Morgunblaðið - 09.02.1992, Blaðsíða 35

'jfíi.'i >w, Í>ni:« .(> h'jíiauíih'/. v< AM8\ðAH\AI/ll/1IVTA /I
MORGUNBLAÐIÐ SUNNUDAGUR 9. FEBRÚAR 1992
*
ÞorvarðurA. Eiríks
son - Minning
NÝ TÖLVUBÓK
Þorvarður Áki Eiríksson mágur
minn, vinur og félagi er látinn
langt fyrir aldur fram. Mínar
fyrstu minningar eru tengdar Þor-
varði Áka og það er ljómi yfír þess-
um minningum. Hann var hinn
glaði góði maður hennar stóru
systur minnar, félagi fullur af orku
og áhuga. Hann var ástríkur eigin-
maður og fjölskyldufaðir. Ó1 upp
börn sín í kærleika og bjó fjöl-
skyldu sinni fagurt heimili. Hann
hræddist ekki að sýna ástúð og
blíðu. Ég kveð vin minn með sökn-
uði.
Við félagar í Handknattleiksfé-
lagi Kópavogs kveðjum í dag okk-
ar gamla foringja. HK félagar
sakna síns gamla formanns. Þor-
varður Áki var kosinn fyrsti for-
maður HK 26. janúar 1970 þegar
félagið var stofnað. Áki var for-
maður HK óslitið í ellefu ár eða
til ársins 1981. Á stjórnarferli sín-
um byggði Áki upp sterkt og sam-
heldið félag. Hann var hinn óþreyt-
andi foringi sem aldrei gafst upp.
Ef hans hefði ekki notið við væri
ekkert HK til í dag. Þetta eru stór
orð en þau eru sönn. Hann var
ötull að mæta á æfingar og leiki
hjá öllum flokkum og opnaði heim-
ili sitt fyrir HK félögum til hvers-
kyns fundahalda. Það var algengt
að bæði fyrir og eftir leiki væri
hist heima í Skólagerðinu og málin
rædd. Allir voru boðnir hjartanlega
velkomnir og ekkert til sparað.
Ekkert þótti þeim hjónum Áka og
Margréti sjálfsagðra en að fá HK
félaga í heimsókn. Þeirra heimili
var í raun félagsheimili HK ellefu
fyrstu árin.
Mannkostir Áka komu vel fram
í félagsstarfi hans. Hann var uppa-
landinn sem miðlaði af reynslu
sinni og þekkingu. Hann leit á það
sem hlutverk sitt að leiða unga
fólkið til þroska, gera góða menn
úr óstýrilátum unglingum. Við
fundum það félagar hans í HK að
Áka var full alvara þegar hann
brýndi fyrir okkur að heilbrigð sál
byggi í hraustum líkama. Honum
stóð ekki á sama, hann meinti
hvert orð. Að hugsa vel um líkam-
ann, borða hollt fæði, fá nægan
svefn og temja sér reglusemi
brýndi hann fyrir strákunum.
Hann hafði lag á að tala þannig
til ungra manna að þeir tóku mark
á orðum hans. Hann talaði aldrei
niður til neins heldur lét hvern
þann, c|' hann átti tal við, finna
að hann mat hann sem jafningja
er ætti fullan rétt. Með hægð en
festu agaði hann menn þannig að
hann ávann sér virðingu allra. All-
ir áttum við vin og félaga í Þor-
varði Áka. Sú einstaka samstaða
og félagsvitund sem er grunnurinn
að starfi HK er að miklu leyti
Þorvarði Áka að þakka. Hann
leyfði mönnum að finna að honum
þætti vænt um þá, að hann mæti
þá mikils og var þar enginn undan-
skilinn. Þorvarðar Áka er sárt
saknað af fjölmörgum HK mönn-
um ungum sem öldnum. Sú óbi-
landi samstaða og félagskennd
sem Þorvarður Áki innleiddi í HK
mun verða okkur leiðarljós inn í
framtíðina.
