Morgunblaðið - 18.12.1988, Qupperneq 31

MORGUNBLAÐIÐ VEROLD/HLAÐVARPINN SUNNUDAGUR 18. DESEMBER 1988
31
Aftenposten
Þúsundir Norðmanna þyrptust að vöruhúsi Ikea í Ósló í von um
að sleppa inn fyrir dyr og krækja sér í ódýran sófa, eða sængurver.
Flestir fengu stöðumælasektir í sinn hlut.
Fjórtán þúsund
Norðmenn bítast
um hundrað sófa
SÍÐKVÖLD eitt í október er flestir Norðmenn voru að fara í hátt-
inn tóku þúsundir landa þeirra sig til og fóru í innkaupaferð. Þann-
ig var mál með vexti að IKEA í Ósló hafði auglýst 25 ára afmælisút-
sölu, þar sem viðskiptavinum bauðst að kaupa dýrindis IKEA-sófa
og fleira bitastætt fyrir aðeins 25 norskar krónur, sem samsvarar
um 175 íslenskum.
Fró Guömundi
Löve í
*
Ilandi þar sem verðskyn og útsjón-
arsemi er þjóðaríþrótt vakti það
óskipta athygli er slík kostakjör
buðust. Fjórtán þúsund manns
sluppu inn fyrir dyr IKEA áður en
yfir lauk og höfðu þá sumir beðið
fyrir utan í sólarhring til þess að
komast inn. Fólki var hleypt inn í
hópum og slegist var um sófa,
skrifborð, rúm, ódýran sængur-
fatnað og fleira góss. í átökunum
leið yfir fjölda manns og einum
ólánsmanninum varð fótaskortur í
návígi við vörulyftara og mann-
fjöldinn óð yfir hann með sængur-
ver í augunum.
Næturútsölur af þessu taginu
eru ekki nýjar af nálinni í Noregi,
en þessi mun eflaust í minnum
höfð. Lögreglan stóð í miklu stappi
þegar um tíuleytið um kvöldið því
umferðin í áttina að IKEA var slík
að gripið var til þess ráðs að setja
upp vegatálma til að reyna að veij-
ast neyðarástandi. Tálmarnir voru
fljótt keyrðir niður og ekki tókst
að stemma stigu við straumi fólks
úr öllum áttum fyrr en vegum var
lokað með vörubílum og skurðgröf-
um þvert yfir götuna. Þeir sem
komust nálægt versluninni lögðu
bílum sínum á hraðbrautina og
annars hvar sem var til að vera
með í leiknum.
Þeir sem ekki fengu eitt af hin-
um 700 sængurverasettum, pottap-
Iöntum, skrifborðum eða 100 sóf-
um í sinn hlut létu sér nægja sitt-
hvað smálegt og í mörgum tilfellum
keypti fólk hlutina fullu verði frek-
ar en hverfa frá tómhent. Þeir
heppnu fundu sekt á framrúðunni
er þeir sneru aftur, þeir óheppnu
sneru aftur tómhentir og fundu
ekki bílinn sinn því lögreglan hafði
verið iðin við kolann og dregið fjöld-
ann allan af hættulega staðsettum
bifreiðum burt.
Ekki var vitað til þess að neinn
hafi verið lagður inn á spítala eftir
hamaganginn sem stóð lengi nætur
en eitt er víst að ekki voru allir
jafn ánægðir með árangurinn og
Cathrine Halle, markaðsstjóri
IKEA.
Iþróttafélögin
hjálpa sér sjálf
IÞROTTAFÓLK og íþróttafélög eru mikið í sviðsljósinu og umræða
um málefhi þeirra oft mikil. Arangur á íþróttasviðinu er tiundaður
í fjölmiðlum og þjóðin fylgist vel með í hvert sinn sem keppni fer
fram og óhætt er að segja að ekkert vekur eins mikið þjóðarstoltið
og glæsileg afrek í íþróttum þegar keppt er gegn öðrum þjóðum,
að ég tali nú ekki um gegn stórþjóðunum.
Hér heima markast umræðan
oftast af spurningunni hvort
til sé nægilegt fjármagn til að halda
uppi öflugu starfi, en alkunna er
að okkar fólk iðkar íþrótt sína við
mun lakari aðstæður en íþróttafólk
annarra þjóða.
Þrotlaust starf einstaklinga til
að halda uppi öflugu íþróttastarfi
er einhver ánægjulegasti vottur
þess að enn eru til menn sem nán-
ast vilja fóma sér fyrir sitt íþrótta-
félag, enda mörg þeirra rekin á
myndarlegan hátt
Ég las nýlega fréttir í dagblöðum
að eitt þekktasta knattspyrnufélag
landsins væri með skuldahala upp
á nær 10 milljónir króna. Þetta er
fjárhæð sem er til jafns við árs-
rekstur heillar íþróttadeildar.
í mínum heimabæ þar sem ég
þekki best til er þessu ekki svona
farið, og það sama á við um mörg
önnur íþróttafélög. Á Akranesi hef-
ur að undanförnu verið hægt að sjá
þá staðreynd að enn er hægt að
halda við gömlu hugsjóninni, að
yirkja fjölda sjálfboðaliða til ýmissa
starfa. Alkunna er að ýmis sveitar-
félög hafa staðið vel að uppbygg-
ingu íþróttamannvirkja og mörg
þeirra setja umtalsvert fjármagn í
félagsstarfið á einn eða annan hátt.
