Morgunblaðið - 30.07.1993, Blaðsíða 28

28
MORGUNBLAÐIÐ FÖSTUDAGUR 30. JÚLÍ 1993
Olafur Krisljánsson framkvæmdasljóri Noru hf. í Stykkishólmi
Stjórnvöld ættu að hefta útflutn-
ing á óunnum grásleppuhrognum
Morgunblaðið/Einar Falur
Fullkominn tækjabúnaður
ÓLAFUR í Noru hf. Afar fullkominn tækjabúnaður er í verksmiðjunni
og kemur mannshöndin t.d. vart nærri kavíarframleiðslunni. Kavíarinn
er settur í dönsk glerglös en Ólafur telur æskilegt að hægt verði að
framleiða umbúðir um hann hér á landi.
HEFTA ætti útflutning á óunnum
grásleppuhrognum og koma með
því móti í veg fyrir hráefnisskort
hjá innlendum framleiðendum að
dómi Ólafs Kristjánssonar, fram-
kvæmdasljóra Noru hf. í Stykkis-
hólmi. Hann segist aðeins hafa
fengið þriðjung þess hráefnis sem
verksmiðjan hefði getað afkastað
síðustu ár, þ.e. 1.000 tunnur ár-
lega. Enn harðni á dalnum og
megi búast við að aðeins fáist 600
tunnur í ár þrátt fyrir að aldrei
hafi verið greitt hærra verð fyrir
hráefnið, þ.e. 53-55 þúsund kr.
fyrir tunnuna en útflutningsverð-
ið sé 51-52 þúsund fyrir hverja
tunnu.
Starfsemi Noru hf. hófst fyrir um
þremur árum og hefur aðaláherslan
að sögn Ólafs verið lögð á kavíar-
framleiðslu. „Við höfum verið að
kaupa af sjómönnunum hérna í kring
og söltum hrognin fersk. Oft eru þau
komin ofan í tunnur aðeins tveimur
tímum eftir að þau koma úr sjónum.
Þannig ætti ferskleikinn að vera sem
mestur," sagði Ólafur og lét nokkuð
vel af rekstrinum. Eina umkvört-
unarefnið væri hráefnisskortur. „Við
höfum unnið markaði en ekki fengið
nægilegt hráefni, aðeins um 1.000
tunnur en gætum afkastað um 3.000
tunnum á ári. Ástæðan er útflutning-
ur á óunninni vöru, aðallega til Dan-
merkur, en stjórnvöld virðast ekki
hafa neinn skilning á að hefta hann
og koma með því í veg fyrir hráefn-
isskort hjá innlendu framleiðendun-
um. Ég get ekki séð annað en þetta
sé í megnustu andstöðu við stefnuna
í þjóðfélaginu," sagði Ólafur um leið
og hann minnti á að heftur útflutn-
ingur skilaði sér ekki aðeins til fram-
leiðendanna heldur til fjölmargra
annarra, t.d. kassagerðar, skipafé-
laga, prentsmiðja og vörubílstjóra,
við að flytja afurðina.
Tvöföldun verðmætis
Ólafur sagði að fullunnin tvöföld-
uðust hrognin að verðmæti en frá
íslandi fara þau aðallega á markað
í Frakklandi, á Ítalíu, Spáni og í
Bandaríkjunum. „Á bilinu 70-80%
fara á markað í Frakklandi og mest-
an hluta þess neyta Frakkamir einn
mánuð á ári, þ.e. í desember. Eitt-
hvað fer svo fyrir páska og í skreyt-
ingar,“ segir Ólafur en hjá Noru er
einmitt verið að þróa nýja gerð kav-
íars til skreytinga. Hefur sýnishorn
þegar verið sent til nokkurra þekktra
veitingahúsa í Frakklandi.
Þess má svo geta að sett var á
1,5 milljónir glasa af hefðbundnum
kavíar í verksmiðjunni á síðasta ári
en framleiðslan fer frá 25.000 upp
í 40.000 glös á hveijum degi.
Vöruþróun
En Ólafur hefur ekki látið staðar
numið við kavíarinn því stöðug vöru-
þróun fer fram hjá Noru hf. Eru til-
raunir gerðar í verksmiðjunni en að
því loknu eru sýnishom send á rann-
sóknastofu og unnið úr þeim. Meðal
nýstárlegrar framleiðslu má nefna
vinnslu þorskhrogna fyrir Japans-
markað. „Við höfum gert þetta í sam-
vinnu við Japanana. Þeir komu hingað
fyrst árið 1991 og fylgdust með fram-
leiðslunni en hrognin eru þídd, unnin
eins og þeir vilja og fryst aftur. I
fyrra komu þeir aftur en þá var um
minna magn að ræða og nú standa
yfir viðræður fyrir næsta ár,“ sagði
Ólafur en hann hefur líka unnið grískt
tarana úr þorskhrognunum. Tarana
er eins konar smurkavíar í glerum.
