Morgunblaðið - 06.04.1994, Page 39

MORGUNBLAÐIÐ MIÐVIKUDAGUR 6. APRÍL 1994
39
Athugasemd
- frá Aðalsteini Leifs-
syni og Páli Magnússyni
Jasstónleikar í
Kringlukránni
Morgunblaðið hefur verið beð-
ið um að birta eftirfarandi at-
hugasemd:
„í febrúartölublaði Háskólans,
Stúdentafrétta, sem gefið var út í
90 þúsund eintökum og dreift inn
á öll heimili í landinu, er frétt sem
ber yfirskriftina vUtiloka ekki
breytingu á LIN“. I fyrirsögninni
er vitnað í orð menntamálaráðherra
Ólafs G. Einarssonar, en í viðtali
sem tekið var við hann í tilefni
fréttarinnar segist Ólafur ætla að
stofna samstarfshóp sem hafi það
verkefni að fara yfir áhrif breyting-
anna á lögum um Lánasjóð ís-
lenskra námsmanna. Viðtalið átti
sér stað í gegnum síma og Páll
Magnússon, formaður Stúdenta-
ráðs, var viðstaddur þegar það fór
fram. Nú neitar Ólafur G. Einars-
son menntamálaráðherra því í svari
við fyrirspurn á Alþingi í gær (28.
mars) að viðtalið hafi nokkru sinni
átt sér stað!
Með ummælum sínum á Alþingi
vegur Ólafur að heiðri ritstjóra
blaðsins. Gefur í skyn að ritstjórinn
hafi setið á skrifstofu sinni, skáldað
upp viðtal, gefið það út í 90 þúsund
eintökum og dreift inn á öll heimili
í landinu. Þetta er merkilegt m.a.
í ljósi þess að þegar ráðherrann
segir að viðtalið hafi ekki átt sér
stað eru liðnir tveir mánuðir frá
því að blaðið kemur út án þess að
ritstjóra blaðsins eða formanni
Stúdentaráðs berist nokkrar at-
hugasemdir frá honum. Ennfremur
er ekkert í viðtalinu sem ekki hefur
komið fram annars staðar: í svari
við fyrirspurninni á Alþingi í gær
sagðist Ólafur aldrei hafa útilokað
breytingar á LÍN, á opnum fundi
í Hákskólanum sagðist hann ætla
að stofna' samstarfshópinn, í sam-
tali við formann Stúdentaráðs
greindi hann frá því hveijir muni
sitja í honum. Ráðherra er með
öðrum orðum ekki að mótmæla því
sem fram kemur í fréttinni heldur
eingöngu að vega að heiðri þeirra
sem að blaðinu stóðu.
Það er vandséð hvert ráðherra
er að fara með þessum ummælum
sínum. E.t.v. finnst honum að hags-
munabarátta stúdenta hafi verið
of málefnaleg og saknar þess tíma
þegar stúdentar kölluðu gífuryrði
til menntamálaráðherra og köstuðu
eggjum. En sá sem ætlar að stjórna
öðrum verður að læra að stjórna
sjálfum sér. Það er því okkar krafa
að Ólafur G. Einarsson mennta-
málaráðherra biðjist afsökunar á
meiðandi ummælum sínum.“
Aðalsteinn Leifsson, ritstjóri
Háskólans, Stúdentafrétta.
Páll Magnússon fráfarandi
formaður Stúdentaráðs Há-
skóla Islands.
ÍSLENSKI grunnskólakvartett-
inn heldur sína fyrstu tónleika á
Kringlukránni í kvöld, miðviku-
daginn 6. apríl.
Kvarettinn er skipaður nokkrum
af kunnustu jassleikurum landsins,
þeim Sigurði Flosasyni, sem leikur
á saxafón, Tómasi Einarssyni,
kontrabassaleikara, Birni Thorodd-
sen, gítarleikara og trommuleikar-
anum Pétri Grétarssyni og leika
þeir tónlist frá öllum Norðurlöndun-
um í bland við eigið efni.
Hljómsveit þessi kemur tSl með
að leika í nokkrum grunnskólum
landsins á næstunni til að kynna
þjóðlega jasstónlist.
Tónleikarnir á Kringlukránni hefj-
ast kl. 22 og er aðgangur ókeypis.
Ráðstefna
um nýsköp-
un atvinnu-
lífsins í
Evrópu
VERKFRÆÐINGAFÉLAG ís-
lands og Tæknifræðingafélag ís-
lands efna til ráðstefnu um ný-
sköpun atvinnulífsins í Evrópu í
Verkfræðihúsinu við Engjateig
þriðjudaginn 12. apríl nk. Ráð-
stefnan verður á ensku undir
nafninu „Creating Viable Busi-
ness Firms“.
