Morgunblaðið - 09.09.1989, Blaðsíða 17

MORGUNBLAÐIÐ LAUGARDAGUR 9. SEPTEMBER 1989
17
Stangaveiðimenn velta
laxafæðinni fyrir sér
Stangaveiðimenn og fiskifræðingar velta nú fyrir sér hvað
aflaga fór í laxagöngum þessa sumars, en spárnar voru feikna-
góðar. Raunin aftur önnur. Stórlaxagöngur skiluðu sér seint
og illa og víðast hvar hafa smálaxagöngur verið litlar og slitr-
óttar og fiskurinn horaður og smár. Fram eftir öllu sumri
hafa menn beðið og vonað að úr rættist, því hinir miklu vor-
kuldar seinkuðu óumdeilanlega laxagöngum, en fátt bendir til
þess að einhverjar Iaxagöngur sem talandi er um sýni sig
héðan af. Morgunblaðið snéri sér til nokkurra kunnra stanga-
veiðimanna og leitaði eftir kenningum þeirra um aflabrestinn.
Þórarinn Sigþórsson sagðist
telja að ástæðurnar væru af nátt-
úrulegum toga, ástandið á beit-
arslóðum laxins hlyti að hafa
verið slæmt, til vitnis um það
væri óeðlilega rýr smálax. Hvort
að árgangurinn hafi misfarist í
hafinu af þessum sökum væri
aftur á móti ógerningur að segja
til um, en auðvitað vonuðu menn
að kuldi og átuleysi í hafinu hefði
einungis tafið vöxt laxins og
meira en venjulega myndi skila
sér af honum sem vænni lax
næsta sumar. Þórarinn sagðist
einnig hafa áhyggjur af sívax-
andi umsvifum hafbeitarstöðva
bæði hérlendis og erlendis, því
þær slepptu milljónum seiða í
hafið á ári hverju og þau kepptu
um viðurværi á sömu slóðum og
árlaxinn. „Svo veltir maður líka
fyrir sér hvort að of mikið sé
veitt af laxinum í hafinu, mér
segja kunnugir menn norður Á
Aðaldal, að þar hafi aldrei veiðst
annað eins af netasærðum laxi,
þriðji hver lax sem er þetta 10
punda og upp úr. Það hljóta að
vakna spurningar við það,“ sagði
Morgunblaðið/Sverrir
Jón G. Baldvinsson
Þórarinn.
Jón G. Baldvinsson formáður
Stangaveiðifélags Reykjavíkur
sagði að hann hefði engan til-
tækari sökudólg en náttúruna
sjálfa og ef það væri rétt hjá sér
yrðu menn bara að sætta sig við
það. „Auðvitað er maður von-
svikinn eftir góðu spárnar, en
það getur svo margt spilað inn
í að maður veit varla hvar maður
á hengja hattinn sinn,“ sagði
Jón. Hann sagði enn fremur að
það ætti í raun eftir að sýna sig
hversu lélegt veiðisumar þetta
var, „ég á eftir að sjá tölur og
bera saman, sjá hvort að þetta
er sú hörmung sem margir vilja
vera láta eða ekki. Það var allt
að því metveiði í ánum í fyrra
og þá eru kröfurnar og vænting-
Morgunblaðið/rh
Stefán A Magnússon
Þórarinn Sigþórsson
arnar alltaf meiri. Þetta var
minni veiði heldur en spáð hafði
verið, miklu minni og eitthvað
virðist hafa komið fyrir í hafinu,
hvað sem það nú var. Þetta ligg-
ur einfaldlega ekki fyrir enn
þá,“ sagði Jón að lokum.
Stefán Á. Magnússon sagði
að hann hefði mælt hitastig allra
þeirra áa sem hann renndi í í
sumar og hann minntist þess
ekki að annars eins vatnskuldi
hafi loðað við heilt veiðitímabil,
hann hefði til dæmis mælt Norð-
urá í Borgarfirði 8 gráður um
mánaðamót júlí og ágúst, en það
gæti talist eðlilegt júníhitastig á
ánni að morgni dags. Slíkt hlyti
að tefja göngur, en samt taldi
hann meginástæðuna liggja í
hafinu, kuldi og átuleysi þar
hefði seinkað kynþroska laxins.
Uthafsveiðar gætu leikið rullu,
svo og teldu margir að sel fjölg-
aði mjög og þeir tækju alltaf sinn
toll, en ýmislegt benti til þess
að það væra ekki meginástæð-
urnar.
