Morgunblaðið - 06.08.1993, Blaðsíða 18

18
MORGUNBLAÐIÐ FÖSTUDAGUR 6. ÁGÚST 1993
Ovenju-
margar
kærur
RANNSÓKNARLÖGREGLAN á
Akureyri fékk til meðferðar
vegna verslunarmannahelgar-
innar miklum mun fleiri mál en
menn eiga að venjast á þeim bæ.
Að sögn Jóhannesar Sigfússonar
rannsóknarlögreglumanns lágu hjá
rannsóknarlögreglunni eftir helgina
alls 60 mál, misalvarleg eftir atvik-
um. Þar sagði hann um að ræða
14 mál vegna líkamsárása, en þar
væri í mörgum tilvikum um að
ræða minni háttar pústra í ölæði
og samkvæmt vénju gufuðu nokkur
þeirra mála upp af sjálfu sér. Fyrir
lágu kærur vegna 10 þjófnaða,
meðal annars að stolið hefði verið
fatnaði og búnaði úr tjöldum, veskj-
um og fleira. Tilkynnt hefði verið
um 10 skemmdarverk á tjöldum og
gróðri og 7 rúðubrot. 6 kærur lágu
fyrir vegna ölvunar við akstur.
Að sögn Jóhannesar kom upp um
helgina eitt mál vegna fíknilyfja,
en hann tók fram að hér væri nær
eingöngu um að ræða mál sem
borist hefðu lögreglunni en ekki
mál sem sótt hefðu verið í sérstöku
átaki. Ekki síst í ljósi þess væri
þessi málafjöldi langt umfram það
sem teljast mætti eðlilegt.
AKure.yri
Kvartett
syngur á Sal
í KVÖLD eru á dagskrá Lísta-
sumars á Akureyri tónleikar
á Sal Menntaskólans á Akur-
eyri. Þar kemur fram karla-
kvartettinn Út í vorið og flyt-
ur fjölda þekktra kvartett-
sönglaga, Bellmann-söngva
og rakarastofusöngva.
Kvartettinn kom fyrst fram
opinberlega í Listasafni Sigur-
jóns Ólafssonar í júní síðastliðn-
um. Söngvaramir fjórir eru te-
nóramir Einar Clausen og Hall-
dór Torfason og bassamir Þor-
valdur Friðriksson og Ásgeir
Böðvarsson. Undirleikari á píanó
er Bjami Jónatansson.
íslensk kvartettahefð
Kvartettinn Út í vorið flytur
meðal annars lög sem MA-kvart-
ettinn og Leikbræður gerðu
landskunn en auk þess nokkra
Bellmann-söngva við ljóðaþýð-
ingar ýmissa skálda og rakara-'
stofusöngva í baridarískum stíl.
Tónleikamir hefjast klukkan
20.30 í kvöld, en annað kvöld á
sama tíma heldur kvartettinn
Út í vorið tónleika í Skjólbrekku
í Mývatnssveit.
Morgunblaðið/Golli
í Slippnum
STARFSMENN Slippstöðvarinnar Odda á Akureyri vinná aðallega að viðhaldi, en nýsmíði er ekki fyrirsjáanleg um sinn.
Góð von til að rekstur Slipp-
stöðvarinnar komist í horf
~ segir Knútur Karlsson sljórnarformaður Slippstöðvarinnar Odda
STJÓRNARFORMAÐUR Slippstöðvarinnar Odda hf. á Akureyri
telur ekki sérstaka hættu á uppsögnum starfsmanna vegna þeirr-
ar endurskipulagningar og greiðslustöðvunar sem yfir stendur.
Jafnframt fjárhagslegri endurskipulagningu fyrirtækisins segir
hann unnið að því að afla því verkefna, einkum á sviði viðhalds
skipa, en nýbyggingar séu ekki í sjónmáli. Hann telur hægt að
koma rekstri fyrirtækisins í viðunandi horf með samningum við
lánardrottna á niðurfellingu skulda og aukningu hlutafjár.
Að sögn Knúts Karlssonar,
stjórnarformanns Slippstöðvarinn-
ar Odda hf., er oftúlkun orða hans
að búast megi við uppsögnum
starfsfólks í tengslum við greiðslu-
stöðvun fyrirtækisins og endur-
skoðun á rekstri þess. Það sé ein-
læg trú forráðamanna fyrirtækis-
ins að megi koma rekstrinum í
gott horf með því að semja við
lánardrottna um að fella niður
skuldir og með því að auka hlutafé
fyrirtækisins og afla nýrra hlut-
hafa. Ekki hefði verið farið fram
á greiðslustöðvun ef menn hefðu
ekki séð von í að Slippstöðin Oddi
yrði rekin áfram sem öflugt skipa-
iðnaðarfyrirtæki.
