Morgunblaðið - 25.06.1993, Blaðsíða 23
MORGUNBLAÐIÐ FÖSTUDAGUR 25. JÚNÍ 1993
23 *
h
Engar ákvarðanir
teknar um skatt-
lagningu fyrirtækja
FORSÆTISRÁÐHERRA, Davíð Oddsson, segist ekki vilja tjá sig
um aukna skattlagningu fyrirtælqa þar sem málið hafi ekki verið
rætt innan ríkisstjórnarinnar. „Við erum enn að vinna að því að
setja niður þann fjárlagaramma sem við munum starfa eftir. Þess-
ir þættir snúa að tekjuþáttum og koma ekki til umræðu fyrr en í
ágúst.“
Magnús Gunnarsson, formaður
VSÍ, sagði í Morgunblaðinu í gær
að hugmyndir um skattlagningu á
fyrirtæki, sem leið til að draga úr
fjárlagahallanum, væru öfugsnúnar
miðað við að fyrir skömmu hefði
gjöldum verið létt af fyrirtækjum
til að gera þau samkeppnishæf.
Jafnframt sagði hann skattahækk-
anir ekki fara saman við nýgerða
kjarasamninga. Þegar ummæli
Magnúsar voru borin undir Davíð
Oddsson sagði hann þetta ekki hafa
verið rætt innan ríkisstjórnarinnar
og því vildi hann ekki tjá sig um
málið.
Styrking atvinnulífsins
keppikefli
Aðspurður um hvort honum þætti
persónulega auknar skattaálögur á
fyrirtæki koma til greina sagði for-
sætisráðherra: „Ég vil ekkert um
það segja. Það hefur verið okkar
keppikefli að reyna að styrkja stöðu
atvinnulífsins við erfiðar aðstæður
og það hlýtur að marka okkar
ákvarðanir."
Umsækjendur um sjónvarpsrásir
Fundur með Pósti og
síma um tæknimál
UMSÆKJENDUR um sjónvarpsrásir, að íslenska útvarpsfélaginu
undanskildu, munu eiga fund með starfsmönnum Pósts og síma
næstkomandi þriðjudag. Háskóli íslands hefur átt frumkvæði að
samstarfi umsækjendanna, og að sögn Sveinbjörns Björnssonar
háskólarektors verða á fundinum kynnt ýmis tæknileg mál varð-
andi dreifingu sjónvarpsefnis.
Fimm aðilar hafa sótt um þær
sjónvarpsrásir sem til úthlutunar
eru, en auk Háskóla íslands eru
það íslenska útvarpsfélagið, Frjáls
fjölmiðlun, Hans Kristján Árnason
og Útvarpsfélag Seltjarnarness.
Umsækjendurnir að undanskildu
íslenska útvarpsfélaginu hafa þeg-
ar haldið einn sameiginlegan fund
vegna málsins.
Samvinna til að koma í veg
fyrir óþarfa kostnað
„Það sem okkur gekk til með þeim
fundi var að þótt margir fengju
leyfi fyrir tíðnum ætti það ekki að
vera nein ástæða þess að þeir ynnu
ekki saman með þau atriði sem
menn gætu unnið saman með þótt
þeir væru í samkeppni að öðru leyti.
Þá átti þessi samvinna fyrst og
fremst að verða til þess að notend-
ur yrðu ekki fyrir óþarfa kostnaði.
Manni finnst það nauðsynlegt fyrir
notandann að ekki sé verið að senda
inn á hann merki á þessari tíðni
úr ýmsum áttum heldur geti hann
nýtt eina greiðu til að taka á móti
og einnig sama lyklunarkerfið ef
menn vilja læsa dagskrá sem þeir
vilja senda út. Þetta gætu menn
gert þó þeir væru í harðri sam-
keppni um tíma áhorfandans,"
sagði Sveinbjörn.
Hann sagði að íslenska út-
varpsfélagið hefði ekki talið tíma-
bært að þeir tækju þátt í samráðs-
fundi af þessu tagi að svo stöddu,
en því yrði boðin þátttaka á nýjan
leik.
