Morgunblaðið - 22.06.1990, Blaðsíða 26

26
MORGUNBLAÐIÐ FÖSTUDAGUR 22. JÚNÍ 1990
Minninff:
Guðjón S. Sigur-
jónsson, Boston
Fæddur 20. nóvember 1944
Dáinn 3. júní 1990
„Langi Guðjón er í símanum!“
Þannig kölluðu krakkarnir ævin-
lega til mín þegar Guðjón hringdi.
Þau kölluðu hann aldrei annað en
„langa Guðjón“. Hann var afar
"^glettinn við krakkana og hafði gam-
an af að spjalla við þau. í hvert
skipti sem hann kom báðu þau hann
að segja söguna um smámælta
manninn sem bjó í „Essex, Mass-
achusetts". „S“-mælgi hans gerði
það að verkum að þau veltust um
af hlátri og hann með. Við töluðum
oft og mikið í síma þessi síðastliðnu
10 ár sem við höfum búið samtíða
hér í Ameríku. Guðjón var sögu-
maður góður, bæði kunni hann
margar og sagði þær vel.
í samtölum okkar bar ævinlega
á góma menn og málefni heima á
íslandi, en einnig spjölluðum við
um heimsmálin. Guðjón var afar
^fréttaþyrstur maður. Hann las ekki
^færri en tvö stór-dagblöð á dag,
Boston Globe og New York Times.
Einnig las hann vikuritið Time
spjaldanna á milli í þau rúm tuttugu
ár sem ég þekkti hann. Hann kunni
því vel skil á gangi mála í heiminum
og hann lét sig það miklu skipta.
Ég læt hugann líða og hugsa til
þess hve hafíð hefur átt mikil ítök
í Guðjóni. Hann sagði alltaf að hann
væri uppalinn á sjónum, hann lærði
ungur að standa á eigin fótum, taka
sjálfstæðar ákvarðanir. eina slíka
^^ikvörðun tók hann þegar hann var
búinn að vera á sjó frá unga aldri
í allmörg ár, - nú var tími til að fara
í land og afla sér menntunar. Hann
settist í Samvinnuskólann að Bif-
röst samtíða bróður mínum og
nafná sínum. Þeir nafnar urðu góð-'
ir mátar og aldrei kom Sigurjónsson
til íslands án þess að hann liti við
hjá nafna sínum Sigurðssyni, þá var
gjarnan spjallað fram undir morg-
un...
Þegar flutningur okkar hjóna til
Massachusetts stóð til fyrir 7 árum
síðan var Guðjón okkur hjálplegur
með upplýsingar unl ákjósanleg
íbúðarsvæði o.þ.h. Það varð úr að
við festum kaup á húsnæði einmitt
í smábæ sem hann svo réttilega
benti okkur á. Hér höfum við búið
á einum skemmtilegasta stað á
Boston-svæðinu alla tíð síðan. Það
getum við þakkað Guðjóni. Ég er
viss um að ein ástæða fyrir því að
hann benti okkur á þetta svæði er
sú að bærinn liggur með strönd-
inni. Swampscott stendur við norð-
urströndina, í fjarlægð ber háhýsi
Boston-borgar við himin en nær,
aðeins handan víkur stendur Nah-
ant þar sem Guðjón bjó síðast.
Reyndar horfði hann yfír til
Swampscott úr stofunni sinni, já
og út á hið bláa haf. Hann horfði
oftar og víðar út á hið bláa haf úr
stofunum sínum á síðustu árum.
Hann bjó um árabil í Glpucester,
miklum fiski- og hafnarbæ hér fyr-
ir norðan, seinna bjó hann í New-
port í Rhode Island fylki. Newport
er höfuðborg siglingalistarinnar.
Hann fór mörgum fögrum orðum
um alla þá fegurð sem blasti við
úr stofuglugganum sínum þar þeg-
ar bátar og skip sigldu um höfnina.
