Morgunblaðið - 09.09.1989, Blaðsíða 18

18
MORGUNBLAÐIÐ LAÚGARDAGUR 9. SEPTEMBER 1989
V estur-Þýskaland:
IRA myrðir
hermannskonu
Lundúnum. Reuter.
BRESKIR stjórnmálamenn for-
dæmdu í gær morðið á eigin-
konu bresks hermanns í Vest-
ur-Þýskalandi á fimmtudags-
kvöld, en talið er að írski lýð-
veldisherinn (IRA) standi að
baki ódæðinu.
Konan, sem var Vestur-Þjóð-
verji á þrítugsaldri, sat í bifreið
þeirra hjóna þegar skotið var á
hana úr annarri bifreið, sem ekið
var framhjá. Bifreið hjónanna var
með bresk bílnúmeraspjöld.
Margaret Thatcher, forsætis-
ráðherra Bretlands, var sögð mið-
ur sín vegna morðsins og talsmað-
ur Verkamannaflokksins sagði
flokkinn hafa ríkar áhyggjur af
öryggi fjölskyldna breskra her-
manna.
Vestur-þýsk stjómvöld telja
IRA bera ábyrgð á morðinu, en
þeir hafa hvað eftir annað ráðist
á breska þegna á meginlandi Evr-
ópu undanfarin tvö ár.
jBrotlent í Amazon
Reuter
Björgunarmaður við skrokk Boeing þotu Varig-flugfélagsins sem fórst í Mato Grosso í Amazon.
Þotan brotlenti þar sl. sunnudag þegar siglingatæki vélarinnar biluðu. 13 manns létust í slysinu, en
41 maður komst lifs af.
Danmörku:
Argentína:
Stjórninni tekst að draga
verulega úr veröhækkunum
Buenos Aires. Reuter.
STJÓRN Carlosar Menems, forsætisráðherra Argentínu, sem hefiir
verið við völd í tvo mánuði, hefur tekist að draga verulega úr
verðhækkunum en hagfræðinga greinir á um hvort henni hafi tek-
ist að kveða niður óðaverðbólguna í landinu fyrir fiillt og allt.
Samkvæmt skýrslu, sem arg- aldrei áður verið jafn miklar á ein-
entínsk stjórnvöld kynntu í gær, um mánuði.
voru verðhækkanir á neysluvörum Stjórnin greip til harðra aðgerða
um 37,9% í ágúst. í júlí voru þær
hins vegar 196,6% og höfðu þær
Færeyjar:
Fyrsti sjávar-
útvegsskólinn
Þórshöfn. Frá Snorra Halldórssyni, frétta-
ritara Morgunblaðsins.
KAFLASKIL urðu í byggðarsögu
— að minnsta kosti skólasögu —
Vestmanna á Straumey í síðustu
viku. Þá innrituðust fyrstu nem-
endurnir í nýja sjávarútvegsskól-
ann í bænum. Þar á að fara fram
öll kennsla í sjávarútvegsfræðum
og fiskeldi — og að sjálfsögðu er
allt fyrirkomulag miðað við að-
stæður í Færeyjum.
Það voru orð að sönnu sem sögð
voru við þetta tækifæri, að það
væri ekki vonum fyrr að við Færey-
ingar, þessi litla en þó stóra fisk-
veiðiþjóð, næði svo langt að geta
eignast sinn eigin sjávarútvegs-
skóla — þar sem veitt verður sú
menntun sem fyrir löngu hefði átt
að standa til boða hjá þjóð sem
byggir tilveru sína á sjávarútvegi.
Við setningu skólans sagði Jákup
Andreassen skólastjóri að það hefði
ekki tekist fyrr en nú að koma á
laggirnar menntastofnun í sjávarút-
vegsfræðum enda þótt sjósókn og
vinnsla sjávarafla hefðu verið undir-
stöðuatvinnuvegur Færeyinga í
heila öld.