Það gladdi okkur núverandi
stjórnarmenn í HK að sjá gamla
formanninn mæta á heimaleiki
meistaraflokksins í vetur. Hann
settist eins nærri leikvellinum og
hann gat og kallaði hvatningarorð
til sinna manna. Við vissum að
hann var fársjúkur og hafði barist
hetjulegri baráttu við sjúkdóm
sinn. Líkaminn var orðinn feyskinn
en andinn var óbugaður. Vel-
gengnin fyrr í vetur gladdi hann
mikið og þótt syrti í álinn þá gafst
hann ekki upp. Reyndar undraði
sú afstaða engan okkar er þekkt-
um hann. Við töluðum saman í
síðasta skipti í síma uppúr áramót-
unum. Ég taldi mig þá heyra á
mæli hans að senn myndi baráttu
hans ljúka. Hann ræddi við mig
um strákana sína í meistaraflokkn-
um og bað mig um að stappa í þá
stálinu og skila baráttukveðju frá
sér. Þeirri kveðju er hér með kom-
ið á framfæri.
Við HK menn munum ávallt
muna Þorvarð Áka Eiríksson. Við
sendum fjölskyldu hans okkar
dýpstu samúðarkveðjur.
Þorvarður Áki var gæfumaður.
Hann átti einstaklega samheldna
fjöiskyldu í konu sinni og börnum.
Á heimili Margrétar og Áka ríkti
friður og eindrægni. Það ríkti ein-
stakur andi á heimili þeirra. Þótt
lífshlaup hans yrði styttra en nokk-
urn hefði grunað þá kom hann
miklu góðu í verk. •
Áki var gleðimaður. Hann var
góður söngmaður og hafði yndi af
tónlist. Það leyndi sér ekki hver
voru komin í heimsókn þegar léttur
dixíland hljómaði frá flyglinum
heima. Ógleymanlegar eru þær
stundir þegar Margrét settist við
hljóðfærið og sungið var af hjart-
ans_ lyst.
Áki var trúmaður og kirkjuræk-
inn. Hann fór ekki í kirkju af skyld-
urækni heldur til þess að láta sér
líða vel, fínna hið góða. Hann var
opinn og hrifnæmur. Mér eru
ógleymanlegar fjölskylduferðirnar
sem við fórum saman um ísland.
Áki var náttúruunnandi, fagur-
keri. Hann elskaði líflð og naut
þess að lifa.
í barattunni við sjúkdóm sinn
sýndi Áki mikla hetjulund fram á
síðasta dag. Hann nýtti tímann til
hins ýtrasta. í minningunni mun
hann ávallt vera hinn góði fjöl-
skyldufaðir, hinn góði heiðarlegi
borgari.
Eg, kona mín og börn syrgjum
Þorvarð Áka. Við sendum frænd-
fólki okkar innilegar samúðar-
kveðjur. Minningin um góðan
dreng lifir.
Þorsteinn Einarsson,
formaður HK.
ÚT ER komin hjá Bókaútgáf-
unni Aldamótum bókin Tölvu-
kver eftir Atla Harðarson.
Henni er ætlaður staður í tölvu-
fræðiáföngum framhaldsskól-
anna.
Tölvukver skiptist í 9 kafla sem
fjalla um sögu tölvunnar, upp-
byggingu, tölvusamskipti, hug-
búnað, forritunarmál o.fl. auk þess
sem sérstakur annáll er um þróun
einmenningstölva frá 1971-1990.
Þess má geta að bókin er byggð *á
5 lesörkum sem Fjölbrautaskóli
Vesturlands gaf út 1989.
Höfundur bókarinnar, Atli
Harðarson, er deildarstjóri tölvu-
fræða við Fjölbrautaskóla Vestur-
lands og starfar á Akranesi.
Tölvukver er 123 blaðsíður og
kostar kr. 1.490 í verslunum.
(Fréttatilkynning)
LANDSBANKI
í S L A N D S
---- L ----
W-ÁM-AW
NÁMU-NÁMSSTYRKIR
Landsbanki íslands auglýsir eftir umsóknum um 5 styrki
sem veittir verða NÁMU-félögum
r
1 - Einungis aðilar að NÁMUNNl, námsmannaþjónustu
Landsbanka íslands, eiga rétt á að sækja um þessa styrki.
