Morgunblaðið - 06.08.1993, Blaðsíða 20
20
MORGUNBLAÐIÐ FÖSTUDAGUR 6. ÁGÚST 1993
Tapie
gjaldþrota
FRANSKI fjármálamaðurinn
Bernard Tapie, sem hagnaðist
verulega á fyrirtækjakaupum
og fótboltastjörnum, kveðst
vera gjaldþrota. Þessi fyrrum
eigandi Adidas fyrirtækisins er
nú flæktur í hneykslismál
vegna meintra mútugreiðslna
fótboltaliðsins Marseilles, sem
hann er eigandi að. Segir hann
fyrirtæki sín hafa hrapað í verði
og allar eigur sínar veðsettar,
Flugfélag
reykinga-
manna
„LOFTFRELSI" heitir nýtt
flugfélag sem ætlunin er að
fari í loftið í Chicago í næsta
mánuði. Það er fyrir reykinga-
menn eingöngu, og flogið er til
Los Angeles. Tvær aðrar reyk-
ferðir eru áætlaðar í október.
Að sögn talsmanns félagsins
er ekki mikið um bókanir enn,
en vonast er til að reykinga-
menn eigi eftir að taka við sér.
Reykingar eru bannaðar í áætl-
unarflugi innanlands í Banda-
ríkjunum, en Loftfrelsi byggir
á leiguflugi og kemst þannig
framhjá banninu.
Taka hallir
Ferruzzi
ÍTALSKIR dómstólar hafa lagt
hald á 18. aldar glæsihöll í eigu
Ferruzzi-íj'ölskyldunnar, sem
hefur verið áberandi vegna
spillingar og hneykslismála.
Það var iðnaðardeild Ferruzzi-
veldisins, sem nú er stjómað
af kröfuhöfum, sem fór fram á
að lagt yrði hald á allt að 500
milljarða líra sem eru í eigu
fjölskyldunnar.
Skoðanir
Bretaprins
KARL Bretaprins leggur sitt
af mörkum við útgáfu á tíma-
riti sem mun taka undir skoð-
anir hans á ömurlegum arki-
tektúr og umhverfísmálum.
Sagði ritstjórinn að prinsinn
myndi væntanlega rita nokkrar
greinar í tímaritið og þá að lík-
indum fjalla um arkitektúr, sem
er mikið áhugamál hans. Prins-
inn hefur oft látið í sér heyra
um efnið og verið fáleikar milli
hans og ráðandi afla í faginu.
Útsala á flug-
ferðum
FLUGFÉLÖG í Bandaríkjunum
hyggjast lækka fargjöld sín
innanlands um allt að 35%, frá
miðjum september og fram í
desember. Delta, sem er þriðja
stærsta flugfélagið í landinu,
reið á vaðið en Continental
fylgdi fljótt í kjölfarið. Um er
að ræða ferðir innan Bandaríkj-
anna, þar með talið Alaska,
Hawaii og Jómfrúreyjar; auk
ferða til Kanada, Bermúda og
Bahama-eyja.
60 milljarðar
blossuðu upp
BANDARÍSKA dagblaðið The
New York Times sagði á mið-
vikudag að Titan 4-eldflaug,
sem sprakk í flugtaki sl. mánu-
dag, hefði átt að koma á braut
um jörðu leynilegu njósnakerfi,
sem kostað hefði 800 milljónir
dollara eða rúma 57 milljarða
ísl. kr. Njósnakerfið, þrír sólkn-
únir gervihnettir, og eldflaugin
kostuðu raunar samtals um
einn milljarð dollara, rúma 72
milljarða ísl. kr., og óhappið er
mikið áfall fyrir bandaríska
njósnastarfsemi.
Utangarðsbörn
TALIÐ er, að hundruð þúsunda eða jafnvel milljónir barna séu á götunni í Brazilíu. Sum hafa að vísu í einhver hús að venda á nóttunni
en flest verða að láta fyrirberast á strætunum eða í skúmaskotum út frá þeim.
Líf götubarnanna
í Rio einskis metið
Nærri 300 myrt á fyrra helmingi ársins og 424 í fyrra
MORÐIN á götubörnum í Rio de Janeiro í
Brazilíu hafa vakið mikla athygli en nú í vik-
unni voru þrír lögreglumenn handteknir eftir
sakbendingu tveggja unglinga. Komust ung-
mennin lífs af þegar átta félagar þeirra voru
myrtir fyrir rúmlega tveimur vikum en á síð-
asta ári voru 424 börn og unglingar myrt í
borginni. Á fyrra helmingi þessa árs er taian
komin í 298. Frásagnir fjölmiðla víða um heim
af þessum atburðum hafa loks orðið til að ýta
við stjómvöldum í Brazilíu og nú í vikunni var
tilkynnt, að nærri átta milljörðum kr. yrði
varið í úrbætur í málefnum götubarnanna.
Morðin á götubörnunum í Rio hafa verið stund-
uð árum saman en það er stutt sfðan þau fóru
að vekja verulega athygli, innanlands og utan.
