Morgunblaðið - 13.04.1994, Síða 19

MORGUNBLAÐIÐ MIÐVIKUDAGUR 13. APRÍL 1994
19
Mexíkó-kynning á Hótel Sögu hófst í gær og stendur í viku
Mexíkó ekki eingöngu
sól og baðstrendur
„ÍSLENDINGAR hafa verið iðnir við að
heimsækja Mexíkó undanfarin tvö ár,
þrátt fyrir að þessi nýi ákvörðunarstaður
hafi verið lítið kynntur. Nú ætlum við
að reyna að bæta úr því og kjósum að
gera það á afmælisári lýðveldis ykkar.
Við viljum sýna Islendingum að í Mexíkó
er ekki eingöngu sól og strendur, heldur
merkileg, 3.000 ára menning,“ sagði Dr.
Gerardo Hemken, svæðisstjóri mexí-
kóska ferðamálaráðuneytisins í Bret-
landi, írlandi og á Norðurlöndum.
Blaðamaður hitti Dr. Gerardo að máli á
Hótel Sögu, en hann er hingað kominn í til-
efni mexíkóskrar kynningar, sem hófst þar
í gær og stendur í eina viku. Hann er ánægð-
ur með þær móttökur, sem Mexíkóferðir
hafa fengið hjá íslendingum, en nú er að
renna upp þriðja sumarið sem flogið er í leigu-
flugi til borgarinnar Caneun. „Við höfum
ákveðeið að halda eins konar afmælisveislu
fyrir íslendinga vegna 50 ára afmælis lýð-
veldis ykkar og ætlum að kynna fjölbreytta
menningu okkar,“ segir hann. „Fólk gerir
sér ekki grein fyrir hvað Mexíkó er stórt
land og margbreytilegt. Hvert svæði á sína
sérstöku tónlist, dans og mat.“
Bandittar og kaktusar?
Dr. Gerardo segir að þegar íslendingar
heyri á Mexíkó minnst detti þeim ef til vill
fyrst í hug bandittar og kaktusar. „Mexíkó
er miklu meira en sú mynd sem dregin hefur
Dr. Gerardo Hemken, svæðissljóri mexí-
kóska ferðamálaráðuneytisins á Norður-
löndum.
verið upp í kúrekakvikmyndum," segir hann
og brosir. „Það er í raun ágætt að þeir íslend-
ingar, sem núna ferðast til landsins, komi
fyrst til Cancun, því þar njóta þeir Karíba-
hafsins, fallegra stranda og matarmenningar
Yucatan-skaga, sem er blanda af matar-
menningu Spánveija og Maya-indíána. Og
það má ekki gleyma því að þjóðirnar tengjast
í raun, því Golfstrauminn eigum við sameigin-
legan. Þá hefur reynslan undanfarin tvö ár
sýnt okkur að íslendingar eru vel liðnir, enda
þykja þeir viðkunnanlegir."
Dr. Gerardo segir að af 80 milljónum
Mexíkóbúa ferðist um 30 milljónir þeirra
árlega og flestir fari þeir til Bandaríkjanna.
„Margir hafa ferðast víða, eru miklir náttúru-
unnendur og vilja upplifa ný ævintýri. Við
stefnum þess vegna að því að bjóða pakkaf-
erðir hingað til lands fra Mexíkó og vonandi
verður af því næsta sumar, ef ekki strax á
þessu ári. Þrír ræðismenn íslands í Mexíkó
munu taka þátt í að kynna Island fyrir lönd-
um_ mínum."
Á Mexíkó-kynningunni á Hótel Sögu mun
mexíkóskur kokkur elda ofan í gesti GriIIs-
ins, hljómsveit leikur mexíkóska tónlist og
danshópur sýnir dansa úr ýmsum sveitum
Mexíkó, enda á hvert svæði sína sérstöku
dansmenningu, eins og Dr. Gerardo nefndi.
„Við höfum einnig ákveðið að halda nám-
stefnu 12. maí fyrir starfsfólk ferðaskrif-
stofa, sem hefur áhuga á að læra meira um
land okkar. íslendingar eru reyndir ferða-
langar og ég held að þeir vilji gjarnan kynn-
ast fleiri hliðum á land og þjóð en þeir eiga
nú kost á. Til að það sé mögulegt verðum
við að byija á því að uppfræða starfsfólk
ferðaskrifstofa, sem skipuleggur ferðirnar,"
segir Dr. Gerardo Hemken.
