Morgunblaðið - 22.06.1990, Blaðsíða 16

16
MORGUNBLAÐIÐ FÖSTUDAGUR 22. JÚNÍ 1990
Morgunblaðið/Júlíus
Nú stendur yfir kynning' á umhverfishollum vörum í Hlaðvarpanum
við Vesturgötu í Reykjavík.
Umhverfíshollar vörur
kynntar í Hlaðvarpa
HLAÐVARPINN í Reykjavík
gengst fyrir kynningu á umhverf-
ishollum vörum þessa dagana í
húsakynnum samtakanna við
Vesturgötu.
Á sýningunni í Hlaðvarpanum
eru kynntar vörur frá 13 fyrirtækj-
um; meðal annars hellur úr endur-
unnu gúmmíi, endurunnin pappír,
óbleiktur salernispappír, hreinlætis-
og snyrtivörur úr efnum sem brotna
niður í náttúrunni, og fleira.
Sólveig Ólafsdóttir, varaformað-
ur stjórnar Hlaðvarpans, segir að
með þessari kynningu vilji samtökin
stuðla að aukinni notkun endurunn-
inna vara og efna, sem séu ekki
skaðleg náttúrunni. Hún sagði, að
sumir virtust enn líta svo á, að
endurunnar vörur væru á einhvem
hátt annars flokks, — til dæmis að
endurunninn salemispappír væri
nógu góður í sumarbústaðinn en
ekki á heimilunum, — en slíkum
viðhorfum vildu samtökin breyta.
Fyrsti fundur bæjar-
stjóraar Garðabæjar
BÆJARSTJÓRN Garðabæjar kom saman til fyrsta íundar á nýbyij-
uðu kjörtímabili fimmtudaginn 14. júní sl. Á dagskrá bæjarstjórnar-
fiindar var m.a. kosning í nefiidir og ráð, kosning forseta bæjarstjórn-
ar og ráðning bæjarstjóra.
Kosið var í 40 nefndir og ráð á
vegum Garðabæjar til ýmist eins
eða fjögurra ára. Kjörnir vom 117
aðalmenn og jafnmargir til vara. í
bæjarráð voru kosin Benedikt
Sveinsson og Erling Ásgeirsson,
Sjálfstæðisflokki, og Helga Kristín
Möller, Alþýðuflokki. Bæjarráð kom
saman til fyrsta fundar 19. júní.
Forseti bæjarstjómar var kjörin
Laufey Jóhannesdóttir, fyrsti vara-
forseti Sigrún Gísladóttir og annar
varaforseti Andrés B. Sigurðsson.
Ingimundur Sigurpálsson var
endurráðinn bæjarstjóri Garðabæj-
ar fyrir næsta kjörtímabil með öll-
um greiddum atkvæðum, en hann
hefur verið bæjarstjóri í Garðabæ
sl. 3 ár.
Pétur Pétursson ver
aðra doktorsritgerð
PÉTUR Pétursson varði doktors-
ritgerð sína í kirkjusagnfræði við
guðfræðideild háskólans í Lundi
í Svíþjóð þann 25. maí sl. Ritgerð-
in, sem er 286 blaðsiður, er skrif-
uð á sænsku og heitir: „Frán
vackelse til samfúnd; Svensk
pingstmission pá öarna i Nordatl-
anten“, hefúr verið gefin út sem
nr. 22 í ritröðinni „Bibliotheca
historico-ecclesiastica Lundens-
is“, undir ritsfjórn Ingmars Bro-
heds prófessors í kirkjusögu við
sama skóla. Útgefandi er Lunds
University Press. Sú undirgrein
kirkjusagnfræðinnar sem rit-
gerðin heyrir undir er trúboðs-
fræði og ekumenik (samkirkju-
fræði) og leiðbeinandinn var
prófessor Lars Österlin.
