Morgunblaðið - 15.03.1992, Blaðsíða 31

, ^ mvMiwn mmtkmXA'é &<íaa ammoM
MORGUNBLAÐIÐ SAMSAFNIÐ SUNNUDAGUR 15. MARZ 1992
c
Við vígslu skauta-
svellsins í Skátaheim-
ilinu við Snorrabraut,
frá vinstri: Oswald
Knudsen, Jón Sig-
urðsson skólastjóri,
dr. Helgi Tómasson
skátahöfðingi og
Katrín Viðar.
Það var oft glatt á
hjalla á kvöldvökum í
Skátaheimilinu. Á
sviðinu er Helgi S.
Jónsson, félagsforingi
Heiðabúa í Keflavík,
og fast við sviðið má
sjá Hans Jörgensen,
úr skátafélaginu á
Akranesi. Fyrir miðju
er Björgvin Magnús-
son úr skátafélaginu
Völsungum í Reykja-
vík, en hann var
stjórnandi þessarar
kvöldvöku.
SÍMTALID...
ER VIÐ SIGRÍÐIHAFSTAÐ FRAMKVÆMDASTJÓRA
Fréttir úr dalnum
96-61555
Halló.
- Er þetta á Tjörn í Svarfaðar-
dal?
Jú.
- Góðan daginn, þetta er á
Morgunblaðinu, Kristín Maija heiti
ég, er Sigríður Hafstað við?
Það er hún.
- Jú blessuð, ég var að heyra
að þú hefðir gefið út fréttablað í
firnmtán ár?
Eg hef nú ekki gert það, en ég
er að vísu framkvæmdastjóri
blaðsins.
- Er það fjölskyldan sem gefur
það út?
Nei, þetta er sjálfseignarfyrir-
tæki, maðurinn minn, Hjörtur E.
Þórarinsson, hefur lengst af verið
ritstjóri, en hann stofnaði blaðið
sem er óháð og ópólitískt árið 1977
ásamt tveimur öðrum. Seinna urðu
þeir bara tveir ritstjórarnir, Hjört-
ur og Jóhann Antonsson á Dalvík.
Um síðustu áramót breyttist þetta,
Hjörtur gekk út úr ritstjórninni og
tveir nýir komu í staðinn. Ég hef
séð um auglýsingar, rukkanir og
dreifingu blaðsins. Var dreifingar-
stjóri, en hef nú hækkað mig í tign
og er framkvæmdastjóri! En þetta
er dreifbýlisblað og heitir Norður-
slóð — svarfdælsk byggð og bær.
- Hversu oft
kemur blaðið út?
Það kemur út
einu sinni í mánuði,
að vísu tökum við
okkur tveggja mán-
aða sumarfrí. Þetta
varð strax dálítið
vinsælt blað, því
það var bundið
dalnum og Dalvík.
Heimamenn kaupa
það en margir
kaupendur eru
brottfluttir Svarf-
dælingar.
- í hve mörgum
eintökum kemur
það út?
Það er prentað í
þúsund' eintökum og áskrifendur
eru um 900. Það er prentað á
Akureyri í Dagsprent og er í sama
broti og Dagur.
- Hvað er blaðið stórt?
Yfirleitt er það sex síður, nema
jólablaðið er 24 til 28 síður.
-Já ég heyrði að jólablaðið
hefði verið myndarlegt.
Já við erum með fallegt jóla-
blað. Það er prentað á betri papp-
ír en venjuleg dagblöð og við viljum
halda því áfram því það eru marg-
ir sem safna blaðinu.
- En segðu mér, hvert er nú
efni blaðsins?
Það er jú heimafengið. Við erum
með vissa dálka i blaðinu eins og
„Fréttahorn", „Má ég kynna“, en
í þeim dálki eru viðtöl við nýja
menn sem setjast hér að, kannski
bónda eða kennara. Líka er þáttur
sem heitir „Mér er spurn“, þá leit-
ar blaðið svara við ýmsum spurn-
ingum. Við fjöllum um fyrirtæki á
Dalvík, menningarviðburði og
ýmsa fréttatengda atburði, og
einnig um skírnir, afmæli og andl-
át sem ég veit að brottfluttir fylgj-
ast grannt með. Síðasta blað var
einkum helgað sameiningu sveit-
arfélaga. Síðan erum við með
ýmsa menningarþætti eins og til
dæmis „Dagbók Jóhanns á
Hvarfi“, en það er dagbók gamals
bónda sem uppi
var um aldamótin.
I þessum þáttum
eru fróðlegar upp-
lýsingar um at-
burði sem gerðust
á þessum tíma.
- Það er auð-
vitað fjársjóður
fyrir þá sem safna
blaðinu. En það
væri nú gaman að
sjá eitt eintak?
Jú ég skal bara
senda þér eitt.
- Þakka þér
fyrir og vertu sæl.
Vertu blessuð.
