Morgunblaðið - 18.11.1989, Blaðsíða 40

Morgunblaðið - 18.11.1989, Blaðsíða 40
Cl 40 : MÍÍK3VÓX .81 S . KJAJ Œg/JST/'U^SíOW MORGUNBLAÐI0 LAUGARDAGUR 18/ NÓVEMBER 19S9 '" tfœ/iAnfl Úg er&JO slsemur mólori, cu5 stjörnin borgar rrér fyrir oá málo. ekilci r>«ifcfc.'' Ást er ... ... að umbera söng hansíbaði. TM Reg. U.S. Pal Otf.—all fighls reserved 0 1989 Lds Angeles Times Syndicate J> Gengst þú ekki fullmikið upp í læknanáminu? Vildi óska þess að ég hefði ekki sagt þér um daginn að sjónvarpið þeirra bilaði. HÖGNI HREKKVISI _^___^ Eiga hraðahindranir rétt á sér? Til Velvakanda. Vegna skrifa um réttmæti hraða- hindrana langar mig að leggja orð í belg. Mín skoðun er sú að hraða- hindranir eigi ekki rétt á sér og hafi þegar valdið fleiri slysum en þær hafa komið í veg fyrir, þær eru eins og annað sem við íslendingar sjáum erlendis og öpum eftir með óraunhæfum samanburði, t.d. hraðahindranir voru í Bandaríkjun- um eingöngu á eignarlóðum svo sem í görðum við hótel með einka- lóðum og þá sínhvoru megin við innganginn í hótelið, þ_ó hef ég ekki séð slíkt í mörg ár. í Evrópu eru hraðahindranir eins og t.d. sú á Kastrup-flugvelli í Kaupmannahöfn ekki hugsuð sem hraðahindrun heldur sem upphækkun til að hægt sé að aka kerrum með farangri úr flugstöð og yfir að bílastæði (svipuð gerðar og er við Hamraborg í Kópa- vogi), annars staðar hefur t.d. þurft að leggja vatnsrör yfir götu og malbik eða annað sett sínhvoru- megin eða^fir það og er þetta síðan allt fyrirmynd að okkar hraðahindr- unum. . Öfgarnar eru miklar hjá okkur íslendingum og sannast það vel t.d. í hinu nýja Foldahverfi þar sem hraðahindranir eru víða, fyrst eru göturnar gerðar með bundnu slitlagi og síðan hraðahindranir svo til eftir pöntunum. Af hverju ekki að hafa bara göturnar eins og áður með óbundnu slitlagi og láta náttúr- una sjá um að búa til hraðahindran- ir, það væri alla vega ódýrara fyrir skattgreiðendur. Það vekur furðu að horfa á hvern bílinn á fætur öðrum fara yfir hraðahindranir á Reykjavegi við sundlaugarnar í Laugardal, fara upp og niður, upp og niður einn og einn kemst ekki yfir nema rékast niður t.d. þeir sem eru með léleg púströr, en svo telj- andi fáir gangandi fara 'yfir götuna á þeim stöðum að sú spurning vakn- ar, til hvers er þetta? Þó er hámark vitleysunnar í Garðabæ þar eru hraðahindrun og gangbrautarljós saman og annarstaðar á Vífils- staðavegi með nokkurra metra millibili, sem veldur því að bílstjórar fara yfír á rauðu ljósi vegna þess að þeir sjá það ekki vegna þess að þeir eru með hugann við hraða- hindrunina sem er framundan. Gangbrautarljós verða að vera á réttum stöðum þannig að fólk.læri og venji sig á að nota þau og þá tel ég hraðahindranir óþarfar, en gangbrautarljós eins og við Bitabæ í Garðabæ á Hafnarfjarðarvegi eru ómöguleg, það er það löng bið eftir ljósi til að ganga yfir götiina eftir að stutt er á hnappinn að krakkar nenna ekki að bíða, heldur hlaupa yfir og síðan kemur rauða ljósið sem stoppar bílaumferð, en þá eru allir komnir yfir áður. Hraðahindranir hafa valdið slys- um bæði beint og óbeint eins og hægt er að sjá í skýrslum lögreglu, en það er annað sem fólk áttar sig ekki á að óreyndu, það er að fólk sem þjáist t.d. með opið beinbrot sem erfitt er að spelka eins og fót- ur sem dinglar við hverja hreyfingu og er á leið yfir hraðahindrun í sjúkrabíl vildi gjarnan að engin hraðahindrun væri á sinni leið, einn- ig hjartasjúklingurinn þar sem sek- úndur geta skipt máli, eða þeir sem eiga allt sitt undir því að slökkviliðs- bíllinn tefjist ekki á sinni leið og fleira. Hraðahindranir eiga ekki rétt á sér vegna ofangreinds og margra annarra ástæðna. Það hlýtur að vera hægt að kenna börnum og fullorðnum að notagangbrautarljós ef þau eru á réttum stöðum og rétt hönnuð, (ekki eins og í Garðabæ þar sem þau eru slysagildrur eins og áður er sagt) einnig má lækká aksturshraða á vissum stöðum, en það verður að vera vel merkt svo. að bílstjórar sjái það og virði. Að lokum, getum