2 Allir þeir, sem gerst hafa félagar i NÁMUNNI fyrir
16. mars 1992, eiga rétt á að sækja um þessa styrki.
3. Hver styrkur er að upphæð 150 þúsund krónur. Þeir
verða afhentir í apríl 1992 og veittir NÁMU-félögum skv.
eftirfarandi flokkun:
2 styrkir til háskólanáms á íslandi, 1 styrkur til náms við
framhaldsskóla hérlendis, 1 styrkur til framhaldsnáms er-
lendis og 1 styrkur til listnáms.
4. Umsóknum, er tilgreini námsferil, heimilisfang og
framtíðaráform, skal skilað til Landsbanka íslands eigi síðar
en 16. mars næstkomandi.
5. Umsóknir sendist til:
Landsbanki íslands, Markaðssvið,
b.t. Ingólfs Guðmundssonar,
Austurstræti 11, 155 Reykjavík.
Landsbanki
íslands
Banki allra landsmanna
FÉLAGSLÍF
□ MlMIR 599202107 - AF.
□ GIMLI 599210027 = 2
I.O.O.F. 10 = 1732108V2 =
Spilakvöld.
I.O.O.F. 3 = 1732108 = O
Almenn samkoma í Þríbúöum í
dag kl. 16.00. Fjölbreytt dagskrá
með miklum söng og vitnisburð-
um. Samhjálparkórinn tekur lag-
ið. Barnagæsla. Ræðumaður
verður Óli Ágústsson.
Kaffi að lokinni samkomu.
Allir velkomnir.
Hvítasunnukirkjan
Fíladelfía
Brauðsbrotning kl. 11.00.
Ræðumaður: Snorri Óskarsson.
Sunnudagaskóli á sama tíma.
Almenn samkoma kl. 16.30.
Ræðumaður: Snorri Óskarsson.
Barnagaesla.
Allir hjartanlega velkomnir.
FERÐAFELAG
ÍSIANDS
ÖLDUGÖTU3 & 11798 19533
Myndakvöld Ferða-
félagsins miðvikudag-
inn 12. febrúar
Myndakvöld F.j. miðvikudaginn
12. febrúar verður I Sóknarsaln-
um, Skipholti 50a og hefst
stundvíslega kl. 20.30. Fyrir
kaffihlé sýnir Pétur Þorleifsson
myndir frá Kili á því svæði sem
gönguleiðin frá Hvítárnesi að
Hveravöllum liggur um (þrjár
gönguferðir áætlaðar nk. sum-
ar). Svo verður hann með frá-
sögn í máli og myndum af
spennandi skíöagönguferö yfir
Vatnajökul og flugmyndir af
gönguleiö yfir Vatnajökul sem
fyrirhugaö er að fara í sumar á
vegum Ferðafélagsins frá
Hveragili í norðri að Þormóðs-
hnútu í suðri. Áhugasamt
göngufólk ætti ekkl að láta
þessa sýningu Péturs fram hjá
sér fara og ekki hinir sem vilja
skoða stórbrotið landslag. Eftir
hlé verða sýndar myndir úr ferð-
um Ferðafélagsins. Félagskonur
sjá um kaffiveitingar I hléi. Að-
gangur kr. 500,- (kaffi og með-
læti innifalið). Fólk sækir bæði
fróöleik og skemmtun á mynda-
kvöld Ferðafélagsins. Kynnist
eigin landi hjá Ferðafélagi ís-
lands. Allir velkomnir félagar og
aðrir. Spilin góðu eru enn til sölu.
Ferðafélag Islands.
FERÐAFÉLAG
ÍSLANDS
ÓLDUGÖTU 3 S 11798 19533
Dagsferð sunnudaginn
9.febrúar
Kl. 13.00 Suðurreykir-
Reykjafell-Helgafelt
Kjalarnesgangan, þriðji áfangi.