Sigríður Hafstað.
Felix í gerfi jungkærans í íslandskiukkunni á sviði Leikfélags
Akureyrar.
Mín fyrstu spor
sem atvinnuleikari
FLESTIR muna eftir Felix Bergssyni sem söngvara í hljómsveit-
inni Greifunum á árunum ’86-’88. Síðan hvarf hann úr sviðsljós-
inu. En nú er hann að koma fram aftur og þá hjá Leikfélagi Akur-
eyrar. - Ertu búinn að leggja sönginn á hilluna, Felix?
Felix með hljómsveitinni Greifunum.
Eg ætlaði mér aldrei að gera
sönginn að ævistarfi," segir
Felix, „ég stefndi alltaf á leiklist-
ina. Og ég var að taka lokapróf frá
leiklistarskólanum í Edinborg í vor
eftir þriggja ára nám. Nú er ég
að stíga mín fyrstu skref sem at-
vinnuleikari.“
- Var ekki erfitt að hætta að
syngja?
„Nei, alls ekki. Mér fannst prýði-
legt að fara úr sviðsljósinu hér,
komast í burtu og reyna eitthvað
nýtt. Það er líka mikilvægt fyrir
íslenska menningu að íslendingar
sæki nýjar hugmyndir til annarra
landa.
En það var vissulega sérstök
reynsla að taka þátt í poppleikn-
um„Rocky Horror" sem var settur
upp á nemendamóti Verslunarskól-
ans ’84 og varð til þess að ég fór
HVAR
ERU ÞAU
WÚ?
FELIX BERGSSON, ÁÐUR
SÖNGVARIHJÁ
GREIFUNUM
að syngja heilmikið á nemendamót-
um. Og mér var boðið að gerast
söngvari hjá hljómsveitinni Greif-
unum í framhaldi af því. Ég var
alltaf að syngja sem krakki, var
einsöngvari í kórum og fleira. En
ég var orðinn slæmur í röddinni
og þreyttur þegar ég hætti. Þetta
var svo mikil keyrsla í hljómsveit-
inni.“
- Hvernig voru Skotarnir?
„Yndislegir á allan hátt. Og ég
ætla að halda tengslum við þá fyrst
að ég er með breska leikhúsmennt-
un. Ég er félagi í skoskum leik-
hópi, en flestir í honum eru skóla-
félagar mínir og vinir í gegnum
námið. Fyrir rúmu ári komum við
til íslands með leikritið „Saga úr
dýragarðinum" sem sýnt var víða
í menntaskólum. Og við stefnum á
að koma með leikritið „The White
Whore and the Bit Player", stór-
skemmtilegt, • nýlegt átakaverk,
amerískt að uppruna."
- Komstu aðeins heim með leik-
sýningar þessi þijú námsár?
„Nei, sumarfríin fóru í vinnu á
fijálsu útvarpsstöðvunum. Ég held
að ég sé búinn að koma fram í
þeim öllum," segir Felix hlæj-
andi.„En leikhópurinn okkar tók
þátt í síðustu Edinborgarhátíð. Það
sumar var ég aðallega úti í Skot-
landi.“
- Og hver eru fyrstu sporin á
leiksviðinu?
„Núna er ég leika í Tjútti og
trega. Ég kem þar fram sem mjólk-
urbílstjóri og vonbiðill aðalsögu-
hetjunnar, en leikritið á að gerast
á 5. áratugnum. Framundan er
skemmtilegt hlutverk í íslands-
klukkunni sem verður frumsýnd
27. mars. Þá geng ég fram á svið-
ið sem jungkærinn Magnús í
Bræðratungu.
Leikritið er tvöföld afmælissýn-
ing. Leikfélag Akureyrar verður
75 ára og skáldið Halldór Laxness
90 ára. Mikið einvalalið stendur
að sýningunni: -Sumrar Borg ieik--
stýrir. Elva Ósk er Snæfríður og
Þráinn Karlsson leikur Jón Hregg-
viðsson.
Jón Hlöðver Áskelsson er með
frumsamda tónlist í stíl við verkið
og Siguijón Jóhannsson er að vinna
stórvirki í leikniynd. Það er meira
en að segja það að nýta lítið svið
undir póla Islandsklukkunnar —
bækurnar, Almannagjá og Kaup-
mannahöfn — en mér sýnist sem
það muni koma vel út í þessu fal-
lega, litla leikhúsi."
- Ertu ánægður á Akureyri?
„Mér hefur aldrei liðið eins vel
í vinnunni. En ég ætla að starfa
sem leikari. Vil þar af leiðandi festa
mig í sessi á öllum stöðum og það
er meira að gera fyrir sunnan.“
- Ertu fjölskyldumaður?
„Já, ég er giftur með eitt barn.
Konan mín heitir Ásdís Ingþórs-
dóttir og er að ljúka námi í arkitekt-
úr úti í Skotlandi.“