Morgunblaðið - 17.12.1991, Blaðsíða 63

MORGUNBLAÐIÐ ÞRIÐJUDÁGUR 17. DESEMBER 1991
63
Sigurður J. Líndal,
Lækjarmóti - Mhuiing
Með Sigurði á Lækjamóti er horf-
inn af sjónarsviðinu einn af kunnustu
félagsmálamönnum í íslenskri bænd-
astétt á síðari áratugum. Hann var
fæddur á Akureyri 29. nóvember
árið 1915, sonur Jónínu Sigurðar-
dóttur Líndal og Jakobs H. Líndal
bónda og jarðfræðings á Lækjamóti.
Mun Sigurður hafa líkst föður sínum
um marga hluti.
Sautján ára gamall fór Sigurður
til náms í Reykjaskóla í Hrútafirði.
Stundaði búfræðinám á Hvanneyri í
Borgarfirði og fór síðan til námsdval-
ar, um eins árs skeið, til Noregs.
Kom Sigurður heim úr Noregsferð-
inni árið 1939.
Snemma fór Sigurður að sinna
félagsmálastörfum samhliða bús-
störfum. Hann gekk m.a. inn í raðir
ungra framsóknarmanna og var þeim
flokki trúr síðan, án þess að sækjast
þar eftir sérstökum frama.
Árið 1951 tók Sigurður við búskap
á Lækjamóti, að föður sínum látnum.
Varð búskapurinn aðalstarf hans til
endadægurs þótt fleira kæmi til.
Hann var mjög þeirrar gerðar að
eiga traust og ekki síður góðhug
samferðamanna og hlóðust á hann
. margskonar félagsmálastörf.
Traustsins reyndist hann verður.
Strax að föður sínum látnum tók
Sigurður við hreppsstjórastarfi í Þor-
kelshólshreppi og einnig sýslunefnd-
ar sem hann gegndi meðan sú skipan
héraðsmála ríkti, eða tii ársloka
1988. Árið 1958 var hann kjörinn
stjórnarformaður Búnaðarsambands
Vestur-Húnavatnssýslu og gegndi
því starfi um tuttugu og tveggja ára
skeið. Þá sat hann og á Búnaðar-
þingi fyrir Vestur-Húnvetninga og
einnig á stéttarsambandsfundum um
árabil. Heima í Víðidalnum var hann
forgöngumaður að stofnun sauma-
stofu í Víðihlíð, sat í stjórn Veiðifé-
lags Víðidalsár og til margs fleira
var hann kvaddur sem ekki verður
hér upp talið.
Einn er sá þáttur í félagsmála-
störfum Sigurðar J. Líndal sem sér-
staklega skal getið í þessum minn-
ingaorðum en, það eru störf hans
fyrir hrossabúskapinn í landinu.
Hann var einn af stofnendum Hags-
munafélags hrossabænda árið 1975,
sem síðar hlaut nafnið Félag hrossa-
bænda,. Sat Sigurður í fyrstu stjórn
félagsins og formaður á árunum
1978 til 1984 að hann gaf ekki kost
á sér til endurkjörs. Hvarf hann þó
engan veginn frá því að sinna mál-
efnum félagsins en það var honum
geðþekkt að tengdasonur hans Þórir
Isólfsson, nú bóndi á Lækjamóti, var
kosinn í stjórnina. Á síðasta aðal-
fundi Félags hrossabænda var
Sigurður endurkjörinn endurskoð-
andi þess.
Vegna þekkingar sinnar af mál-
efnum landbúnaðarins og kynnum
af ýmsum forustumönnum stéttar-
innar og stjórnmála hafði Sigurður
tvímælalausa aðstöðu til þess að
þoka málum hrossabænda áleiðis.
Rís þar hæst frumkvæði hans á Bún-
aðarþingi að byggingu reiðhallar og
stofnunar reiðskóla. Varð hvoru-
tveggja að veruleika, sem kunnugt
er og mun eflaust stærsta átak sem
gert hefír verið til þess að færa ís-
lenska hestamennsku til nútíma
horfa meðal almennings.
P JHHHHHHHHi
Um árabil voru Sigurði J. Líndal
falin endurskoðunarstörf fyrir Bún-
aðarfélag íslands, Bændahöllina
sjálfa og Framleiðsluráð landbúnað-
arins. Varð það til langdvala hans í
Reykjavík á síðari árum.