Fyrirlesarar verða tveir sænskir
ráðgjafar, Christer Swedin og Hen-
rik Othelius, sem hafa nýlega unnið
að endurskipulagningu á nýsköpun-
arstarfsemi í Svíþjóð fyrir Nýsköp-
unarráðuneytið NUTEK og ritun
skýrslunnar „Att skapa livskraft —
förslag till starkt nyföretagande"
eða „Creating Viable Business
Firrns". í skýrslu þessari er einnig
fjallað um nýsköpunarstarfsemi í
mörgum öðrum löndum Evrópu. Bók
þessi verður meðal ráðstefnugagna
þátttakenda. Niðurstaða þessarar
tveggja ára úttektar á nýsköpunar-
starfsemi í Svíþjóð og starfsskilyrð-
um sænskra fyrirtækja leiddi til
markvissrar endurskipulagningar á
opinberum þjónustuaðilum sænska
atvinnulífsins og stuðningi þeirra við
smáfyrirtæki til að efla nýsköpunar-
starfsemi þar í landi. Ljóst ér að
mikið má læra bæði af mistökum
og því sem vel hefur verið gert í
þessum málum í Svíþjóð og annars
staðar í Evrópu svo og hvað er ver-
ið að gera til að efla samkeppnis-
hæfni fyrirtækja og skapa þannig
fleiri störf í framtíðinni.
Ráðstefna þessi er opin öllu
áhugaaðilum um nýsköpun atvinnul-
ífsins á íslandi, jafnt einstaklinga
með nýjar viðskiptahugmyndir sem
fulltrúa fyrirtækja, verkfræðistofa,
tæknistofnana, skóla, fjármálastofn-
ana og opinberra aðila, einnig at-
vinnumálafulltrúa sveitarfélaga,
sveitarstjórnarmenn og þingmenn
sem hafa áhuga á að fylgjast með
þróun þessara mikilvægu mála er-
lendis.
■♦ ♦ ♦
M STJÓRN Félags áhugamanna
um bókmenntir býður alla vel-
komna á síðara „Stefnumót" vetr-
arins. í þetta sinn verða gestir fé-
lagsins þrír fræðimenn, Gísli Sig-
urðsson, Helga Kress og Jón Karl
Helgason og ætla þau að svara
þeirri ágengu spurningu hvort til sé
eitthvað sem heitir íslensk bók-
menntafræði. Að erindunum loknum
verða umræður. Fundurinn verður í
Skólabæ, Suðurgötu 26, fimmtu-
daginn 7. apríl og hefst kl. 20.30.

Taktu þér tak í I jármáluin!
Ndmskeið
um jjdrmdl
heimilisins
Markmiðið með námskeiðinu er að fólk læri að gera
heimilisbókhald og áætlanir og geti tekið ákvarðanir í
fjármálum heimilisins á skynsamlegum grundvelli.
Fyrirkomulag námskeiðsins er þannig að kennt er tvö
kvöld, 3 klst. í senn. Áhersla er lögð á verkefnavinnu,
meðal annars heimaverkefni milli námskeiðsdaga.
Næstu námskeið:
• Þriðjudag 12. apríl og fimmtudag 14. apríl.
• Mánudag 25. apríl og miðvikudag 27. apríl.
Kennsla fer fram í Búnaðarbankanum Austurstræti
(gengið inn Hafnarstraetismegin) frá kl.19:30 til 22:30.
Leidbeinendur verða:
Andri Teitsson, rekstrarverkfræðingur
Gísli S. Arason, rekstrarhagfræðingur
Friðrik Halldórsson, viðskiptafræðingur.
Námskeiðið kostar 1.900 kr. en féiagar
í Heimilislínunni greiða 1.400 kr.
Innifalið í.námskeiðsgjaldi
er vegleg bók um fjármál
heimilanna.
Upplýsingar og skráning
er í síma (91) 603 203
(markaðsdeild).
Helstu efnisþættir eru:
• Heimilisrekstur
• Heimilisbókhald
• Hvernig md spara
• A vöxtu na rleiði r
• Aœtlanagerð
• Akvörðunartaka
• Tekju- og gjaldastýring
• Lánamöguleikar
• Skattamál
• Tryggingabatur — ellilífeyrir
• Rekstur bíls
'O.fl.
HEIMILISLINAN
- Heildarlausn á Jjármálum
einstaklinga
|
i
»1-
Námskeið utan Reykjavíkur verða auglýst síðar.
.uVaiyjABQ