Morgunblaðið - 30.06.1991, Page 15

reer íw'ii m HiiaAaTn»iu8 aniAJavíUíJH.OM
-MORGUNBLADID 3UNNUDAOUR 80. JUNÍ--199Í-----------------------------------------------—15
Afmæliskveðja:
Dr. Sigurbjörn
Einarsson biskup
Prófessor í heimspeki sagði í
gagnmerkum fyrirlestri á nýafstað-
inni prestastefnu á Hólum, að það
væri þýðingarmikið að prestar
kæmu inn á sögu íslenskrar þjóðar
í svo til hverri prédikun. Þetta
skýrði hann með því, að sá týndi
sjálfum sér, sem ekki þekkti þá
sögu, sem hann væri hluti af.
Það vitum við þó vel, að misjafnt
mun það reynast, þá upp er staðið,
hve stór þessi hlutur einstaklings-
ins er í sögu heildarinnar, þ.e. þjóð-
arinnar. Munu flestir þurfa að
sætta sig við svo lítið brot, að vart
greina aðrir en þeir, sem næstir
standa eða hafa staðið nærri.
í dag, 30. júní, er sá áttræður,
sem enginn efast um, að muni um
framtíð fylla svo stóran þátt sögu,
að ekki sé hætta á því, að þáttur
hans verði hulinn sandi tímans.
Dr. Sigurbjörn Einarsson er orð-
inn áttræður. Ekki eiga þessi af-
mælisorð að rekja sögu hans, ekki
einu sinni að leitast við að slá ein-
hverri mælistiku á framlag hans
eða lyfta svo tjalddúk tímans að
spá í sess hans, þegar saga þessara
ára verður metin og færð til bókar.
En í nafni Þjóðkirkju íslands
færi ég herra Sigurbirni biskupi
þakkir og túlka virðingu um leið.
Hann hefur risið hátt og af ferli
hans stafar miklum ljóma. Þeir sem
unna kirkju og boðskap Krists eiga
þá bæn, að áfram muni framlag
hans svo varðveitast, að þjóð styrk-
ist af og kirkjan eflist.
Guði er Sigurbjörn falinn og ást-
vinir hans allir og þau mál, sem
hann hefur varið tíma sínum og
ótrúlegum hæfileikum til að þjóna.
Kirkjan þakkar og þar með þjóðin
öll.
Hjartanlegar hamingjuóskir á
stórum degi, þegar Sigurbjörn bisk-
up leiðir fjölskyldu sína um
bernskuslóðir og lítur til baka. Við
horfum þá einnig mót þeirri
framtíð, sem við vonum að beri
gæfu til að ávaxta mikinn arf, sem
hann skilar komandi kynslóðum
sem þeim, sem en njóta boðskapar
hans og þjónustu.
Olafur Skúlason

Reykjavik
Fœreyjar
Kaupmannahöfn
Reykjavík

H PiLMí I lilN'A
Gullið tækifæri til að heimsækja tvær vinaþjóðir og eiga gott
sumarfrí á eyjunum átján og í iðjagrænni Danmörk. Vegna
sérstakra samninga við Mærsk Air og Atlantik Airways getum
við boðið farmiðann Reykjavík -Færeyjar - Kaupmannahöfn -
Reykjavík á aðeins 37.640 kr. á manninn. Miðinn gildir i 30
daga.
Við minnum á Færeyjaflugið þar sem þú færð þjónustu um
borð eins og hún gerist best í millilandaflugi, getur verslað í
Saga Boutique og nýtur þess til fullnustu að bregða þér út fyrir
landsteinana. Bjóðum margs konar og ný fargjöld til Færeyja.
Nánari upplýsingar og farpantanir í síma 690300 (opið alla 7
daga vikunnar), á söluskrifstofum okkar, hjá umboðsmönnum
um land allt og ferðaskrifstofum.
FLUGLEIDIR
í S
V o
RÆKTAÐU HUGANN
— en gleymdu ekki undirstöóunni!
• V
r 't
MLMI
HANNESSON
EVRÍPfDES
LANDIÐ
OKKAR

Prjú lelírri
um ésilr 0'
.'ijínobiná
m
)g gefur auk þess zink, magníum, kalíum, A-vítamín og fleiri efni sem eru líkamanum nauðsynleg.

MJÓLKURDAGSNEFND