Ritgerðin fjallar um sænskt
hvítasunnutrúboð á íslandi, Færeyj-
um og Grænlandi og þróunarferil
safnaðanna í þessum löndum til
sjálfstæðra kirkjudeilda. í öðrum
hluta ritgerðarinnar er fjallað sér-
staklega um hvítasunnuhreyfing-
una á íslandi sem snemma varð
sjálfstæð hreyfing sem aðlagaðist
íslenskum aðstæðum og er nú þriðja
stærsta kirkjudeild á íslandi. Fé-
lagslegar, trúarlegar og menning-
arlegar forsendur þessarar hreyf-
ingar eru kannaðar svo og breyting-
ar á innri gerð og starfsemi hennar.
Þetta er önnur doktorsritgerð
höfundar. Árið 1983 lauk hann
doktorsprófi frá félagsfræðideild
Lundarháskóla. Pétur starfar sem
dósent í trúarbragðafélagsfræði við
háskólann í Lundi. Hann lauk BA-
Dr. Pétur Pétursson
prófi í almennum þjóðfélagsfræðum
frá Háskóla íslands árið 1974 og
kenndi einn vetur við Menntaskól-
ann við Tjömina. Frá 1975 hefur
hann að mestu verið búsettur í
Lundi við rannsókna- og kennslu-
störf. Nýlega fékk hann lektors-
stöðu við Félagsvísindadeild HÍ og
mun hann koma þangað til starfa
í haust. Um árabil var Pétur frétta-
ritari Morgunblaðsins í Lundi. Hann
hefur setið í stjórn Sænsk-íslenska
félagsins í Suður-Svíþjóð og Guð-
fræðingafélagsins í Lundi. Foreldr-
ar hans eru hjónin Pétur Sigurgeirs-
son biskup og Sólveig Ásgeirsdótt-
ir. Kona hans er Þuríður Jóna Gunn-
laugsdóttir zonterapeut og eiga þau
fjögur börn.
Verðbréfaþing íslands:
Ovíst hvenær umsókn
Olís hlýtur afgreiðslu
EIRÍKUR Guðnason, formaður stjómar Verðbréfaþings íslands, stað-
festi i gær að umsókn Olís um skráningu hlutabréfa sinna á þinginu
hefði borist en óvíst væri hversu mikinn tíma tæki að afgreiða hana.
Umsókn OIís er sú fyrsta sem berst Verðbréfaþingi frá því reglur um
skráningu hlutabréfa voru settar í maí árið 1988 og markar því nokk-
ur tímamót í starfsemi þingsins. Unnið er að því að yfirfara núgild-
andi reglur í þessu efiii og setja reglur um útboðslýsingu hlutabréfa.
Þingaðilar Verðbréfaþings hafa
fengið drög að nýjum reglum um
útboðslýsingu hlutabréfa og var út-
boðslýsing Olís unnin í samræmi við
þau drög enda þótt það sé ekki skylt
samkvæmt núgildandi reglum. Eirík-
ur Guðnason kvaðst eiga erfitt með
að segja til um það hvenær nýjar
reglur tækju gildi en það yrði varla
fyrr en með haustinu. Reynt hafi
verið að hraða vinnunni en á hinn
bóginn þurfi að vanda verkið og
hafa margt til hliðsjónar.
Ströng skilyrði um
upplýsingagjöf
í núgildandi reglum er að finna
ströng skilyrði um reglulega upplýs-
ingagjöf hlutafélaga sem hljóta
skráningu á Verðbréfaþingi íslands.
Ef Verðbréfaþing samþykkir að skrá
hlutabréf Olís yrði félagið samkvæmt
samningi þar um skuldbundið til að
skila inn hálfsársuppgjöri. Þó skal
heimilt að senda inn hlutaársuppgjör
er tekur til fjögurra mánaða og skal
senda þau tvisvar á ári. Uppgjör
skulu hafa borist til Verðbréfaþings-
ins innan þriggja mánaða frá lokum
þess tímabils sem það tekur til. Árs-
og hlutaársuppgjör skulu saman-
standa af rekstrarreikningi og fiár-
magnsstreymi fyrir viðkomandi
tímabil og efnahagsreikningi í lok
þess, auk skýringa með uppgjöri. Í
reglunum er kveðið nánar á um gerð
rekstrarreiknings, efnahagsreikn-
ings og fjármagnsstreymis en upp-
gjör skal samið í samræmi við góða
reikningsskilavenju og nánari reglur
sem Verðbréfaþingið setur.