AkiursWipur
65 ára H
og eldri ■
41-64 I
Slasaðir í umferðarslysum Okumenn í umferðar-
56 1987-92, slysum 1992,
| 6,5 meðalfjöldi slasaðra í hverjum árgangi á ári meðaltal í hverjum árgangi
■ 9,7
■111 >2
Langflest umferðarslys verða í júli, ágúst og september
Hættulegast í umferð-
inni síðdegis um helgar
ÞÓ BJARTIR og langir sumardagar eins og nú fara í hönd séu
fagnaðarefni hafa þeir sínar skuggahliðar, a.m.k. ef litið er til
íslenskrar umferðarmenningar. Hækkandi sól virðist hafa þau
áhrif að margir ökumenn stíga fastar á bensíngjöfina og aldrei
verða fleiri umferðarslys en einmitt í júlí, ágúst og september.
Slysaaidan hefst raunar í júní og má í því sambandi minna á fjölda
umferðarslysa um síðustu helgi. Afmörkun við helgi er heldur
ekki tilviljun, því flest slys verða einmitt um helgar, fimmtu-
daga, föstudaga og laugardaga, og virðist vera hættulegast úti í
umferðinni síðdegis, samkvæmt upplýsingum Umferðarráðs.
Hvar og hvernig
Umferðarráð hefur safnað tölu-
legum upplýsinum um eðli og af-
leiðingar umferðarslysa og má
lesa út úr ársskýrslu fyrra árs að
hlutfall slysategunda er mismun-
andi eftir því hvort er í þéttbýli
eða dreifbýli. Þannig má nefna
að í fyrra var stærstur hluti um-
ferðarslysa í þéttbýli árekstrar af
ýmsu tagi, eða 69,4% en útafakst-
ur var algengastur í dreifbýli, eða
65,1%. Þar var hins vegar hlut-
fall árekstra 31,8%, hlutfall
óhappa þar sem ekið var á gang-
andi vegfarendur 1,4% og dýr eða
hlut 1,7%. Hlutfall útafaksturs í
borginni var 11,3%, hlutfall
óhappa þar sem ekið var á gang-
andi vegfarendur 14,5% og dýr
eða hluti 4,8%.
Á árinu urðu 924 slys í þétt-
býli og 424 slys í dreifbýli, eða
1.348 slys þegar allt er talið sam-
an.
Árstími
Flest slys urðu í júní (92), júlí
(107), ágúst (102) og september
(93) á síðasta ári. Á því tímabili
að meðtöldum október urðu 10
dauðaslys, eða helmingur dauða-
slysa á árinu. Hlutfall slasaðra
var að sama skapi gífurlega hátt,
þ.e. 92 í júní, 105 í júlí, 101 í
ágúst og 91 í september. Samtals
slösuðust 904 allt árið. Hvað
eignatjón varðar má geta þess að
í júní varð 261 slys þar sem aðeins
varð eignatjón, 275 í júlí, 264 í
ágúst og 292 í september.
Við þessar upplýsingar má svo
bæta að eignatjón virðist ekki
haldast í hendur við slysafjölda.
Minnst er eignatjón í mars en fer
stighækkandi og er mest í desem-
ber í fyrra.
Dagar og stundir
Þegar litið er til baka kemur
líka i ljós að langhættast er við
slysum fimmtudaga, föstudaga
og laugardaga og á síðastnefndi
dagurinn met í því sambandi. Sem
dæmi urðu flest slys á síðasta ári
á laugardögum, eða 142, en fæst
á sunnudögum, eða 123. Mánu-
daga urðu 126 slys, þriðjudaga
urðu 132 slys, miðvikudaga 134,
fimmtudaga 129 og föstudaga
urðu 138 slys. Flest eignatjóns-
óhöpp, eða 598, urðu á föstudög-
um.
Hvað nákvæmari tímasetningu
varðar má svo sjá að langflest
slys verða eftir hádegi, frá 12 til
19, og urðu flest slys í fyrra milli
kl. 13 og 14.