Viðfangsefni Guðjóns voru þann-
ig að hann var á sífelldum ferðalög-
um. Hann bókstaflega þeyttist um
allar jarðir bæði hérlendis og ótelj-
andi eru ferðirnar sem hann fór
heim til íslands. í hvert skipti sem
Islandsferð var á döfinni lét hann
mig vita og bauðst til að taka pakka
eða bréf heim. Einu sinni sem oftar
þáði ég boðið og sendi hann með
innpakkaðar gardínustangir fyrir
eldhúsgluggana hennar mömmu og
var honum þakklát.
Aldrei taldi hann eftir fyrirhöfn-
ina, en næst þegar hann fór heim
fór hann hæversklega fram á að
ég sendi hann ekki með fleiri
gardínustangir. Hann hafði þurft
að halda á þeim alla leiðina og í
ofanálag mátti hann rífa utanaf
þeim til að sanna að þetta voru í
alvörunni bara gardínustangir, þeg-
ar hann fór í gegnum vegabréfskoð-
unina.
Ferðirnar hans til Jamaica voru
einnig orðnar óteljandi, en þar þótti
honum unaðslegt að vera. Hann
átti þar góða vini sem og annars
staðar sem hann fór. Ég hugsa um
það hvort æðri máttarvöld hafi hag:
að örlögum hans á þennan hátt. í
faðmi fjölskyldu sinnar á einum
uppáhaldsstað sínum er líf hans
skyndilega á enda.
Nú er hafin hinsta ferðin en, —
ó svo ótímabær ... Sorgarstund
ríkir hjá fjölskyldu og vinum. Guð-
jón talaði alla tíð um ijölskyldu sína
með mikilli virðingu og ást. Hann
var stoltur þegar hann talaði um
börnin sín, hann bar heill þeirra og
hamingju svo sannarlega fyrir
bijósti. Áberandi var hve hann unni
móður sinni og hugsaði og talaði
ætíð hlýlega um hana.
Með þessum fáu orðum kveð ég
kæran vin, trygglyndan og góðan
dreng.
Sumarið líður Sumarið líður.
Það kólnar og kemur haust.
Bylgjurnar bytja að ólga
og brotna við naust.
Af liminu fýkur laufið.
Börnin breyta um svip.
Fuglamir kveðja. í festamar toga
hin friðlausu skip...
(Davíð Stefánsson frá Fagraskógi)
(Fyrsta erindi úr „Ég sigli í haust.)
Edda V. Sigurðardóttir
Við kynntumst á Bifröst í Borg-
arfírði fyrir nærri 25 árum og urð-
um vinir upp frá því. Hann skar
sig þá þegar úr fjöldanum hann
nafni minn og bar tvennt til: Hann
bar höfuð og herðar yfir hópinn,
og hann hafði þá þegar að baki
feril sem var svo ólíkur því sem við
hin höfðum upplifað.
Aðeins 14 ára hafði Guðjón axlað
sín skinn og haldið til sjós. Margt
er það sem setur mark sitt á mann
í uppvexti, og tvímælalaust hófst
þarna ferill sem um margt mótaði
manninn Guðjón alla tíð. Á sjónum
kynntist hann harðri vinnu og
margur maðurinn varð á vegi hans
sem hann kunni að meta. Nafni
kunni þá list að segja sögur sem
yljuðu um leið og þær skemmtu.
Þessa heyrði ég oft: Hann var einn
í eldhúsinu á fraktara í sínum fyrsta
túr. Það var aðfangadagskvöld.
Engin mamma, enginn pabbi eða
systkini, aðeins skvaldrið frá hörðn-
uðum sjóhundum frammi í yfir-
mannamessa. Yfir uppvaskinu var
unglingurinn alveg að bugast þegar
fram rigsar kafteinninn sjálfur, Ing-
ólfur Möller, rífur sig úr jakkanum
og spyr stráksa: „Hvort viltu þvo
eða þurrka"? Þetta litla atvik hefur
greypst í geðslag Guðjóns, a.m.k.
þaA sem ég þekkti. Ef að þurfti að
„þvo eða þurrka" stóð ekki á nafna
að taka til hendinni.