Á Akranesi hafa á síðustu árum
gerst merkilegir hlutir sem ég hygg
að séu til eftirbreytni fyrir marga.
Þessir hlutir hafa ekki farið neitt
hátt, en þó vakið ýmsa til um-
hugsunar.
Akraneskaupstaður hefur alla tíð
sýnt íþróttastarfi bæjarbúa ræktar-
semi og bæjarbúar hafa ekki síður
stutt vel sitt fólk. Nú á síðustu árum
hafa menn talið að ýmislegt þyrfti
að bæta, bæði í byggingu íþrótta-
mannvirkja og eflingu íþrótta-
starfsins. Bæjarfélagið sjálft var
ekki í stakk búið til að fýlgja eftir
öflugri uppbyggingu á eigin vegum,
enda nýlega búið að taka í notkun
eitt stærsta og glæsilegasta íþrótta-
hús landsins og fyrir lá að byggja
nýja sundlaug. Önnur mannvirkja-
gerð svo sem skólar, dvalarheimili
fyrir aldraða og fleira höfðu for-
gang. En þá tóku íþróttafélögin til
sinna ráða og hófu byggingu nýs
íþróttahúss af fullkominni stærð og
luku henm á þremur árum. A sama
tíma gerðu knattspyrnumenn gras-
æfingasvæði sem er um 12.000 fm
að stærð og létu ekki þar staðar
numið heldur fullgerðu félagsað-
stöðu í samvinnu við sundfélags-
fólk. Þessar framkvæmdir stóðu
yfir aðeins brot úr sumri og var
lokið á þeim tíma. Þá unnu félagar
úr hinum ýmsu íþróttafélögum
staðarins mikla sjálfboðavinnu við
byggingu íþróttahússins og héldu
jafnframt uppi öflugu íþróttastarfi.
Þá má ekki gleyma því að félagar
i goifklúbbnum hafa búið sér glæsi-
lega aðstöðu á sínu athafnasvæði.
Bak við allt þetta hafa bæjaryfir-
völd staðið og styrkt með ráðum
og dáð á margvíslegan hátt. í dag
geta Akumesingar borið höfuðið
hátt og sýnt öðmm að ýmislegt er
hægt að gera sé yilji fyrir hendi.
Fyrir nokkrum árum áttu íþrótta-
félögin á Akranesi sáralitlar eignir
og almennt félagsstarf var í dauf-
ara lagi. Á þessu hefur orðið breyt-
ing, í dag teljast þau stórveldi með
eignir í höndunum sem skipta tug-
um milljóna að verðmæti og öflugt
íþróttastarf. Eignir knattspyrnufé-
lagsins eftir vallar- og félagsað-
stöðuframkvæmdimar nema nú um
10 milljónum króna, eða upphæð
sem nemur fyrrgreindu tapi á
rekstri eins félags, og hafa eignir
félagsins tuttugufaldast á þeim
tíma. íþróttabandalagið á nú
íþróttahús sem að bmnabótamati
er um 75 milljónir króna. Allt þetta
starf við uppbyggingu íþróttamann-
virkjanna hefur ekkert skyggt á
velgengni á íþróttasviðinu því þar
eiga menn íþróttafólk í fremstu röð
nú sem fyrr. Þó glæsilega sé að
verki staðið er hér ekkert einsdæmi
á ferðinni, því önnur sterk íþróttafé-
lög hafa byggt upp myndarlega
aðstöðu og á sama tíma haldið uppi
öflugu félagsstarfi.
HUSGAHGAR
okkar á milli. ..
■ NÝLEGA varð starfsfólk
Sundahallar Selfoss vart við
alklæðnað í einum af útiklefum
á sundlaugarsvæðinu. í skyndi
var hafín „dauðaleit" að eigand-
anum og skimað ofan í útilaug-
ina og heitu pottana. Þetta var
á mánudagsmorgni og málið
mjög svo dularfúllt enda hékk
á snaganum alklæðnaður, nær-
föt og allt tilheyrandi, og sokk-
ar og skór voru á bekk við hlið-
ina.
Nokkrum dögum seinna upp-
lýstist málið og eigandi vitjaði
fatanna á lögreglustöðina. Þeg-
ar þessi lausn málsins barst
morgungestum laugarinnar
sem urðu vitni að „dauðaleit-
inni“, varð einum gestanna að
orði að málið væri nú aldeilis
ekki upplýst.
— Nú, hvers vegna ekki?
sögðu hinir.
— Jú, þeirri spurningu er
ósvarað hvernig blessaður mað-
urinn var klæddur á leiðinni
heim úr lauginni. - SJ.
‘MINNSTA PÖNTUN
10 STK.
VERÐ
KR. 42
PR. STK.*
JOLAKORT
EFTIR ÞÍNUM
EIGIN
MYNDUM
Sendu vinum og vandamönnum skemmtilega
og persónulega jólakveðju með jólakorti,
eftir þínum eigin myndum.
3QC
7»
Skipholti 31, simi 680450