ígulker
Eins og gefur að skilja er mest
um að vera hjá Ólafi frá því í ágúst
fram til áramóta. Hann hefur hugsað
sér að lengja þennan tíma. „Við höf-
um hugsað okkur að hefja ígulkera-
vinnslu eftir áramót. Hér er nóg af
ígulkerum en vinnsluna verður að
þróa smám saman. Svo býst ég við
að við skoðum eitthvað kuðung og
beitukóng," segir hann en fram kem-
ur að mikill tími fari í þróunarstarf-
semi hjá fyrirtækinu.
Hjá því starfa 5 manns að jafnaði
en 8-9 þegar kavíarvinnslan stendur
sem hæst. Við það bætast 10-20
þegar þorskhrogn eru unnin fyrir
Japansmarkað.
AUGLYSINGAR
A TVINNUAUGL ÝSINGAR :
Baader-maður
Baader-maður óskast á frystitogarann
Vestmannaey VE-54.
Veiðiferðin hefst mánudaginn 2. ágúst.
Upplýsingar á skrifstofunni hjá Bergur-
Huginn hf., sími 98-11444.
Sölumaður
- bókhaldsmaður
Starf íKamchatka, Rússlandi
Fyrirtæki á Kamchatka, Tamara Ltd., vantar
reyndan sölumann til að annast sölu á fisk-
afurðum fyrir alþjóðamarkað.
Einnig vantar okkur reyndan bókhaldsmann,
fjármálstjóra.
Upplýsingar gefur ísbú hf. í síma 629010
milli kl. 9.00 og 16.00.
SJÁLFSTJEÐISIBLOKKURINN
Fulltrúar á SUS-þing
Félagsmenn í Heimdalli, sem áhuga hafa á því að
verða fulltrúar félagsins á þingi Sambands ungra sjálf-
. stæðismanna á Selfossi og í Hveragerði 13.-15. ágúst,
eru beðnir um að hafa samband við skrifstofu Heimdallarfyrir 4. ágúst.
Skrifstofan er opin virka daga frá kl. 10-16 og síminn er 682900.
Stjórnin.
liriMDAIIl'K
F U S
Sumarbústaður
Til sölu glæsilegur ca 50 fm sumarbústaður
auk svefnlofts í landi Úthlíðar, Biskupstung-
um. Heitt og kalt vatn. Stendur á tveimur
lóðum. Möguleiki á öðrum bústað. Þjónustu-
miðstöð, sundlaug og golfvöllur \ næsta ná-
grenni. Bústaðurinn verður til sýnis laugar-
daginn 31. júlí nk. milli kl. 13-15.
Nánari upplýsingar veita:
LögFnenn
m
SuÖunor'Di
Lögmenn Suðurlandi,
Austurvegi 3,
sími 98-22988.
Skattskrár
Vestfjarðaumdæmis
vegna álagningar á árinu 1992
Skrár vegna þeirra gjalda, sem álögð voru
af skattstjóranum í Vestfjarðaumdæmi á ár-
inu 1992 (tekjuárið 1991), auk virðisauka-
skattsskrár ársins 1991, liggja frammi á
skattstofunni, Hafnarstræti 1, Isafirði og hjá
umboðsmönnum í öðrum sveitarfélögum og
á bæjarskrifstofunni í Bolungarvík 31. júlí
1993 til 12. ágúst 1993, að báðum dögum
meðtöldum. Um er að ræða framlagningu
samkvæmt 2. mgr. 98. gr. laga nr. 75/1981.
Athygli er vakin á því að enginn kæruréttur
myndast við framlagningu skattskránna.
ísafirði, 23. júlí 1993.
Skattstjórinn í Vestfjarðaumdæmi,
Kristján Gunnar Valdimarsson.
auglýsingar
Hvítasunnukirkjan
Fíladelfía
Landsmót hvítasunnumanna
stendur yfir í Kirkjulækjarkoti,
Fljótshlíð, dagana 29. júlf til
2. ágúst.
Allar samkomur helgarinnar falla
því niður í Reykjavík og því hvetj-
um við sem flesta til að koma
austur og njóta helgarinnar með
okkur.
Guð blessi ykkur öll.
mVEGURINN
? Krístið samfélag
Smiðjuvegi 5, Kópavogi
Mót á Laugarvatni, öllum opið.
