Morgunblaðið - 26.09.1992, Blaðsíða 19

MORGUNBLAÐIÐ LAUGARDAGUR 26. SEPTEMBER 1992
19
Jón Sigurðsson á fundi Alþjóða gjaldeyrissjóðsins
Fylgja ber aðhaldssamri
efnahagsstefnu í fyrrum
lýðveldum Sovétríkjanna
ÁRSFUNDIR Alþjóða gjaldeyrissjóðsins og systurstofnana hans voru
haldnir í Washington í Bandaríkjunum dagana 22. til 24. september.
Flest af rikjum heims eiga aðild að sjóðnum og Alþjóðabankanum og
á fundinum voru Sviss, Eystrasaltsríkin og um helmingur af fyrrum
lýðveldum Sovétríkjanna boðin vélkomin í hópinn. Norðurlöndin og
Eystrasaltsríkin hafa ákveðið að standa saman að kjöri fulltrúa í stjórn
bæði Alþjóða gjaldeyrissjóðsins og Alþjóðabankans.
í fréttatilkynningu frá iðnaðar-
og viðskiptaráðuneyti segir m.a.:
„Fundina sóttu af íslands hálfu Jón
Sigurðsson, iðnaðar- og viðskipta-
ráðherra, Friðrik Sóphusson, fjár-
málaráðherra, Jóhannes Nordal,
seðlabankastjóri, og Ólafur ísleifs-
son, forstöðumaður alþjóðadeildar
Seðlabanka íslands. Auk þess sátu
fundina Sigurgeir Jónsson, forstjóri
Lánasýslu ríkisins og Finnur Svein-
björnsson, skrifstofustjóri í við-
skiptaráðuneytinu. Á fundunum
voru Ingimundur Friðriksson, full-
trúi Norðurlandanna í stjórn Alþjóða
gjaldeyrissjóðsins og Helga Jóns-
dóttir, varafulltrúi Norðurlandanna
í stjórn Alþjóðabankans.
Dagana fyrir ársfundina voru
haldnir fundir í stjórnarnefnd Al-
þjóða gjaldeyrissjóðsins og þróunar-
nefnd stofnananna. Jón Sigurðsson
var fulltrúi Norðurlandanna og Eyst-
rasaltsríkja á fundi stjómarnefndar-
innar og talaði þar fyrir þeirra hönd.
Á ársfundunum sjálfum flutti Jón
Sigurðsson ræðu fyrir hönd Norður-
landanna um málefni Alþjóðabank-
ans og Jóhannes Nordal flutti ræðu
fyrir hönd Norðurlandanna um mál-
efni Alþjóða gjaldeyrissjóðsins.
Á fundi stjórnarnefndar Alþjóða
gjaldeyrissjóðsins kom fram að verð-
bólga í iðnríkjunum hefur enn farið
lækkandi. Efnahagsbati er hins veg-
ar hægur og mismunandi eftir ríkj-
um. Atvinnuleysi er enn of mikið og
ókyrrðin að undanförnu á gjaldeyris-
mörkuðum hefur valdið óvissu um
framtíðarþróun efnahagsmála. Þá
kom fram að efnahagsþróun í fjöl-
mörgum þróunarríkjum, einkum
þeim sem hafa fylgt aðhaldssemi en
jafnframt fijálslyndri efnahags-
stefnu, hefur verið jákvæð þrátt fyr-
ir tiltölulega slakt efnahagsástand
víða um heim. Loks var bent á mikil-
vægi þess að yfirstandandi samn-
ingalotu GATT-viðræðnanna lyki
sem fyrst.
í ávarpi sínu á fundi stjórnar-
nefndarinnar benti Jón Sigurðsson
m.a. á að óróann á gjaldeyrismörk-
uðum að undanförnu mætti einkum
rekja til tveggja þátta. í fyrsta lagi
nefndi hann þrálátan halla í ríkisfjár-
málum og verðbólgu í mörgum af
iðnríkjunum. í öðru lagi benti hann
á að skort hafi á samráð milli þriggja
stærstu iðnríkjanna sem bæru sér-
staka ábyrgð á þróun alþjóða pen-
ingakerfisins. Þessu til viðbótar hafi
um skeið ríkt pólitísk óvissa í Evrópu
vegna staðfestingar Maastricht-
samnings Evrópubandalagsríkjanna.
Norðurlöndin hafi ekki farið varhiuta
af þessari þróun á alþjóðlegum gjald-
eyrismörkuðum og hafi hún aukið
við efnahagserfiðleika heima fyrir í
sumum þeirra. Hann tók sérstaklega
fram að Norðurlöndin hygðust áfram
fylgja stefnu stöðugs gengis.
I umræðum um málefni Austur-
Evrópu, Eystrasaltsríkjanna og fyrr-
um lýðvelda Sovétríkjanna lagði Jón
áherslu á að ríkin fylgdu aðhaldss-
amri efnahagsstefnu og kepptu að
því að koma á markaðshagkerfi.