Veiði er lokið í sumum ám og
lýkur á næstu dögum í öðrum.
Svo virðist sem flestar ár hafi
gefið þriðjung til helming af því
sem þær gáfu í fyrra. Einstaka
minni háttar á stendur upp úr
eins og Fljótaá og Rangámar. í
Laxá í Kjós og Elliðaánum hefur
veiði mátt heita ágæt, en annars
staðar hefur veiði verið í slöku
meðallagi eða beinlínis léleg.
-gg
Samtök lýðræðissinnaðra stúdenta;
Vökumaður kjör-
inn varaformaður
LILJA Stefánsdóttir var kjörin varaformaður Samtaka lýðræðissinn-
aðra stúdenta, EDS, á aðalfúndi samtakanna í Grikklandi fyrir skömmu.
Lilja er fyrrverandi varaformaður Vöku, félags lýðræðissinnaðra stúd-
enta, og var varaformaður Stúdentaráðs Háskóla Islands síðastliðinn
vetur.
Vaka er eitt af átján aðildarfélög-
um EDS, en samtökin eru saman
sett af stúdentahreyfingum íhalds-
manna, kristilegra demókrata og
frjálslyndra. Lilja sagði í samtali við
Morgunblaðið að í EDS væru bæði
stúdentahreyfingar, sem væru
beinlínis hluti af stjórnmálaflokkum
eða sterkt tengdar þeim, og svo sjálf-
stæð félög, á borð við Vöku og
„Protoporia" á Kýpur. Vaka væri
hins vegar eina félagið í samtökun-
um, sem ekki nyti fjárstyrkja frá
neinum stjórnmálaflokki eða hlítti
hugmyndafræðilegri forsjá einhvers
flokks. Fyrir þær sakir nyti félagið
virðingar innan samtakanna.
EDS var stofnað 1961, og að sögn
Lilju hefur Vaka verið með frá 1972.
Lilja sagði að Vaka væri hátt skrif-
uð innan EDS, enda hefði félagið átt
velgengni að fagna í kosningum til
stúdentaráðs hin síðari ár, fengið
yfir 50% í kosningum, sem væri mjög
mikið miðað við fylgi flestra aðildar-
félagaga EDS. „Síðan Vaka breytti
stefnu sinni og fór að einbeita sér
meira að hagsmunamálum stúdenta,
Morgunblaðið/BAR
Lilja Stefánsdóttir, nýkjörinn
varaformaður EDS.
höfum við getað sannað fyrir hinum
að það er hægt að starfa mjög mik-
ið á þeim vettvangi, með góðum ár-
angri,“ sagði Lilja.
Vaka hefur átt tvo varaformenn
í EDS fram að þessu, þá Atla Eyjólfs-
son og Eyjólf Sveinsson. Fofmaður
samtakanna, sem kjörinn var á aðal-
fundinum, er Grikki, Stavros Pap-
astavrou.
Kór Langholtskirkju.
Kór Langholtskirkju:
Vetrarstarfið að heflast
KÓR Langholtskirkju hefiir vetrarstarf sitt í byijun september. Fyrsta
verkefni vetrarins verður óratórían „Sköpunin" eftir Haydn sem flutt
verður ásamt Sinfóníuhljómsveit íslands á tónleikum 7. desember.
Jólasöngvar kórsins verða 22. des-
ember. Á þeim tónleikum verða flutt
lög og verk tengd jólum og aðventu.
Að sögn Jóns Stefánssonar stjórn-
anda kórsins er jafnan húsfyllir á
þessu tónleikum. Eftir jól hefjast
æfingar á H-moll messunni eftir J.S.
Bach sem flutt verður í vor. Starfinu
lýkur með tónleikaferð úti á land í
vor. Til stóð að fara þá ferð síðastlið-
ið vor en vegna Israelsferðar kórs-
ins, er honum var boðið að flytja þar
Messías eftir Handel, varð að fresta
henni. Stefnt er að því að halda tón-
leika á Akureyri, í Mývatnssveit,
Skagafirði og Grímsey en það hefur
lengi verið draumur kórsins.
Efniskrá tónleikanna verður blönduð.
Undirbúningur að næstu utanlands-
ferð kórsins stendur yfir en fyrir-
hugað er að halda til Skotlands og
Bretlandseyja vorið 1991.
Raddþjálfari kórsins verður eins
og undanfarin ár Ólöf Kolbrún Harð-
ardóttir.