Morðin fyrir hálfum mánuði voru kannski komið,
sem fyllti mælinn, en þá var ráðist á nokkur böm
og unglinga, 11 til 17 ára gömul og flest svört,
þar sem þau kúrðu við gosbmnn í miðborg Rio.
Vom tvö þeirra drepin í svefni en hin vom elt
uppi og skotin í höfuðið eða bakið af litlu færi.
TVö bamanna sluppu, annað með kúlu í hálsinum,
og hafa þau nú borið kennsl á þijá árásarmann-
anna en talið er, að þeir hafi verið fimm.
„Götubamaiðnaður“
Morðin vöktu að sjálfsögðu mikla hneykslan í
Brazilíu en þó er langt í frá, að þar séu allir á
einu máli. Stjómvöld hafa eðlilega verið gagnrýnd
harðlega fyrir að gera ekkert í málum bamanna
og fyrir að hafa látið morðin viðgangast ámm
saman en opinberir talsmenn segja, að ástandið
sé að nokkm að kenna „götubarnaiðnaðinum“.
Þá er átt við fjölmörg félög eða samtök, sem
hafa að markmiði að beijast fyrir hagsmunum
götubamanna en em sökuð um að „nota“ þau í
fjáröflunarskyni og til að koma forystumönnum
þeirra á framfæri. í Rio em að minnsta kosti 70
félög af þessu tagi.
Milljónir á götunni
Sumir telja, að allt að þijár milljónir bama séu
á götunni í Brazilíu og flest bamamorðin stafa
af átökum eiturlyfja- eða glæpaflokka, sem em
allsráðandi í fátækrahverfunum. Götubömin eru
oftast á snæram einhvers flokksins og það þykir
ekki tiltökumál að drepa þau í átökum glæpagengj-
anna. Lögreglu- og herlögreglumenn eru einnig
atkvæðamiklir og oft drepa þeir bömin að beiðni
kaupmanna, sem em orðnir þreyttir á innbrotum
og vopnuðum ránum götubamanna. Raunar hafa
98 bamamorðingjar verið fangelsaðir sfðan 1991
en það hefur margoft sýnt sig, að í Brazilíu em
margir sammála þessari „hreinsun", sem þeir
kalla svo.
(Heimildir: Reuter, The Economist)
Málþóf á .japanska þinginu
LDP vill fá
þingforseta
Tókýó. Reuter.
EKKI varð af því að ný meirihlutastjórn undir forsæti Morihiros
Hosokawas tæki við völdum í Japan í gær, þar eð Fijálslyndi lýðræðis-
flokkurinn (LDP), sem nú verður í sljórnarandstöðu, hélt uppi mál-
þófi vegna kjörs á forseta neðri deildar. Eftir 10 tíma þjark náðust
sættir um að fresta formlegum þingfundi þangað til í dag.
Fyrsta verk þingheims í dag á. að
verða kosning forseta neðri deildar;
að því loknu verður forsætisráðherra
kjörinn. Ekki var ljóst hvort LDP-lið-
ar myndu þæfa málin í dag svo sem
í gær. Þeir vildu ekki sættast á að
Takako Doi yrði forseti neðri deild-
ar, þar eð hún kæmi úr röðum stjóm-
arflokkanna. Hingað til hafa deildar-
forsetar jafnan verið félagar í þeim
flokki sem hefur flesta þingmenn,
og vildu LDP-liðar því mann úr sínum
röðum í embættið. Þótt LDP hafí
tapað meirihluta er hann enn stærsti
fiokkurinn í neðri deild. Doi verður
fyrsta konan til að gegna embætti
deildarforseta í 104 ára sögu jap-
anska þingsins.
Væntanlegur forsætisráðherra,
Hosokawa, brást af hæglæti við töf-
unum. „Það getur margt gerst þegar
breytingar eru að verða í fyrsta skipti
í 38 ár,“ sagði hann, og bætti við
að hann vonaðist til að geta tilkynnt
ráðherralista sinn fljótlega. Félagar
hans í stjómarsamstarfmu vom sum-
ir hveijir ekki jafn rólegir og bjugg-
ust jafnvel við að nokkrir dagar
myndu líða áður en nýja stjómin
gæti tekið við.
Kiichi Miyazawa, fyrmm forsæt-
isráðherra, og ráðuneyti hans lét
formlega af völdum í gær. Fyrir síð-
asta ríkisstjómarfundinn sagði hann:
„Þetta er einungis venjulegur dag-
ur.“
Harmi slegin
MEIRA en 50.000 manns komu í gær að konungshöllinni í Brussel
til þess að votta Baldvin Belgíukonungi hinstu virðingu en þar ligg-
ur lík hans á viðhafnarbörum. Biðin var löng og ekki dugðu kraft-
ar allra til að halda hana út. Má hér sjá liðsmenn hjálparsveita
bera konu af vettvangi sem féll í yfirlið er hún beið þess að komast
að viðhafnarbörunum. Baldvin konungur lést úr hjartaslagi sl.
sunnudag og hefur verið ákveðið að bróðir hans, Albert, taki við
völdum.