Jafnvel þótt Færeyingar hafi átt
kost á góðri menntun á þessu sviði,
meðal annars í Noregi, bar brýna
nauðsyn til að koma á fót sérstökum
skóla heima fyrir sem sniðinn væri
eftir færeyskum aðstæðum. Mark-
miðið með skólanum er að geta
menntað fólk og gert það fært um
að betrumbæta sjávarvöru Færey-
inga svo að þeir verði samkeppnis-
færir við aðrar nútíma-fiskveiði-
þjóðir í framtíðinni.
Nemendur verða 28 talsins, 9
konur og 19 karlar, og kennarar
12. Það er flestra mál að „Foroyski
yrkisskúlin fyri fiskiídnað og hav-
búnað“ muni verða til mikilla heilla
fyrir land og þjóð.
til að reyna að binda enda á mestu
efnahagskreppu í sögu Argentínu
skömmu eftir að hún tók við völd-
unum af stjórn Rauls Alfonsins,
sem sagði af sér og viðurkenndi
að hann væri ekki fær um að leysa
vandann. Stjóm Menems hækkaði
verð bensíns og tolla á neysluvörur
og hyggst einkavæða ríkisfyrir-
tæki, sem rekin eru með tapi, til
að draga úr hallarekstri ríkisins,
en talið er að hann sé helsta ástæð-
an fyrir óðaverðbólgunni.
Óháða hagfræðinga greinir á
um hvort stjórn peronista hafi
fundið réttu leiðina til að draga
úr verðbólgunni og halda henni
niðri. „Óðaverðbólgan er ekki
dauð. Hún hniprar sig saman og
býr sig undir stökkið," segir hag-
fræðingurinn Adolfo Canitrot.
Annar hagfræðingur, Rodolfo
Rossi, segir hins vegar að stjórnin
sé á réttri braut og telur að efna-
hagsbata sé að vænta á næsta ári
takist stjórninni að draga úr út-
gjöldum ríkisins.
Verð á neysluvörum hækkaði
um 3.909% á síðustu tólf mánuð-
um. Menem spáir því að verðbólg-
an verði um 15% á næsta ári en
svo lítil verðbólga hefur ekki verið
í Argentínu í tvo áratugi.
Þingflokks-
formaður
settur af
Kaupnianiiahöfn. Frá Nils Jörgen Bruun,
fréttaritara Morgunblaðsins.
DANSKI Framfaraflokkurinn
heíúr fengið andlitslyftingu í
kjölfar sumarráðstefiiu ílokksins.
Helge Dohrmann, formaður
þingflokksins, og Pia Kjærs-
gaard, talsmaður flokksins, voru
sett af á ráðstefnunni. Þau til-
heyra bæði þeim armi sem hefúr
þótt fús til að semja við aðra
flokka um málefúi.
Sú stefna sem nú er tekin innan
flokksins á rætur að rekja til hinn-
ar upphaflegu Glistrup-stefnu.
Kirsten Jacobsen hefur verið valin
nýr þingflokksformaður. Hún er
einarður talsmaður þeirrar stefnu
sem kennd er við Mogens Glistrup,
stofnanda flokksins — þar sem gert
er ráð fyrir að stefnumiðum sé fylgt
eftir í hvívetna.
Pia Kjærgaard kallar niðurstöður
sumarráðstefnunnar valdarán og
íhugar hún nú að segja sig úr stjórn
flokksins. Samkvæmt heimiidum
innan danska þingsins er undanfari
„valdaránsins" sá að Helge Do-
hrman hefur opinberlega lýst því
yfir að flokksfélagar sínir á danska
þinginu séu bæði heimskir og sljóir.
Poul Schluter, forsætisráðherra
Danmerkur, hefur sagt að óeiningin
innan Framfaraflokksins sé innan-
flokksmál, en að ljóst sé að erfitt
verði fyrir ríkisstjórnina að vinna
með sundruðum stjórnarflokki.
Heimildir innan danska þingsins
herma að staða jafnaðarmanna í
stjórnarandstöðu hafi styrkst til
muna við átökin innan Framfara-
flokksins. Þeir séu nú í betri stöðu
til að semja um málefni við ríkis-
stjórnina.
