Morgunblaðið - 25.06.1993, Blaðsíða 20

20
MORGUNBLAÐIÐ FÖSTUDAGUR 25. JÚNÍ 1993
Elchibey
afsalar sér
völdum
ABULFAZ Elchibey, forseti
Azerbajdzhans, lét undan
þrýstingi uppreisnarmanna í
gær og sættist á að afsala sér
völdum að nokkru og fela þau
forseta þingsins. Þingið kom
saman í gær til að greiða at-
kvæði um hvort Elchibey skyldi
sviptur öllum völdum. Forset-
inn mun hafa ákveðið qð fela
þinginu og forseta þess völd
yfir helstu ráðuneytum lands-
ins, það er, vamar-, innanríkis-
og utanríkisráðuneyti. Ekki var
fullljóst í gær hvort uppreisnar-
menn, sem setið hafa um höf-
uðborgina Baku, myndu láta
sér þetta lynda.
Mörgæsir til
marks um
hita
MÖRGÆSUM á Suðurskauts-
landi hefur ijölgað um tvo
þriðju á undangengnum 12
árum. Að sögn nýsjálenskra
vistfræðinga halda fleiri gæsir
lífí vegna þess að hiti sé nú
orðinn hærri en áður var. Vist-
fræðingurinn Kerry Barton
sagði að þótt rannsóknimar
væru staðbundnar mætti alla
jafna hafa ástand vistkerfísins
á Suðurskautslandi til marks
um ástand mála í heiminum
öllum.
Reyklaust í
Los Angeles
BORGARRÁÐ Los Angeles
samþykkti í fyrradag að banna
skyldi reykingar á öllum mat-
söluhúsum í borginni. Bannið
nær hvorki til kráa né útiveit-
ingahúsa, en engu að síður
verður nú ólöglegt að reykja á
um 7.000 matstöðum í borg-
inni. Veitingamenn vom ein-
dregið á móti banninu og óttuð-
ust að missa viðskipti til ná-
grannaborga, en rök bannsinna
vom að um 80% borgarbúa
reyktu ekki, og því lítil hætta
á að viðskipti minnkuðu.
Bretar refsa
Nígeríu
BRETAR ákváðu í gær að beita
herstjómina í Nígeríu refsi-
aðgerðum fyrir að hafa ógilt
forsetakosningamar sem fóm
fram 12. júní sl. Um er að
ræða bann við þjálfun níger-
ískra hermanna í Bretlandi og
einnig verða breskir hermála-
ráðgjafar kallaðir heim frá Níg-
eríu. Bretar hafa gefíð í skyn
að til fleiri aðgerða verði grip-
ið, en að þeir vilji fyrst ráðgast
við Bandaríkjamenn og Evr-
ópubandalagið.
Sáu Loch
Ness-skrímsliö
UNGT skoskt par segist hafa
séð Loch Ness-skrímslið marg-
fræga teygja hausinn, líkt og
gíraffi, uppfyrir yfirborð sam-
nefnds stöðuvatns í Skotlandi.
„Við sáum það mjög greini-
lega,“ sagði Edna Mclnnes.
„Hausinn hreyfðist fram og
aftur, hálsinn upp og niður. Það
var ljósbrúnt á lit.“ Þúsundir
manna hafa, síðan árið 1930,
sagst hafa séð skrímslið, en
allar myndir af því hafa við
nánari athugun reynst vera af
einhverju öðm. Á hveiju ári
leggur um hálf milljón túrista
leið sína að vatninu í von um
að sjá „Nessí“.
Herskáir Kúrdar ráðast á tyrkneskar skrifstofur í evrópskum borgum
Tóku gísla og hótuðu að
sprengja húsið í loft upp
MUnchen. Reuter.
HERSKAIR Kúrdar réðust í gær á tyrkneskar ræðismannsskrif-
stofur, ferðaskrifstofur, útibú flugfélaga og banka í ýmsum evr-
ópskum borgum og tóku gísla á tveimur stöðum, í Miinchen í
Þýskalandi og í Marseille í Frakklandi. Slepptu þeir gíslunum og
gáfust upp, en áður höfðu þeir hótað að sprengja upp bygginguna
yrði þýska stjórnin ekki við kröfum þeirra. Kúrdi beið bana og
sjö særðust þegar til skotbardaga kom milli Kúrda, lögreglu og
tyrkneskra sendiráðsmanna í Berne í Sviss.
Kúrdíski verkamannaflokkur-
inn, sem er marxískur, kvaðst
standa á bak við aðgerðirnar, sem
augljóslega vom vel skipulagðar.
Aðgerðirnar hófust á miðjum
morgni, á sama tíma alls staðar,
meðal annars í Stokkhólmi, Kaup-
mannahöfn, Lyon, Berlín, Ham-
borg, Hannover, Dortmund, Essen,
Bonn, Frankfurt og Stuttgart auk
Miichen og Marseille. A ræðis-
mannsskrifstofum Tyrklands í
Marseille tóku Kúrdamir 10 gísla
en eftir þriggja tíma umsátur lög-
reglunnar gáfust þeir upp og
slepptu fólkinu heilu á húfí. I ræð-
ismannsskrifstofunni í Múnchen
tóku þeir 21 gísla en slepptu þeim
í gærkvöldi. Þeir kröfðust þess, að
Helmut Kohl kanslari kæmi fram
í sjónvarpi og skoraði á tyrknesku
stjómina að „hætta öllum árásum
á Kúrda í Tyrklandi". Þýska stjóm-
in neitaði að verða við þeirri kröfu.
Kúrdarnir helltu bensíni á gólf
byggingarinnar og hótuðu að
sprengja hana í loft upp ef lögregl-
an réðist til inngöngu í hana.