Tilkynning um hvenær stjórn fé-
lags fjallar um ársuppgjör, arðsút-
hlutun og/eða útgáfu jöfnunarhluta-
bréfa skal send Verðbréfaþinginu
með a.m.k. viku fyrirvara. Jafnframt
skal tilkynna Verðbréfaþinginu með
a.m.k. viku fyrirvara, hvenær og
hvar aðalfundur eða hluthafafundur
skulu haldnir. Þegar stjórn félagsins
og hluthafafundur hefur fjallað um
ársuppgjör eða hlutaársuppgjör skal
það liggja fyrir á Verðbréfaþingi ís-
lands án tafar og áður en viðskipti
hefjast daginn eftir. Þá skal senda
bráðabirgðayfirlit yfir niðurstöður,
áætlanir o.þ.h. til þingaðila jafn-
skjótt og það er fáanlegt á Verð-
bréfaþinginu.
Félag er skuldbundið til að til-
kynna tillögur um breytingar á sam-
þykktum fyrir stjóm Verðbréfaþings
Islands, eða viðurkenndum fulltrúa
hennar, áður en hún ber þær upp til
samþykktar á hluthafafundi. Þá skal
félagið strax tilkynna til Verðbréfa-
þings íslands ef teknar eru ákvarðan-
ir, eða atvik eiga sér stað sem geta
haft veruleg áhrif á aðstæður félags-
ins og mat hlutabréfamarkaðar á
því. Sama á við þegar félagið er
móðurfélag og ákvarðanir eða atvik
varðandi dótturfélagið hafa áhrif á
aðstæður samstæðunnar. Jafnframt
skal kunngera málið án tafar í sam-
ræmi við sérstök ákvæði þar um ef
ákvarðanir eða atvik eru ekki þegar
á almennu vitorði.
Kosningu nýrrar stjómar og vara-
manna, endurskoðenda eða ráðn-
ingu/brottvikningu forstjóra/fram-
kvæmdastjóra skal tilkynna Verð-
bréfaþingi íslands án tafar sem síðan
kynnir það þingaðilum.
Skýrslur til erlendra kauphalla
Ef félagið er einnig skráð annars-
staðar eða er af öðmm ástæðum
skuldbundið kröfum um upplýsinga-
skyldu við aðra, skal félagið senda
samsvarandi upplýsingar til Verð-
bréfaþings íslands um leið og það
sendir þær öðmm. Séu gerðar skýrsl-
ur til notkunar í erlendri kauphöll
skulu samsvarandi upplýsingar
sendar Verðbréfaþingi íslands.
Tilkynningar um tillögur stjórnar
um greiðslu arðs, breytingar á hluta-
fé, útgáfu á umbreytanlegum lánum,
lánum með kauprétti á hlutabréfum
eða öflun víkjanlegs lánsfjár skulu
sendar Verðbréfaþinginu um leið og
stjórn félagsins hefur gert samkomu-
lag við aðra aðila þar um. Allar upp-
lýsingar sem sendar era til hluthafa
skal samtímis senda Verðbréfaþing-
inu. Ef fréttatilkynningar eða aðrar
tilkynningar em sendar fréttastofum
skulu þær samtímis sendar Verð-
bréfaþinginu.
í sérstöku ákvæð um innri við-
skipti („insider trading") er félag
skuldbundið til að skrá í bækur fé-
lagsins og tilkynna Verðbréfaþinginu
samdægurs ef hlutabréfakaup/sala á
sér stað milli, til eða frá stjórnar-
mönnum og annarra stjórnenda fé-
lagsins svo sem forstjóra/fram-
kvæmdastjóra, deildarstjóra og að-
stoðarmönnum þeirra innan félagsins
og utan svo og náinna venslamanna
framantalinna manna.
Byrjar vel í Stóru Laxá
Veiði hófst af miklum þrótti í
Stóm Laxá í Hreppum. I gær-
morgun veiddust að sögn Friðriks
D. Stefánssonar framkvæmda-
stjóra SVFR, 6 laxar á efsta svæð-
inu, allt boltafiskar að meðalvigt
14 pund og þeir stærstu 16 pund.