við átt von á bundnu slitlagi um allt land með hraðahindrunum fyrir framan hvern sveitabæ og hraðahindrunum með nokkurra metra millibili í borg- um og bæjum, eða er það kannski bara hraðahindrun fyrir framan okkar eigin hús sem við viljum, en hvergi annars staðar? Bílstjóri Tónleika meðU2 Tíl Velvakanda. Við erum hér tveir tónlistaraðdá- endur sem höfum áhuga á að kom- ast á tónleika með U2 núna fyrir áramót. Við vitum að fleiri hafa áhuga á þessu og hvetjum þá til að láta í sér heyra. Okkur langar einnig að vita hvort einhver út- varpsstöðvanna eða einhver ferða- skrifstofanna gæti ekki skipulagt hópferð á tónleika U2, tíl dæmis til Dublin 27.-30. desember eða þá til Mið-Evrópu 11.-20. desember. G og H ,, HÖGNI KO/H I VEG FVC/R &AN A AtEDAN t-MNN R/EHDI M\&" Víkverji skrifar Fermingarundirbúningur þeirra barna sem fermast eiga á kom- ándi vori hófst um svipað leyti og skólar í haust og er í algleymingi um þessar mundir. Víkverja hefur þetta orðið tilefni til að sækja messur reglulega, í samræmi við foreldra- skyldur sínar. Víkveiji verður hins vegar að viðurkenna, að hann hefuf ekki sótt messur reglulega í gegnum árin, nema ef vera skyldi að kalla mætti það reglulega messusókn að fara til guðsþjónustu um jólin. Sú skylda að ástunda safnaðarlíf með þátttöku í guðsþjónustum hvílir á öllum foreldrum fermingarbarna. Þessi skylda er Víkverja reyndar mjög ljúf og prýðilegt tilefni til að láta verða af því að sækja guðs- þjónustur. Hann hefur meira að segja hugleitt það að láta ekki staðar num- ið þegar fermingin er afstaðin, heldur láta tilefnið verða til þess að hann haldi áfram reglulega til fundar við guð sinn í kirkjunni. Reyndar er það ekki til siðs um þessar mundir að menn játi trú sína og enn færri fara í kirkju,. fjöldinn fer ekki nema vegna sérstakra tilefna, s.s. ferminga, gift- inga, skírna og jarðarfara og svo um jól og páska. Margir íslendingar halda þvi fram að þeir þurfi ekkert á kirkjunni að halda, þeir geti trúað út af fyrir sig. Það eru sjálfsagt margir sem þetta geta, en Víkverja finnst hins vegar ágæt samlíking, sem hann heyrði eitt sinn, að menn gætu þá á sama hátt alveg lært án þess að ganga í skóla. Líklegt verður að telja að menntun þjóðarinnar myndi hraka illilega ef sama viðhorf væri ríkjandi til menntunar eins og trúar, að engr- ar kennslu væri þörf. Trú þarf að rækta, hún þarfnast þess að hlúð sé að henni, annars visnar hún og sam- bandið við Guð verður slitrótt. Trú er ekki björgunarhringur, sem gripið er til á erfiðum stundum, hún gerir kröfur til manna og það er kannski þess vegna sem Víkverja og fleirum reynist svo erfitt að standa stöðugir í trúnni. Það felur í sér þjáningu, sem við í einfeldni okkar reynum að forð- ast. Það er hin stóra fírra nútímaþjóð- félagsins að hægt sé að þroskast án þess að þjást. í staðinn flýjum við á náðir efnishyggjunnar, hún er ein- föld, ljúf og auðskilin og gerir engar kröfur til okkar. Ef til vill erum við alltaf að bíða eftir stórkostlegum kraftaverk- um til að við látum sannfærast; að hafið opnist, vatnið breytist í vín og álíka fýrirbærum. Ef við hins vegar skoðuðum öll smáatriði tilverunnar sæjum við fljótt hversu kraftaverkin eru mörg. Hversu samhæfing lífsins er fullkomin og um leið gjörsamlega óútskýranleg, hvernig barn þroskast, hvernig fegurðin opinberast í smá- gerðu blómi milli þúfna. Getur verið að við viljum ekki sjá þessi krafta- verk í sköpunarverki Guðs og könn- umst ekki við þau þó þau eigi sér stað beint fyrir framan nefið á okkur daglega? (xxx Guð er feimnismál um þessar mundir. Og dauðinn er móðgun við nútímamanninn. Það er ekki til siðs að ræða slfkt, það er óþægilegt og fólk fer hjá sér. Víkverji myndi t.d. sennilega ekki ræða á þennan hátt ef hann þyrfti að gera það í eigin nafni. Það er ekki nútímalegt ef einhver ségir Guð hafa skapað sig og styrkur hans sé ætíð : Guði. Samt eru það hin einföldu grundvallaratriði trúarinnar.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.