Morgunblaðið - 02.02.1989, Blaðsíða 37

WÖRGUNBLAÐIÐ FIMMTUDAGUR 2. FEBRÚAR 1989
GísliKárason frá
Haga — Minning
Fæddur 2. febrúar 1914
Dáinn 23. janúar 1989
í dag er gerð frá kirkjunni í
Fossvogi útför Gísla Kárasonar frá
Haga, og ber svo við, að þá hefði
hann orðið hálfáttræður, en hann
lést 23. janúar á spítalanum á Sel-
fossi.
Gísli fæddist á Borgarlandi í
Helgafellssveit, en ólst upp í Haga
í Staðarsveit. Foreldrar hans voru
Þórdís Gísladóttir og Kári Magnús-
son, bæði snæfellsk að ætt og uppr-
una.
Gísli var bifreiðarstjóri að ævi-
starfi; fyrst í Stykkishólmi, og þá
sem sérleyfishafi ásamt öðrum, eða
til 1961, að hann fluttist til
Reykjavíkur, þar sem hann var
leigubifreiðarstjóri upp frá því og
hafði viðlegu á Bifreiðastöð
Reykjavíkur. Heilsa Gísla bilaði fyr-
ir nokkrum árum og mátti hann
þá láta af starfi sínu. Nokkru síðar,
eða 1984, settist hann ásamt fjöl-
skyldu að á Selfossi og átti þar
heima síðan.
Kona Gísla er Sigríður Jónatans-
dóttir frá Miðgörðum í Kolbeins-
staðahreppi, en þau áttust 23. júní
1945. Dætur þeirra eru þijár: Anna
Edda, gift Birgi Steinþórssyni, bú-
sett á Akureyri; Margrét Stefanía,
við nám í Fósturskólanum; Þórdís
Lilja, víðkunn fijálsíþróttakona, gift
Þráni Hafsteinssyni, búsett á Sel-
fossi. Uppeldissonur er Konráð
Breiðfjörð Pálmason, búsettur í
Ástralíu, kvæntur Marin Sigur-
geirsdóttur.
Gísli Kárason er, eins og fyrr er
sagt, kvaddur í dag, en þó ekki
endanlega, því áfram vaka í huga
minningar frá löngum og góðum
kynnum. Fundum okkar bar fyrst
saman, svo heitið gæti, sumarið
1934, en þá vorum við í flokki brú-
argerðarmanna, sunnan og vestan
við Bröttubrekku, undir styrkri
verkstjóm og forsjá Sigfúsar Krist-
jánssonar.
Margt var gert sér til kvöldstytt-
ingar, einkum var þó helgarhléið
notað til þess að heimsækja þá staði
þar sem glatt var á hjalla. Þótt
flokkurinn hans Sigfúsar væri sam-
hentur við daglegu störfin, urðu
kynni manna eigi síður misnáin.
Ásamt Gísla hændist ég mest að
Pétri Finnbogasyni frá Hítardal,
óvenjulega glaðbeittum og geðfelld-
um dreng, sem ól með sér þá von
að geta síðar glatt þjóð sína í för
með Pegasus. En örlögin urðu hon-
um andstæð, er ljóst má vera af
minninga- og dagbókarbrotum
hans, sem birtust í bók á liðnu ári.
Okkur Gísla varð mikill söknuður
að Pétri og hittumst sjaldan svo
síðar, að minningar um hann bæri
ekki á góma.
Þótt samvistir okkar Gísla yrðu
ekki nema nokkrar sumarvikur og
við yrðum upp frá því um skeið
sjaldan á vegi hvors annars, hélst
með okkur vinfengi, er treystist sem
nær dró kynnum okkar Helgu við
hann og Sigríði konu hans. Svo
undarlega vildi til, að við urðum
aðvífandi í Stykkishólmi fyrstu
matargestimir eftir giftingu þeirra,
og er óþarft að lýsa atlætinu. Ljóst
varð mér strax, að Gísli hafði fest
sér væna konu, þar sem Sigga var,
og hefur allar stundir síðan ásann-
ast sú vissa mín.
Eftir að þau hjón fluttust til
Reykjavíkur urðu hægari heimatök-
in að hittast, og í skottuferðum
sínum til Hafnarfjarðar staldraði
Gísli oft hjá okkur. Við fómm þá
stundum í fomu gólfin og ræddum
um slóðir, sem vom okkur þekkar,
en hann vissi ég öðmm fremur
kunna deili á Snæfellingum vestra.
Gísli hafði í ferðum sínum um nes-
ið ámm saman höggvið eftir mörgu,
sumu býsna spaugilegu, er átti skylt
við lund hans. Kári, faðir Gísla, var
launkíminn húmoristi og Sveinn,
bróðir Kára, var annálaður fyrir að
segja mikið í fáum orðum og geta
þó jafnframt orðið skemmtilega
skringilyrtur.
Ekki er því að leyna, að okkur
Helgu fannst tómlegra að geta ekki
ámm saman átt von á Gisla eins
og verið hafði. í nánd síðustu jóla
ræddum við saman í síma og fannst
mér venju fremur létt yfir mínum
manni miðað við langvarandi veik-
indi; og ég var farinn að telja mér
trú um, að hann ætti jafnvel enn
eftir að koma í kaffísopa á Álfa-
skeiði 18. — En af því verður ekki
úr þessu.
Fátt er það, sem mannfólkið á
ömgglega víst nema tjaldbúðar-
skiptin, og þess vegna er minni
ástæða en ella til að æðrast. Við
Helga tregum góðan vin, sem var
tryggðatröll og átti hlýtt og traust
handtak. Kveðju sendum við Siggu
og öllum þeim, sem með henni eiga
um sárt að binda.
Hafíiarfirði 29. janúar,
Lúðvík Kristjánsson.
Hverfisgata 4-62
AUSTURBÆR
Heiðargerði
NORÐURBÆR
Sunnuvegur
Laugarásvegur 32-66
Voga- og Heimahverfi
$7
NYJUSTU FRETTIR
AF METSÖLUBÓKINNI
í LANDSBANKANUM:
RAUNÁVÖXTUN KJÖRBÓKAR
VAR FRÁ 8,57%
Á ÁRINU 1988
Já, það kemurmörgum á óvartað óbundin ávöxtunarleið
eins og Kjörbók skuli bera slíka raunávöxtun.
En ástæðan er samt einföld.
Kjörbókin er sveigjanleg í allar áttir og höfundar hennar
f Landsbankanum taka sífellt með í reikninginn
breytilegar aðstæður. Þannig ber Kjörbók
háa grunnvexti, ávöxtunin er reglulega borin saman
við verðtryggða reikninga og þeir sem eiga lengi inni
eru verðlaunaðir sérstaklega með afturvirkum
vaxtaþrepum eftir 16 og 24 mánuði.
Raunávöxtun Kjörbókar árið 1988 var 8,57%.
Þeir sem átt höfðu innstæðu óhreyfða í 16 mánuði fengu
9,92% raunávöxtun á árinu og 24 mánaða óhreyfð
innstæða gaf 10,49% raunávöxtun á sama tíma.
Þér er óhætt að leggja traust þitt og sparifé
á Kjörbókina strax. Hún bregst ekki frekar en fyrri daginn.
Landsbanki
íslands
Banki allra landsmanna