Eftir allmörg ár á sjónum og
drýgri skammt af ævintýrum en
Sindbað upplifði sjálfur, beit Guðjón
á jaxlinn og ákvað að skella sér í
skóla. Af þeirri elju sem síðar ein-
kenndi verk hans oft, las hann til
inntökuprófs að Bifröst og tókst
með ágætum. Naut hann sín vel í
skólanum þó ólíkt væri hans fyrri
iðju. Á Bifröst eignaðist Guðjón
stóran vinahóp sem hann ávallt
hélt tryggð við. Þar kynntist hann
Björku Kristjánsdóttur og eignuð-
ust þau soninn Eyþór, sem var
Guðjóni mikill vinur og félagi.
Höfðu þeir feðgar nýhafið samstarf
sem virtist eiga góða framtíð en
lýtur nú æðri lögmálum en þeir
ráða.
Kannski hafði upplag og fyrri
reynsla eitthvað með það að Guðjón
fýsti lítt að bindast annarra manna
skrifpúltum, eins og námið kannski
helst bauð upp á. Hélt hann fljót-
lega í víking og kom víða.
Um 1970 kom Guðjón fyrst til
Boston og bjó vestra upp frá því.
Fyrst í stað fékkst hann við húsa-
málun og útgerð á því sviði. Það
var knár hópur Íslendinga sem þá
tók til hendi, og þótti stundum rösk-
lega að verki verið.
Ekki gekk þarlendum vel að
glíma við íslensk mannanöfn og
fundu þá einhver hentug í staðinn.
Nefndu þeir okkur nafnana oft eft-
ir lengd okkar í fetum og tommum,
hann „Sixsix“ en mig „Sixþrí".
Heyrt hefi ég að hann hafi víðar
gengið undir þessu kallnefni, enda
hæðin með endemum og hans helsta
sérkenni.
Snemma tók Guðjón að huga að
sölu á fiski frá íslandi inn á mark-
að í Boston. Hygg ég að hann hafi
verið með alfyrstu mönnum til að
flytja ísaðan ferskfísk með flugi til
útlanda.
Nú þykir þetta ekki tiltökumál
og er Jpetta þó nokkur atvinnuvegu-
ur á Islandi. En þá var þetta grýtt
slóð og víst að nafni tíndi ófáar
völur úr götu þeirra sem á eftir
komu.
Fisksölumálin voru Guðjóni ekki
einasta atvinna. Hann lifði og
hrærðist í þessum bransa, nótt sem
nýtan dag, um árabil. Hann enda-
sentist fram og til baka frá Boston
til íslands. Úr frystihúsi í Sand-
gerði upp á völl til að lesta og út
með sömu vél til að taka á móti
fiskinum fýrir vestan. Spennandi,
já, virkilega æsandi og honum að
skapi, en ábyggilega ofboðslega
erfitt á köflum.
Smáskammtar af ísuðum fiski í
farþegavél inn á markað sem taldi
milljónir á milljónir ofan var nú
ekki hugmynd Guðjóns um stórbisn-
iss. Því byrjaði hann fyrir margt
löngu, já langt á undan öðrum, að
viðra hugmyndir um flutning á heil-
um flugvélaförmum vestur um haf.
NA UÐUNGARUPPBOÐ
Nauðungaruppboð
þriðja og síðasta á fasteigninni Heiðmörk 8, Selfossi, þingi. eigandi
Ólafur Gunnarsson, fer fram á eigninni sjálfri, þriðjudaginn 26. júní
1990 kl. 14.00.
Uppboðsbeiðendur eru Jón Ólafsson hrl., Guðjón Ármann Jónsson
hdl. og Gjaldskil sf.
Sýslumaðurinn í Árnessýslu.
Bæjarfógetinn á Selfossi.
Nauðungaruppboð
þriðja og síðasta á fasteigninni Vatnsenda, Vill., þingl. eigandi Ingi-
mundur Bergmann Garðarsson, fer fram á eigninni sjálfri, föstudag-
inn 2. júni 1990 kl. 10.30.
Uppboðsbeiðendur eru Friðjón Örn Friðjónsson hdl., Guðríður Guð-
mundsdóttir hdl. og Stofnlánadeild landbúnaðarins.
Sýslumaðurinn í Árnessýslu.
Bæjarfógetinn á Selfossi.
Nauðungaruppboð
þriðja og siðasta á fasteigninni Eyrarbraut 24, (Mánabakki), Stokks-
eyri, þingl. eigandi Jón Björn Ásgeirsson, fer fram á eigninni sjálfri,
föstudaginn 29. júní 1990 kl. 13.30.