Gangan hefst þar sem frá var
horfiö 26. jan. og nú liggur leiðin
um Reykjafell (268 m), Æsu-
staðafjall og Helgafell og svo um
Skammaskarð að Norðurreykj-
um. Þetta er áreynslulaus
gönguferð um þrjú lág fell, sem
margir hafa virt fyrir sér sem
leið hafa átt um Vesturlandsveg-
inn. Á göngu utan alfaraleiða
blasa oft við ný sjónarhorn á
kunnugu umhverfi og það á við
í ferðinni á sunnudaginn.
Brottför er frá Umferöarmiö-
stöðinni, austanmegin. Farmið-
ar við bíl. Frítt fyrir börn með
fullorðnum. Stansað við Mörkina
6 (nýja félagsheimili F.i.).
Verð kr. 900,-
Helgarferð íTindfjöll
14.-16. febrúar-
Gist íTindfjallaseli
Námskeið í ferðamennsku og
notkun áttavita og korts veröur
haldið 19., 20. og 27. febrúar.
Námskeiöið er sérstaklega ætl-
að félagsmönnum F.i.
Takmarkað pláss.
Nánari upplýsingar og skráning á
skrifstofunni. Gerist félagar í F.í.
Spennandi skíðagönguferð í
Noregi, Rondane og Ringebu,
20.-29. mars. Upplýsingablað á
skrifstofunni. %
Ferðafélag íslands.
SHjálpræðis-
herinn
Kirkjustræti 2
Fjölskyldusamkoma kl. 14.00.
Ungbarnavígsla.
Hjálpræðissamkoma kl. 20.00.
Hildi Dagfinnrud Valen og þátt-
takendur I námskeiði vitna og
tala á samkomunum.
Mánudagur: Heimilasambandið
kl. 16.00.
. Þriðjudagur:
Barnavikan hefst
Barnasamkomur alla vikuna
kl. 17.30.
Miðvikudagur: Hjálparflokkur
hjá Sólveigu i Ljósheimum 18a.
Fimmtudagur: Almenn sam-
koma kl. 20.30.
Verið velkomin.
KR-konur
Fundur verður þriðjudaginn 11.
febrúar kl. 20.30. Gestir fundar-
ins verða rithöfundurinn Ingi-
björg Haraldsdóttir og Hrafn-
hildur Schram, listfræðingur.
Verum duglegar að mæta.
Nýjar konur velkomnar.
Stjórnin.
Hörgshlíð 12
Boðun fagnaðarerindisins.
Almenn samkoma i kvöld
kl. 20.00.
VEGURINN
1 Kristið samfélag
Smiðjuvegi 5, Kóp.
Kl. 11.00: Almenn samkoma,
barnakirkja. Kl. 20.30: Kvöld-
samkoma, lofsöngvar, fyrirbæn-
ir, predikun Guðsorðs. „Jesús
Kristur er hinn sami í gær og
dag og um allar aldir".
Veriö velkomin.
QÚTIVIST
Hallveigarstíg 1, sími 14606
Dagsferðir sunnudag-
inn 9. febrúar
Kirkjugangan 3. áfangi.
Kl. 10.30: Stardalur-Mosfell-
Leirvogstunga.
Kl. 13.00: Helgafell-Mosfell-Leir-
vogstunga.
Um næstu helgi:
Dagsferð sunnudaginn
16.febrúar
Kl. 13.00: Maríuhöfn -
Hvammsvík.
Sjáumst!
Útivist.
KFUK
KFUM

Vitnisburðarsamkoma í kvöld
kl. 20.30 í kristniboössalnum,
Háaleitisbraut 58.
Upphafsorð: Gísli Friðgeirsson.
Ræðumaður: Sigfús Ingvason.
Allir velkomnir.
ÉSAMBAND (SŒNZKRA
> KRISTNIBOÐSFÉLAGA
Skipholti 50b, 2. hæð.
Almenn samkoma i dag kl.
11.00. Sunnudagaskóli á sama
tíma. Allir velkomnir.
íslensk-hollenska
vinafélagið
Hittumst á morgun, mánudag
10/2, kl. 21.00 í Café Amsterdam.
Miðilsfundir
Miðillinn Sheyla Kemp verður
með einkatíma frá 10. febrúar.
Upplýsingar i simum 682480 og
688704.
Stjórn Silfurkrossins.