Samkomurnar eru haldnar f
íþróttahúsinu.
Föstudagur:
Kl. 21:00 Setning mótsins.
Laugardagur:
Kl. 11:00 Samkoma og barna-
kirkja.
Kl. 14:00 fþróttamót fyrir alla
aldursflokka.
Grill að loknu íþróttamóti.
Kl. 21:00 Samkoma.
Kl. 23:30 Varðeldur og söngur.
Sunnudagur:
Kl. 11:00 Samkoma.
Kl. 15:00 Fjölskylduhátíð.
Kl. 21:00 Samkoma.
Kl. 23:30 Varðeldur og söngur.
Mánudagur:
Kl. 11:00 Lokasamkoma
- mótsslit.
Allir hjartanlega velkomnir.
30. júlf—2. ágúst: Helgarferð.
2.-6. ágúst: Almenntnámsk.
6.-8. ágúst: Helgarferö.
8.-11. ágúst: Almennt námsk.
11.-13. ágúst: Almennt námsk.
13.-15. ágúst: Helgarferö.
15.-18. ágúst: Unglnámsk.
18.-22. ágúst: Almennt námsk.
22.-25. ágúst: Almennt námsk.
Lækkað verð í ágúst
Upplýsingar og bókanir:
Ferðaskrifstofa íslands
Skógarhlíð 18, R. s.: 623300.
Akranes: Bókav. Andr. Níelss.
Akureyri: Umferöarmiðstöðin.
Blönduós: Ingvi Þór Guðjónss.
Bolungarv.: Margr. Kristjánsd.
Borgarnes: Vesturgarður hf.
Egilsst.: Ferðamiðst. Austurl.
Flateyri: Björgvin Þórðarson.
Grindavík: Flakkarinn.
Húsavík: Ferðaskr. Húsavíkur.
Hverag.: Ferðaþjón. Suðurl.
Höfn: Hornagarðurhf.
Keflavík: Umbskr. Helga Hólm.
Sauðárkr.: Einar Steinsson.
Selfoss: Suðurgarður hf.
Skagastr.: Ingibjörg Kristinsd.
Vestm.: Ferðaþjón. Vestmeyja
Auglýsing
um að álagningu opinberra gjalda
áárinu 1993 sé lokið
í samræmi við ákvæði 1. mgr. 98. gr. laga
nr. 75/1981 um tekjuskatt og eignarskatt
og 12. gr. laga nr. 113/1990, um trygginga-
gjald, er hér með auglýst að álagningu opin-
berra gjalda á árinu 1993 er lokið á alla að-
ila, sem skattskyldir eru skv. framangreind-
um lögum, sbr. 1. kafla laga nr. 75/1981 og
2. kafla laga nr. 113/1990.
Álagningarskrár verða lagðar fram í öllum
skattumdæmum föstudaginn 30. júlí 1993
og liggja frammi á skrifstofu hvers skattum-
dæmis og hjá umboðsmönnum skattstjóra í
hverju sveitarfélagi dagana 30. júlí til 12.
ágúst að báðum dögum meðtöldum.
Álagningarseðlar skattaðila, er sýna álögð
opinber gjöld 1993, húsnæðisbætur, vaxta-
bætur og barnabótaauka, hafa verið póst-
lagðir.
Kærur vegna allra álagðra opinberra gjalda,
húsnæðisbóta, vaxtabóta og barnabótaauka,
sem skattaðilum hefur verið tilkynnt um með
álagningarseðli 1993, þurfa að hafa borist
skattstjóra eða umboðsmanni hans eigi síðar
en 30. ágúst 1993.
30. júlí 1993.
Skattstjórinn í Reykjavík,
Gestur Steinþórsson.
Skattstjórinn í Vesturlandsumdæmi,
Stefán Skjaldarson.
Skattstjórinn í Vestfjarðaumdæmi,
Kristján Gunnar Valdimarsson.
Skattstjórinn í Norðurlandsumdæmi vestra,
Bogi Sigurbjörnsson.
Skattstjórinn í Norðurlandsumdæmi eystra,
Sveinbjörn Sveinbjörnsson.
Skattstjórinn í Austurlandsumdæmi,
Karl Lauritzson.
Skattstjórinn í Suðurlandsumdæmi,
Hreinn Sveinsson.
Skattstjórinn í Vestmannaeyjum,
Ingi T. Björnsson.
Skattstjórinn í Reykjanesumdæmi,
Sigmundur Stefánsson.
Sérhæð til sölu
Skemmtileg 157 fm sérhæð til sölu með 30
fm bílskúr, í Hlíðunum við nýja miðbæinn.
Upplýsingar í síma 38077.