Hverjir
Þegar litið er til aldursskipting-
ar slasaðra kemur í ljós að ungu
fólki á aldrinum 17-20 ára er
langhættast við að slasast í um-
ferðinni. Því til stuðnings má
benda á að 366 manns í þessum
aldursflokki slösuðust í umferð-
inni í fyrra miðað við 40 börn 0-6
ára, 112 börn og unglinga 7-14
ára, 94 unglinga 15-16 ára, 151
á aldrinum 21-24 ára, 91 á aldrin-
um 25-28 ára, 71 á aldrinum
29-32 ára, 57 á aldrinum 33-36
ára, 49 á aldrinum 37-40 ára, 206
á aldrinum 41-64 ára, og 111
vegfarendur 65 ára og eldri.
Þegar litið er til þess hvaða
ökumenn eiga aðild að umferðar-
slysum árið 1992 kemur í ljós að
hlutfall 17 ára ungmenna er
stærst, eða 44,19%. Nokkuð færri
18 ára ungmenna eiga aðild að
umferðarslysum, eða 26,83%, og
fólk á aldrinum 19-24 ára á aðild
að 22,66% umferðarslysa. Hlut-
fall 25-60 ára fólks sem á aðild
að umferðarslysum er svo 6,31%.
Samgönguráðherra vísar útboði sjónvarpsrása til menntamálaráðherra
Ég segi takk fyrir ef
hann vísar þessu frá sér
- segir Ólafur G. Einarsson menntamálaráðherra
HALLDÓR Blöndal samgönguráðherra segir að það sé ekki í
valdi samgönguráðuneytisins eða Pósts og síma að standa að
hugsanlegu útboði sjónvarpsrása, heldur sé það málefni mennta-
málaráðuneytisins. Hann segir að samkvæmt útvarpslögum eigi
útvarpsréttarnefnd, sem heyrir undir menntamálaráðuneytið, að
bera ábyrgð á rásunum og úthlutun þeirra. Ólafur G. Einarsson
menntamálaráðherra segist hins vegar hafa talið að útboð rás-
anna væri málefni Pósts og síma eða samgönguráðuneytisins, en
ef samgönguráðherra bæðist undan því og teldi sig ekki hafa
lagastoð til þess þá myndi hann athuga sinn gang.
í Morgunblaðinu í gær var haft
eftir Ingvari Gíslasyni, starfandi
formanni útvarpsréttarnefndar, að
nefndin hefði ekki lagalegt umboð
til þess að ákveða útboð rásanna,
þar sem hún réði þeim ekki. Þetta
væri því ekki mál nefndarinnar,
heldur Pósts og síma og samgöngu-
ráðherra. Ólafur G. Einarsson seg-
ist telja það vera rétt mat hjá starf-
andi formanni útvarpsréttarnefnd-
ar að það sé ekki lagaheimild fyrir
því að útvarpsréttarnefnd ákvarði
útboð, og hann hefði litið svo á að
þetta væri mál Pósts og síma eða
samgönguráðuneytisins.
Getur ekki fullyrt um lögsögu
„Ef hann [samgönguráðherra]
vísar þessu frá sér þá segi ég bara
takk fyrir, en ég treysti mér ekki
til að fullyrða að ég hafi lögsögu
yfir þvf að ákveða útboð, þannig
að ég kem til með að athuga það.
Ég held að það sé ljóst að útvarps-
réttarnefnd hefur það viðfangsefni
að úthluta þessum rásum og hún
verður bara að gera það og leysa
sitt mál. Ef það á að koma til út-
boðs þá eru það allavega önnur
stjórnvöld en útvarpsréttarnefnd
sem ákvarða það. Ef samgönguráð-
herra biðst undan því og telur sig
ekki hafa til þess lagastoð, þá at-
huga ég auðvitað minn gang, en
ég hafði ekki reiknað með því að
ég hefði það,“ sagði Ólafur G. Ein-
arsson menntamálaráðherra.
Morgunblaðið/Eyjólfur M. Guðmundsson
Járnið saumað
MYNDIN sýnir saumavélar sem sauma jámplötur saman á þaki flug-
skýlis Flugleiða á Keflavíkurflugvelli. Þar er unnið að því að setja
nýtt þak yfir upprunalega þakið. Nýju þakplöturnar eru helmingi mjórri
en áður og festar með fleiri festingum. Verktaki við framkvæmdina
er Garðasmiðjan sf. í Garðabæ.