Viðhald mismikið eftir árstíma
Að sögn Knúts er ekki fyrir-
sjáanlegt á þessari stundu að fá
megi verkefni til nýbygginga en
meginhlutverk stöðvarinnar verði
viðhald skipa, eins og verið hefur
um hríð. í þeim efnum sé mismik-
ið að gera eftir tíma ársins. í sum-
ar hafi verið bætt við starfsfólki
vegna anna en þeir tímar komi
eftir sem áður að fækka þurfí fólki
þegar umsvif verða minni. Það sé
engin ný bóla. Verkefni fyrirtækis-
ins séu ekki fullséð nema fáa mán-
uði fram í tímann. Þó sé þegar
búið að bóka verkefni bæði í des:
ember og janúar næstkomandi. í
nýliðnum júlí hefðu verkefni verið
of lítil en annars afar eðlilegar
annir og raunar mjög miklar fram
til júníloka.
Kælitækjaframleiðsla
Af öðrum verkefnum Slippstöðv-
arinnar Odda hf. sagði Knútur
meðal annars talsverðar vonir
bundnar við kælitækjaframleiðslu,
meðal annars fyrir íslensk skip. Á
næstu dögum færu menn á vegum
fyrirtækisins til Nýja Sjálands til
að setja upp og gangsetja kæli-
tækjasamstæðu sem smíðuð var
hér fyrir fyrirtæki þar. Vonir stæðu
til að ágæti þess tækis gæti leitt
til frekari útflutnings.
Morgunblaðið/Hólmfríður
Útihátíð Grímseying'a í Básafjöru
ÞEIR sem heima sátu slógú upp veislu um verslunarmannahelgina.
A
Utihátíð í Grímsey
Grímsey.
GRÍMSEYINGAR héldu sína eigin útihátíð um verslunarmannahelg-
ina. Þeir fóru ekki troðnar slóðir, fundust í Básafjöru, glóðar
steiktu sér mat og undu við varðeld og harmonikkuleik í þokkalegu
veðri.
Um verslunarmannahelgina
flykkjast margir Grímseyingar í
land því þá er stopp í krókaveið-
inni og má segja að stjómvöld
skammti Grímseyjarbúum sumar-
leyfl.
Þeir sem eftir sátu í eyjunni
gerðu sér glaðan dag á sunnudag
og héldu eigin útihátíð. Samkoman
var haldin í fjörunni við Bása, en
þangað er nokkuð torfarið. Þeir
sem ekki treystust til að príla niður
bjargið fóm á kaðli niður í fjöruna.
Þar kom saman síðdegis á sunnu-
degi fólk af flestum heimilum í
Grímsey og undi þar í þokkalegu
veðri langt fram á kvöld.
- HSH
Hýf gg glæsilegiir leMúli
Leikskóli Guðnýjar Önnu byrjar starfsemi sína
15. sept. nk. í Dvergagili 3, Akureryri. Leikskól-
inn er ætlaður börnum á aldrinum 6 mánaða
til 3ja ára. Boðið verður upp á leikskóladvöl frá
4 klst. til 9 klst. á dag.
Innritun í síma 25645 frá kl. 8-12 á hádegi.
Leikskólastjóri.
Hörður Ágústsson sýnir á Hóliun
MYNDLISTARSÝNING verður opnuð í anddyri
Bændaskólans á Hólum í Hjaltadal að lokinni guðs-
þjónustu í Hóladómkirkju á sunnudag. Á sýningunni
eru verk eftir Hörð Ágústsson, annars vegar 6 olíu-
málverk frá árunum 1972-1973, myndaflokkur sem
nefnist Mannssonur, og hins vegar kolateikningar,
sem listamaðurinn vann í París árið 1950. Þar er
um að ræða mannamyndaflokk sem kallast Monsie-
ur Maitre.
Séra Bolli Gústavsson vígslubiskup sagði að mikill
fengur væri að fá þessi verk listamannsins Harðar
Ágústssonar til sýningar og kvaðst afskaplega þakklát-
ur fyrir að tekist hefði góð samvinna við svo góða menn-
ingarstofnun sem Listasafn ASÍ, sem lánar verkin til
sýningarinnar á Hólum. Hann sagði að sýningin yrði
opin frá sunnudegi og að minnsta kosti fram yfir Hólahá-
tíð, sem yrði 15. ágúst og sérstaklega helguð skáldinu
Davíð Stefánssyni frá Fagraskógi og verkum hans.