Enn er áin vatnsmikil, dálítið
gmggug og mjög köld. Morgun-
blaðið hafði auk þessa spumir af
einhverri veiði á neðri svæðum,
en nákvæm tala Iá ekki á lausu.
Fyrir kemur að Stóra Laxá gefi
vel fyrstu daganna sem nú hefur
verið raunin, áin á stæltan
snemmgenginn stofn, en áraskipti
em af því hversu öflugur hann
er. Byijunin nú lofar góðu.
Hundruð laxa á
Langárleirunum.
Lítið hefur aflast í Langá enn
sem komið er, innan við tuttugu
laxar og bróðurparturinn af þeim
afla fékkst fyrsta veiðidaginn.
Síðan hafa menn verið að slíta
upp einn og einn fisk. „Þetta á
þó eftir að breytast og við bíðum
eftir stærsta straumnum á morg-
un. Ég hef verið að fylgjast með
laxatorfum hér rétt fyrir utan á
hveiju aðfalli, þetta 2-300 laxa
og mest vænn fiskur. Það er seg-
in saga, að laxinn gengur ekki
að neinu gagni í ána nema þegar
Sjávarfossinn fer á kaf í stór-
streymi. Næstu dagar gætu því
gefið vel,“ sagði Runólfur Ágústs-
son veiðivörður við Langá í sam-
tali við Morgunblaðið.
Kominn í Álftá
„Það er kominn lax, það er
engin spurning um það, áin opn-
aði í gær og annar strákanna
minna, 12 ára gutti, fór í Verpið
og renndi. Setti í stóran lax en
hann sleit sig lausan. Svo var fisk-
ur að stökkva rétt við fætumar á
stráknum. Ég er ekki hissa, vat-
nið í ánni hefur verið svo ákjósan-
legt síðustu daga,“ sagði Halldór
Gunnarsson í Þverholtum, for-
maður Veiðifélags Álftár á Mýr-
um í samtali við Morgunblaðið.
Halldór hafði ekki frétt af hand-
hafa hinnar stangarinnar í ánni,
en hana skipaði slyngur veiðimað-
ur, ábúandinn á Brúarlandi við
Álftárbrú.
Bærilegt í Norðurá
„Þetta gengur bærilega í Norð-
urá, síðasta holl var með milli 25
og 30 laxa, þetta er enginn mokst-
ur, en það er þó líf í ánni og lax
að ganga jafnt og þétt þótt ekki
hafi verið um stórar göngur að
ræða til þessa. Sveinn Jóhannes-
son bóndi á Flóðatanga sá þó
mikla fiskför í ánni fyrir skömmu,
vonandi veit það á gott,“ sagði
Friðrik D. Stefánsson hjá SVFR
um veiðina í Norðurá í Borgar-
firði. Áin hefur gefið milli 220 og
230 laxa sem er stóram betra en
á sama tíma í fyrra. Strsti laxinn
til þessa vóg 18 pund, en mikil
hefur verið af 10 til 14 punda
fiski. Lítið fer fyrir smálaxi enn
sem komið og kannski ekki von
á öðra þetta snemma sumars.
Morgunblaðið/hb.
Sverrir Þorsteinsson með fa-
lega 12 punda hrygnu sem hann
veiddi á flugu á Brotinu í Norð-
urá fyrir skömmu.
Líka bærilegt í Laxá í Leir
Friðrik hjá SVFR hafði eftir
veiðimönnum við Laxá í Leirár-
sveit, að nokkuð hefði hægst um
veiðina eftir rífandi opnun. Þó
væri ástandið bærilegt og fiskur
kominn um alla á. Um 90 laxar
em komnir úr ánni, mest af því
rígvænn tveggja ára fiskur úr sjó,
allt að 19 punda.
Byijar vel í Fljótá
Fljótá var opnuð fyrir laxveiði-
menn á miðvikudag og byijaði
veiðin vel, að sögn Matthíasar
Jóhannssonar fréttaritara Morg-
unblaðsins í Siglufirði. Tveir 14
punda laxar, tveir 12 punda og
tveir 3ja punda veiddust strax á
fyrsta degi. Veiðimenn eru mjög
ánægðir með byijunina og segja
hana lofa góðu um framhaldið.