæm skilgreining á þeim. Gregorí-
us páfi 16. (dáinn 1846) kenndi um
sönnunargildi kraftaverka. Fyrsta
kirkjuþingið spáði samkvæmt text-'
anum í Markúsarguðspjalli 16.20:
„Þeir (þ.e. postularnir) fóru og
prédikuðu hvarvetna, en Drottinn
var í verki með þeim og staðfesti
boðun þeirra með táknum, sem
henni fylgdu.“ Síðan sagði kirkju-
þingið að Guð hafí með hjálp heilags
anda einnig gefið örugga sönnun,
sem öllum væri augljós, um opin-
berum sína, einkum með krafta-
verkum og spádómum.
Við getum treyst því að bestu
Biblíuskýrendur heims ábyrgjast
þessar skýringar lúterssinna og-'
katólikka. Ef menn afneita krafta-
verkum er skýringin vafalaust
einfeldni, svo sem hjá trúleysingj-
um. Þegar Páll postuli var að segja
frá upprisu Jesú í Aþenu hæddust
nokkrir lærðir Aþeningar að honum
en aðrir þögguðu niður í honum
kurteislega með orðunum: „Vér
munum hlusta á þetta hjá þér öðru
sinni." En Páll stofnaði ekki söfnuð
meðal þeirra, heldur meðal hinna
grófgerðu sjómanna í Korintu.
Við skulum ekki efast um það að
það hafi verið kraftaverk Jesú sem
hafi blásið þeirri sannfæringu í
bijóst lærisveinanna sem gerði þá
tilbúna til þess að láta lífið fyrir trú
sína. Með orðum Jesú eru krafta- *
verk hans sem dýrmætir eðalsteinar
sem gefa kenningu hans mikinn
kraft og við megum vera þakklát
fyrir það.
Höfundur er kaþólskur prestur í
Stykkishólmi.
NYTT SIMANUMER
5 LINUR
Ef þig vantar tjald, þá höfum við það. Einnig
bakpoka, svefnpoka, grill, dýnur o.fl. o.fl.
^lager^y
EYJASLOÐ 7 - SIMI 621780