Uppboðsbeiðendur eru Jóhannes Ásgeirsson hdl., Jón Eiríksson
hdl., Jón Ingólfsson hdl. og Byggingasjóður ríkisins.
Sýslumaðurinn i Árnessýslu.
Bæjarfógetinn á Selfossi.
»2

Nauðungaruppboð
þriðja og síðasta á fasteigninni Fiskimjölsverksmiðja, Eyrarbakka,
þingl. eigandi Njörður hf., fer fram á eigninni sjálfri, föstudaginn 29.
júní 1990 kl. 14.00.
Uppboösbeiðendur eru Jakob J. Havsteen hdl. og Jón Eiríksson hdl.
Sýslumaðurinn í Árnessýslu.
Bæjarfógetinn á Selfossi.
Nauðungaruppboð
þriðja og síðasta á fasteigninni Laufskógum 9, Hveragerði, talinn
•eigandi Guðriður V. Kristjánsdóttir, fer fram á eigninni sjálfri, föstu-
daginn 29. júní 1990 kl. 15.00.
Uppboösbeiðendur eru Jón Eiríksson hdl., Ari (sberg hdl., Bygginga-
sjóður rikisins, Óskar Magnússon hdl., Tryggvi Agnarsson hdl., As-
geir Thoroddsen hrl. og Ævar Guðmundsson hdl.
Sýslumaðurinn í Árnessýslu.
Bæjarfógetinn á Selfossi.
Nauðungaruppboð
á eftirtöldum fasteignum fer fram í skrifstofu embættisins, Hörðu-
völlum 1:
Miðvikudaginn 27. júní 1990 kl. 10.00
Hvoli I, Ölfushr., þingl. eigandi Björgvin Ármannsson.
Uppboðsbeiðendur eru Ingimundur Einarsson hdl., Byggingasjóður
rfkisins, Jón Magnússon hrl. og Ævar Guðmundsson hdl. Önnur sala.
Fimmtudaginn 28. júní 1990 kl. 10.00
Arnarstaðakoti, Hraungerðishreppi, þingl. eigandi Þorbjörg Guðjóns'-
dóttir.
Uppboðsbeiðandi er Landsbanki Islands, lögfræðingadeild.
Sýslumaðurinn í Árnessýslu.
Bæjarfógetinn á Selfossi.
TILKYNNINGAR
Tilkynning til gjaldenda
skipulagsgjalds
í Reykjavík
Gjaldendum vangoldins skipulagsgjalds er
bent á að skipulagsgjaldskröfum fylgir lög-
veðréttur í viðkomandi fasteign, sbr. 1. mgr.
35. gr. laga nr. 19/1964.
Verði vangoldin skipulagsgjöld eigi greidd
fyrir 27. júlí nk., mun, skv. 1. gr. laga nr.
49/1951, fyrirvaralaust verða krafist nauð-
ungaruppboðs á fasteignum þeim, er lögveð-
rétturinn nær yfir, til lúkningar vangoldnum
kröfum auk dráttarvaxta og kostnaðar.
Tollstjórinri í Reykjavík.
BÁTAR-SKIP
Kvóti
Óska eftir að kaupa þorsk-, ýsu- og karfa-
kvóta. Upplýsingar í síma 92-46540.
TIL SÖLU
Strandavíðir
Úrvals limgerðisplanta. Góð reynsla við sjáv-
arsíðuna.
íslenskur af Ströndum.
Upplýsingar í síma 667490 á daginn og
667704 eftir kl. 20.00
SJÁLFSTJEÐISPLOKKURINN
I ' í L A ( ', S S T A R F
Myndataka
af stjórn SUS
SAMBAND UNCRA
S/ÁLFS TÆÐISMANNA
Stjórnarmenn SUS: Munið eftir myndatökunni í Valhöll, Háaleitis-
braut 1, laugardaginn 23. júní kl. 13.30. Mikilvægt er að allir stjórnar-
menn mæti. Vinsamlegast tilkynnið forföll í síma 91-82900.
Samband ungra sjálfstæðismanna.