Kúrdísk fréttastofa í Þýska-
landi, sem tengist Kúrdíska verka-
mannaflokknum, sagði að árásar-
mennimir vildu einnig að þýska
stjórnin hætti að senda Tyrkjum
hergögn, sem þeir segja notuð
gegn Kúrdum.
Tyrkneski sendiherrann í Sviss
sagði að hann og tyrkneskir örygg-
isverðir í sendiráðinu í Beme hefðu
skotið upp í loftið þegar Kúrdarnir
hefðu ráðist á þá „þar sem svissn-
esku verðimir vanræktu að veija
bygginguna".

Reuter
Brotið og bramlað
HERSKÁIR Kúrdar réðust inn í þennan banka í gær, brutu rúður
og eyðilögðu tölvur og annan búnað.
Y'í ÍXV'/, í'' V "í 'by'' ZW í
Reuter
Hernaður æfður
SERBNESKIR hermenn í Bosníu stökkva yfir skotgröf á æfingu
nálægt bænum Brcko sem tengir svæði Serba í Bosníu við Serbíu.
Breski íhaldsflokkurinn í vanda
Ráðherra segir af
sér vegna Nadirs
London. Reuter.
MICHAEL Mates, sem farið hefur með málefni Norður-írlands í
bresku ríkisstjórninni, sagði í gær af sér embætti. Hann hefur verið
bendlaður við fjármálajöfurinn Asil Nadir, sem flúið hefur til Norð-
ur-Kýpur, í kjölfar ásakana um stórfellt fjármálamisferli. Komið
hefur í Ijós að Nadir og fyrirtæki hans Polly Peck greiddu um 40
milljónir króna í sjóði Ihaldsflokksins á síðasta áratug.
John Major, forsætisráðherra
Bretlands, sagði í breska þinginu
að Mates hefði sagt af sér vegna
þess hve illa ásakanir á hendur
honum kæmu stjóminni. Sagði
Major að þetta væri eina ástæða
þess að hann lét af embætti.
íhaldsmenn hafa deilt hart síð-
ustu daga um hvort Mates væri
stætt á að sitja áfram í stjórninni
en hann hefur viðurkennt að hafa
þegið gjöf frá einum samstarfs-
manna Nadirs. Þá hefur einnig
komið í ljós að hann ritaði ríkislög-
manni Bretlands bréf þar sem hann
kvaðst hafa áhyggjur af því hvem-
ig staðið væri að málshöfðun á
hendur Nadir.
Major sagðist ekki hafa neitt að
Viðræður Serba og Króata um Bosníu
Sanikomulag næst
um ríkjasamband
Genf. Reuter.
BÆÐI Owen lávarður, sáttasemj-
ari í Bosníudeilunni, sem og Rado-
van Karadzic, leiðtogi Bosníu-
Serba, þrýsta nú á Alija Izet-
begovic, Bosníu-forseta að mæta
til viðræðna um skiptingu lands-
ins. Karadzic og Mate Boban, leið-
togi Króata, hafa náð samkomu-
lagi um að Bosnía verði ríkjasam-
band þriggja þjóða.
í samkomulagi Serba og Króata
er gert ráð fyrir að í ríkjasambandinu
verði einn forsætisráðherra og einn
utanríkisráðherra og myndu aðildar-
ríkin skiptast á um að halda þeim
embættum. Þá er gert ráð fyrir að
Evrópubandalagið og Sameinuðu
þjóðimar hafí umsjón með afvopnun
í landinu.
Izetbegovic, múslimskur forseti
landsins, neitar að mæta til viðræðn-
anna, og hefur sagt að valdbeiting
sé eina leiðin til að binda enda á
ófriðinn. Owen lávarður sagðist hafa
Michael Mates
setja út á störf Mates í stjórninni
og hefði hann samþykkt afsagnar-
beiðni hans með trega.
hringt í Izetbegovic og lagt að honum
að skipta um skoðun. „Króatar og
Serbar vinna nú saman að áætlun,
og það sem vantar eru múslimar,"
sagði Owen, og bætti við að þótt sjö
af tíu •meðlimum forsætisnefndar
Bosníu væru í Genf, væri nauðsyn-
legt að allir helstu leiðtogarnir tækju
þátt í viðræðunum.
Muslimar í New York
Aformuðu
morðárásir
# New York. Reuter.
ÁTTA heittrúarmúslimir voru
handteknir í fyrrinótt í New
York. Þeir eru grunaðir um
að hafa áformað að ráða Bout-
ros Boutros-Ghali, fram-
kvæmdastjóra Sameinuðu
þjóðanna (SÞ), og Hosni Mu-
barak, Egyptalandsforseta, af
dögum. Fimm mannanna eru
frá Súdan, bera þarlend vega-
bréf en hafa leyfi til fastrar
búsetu í Bandaríkjunum.
Þegar lögregluna, sem fengið
hafði ábendingu um starfsemina,
bar að garði voru mennirnir önn-
um kafnir við sprengjugerð og
er talið hugsanlegt að þeir teng-
ist sexmenningunum sem hand-
teknir voru í kjölfar sprengingar-
innar í World Trade Center í febr-
úar síðastliðnum. Auk framan-
greindra tilræða höfðu mennirnir
átta ráðgert að koma bílsprengju
fyrir við aðalstöðvar Sameinuðu
þjóðanna og sprengju í skrifstofu-
byggingu alríkislögreglunnar,
FBI, á Manhattan. Þar að auki
er talið að þeir hafi haft í hyggju
að myrða öldungadeildarþing-
mann repúblikana í New York
fylki og koma fyrir sprengjum í
Lincoln- og Holland-göngunum,
sem tengja Manhattan við New
Jersey fylki.