Hann gerði innbyrðis viðskipti þess-
ara ríkja að umtaisefni og nauðsyn
þess að Alþjóða gjaldeyrissjóðurinn
gætti þess að ríkin mismunuðu ekki
hvert öðru. Hann nefndi sérstaklega
í þessu sambandi þá ríku ábyrgð sem
hvíldi á Rússlandi.
í ávarpi sínu á ársfundunum benti
Jón Sigurðsson á að það væri loks
nú með aðild flölmargra nýrra ríkja
að Alþjóðabankinn stæði fullkom-
lega undir nafni. Með fjölgun aðild-
arrfkja yrði jafnframt erfíðara fyrir
bankann en áður að sinna ólíkum
þörfum þeirra. Miklar kröfur væru
gerðar til bankans um aðstoð við
ríki Austur-Evrópu og fyrrum lýð-
veldi Sovétríkjanna á sviðum þar
sem hann býr yfír takmarkaðri
reynslu. Jón gat þess að Norðurlönd-
in væru fylgjandi því að bankinn
aðstoðaði þessi ríki við stefnumótun
í orkumálum. Þannig gæti hann lagt
sitt af mörkum í þeirri viðleitni að
draga úr þörf þessara ríkja fyrir
orku frá kjarnorkuverum sem stand-
ast ekki alþjóðlegar öryggiskröfur.
Það væri fagnaðarefni að bankinn
hygðist sinna auknum verkefnum í
þessum ríkjum án þess að það komi
niður á venjubundnum verkefnum
hans í þróunarríkjunum.
Jón nefndi að árangursrík þróun-
araðstoð byggðist ekki síst á eflingu
auðsins í manninum sjálfum. Þar
skiptu mestu máli almenn grunn-
menntun, þátttaka kvenna og betri
heilbrigðisþjónusta. Einnig væri
mikilvægt að gefa gaum að fólks-
fjölgun í tengslum við baráttuna
gegn fátækt.
Að síðustu benti Jón á að starf-
semi bankans skilaði ekki tilætluðum
árangri nema lánþegar fylgdu að-
haldssamri efnahagsstefnu og
kæmu á nauðsynlegum skipulags-
umbótum í hagkerfinu. Reynslan í
mörgum þróunarríkjum sýndi þetta
glöggt.
Neskaupstaður
Morgunblaðið/Þorsteinn Örn Andrésson
Olíulagnir endurnýjaðar
Olís endurnýjaði nú á dögunum olíulögnina í Laugarnesi
sem sér um að leiða olíu í olíuskipið Kyndil. Lögnin er.um
120 metra löng og tók um 8 tíma að leggja hana. Á mynd-
inni má sjá hvar unnið er við endurnýjunina.
SUS heldur málefnaþing
SAMBAND ungra sjálfstæðismanna (SUS) mun halda málefnaþing
á Neskaupstað um helgina. Á þinginu ætla ungir sjálfstæðismenn
að marka stefnu á ýmsum sviðum og má þar nefna sjávarútvegs-
mál, utanríkismál og ríkisfjármál.
í fréttatilkynningu frá SUS segir
að mikil undirbúningsvinna liggi að
baki þinginu. Meðal annars hafa
sérstakir málefnahópar á sviði ein-
stakra ráðuneyta starfað frá hausti
1991 og munu þeir leggja drög að
ályktunum fyrrrþingið.
Þingið hófst í gær með ávarpi
Birkis Sveinssonar, formanns fé-
lags ungra sjálfstæðismanna á Nes-
kaupstað. Að því loknu var sameig-
inlegur fundur þingfulltrúa og
þriggja ráðherra Sjálfstæðisflokks-
ins, þeirra Davíðs Oddssonar, for-
manns Sjálfstæðisflokksins og for-
gestur. Áætlað er að þinginu verði
slitið um kl. 14.30 á sunnudag.
Málefnaþingið er haldið á Hótel
Egilsbúð.
Halldórs Blöndals,
og samgönguráð-
sætisráðherra,
landbúnaðar:
herra og Ólafs G. Einarssonar
menntamálaráðherra. Á laugar-
dagsmorgun verða fundir í málefna-
nefndum þingsins en síðdegis hefj-
ast umræður og afgreiðsla ályktana
á þinginu sjálfu. Um kvöldið verður
hátíðarkvöldverður, þar sem Aðal-
steinn Jónsson, útgerðarmaður frá
Eskifirði, verður heiðursgestur. Á
sunnudagsmorgun er áformað að
ljúka umræðum og afgreiðslu álykt-
ana en síðan verður hádegisverður,
þar sem Guðmundur Bjarnason,
bæjarstjóri á Neskaupstað, verður
<3£> TOYOTA TOYOTA <&) TOYOTA <Sg) TOYOTA TOYOTA
Kostriaðarverð
á notoðum bílum!
Opið alla helgina
® TOYOTA TOYOTA TOYOTA <$£) TOYOTA £g> TOYOTA