Reuter
Walesafær Benz að gjöf
Lech Walesa, leiðtogi pólsku verkalýðssamtakanna Samstöðu, er
nú í heimsókn I Vestur-Þýskalandi til að afla umbótum í Póllandi
stuðnings, ekki síst fjárhagslegs. Fyrir hönd Samstöðu tók Wa-
lesa við Mercedes Benz sendiferðabifreið að gjöf á miðvikudag.
Honum fórst aksturinn heldur óhönduglega og átti nærstaddir
Ijósmyndarar fótum fjör að launa! Hér sést Walesa með hópi
stúlkna í pólskum þjóðbúningum.
EiturlyQastríðið í Kólumbíu:
Fyrsti kókaínbar-
óninn framseldur
Atlanta. Reuter.
EDUARDO Martinez Romero,
sem sakaður er um að hafa kom-
ið eiturlyljagróða Medellin-
smyglhringsins í Kólumbiu í
umferð, hefúr verið framseldur
til Bandaríkjanna. Kókaínbar-
ónar höfðu áður hótað því að
myrða tíu dómara fyrir hvern
kólumbískan eiturlyfjaþrjót sem
dreginn verður fyrir rétt í
Bandaríkjunum. Romero er
fyrsti Kólumbíumaðurinn sem
framseldur hefúr verið til
Bandaríkjanna fyrir eiturlyQa-
smygl frá því kólumbísk sljórn-
völd hófú herferð sína gegn
kókaínbarónum landsins.
Bandaríski saksóknarinn Ro-
bert Barr sagði að ekkert væri því
til fyrirstöðu að málsókn hæfist
þegar í stað. Miklar öryggisráð-
stafanir hafa verið gerðar vegna
framsals Romeros. Bandarísk lög-
regluyfirvöld óttast hefndarað-
gerðir í Bandaríkjunum vegna
framsalsins.
Romero var handtekinn 20.
ágúst, eða tveimur dögum eftir
að Kólumbíustjórn skar upp herör
gegn eiturlyfjasmyglurum lands-
ins. Um 11.000 manns, sem grun-
aðir eru um aðild að kókains-
mygli, hafa verið handteknir síðan,
auk þess sem eignir eiturlyfja-
kónga hafa verið gerðar upptæk-
ar.
Kólumbísk stjórnvöld buðu
250.000 dali (16 millj. ísl. kr.)
fyrir upplýsingar sem leiða til
handtöku Pablos Escobars og Jose
Gonzalo Rodriguez Gacha, tveggja
af forsprökkum Medellin-smygl-
hringsins. Þeir eru báðir á lista
yfir þá tólf menn sem Bandaríkja-
stjórn leggur mesta áherslu á að
verði framseldir. Romero var ekki
á þeim lista.
Eþíópía:
Friðarvið-
ræður fyrir
luktum dyr-
um í Atlanta
Atlanta. Reuter.
Samninganefúdir Eþíópíu-
stjórnar og Þjóðfrelsisfylking-
ar Erítreu (EPLF) komu saman
á lokuðum fundi í gær til að
reyna að binda enda á stríðið
í Eþíópíu, sem staðið hefur í
28 ár.
Friðarviðræðurnar fara fram í
Atlanta í Georgíu og hafa staðið
í tvo daga. Jimmy Carter, fyrrum
Bandaríkjaforseti, stjórnar við-
ræðunum og ræddu samninga-
nefndirnar við Andrew Young,
fyrrum sendiherra Bandaríkjanna
hjá Sameinuðu þjóðunum, í gær.
Ekki hefur verið skýrt frá gangi
viðræðanna þar sem Carter hefur
sett á fréttabann í von um að það
verði til þess að viðræðurnar
renni ekki út í sandinn á þessu
viðkvæma stigi.
Hundruð þúsunda hafa beðið
bana í stríðinu í Eþíópíu, auk
þess sem 800.000 manns hafa
neyðst til að flýja land. Stríðið
hefur einnig skapað mikla hættu
á efnahagslegu hruni í landinu.