Framboðs-
listar Sjálf-
stæðisflokks
og F-lista
á Siglufirði
Á SIGLUFIRÐI munu fjórir
listar bjóða fram í komandi
sveitarsljórnarkosningum. D-
listi Sjálfstæðisflokksins, F-
listi, sem er listi óháðra og
Alþýðubandalagsins, hefur
áður birst hér í blaðinu, B-listi
Framsóknarflokks, og A-listi
Alþýðuflokksins, eru enn ekki
komnir fram.
Framboðslisti
Sjálfstæðisflokksins
1. Björn Jónasson sparisjóðs-
stjóri, 2. Runólfur Birgisson
rekstrarstjóri, 3. Valbjörn Stein-
grímsson veitingamaður, 4. Magn-
ús Stefán Jónasson bankafulltrúi,
5. Olafur Pétursson verkamaður,
6. Elvur Hrönn Þorsteinsdóttir
skrifstofutæknir, 7. Kolbeinn Eng-
ilbertsson lögregluþjónn, 8. Selma
Hauksdóttir verslunarmaður, 9.
Haukur Jónsson skipstjóri, 10.
Hermann Einarsson kaupmaður,
11. Vibekka Arnardóttir verslun-
armaður, 12. Ingvar Hreinsson
flugvallarstjóri, 13. Sigurður
Gunnar Hilmarsson framkvæmda-
stjóri, 14. Þórarinn Hannesson
íþróttakennari, 15. Þorsteinn Jó-
hannesson verkfræðingur, 16.
Anna Lára Hertvig kaupmaður,
17. Guðmundur Skarphéðinsson
framkvæmdastjóri og 18. Birgir
Steindórsson bóksali.
Árni Sigfússon Ingibjörg Sól-
borgarstjóri rún Gísladóttir
alþingismaður
Ingibjörg Sólrún Gísladóttir segist óttast að kosningabaráttan verði hálfgerður skrípaleikur
Segir stefnubreytingu Sjálf-
stæðisflokksins mgla kjósendur
Kveðst telja markmið flokksins að vera við völd en ekki að fylgja markvissri stefnu
INGIBJÖRG Sólrún Gísladóttir, borgarstjóraefni Reykjavíkur-
listans, segist óttast að kosningabaráttan, sem framundan er,
verði hálfgerður skrípaleikur. Sjálfstæðisflokkurinn sé að hlaupa
frá öllum sínum gömlu stefnumálum og sæki til R-listans við
mótun nýrrar stefnu. Hún segir greinilegt að markmið Sjálfstæð-
isflokksins sé að vera við völd en ekki að fylgja fram einhverri
markvissri stefnu. Hún sagði að þetta hlyti að rugla kjósendur
og valda þeiin erfiðleikum við að skilja um hvað þessi kosninga-
barátta snúist.
Ingibjörg og
Arni á fundi
FORYSTUMENN framboðslist-
anna til^ borgarsljórnar Reykja-
víkur, Árni Sigfússon og Ingi-
björg Sólrún Gísladóttir, halda
opinn kosningafund í Háskóla-
bíói í dag. Þetta er í fyrsta skipt-
ið í kosningabaráttunni sem leið-
togar listanna leiða saman hesta
sína á opnum fundi. Það er Stúd-
entaráð Háskóla Islands sem boð-
ar til fundarins.
Á fundinum munu báðir fram-
bjóðendur flytja ávörp, en síðan
gefst fundarmönnum kostur á að
spyrja þá spurninga. Fundurinn
hefst kl. 12.15.
Ingibjörg Sólrún hélt blaða-
mannafund í gær. Þar sagði hún
að framganga Sjálfstæðisflokks-
ins í kosningabaráttunni væri al-
veg ný reynsla fyrir sig. Meðan
hún hefði starfað í borgarstjórn
hefði minnihlutinn alls staðar rek-
ið sig á veggi. Nánast allar tillög-
ur hans hefðu verið felldar. Nú sæi
hún Sjálfstæðisflokkinn taka upp
baráttumál minnihlutans eitt af
öðru. Ingibjörg Sólrún sagði að
sjálfstæðismenn hefðu sagt að
flokkarnir sem standa að R-listan-
um hefðu málað yfir nafn og núm-
er, en hún sagðist ekki sjá betur
en Sjálfstæðisflokkurinn hefði
málað yfir nafn og númer.
