Morgunblaðið - 11.01.1990, Síða 23

23
MORGUNBLAÐIÐ FIMMTUDAGUR 11. JÁNÚAR 1990
Morgunblaðið/Einar Þ. Guðjohnsen
Redoubt-eldfjallið í Alaska, sem gosið hefur nokkrum sinnum undanfarna mánuði eftir að gosvirkni í
fjallinu hafði legið niðri í aldarfjórðung.
Redoubt-fj allið gýs í
þriðja sinn á mánuði
Fairbanks, Alaska. Reuter.
ELDGOS Iiófst að nýju í Redoubt-
fjallinu í Alaska sl. mánudag og
olli það röskun á flugumferð yfir
Alaska. Kolgrár gosmökkurinn
steig í 40.000 feta eða 12,4 kin
hæð.
Gosaska frá Redoubt-fjallinu féll
á Kenai-skaganum sem er rúma 80
km frá fjallinu. Þar eru olíubirgða-
stöðvar nokkurra bandarískra fyrir-
tækja sem vinna olíu í Alaska og var
jafnvel óttast að gosið í kynni að
hafa áhrif í stöðinni. Var í ráði að
hætta að dæla hráolíu þangað um
sinn.
Gosið hófst kl. 10.09 að staðartíma
í fyrradag eða kl. 19.09 að íslenskum
tíma. í upphafi var það álíka kröft-
ugt og eldgosin sem hófust 13. des-
ember sl. annars vegar og 2. janúar
sl. hins vegar.
Bandaríska flugmálastjórnin gaf
út viðvörun til flugfélaga og beindi
því til flugmanna að fljúga ekki
nálægt öskumekkinum. Skandinaví-
ska f lugfélagið SAS hefur hætt milli-
lendingum í Anchorage um óákveð-
inn tíma vegna goshættunnar og af
öryggisástæðum hefur hollenska
flugfélagið KLM ákveðið að hafa þar
ekki viðkomu fyrr en 15. janúar.
Svo vildi til að breiðþota af gerð-
inni Boeing-747 frá KLM flaug inn
í gosmökk frá Redoubt rétt eftir að
gos hófst í fjallinu 13. desember sl.
Drapst fyrii-varalaust á öllum hreyfl-
unum fjórum og hrapaði þotan um
13.000 fet áður en flugmönnum
hennar tókst að koma þeim aftur í
gang. Var þotan þá í ll'.OOO feta
hæð yfir fjöllum Alaska og í aðflugi
til Anchorage, sem er 190 km norð-
austur af fjallinu. Koínst hún þangað
en eftir lendingu þar voru hreyflar
þotunnar aæmdir ónýtir.
Bretland:
Verður tíminn á Bret-
landi samræmdur tím-
anum á meginlandinu?
St. Andrews, frá Guðmundi Heiðari Frímannssyni, fréttaritara Morgunblaðsins.
LÍKUR eru taldar á því að Neðri málstofa brezka þingsins sam-
þykki síðar á árinu, að breyta tímanum til samræmis við önnur lönd
í Evrópubandalaginu. Nú er klukkan hið sama í Bretlandi og á Is-
landi en á meginlandi Evrópu er hún einum tima á undan og tveimur
á sumrin en þá er klukkutíma munur á íslenskum og breskum tíma.
Það hefur verið árvisst deilumál
nú um nokkurt skeið, hvort laga
eigi breskan tíma að evrópskum. Á
árunum 1968 til 1971, þegar Har-
old Wilson var forsætisráðherra, var
það gert og tíminn færður fram um
eina klukkustund. Þá vár mikil and-
staða víðast um landið og þingmenn
og lávarðar samþykktu árið 1971
að hverfa til fyrra horfs.
Nú er það samræmingin við lönd
innan EB, sem veldur því, að málið
er tekið upp. Á síðasta ári létu
stjórnvöld semja skýrslu um málið
og fóru fram á, að félög og hags-
munaaðilar létu skoðun sína í ljósi.
Yfir 80% lýstu sig fylgjandi breyt-
ingunni.
Þessi breyting hefði í för með
sér, að dimmt yrði lengur á morgn-
ana og bjart lengur á kvöldin. Fólk
er kærulausara í umferðinni á leið
frá vinnu á kvöldin en á leið í vinnu
á morgnana. Talið er að koma
mætti í veg fyrir 160 dauðaslys á
ári með þessari breytingu. Einnig
er talið að breytingin muni liðka
fyrir verzlun og viðskiptum við önn-
ur lönd innan EB.
Andstaða við breytinguna er
mest í Skotlandi, þar sem dagar
ekki fyrr en milli 8 og 9 á morgn-
ana yf ir dimmustu vetrarmánuðina.
Stjórnin mun ekki beita flokks-
aga til að koma málinu í gegnum
Neðri málstofuna, en það verður
að líkindum lagt fram á vordögum.
BRÉFA-
BINDIN
frá Múlalundi...
... þar eru gögnin á góðum stað.
Múlalundur
ÚTSALA ÚTSALA-ÚTSALA ÚTSALA ÚTSALA ÚTSALA ÚTSALA
ÚTSALA ÚTSALA ÚTSALA ÚTSALA ÚTSALA ÚTSALA ÚTSALA