Það var svo um Sigurð J. Líndal
að hann var sívakandi um hverskon-
ar mennirigar- og félagsmál sveitar
sinnar og sýslu. Sem dæmi um það
skal nefnt að hann ritstýrði, fyrir
hönd sýslunga sinna, útgáfu á
þriggja binda ritverki, Húnaþingi,
sem búnaðar- og samvinnusamtökin
í Húnavatnssýslunum báðum stóðu
að. I síðasta bindi ritsins á Sigurður
þátt um afréttalönd Víðdælinga, en
þeim var hann gjörkunnugur af ára-
tuga gangnaferðum og sögulegri
skoðun. I vaxandi mæli sinnti Sigurð-
ur fræðimennsku og ritstörfum og
má í því sambandi benda á ritgerð
hans á Húnavöku 1991 um kláðafár-
ið og Húnvetninga með undirfyrir-
sögninni Kristján í Stórdal og sauða-
rekstur hans.
í einkalífi var Sigurður á Lækja-
móti hamingjumaður. Eiginkonu
sinnar Elínar Hólmfreðsdóttur frá
Núpshlíð í Vestur-Húnavatnssýslu
naut hann þó ekki lengi. Hún and-
aðist mjög um aldur fram. Þau hjón
eignuðust þrjár dætur er upp kom-
ust, Jónínu Margréti, Elínu Rann-
veigu og Önnu Guðrúnu. Er Elín
húsfreyja á Lækjamóti og vara al-
þingismaður framsóknarflokksins á
Norðurlandi vestra. Kona Sigurðar
færði honum og tvö börn sín, er hún
átti áður, þau Sonju og Grétar. Varð
Sigurður þeim besti faðir. „Hann gaf
okkur svo mikið,“ sagði Grétar við
þann sem þetta ritar. „Því verður
ekki með orðutn lýst.“ Samstaða
Lækjarmótsfjölskyldunnar auðveld-
aði Sigurði að sinna þeim fjölþættu
störfum sem samfélagið kallaði hann
til.
Fyrir þann þátt í störfum Sigurðar
J. Líndal, sem hann helgaði félags-
málum hrossabúskaparins í landinu,
skal hér að síðustu þakkað í umboði
stjórnar Félags hrossabænda. Pers-
ónulegar þakkir eru og tjáðar fyrir
áratuga vináttu og samstarf. Er mik-
ils að sakna er lokið er.
Samúðarkveðjur eru færðar Lækj-
armótsfólkinu öllu.
Grímur Gíslason
wSttnw1
SORTIMO VINNUFATNAÐUR
OG SKÚFFUKERFI
SORTIMO skúffukerfin bæta
skipulagið og árangur vinnunnar
SORTIMO skúffukerfin geta verið allt frá haganlega
útbúinni verkfæratösku, sem heldur öllum smáhlutum
í röð og reglu, upp í litla varahlutaverslun eða
verkstæði á hjólum. Einingarnar rúmast í allar gerðir
bíla. SORTIMO skúffukerfi henta sérstaklega fyrir alla
iðnaðarmenn, lagerstjóra, útgerðarstjóra og vélstjóra.
SORTIMO vinnufatnaður fyrir þá sem
klæða sig á skipulegan hátt
SORTIMO er stílhreinn og þægilegur vinnu-
fatnaður, sem ber vott um nútímalegar kröfur
og vandvirkni þess sem klæðist honum.
Verkstæði á
fjórum hjólum
Me5 SORTIMO skúffukerfi í bílnum
myndar þú verkstæði á fjórum hjólum
Margir möguleikar eru á uppröðun og
staðsetning skrúfstykkis getur verið á
þrjá mismunandi vegu eftir þörfum
hvers og eins.
Hver skúffa hefur sérstaka lokun og hægt
er að læsa allri einingunni í einu með
lykillæsingu. Allir kassar i skúffunum hafa
einnig sérstaka öryggislokun þannig að
engin hætta er á að innihaldið fari úr þeim
ef gleymist að læsa.
Möguleikarnir á uppröðun SORTIMO skúffukerfisins eru ótrúlega margir og sjón er sögu ríkari.
RAFVERHF
Skeifan 3 • 108 Reykjavik • Símar: 91-81 24 15 og 81 21 17
Umboðsmenn: Geisli Vestmannaeyjum, Póllinn Isafirði, Glitnir Borganesi, Snarvirki Djúpavogi
SKOG
RÆKTAR
ROKIN
'H'VKTAKWt
SKÓGRÆKTARFÉLAG ÍSLANDS