Ingibjörg Sólrún gagnrýndi sér-
staklega að Sjálfstæðisflokkurinn
skyldi í stefnuskrá sinni lýsa því
yfir að hann vildi hrinda í fram-
kvæmd ýmsum stefnumálum sem
væru á verksviði ríkisvaldsins, eins
og lengingu fæðingarorlofs og
breytingu á persónuafslætti. Ingi-
björg Sólrún sagðist telja það vera
fallið til að rugla kjósendur í rím-
inu að taka þessi atriði inn í kosn-
ingabaráttuna. Margir kjósendur
gerðu sér ekki grein fyrir því að
borgarstjórn réði ekki yfir þessum
málaflokkum.
Biðlistum tæplega útrýmt á
kjörtímabilinu
Ingibjörg segir tæplega vera
rétt að tala um að Sjálfstæðis-
flokkurinn ætli sér að eyða biðlist-
um eftir leikskólaplássi á tveimur
árum. Flokkurinn undanskilji bið-
lista barna sem eru undir tveggja
ára aldri. Hún sagði athyglisvert
að Sjálfstæðisflokkurinn vilji núna
allt í einu auka stuðning við leik-
skóla sem foreldrar reka. Hingað
til hefði flokkurinn ekki viljað
styðja tillögur sem fulltrúar minni-
hlutans í borgarstjórn hefðu flutt
þessa efnis. Hún sagðist einnig
vilja vekja athygli á því að Sjálf-
stæðisflokkurinn hefði staðið að
því að skera niður stuðning við
leikskóla sem foreldrar reka árið
1989. Ingibjörg Sólrún sagði að
leikskólamál væru eitt af for-
gangsmálum R-listans. Þar væri
gífurlega mikið verk óunnið. Hún
sagðist ekki treysta sér til að segja
hvenær biðlistum eftir leikskóla-
plássum verði útrýmt nái R-listinn
völdum í borginni, en sagðist ekki
telja að það tækist á einu kjörtíma-
bili.
Ingibjörg Sólrún sagði að mikið
verk væri óunnið í málefnum
grunnskólans. Reykjavík væri það
sveitarfélag sem ætti einna.lengst
í land með að geta boðið upp á
heilsdagsskóla. Þetta segði manni
hvaða forgang skólamál hefðu
haft hjá Sjálfstæðisflokknum til
þessa. Hún sagði það jákvætt ef
Sjálfstæðisflokkurinn vilji núna
bjóða upp á heilsdagsskóla, en
vakti athygli á því að það kosti
líklega 1-1,5 milljarða að hrinda
þessu markmiði í framkvæmd.
R-listinn með fundaherferð
R-listinn er að fara af stað með
fundaherferð um borgina. Fyrsti
fundurinn, sem var um atvinnu-
mál, var í gærkvöldi. Næstkoin-
andi þriðjudag verður fundur um
skólamál og 26. apríl verður fjallað
um ýmis félagsleg vandamál í
borginni. Ingibjörg Sólrún sagði
þessa fundi marka upphafið að
lýðræðislegri vinnubrögðum í
borginni sem R-listinn vilji inn-
leiða. Hún sagðist ekki ætla að
gefa mörg loforð í kosningabarátt-
unni, en hún ætli hins vegar að
lofa að halda fundi á hveiju ári
með borgarbúum verði hún kosin
borgarstjóri og fá þá til að koma
með ráð og ábendingar varðandi
ýmislegt í stjórn borgarinnar. Hún
sagðist ætla að beita sér fyrir því
að nefndir og ráð borgarinnar
haldi einnig slíka fundi með borg-
arbúum.
Félagsleg-
ar íbúðir í
Hveragerði
Hveragerði.
NÝLEGA voru afhentar hér í
Hveragerði þrjár íbúðir í fé-
lagslega kerfinu.
Bygging ibúðanna hófst
síðastliðið sumar og hefur verkið
gengið mjög vel. Byggingameist-
ari var Hafsteinn Bjarnason.
íbúðirnar eru allar hinar glæsi-
legustu og það voru ánægðir íbú-
ar sem fluttu inn um síðustu
helgi.
- A.H.
Ánægð börn fyrir utan ný heimkynni.
Morgunbladið/Aldís