Morgunblaðið - 06.08.1993, Side 16

16
MORGUNBLAÐIÐ FÖSTUDAGUR 6. ÁGÚST 1993
Verðbreytingar vegna gengislækkunarinnar
Verðið Verðið hækkar
var kr. er nú kr. um
AEG-þvottavél
Verðið Verðið hækkar
var kr. er nú kr. um
NOKKUR dæmi um verðhækkanir vegna síðustu gengisfellingar hafa verið hér í blað-
inu síðastliðinn mánuð. Hér að ofan birtast öll dæmin. Mesta hækkunin hefur verið á
innfluttum vörum og í prósentum hefur Prins Póló súkkulaðikex hækkað mest, eða um
16,6%. Þá hafa vörur, sem framleiddar eru hér á landi, einnig hækkað og ber þar
hæst Egils appelsínuþykkni, en það hækkaði um 10,3%. Campbell súpa í dós og Sony
geislaspilari, en hvoru tveggja er innflutt, hækkuðu minnst eða um 4,2%. Tekið skal
fram að öll þessi dæmi hafa verið á verði varanna út úr verslunum. Meðaltalshækkunin
í prósentum á öllum þeim dæmum, sem tekin voru, er um 7,9%.
Tillaga umdæmanefndar Austurlands um fækkun sveitarfélaga á Austurlandi
Sveitarfélögunum verði
fækkað úr þrjátíu í átta
UMDÆMANEFND Austurlands skiiaði fyrir nokkru tillögum sín-
um um sameiningu sveitarfélaganna í fjórðungnum. En kosið verð-
ur um nýja sveitarstjórnarskipan 20. nóvember í haust. Tillögurn-
ar gera ráð fyrir að sveitarfélögin verði 8 en nú eru þau 30.
Samkvæmt lögum sem Alþingi
samþykkti 8. maí s.I. er umdæma-
nefndum landshlutasamtaka sveit-
arfélaga ætlað að skila tillögum
um hugsanlega sameiningu sveit-
arfélaga fyrir 15. september.
Ákveðið hefur verið að greidd
verði atkvæði um þessar tillögur
í almennri atkvæðagreiðslu í við-
komandi sveitarfélögum 20. nóv-
ember. Sambandi íslenskra sveit-
arfélaga og samráðsnefnd umdæ-
manefndanna hafa borist tillögur
frá umdæmanefnd Austurlands.
í greinargerð sem Albert Ey-
mundsson formaður umdæma-
nefndar Austurlands sendi sveitar-
stjómum á Austurlandi í síðasta
mánuði kemur fram að umdæma-
nefndin leitaðist við í sinni tillögu-
gerð að taka mið af ýmsum þeim
markmiðum sem nefndir skipaðar
á vegum féjagsmálaráðherra hafa
lagt áherslu á. Einnig hefur nefnd-
in haft hliðsjón af ýmsum atriðum
sem hafa verið til umfjöllunar á
fulltrúaráðsfundum Sambands ís-
lenskra sveitarfélaga.
Meðal þeirra atriða sem Albert
Eymundsson nefnir sérstaklega í
sinni greinargerð er að íbúar hvers
sveitarfélags verði almennt ekki
færri en 1.000. Að sameining
sveitarfélaga verði þar sem hag-
stæðar iandfræðilegar aðstæður
séu fyrir hendi. Góðir möguleikar
séu á aukinni samnýtingu á þjón-
ustu og nýrrar uppbyggingar. Að
sameining verði þar sem mögulega
sé um að ræða eitt atvinnusóknar-
svæði miðað við núverandi sam-
göngur.
Kosið verður 20. nóvember
í greinargerðinni er það fram-
talið að 20. nóvember munu íbúar
í 28 sveitarfélögum ganga til kosn-
inga um sameiningu við önnur
sveitafélög. í einu sveitarfélagi,
Seyðisfirði, verður skoðannakönn-
un um hugsanlega sameiningu við
sveitarfélög á Héraði. En í einu
sveitarfélagi, Djúpavogshreppi
verður hvorki kosið né viðhöfð
skoðannakönnun.
Umdæmanefnd Austurlands
gerir tillögur um:
1) Norðursvæði: Kosið skal um
sameiningu Skeggjastaðahrepps
og Vopnafjarðarhrepps í þessum
2 sveitarfélögum.
2) Héraðssvæði: Kosið skal um
sameiningu Hlíðarhrepps, Jökul-
dalshrepps, Tunguhrepps, Fella-
hrepps, Fljótsdalshrepps, Valla-
hrepps, Skriðdalshrepps, Egils-
staðarbæjar, Eiðahrepps, Hjalta-
staðarhrepps og Borgarfjarðar-
hrepps í þessum 11 sveitarfélög-
um.
3) Seyðisfjarðarsvæði: Ekki er
gerð tillaga um að Seyðisfjörður
sameinist öðrum sveitarfélögum
en þessi í stað var samþykkt að
hafa skoðanakönnun á Seyðisfirði
samhliða kosningum annars stað-
ar um vilja íbúa byggðarlagsins
til að sameinast sveitarfélögum á
Héraðssvæði.
4) Norðfjarðarsvæði: Kosið skal
um sameiningu Mjóafjarðar-
hrepps, Neskaupstaðar og Norð-
fjarðarhrepps í þessum 3 sveitarfé-
lögum.
5) Reyðarfjarðarsvæði: Kosið skal
um sameiningu Eskifjarðarkaup-
staðar og Reyðarfjarðarhrepps í
þessum 2 sveitarfélögum.
6) Suðurfjarðarsvæði: Kosið skal
um sameiningu Fáskrúðsfjarðar-
hrepps, Búðahrepps, Stöðvar-
hrepps og Breiðdalshrepps í þess-
um 4 sveitarfélögum.
7) Djúpavogshreppuf: Sökum þess
að nýafstaðin er sameining Beru-
neshrepps, Búlandshrepps og
Geithellnahrepps var umdæma-
nefndin sammála um að ekki yrði
gerð tillaga um frekari sameiningu
hjá íbúum Djúpavogshrepps.
8) Suðursvæði: Kosið skal um
sameiningu Bæjarhrepps, Nesja-
hrepps, Hafnar, Mýrarhrepps,
Borgarhafnarhrepps og Hofs-
hrepps í þessum 6 sveitarfélögum.