Morgunblaðið - 03.07.1994, Blaðsíða 21

MORGUNBLAÐIÐ
SUNNUDAGUR 3. JÚLÍ 1994 B 21
Islenzk frímerki
FRÍMERKI
Myndband
ÞRÓUNARFERILL
FRÍMERKJANNA
Saga íslenzkra frímerkja í ináli og
myndum. Nýja bíó hf. gerði kvik-
myndina. Umsjón ogtexti: Guðjón
Arngrímsson.
Á LIÐNU ári lét Nýja bíó hf. í
Reykjavík gera kvikmynd um sögu
íslenzkra frímerkja í máli og mynd-
um frá upphafi þeirra árið 1873 og
fram á okkar daga. Þótt undarlegt
megi telja, hef ég ekki orðið var
við miklar auglýsingar eða umsagn-
ir í blöðum um þessa mynd. Er hún
þó þess verð að vekja athygli á
henni meðal frímerkjasafnara.
Kápa myndbandsins.
Mér er kunnugt um, að úr rnörgu
var að velja við gerð myndarinnar.
Lengd hennar í útgáfunni er um
45 mínútur, en alls mun myndefn-
ið, sem upp var tekið, hafa verið
um tíu klukkutímar. Ljóst er því,
að úrvinnsla þessa efnis hefur verið
mikið verk og vandasamt. Sá, sem
þetta ritar, kom nokkuð að undir-
búningi myndbandsins, en fylgdist
lítið með verkinu á vinnslustigi og
alls ekki við lokagerð þess. Þar
hefðu einmitt sérfróðir menn um
frímerki að ósekju mátt koma betur
að. Umsjón og samning handrits
var í höndum Guðjóns Arngríms-
sonar fréttamanns. Jafnframt flyt-
ur hann skýringartexta myndarinn-
ar og það mjög skilmerkilega.
Myndin hefst á örstuttum inn-
gangi um upphaf frímerkja og
hvernig bréf bárust til viðtakenda
fyrir daga þeirra. Jafnframt er lögð
áherzla á að sýna, hvernig saga
lands og þjóðar fyrr og síðar teng-
ist frímerkjaútgáfu okkar. Er sögu-
legt myndefni Alþingishátíðarfrí-
merkjanna 1930 notað til að bregða
upp því svipleiftri. Auðvitað er það
í sjálfu sér vel skiljanlegt, ekki sízt
frá sjónarmiði leikmanna. Þó er að
mínum dómi ekki heppilegt að
draga þessa útgáfu um of fram í
sviðsljósið, því að hún kom aldrei
út á vegum íslenzku póststjórnar-
innar, svo sem vel kemur fram í
umsögn um hana í myndinni sjálfri,
og tilurð hennar var vægast sagt
mjög vafasöm, þegar öll kurl komu
til grafar.
Viðtöl eru í myndinni við ýmsa
sérfróða menn um íslenzk frímerki
og sögu þeirra. Jafnframt er brugð-
ið upp mjög skemmtilegum mynd-
um af íslenzkum frímerkjum frá
upphafi 1873 og síðan allar götur
fram á okkar daga. Þær myndir eru
m. a. sóttar í hið fræga safn, sem
kennt er við Hans Hals og íslenzka
póststjórnin á. Við sjáum einnig
brot úr söfnun þekktra safnara, og
um leið fjalla þeir um söfn sín og
segja frá því helzta, sem þar má
sjá. Eru þessu viðtöl mjög áhuga-
verð. Þá er rætt við frímerkjakaup-
menn, en hér hefði að mínum dómi
mátt fara fljótar yfir sögu en gert
er.
Um leið og sýnd eru mörg falleg
íslenzk frímerki á skemmtilegum
bakgrunni, er leikin undir þægileg
og þjóðleg tónlist eftir íslenzk tón-
skáld. Þá er víða brugðið upp með
broti úr gömlum kvikmyndum eða
með föstum myndum ýmsu efni,
sem síðan má sjá á frímerkjum
okkar. Er þetta tengt sérlega vel
saman í myndinni, og hlýtur að
vekja athygli, ekki sízt meðal er-
lendra safnara.
Rakin er gerð íslenzkra frímerkja
allt frá þvf, er útgáfa þeirra hefur
verið ákveðin, og þar til þau koma
fullprentuð til póststjórnarinnar og
eru tekin í notkun. Hér hefur þróun-
arsaga flugfrímerkjanna, sem komu
út 9. okt. sl., verið valin sem sýnis-
horn um þennan feril. Þröstur
Magnússon, sem er víðkunnur
hönnuður íslenzkra frímerkja og
hefur hlotið mörg verðlaun fyrir,
teiknaði þessi frímerki. Hér má sjá
hann fara höndum um teikningar
sínar. Jafnframt er brugðið upp
myndum af fallegum blóma-, dýra-
og landslagsfrímerkjum, sem hann
hefur teiknað. Um leið er sagt frá
starfí Þrastar í þágu íslenzkrar frí-
merkjasögu. Flugrnerkin voru
prentuð í Dublin á írlandi. Sýndur
er undirbúningur undir prentun
merkjanna, og síðan fylgjumst við
með ferli þeirra allar götur til út-
gáfudags.
Á degi frímerkisins 9. október
sl. kom út sérstök smáörk, sem var
helguð þessum degi. Þar sem 60
ár voru liðin frá hópflugi ítala hing-
að til lands á leið þeirra til Banda-
ríkjanna, voru valin sem myndefni
þau þijú frímerki úr flokki Kristjáns
konungs X., sem höfðu verið yfir-
prentuð með orðunum Hópflug ít-
ala 1933 og einvörðungu notuð á
þann póst, sem héðan fór með flug-
flotanum. Frá þessari örk er sagt
í myndinni og um leið brugðið upp
mjög skemmtilegum kvikmyndum,
sem teknar voru við komu ítalanna.
Þennan sama dag var sett upp
lítil frímerkjasýning í Kringlunni,
um leið og þar var almenn frí-
merkjakynning á vegum íslenzku
póststjórnarinnar og frímerkjasam-
taka í Reykjavík. í þessari fræðslu-
mynd má sjá ýmislegt af því, sem
þar fór fram. Allt veitir það nokk-
urt innsæi í heim frímerkja og frí-
merkjasöfnunar.
Að sjálfsögðu vantar ýmislegt í
þessa kvikmynd, sem nákvæmir
safnarar munu sakna, en hún er
engu að síður ágæt heimild um
margt í íslenzkri frímerkjasögu.
Hafa má og í huga, að þetta er
frumsmíð á þessum vettvangi og
henni hljóta að fylgja ýmsir ann-
markar, sem lagfæra má síðar. Ég
vil eindregið hvetja íslenzka safnara
til þess að eignast þetta myndband.
Þá er það góð vinargjöf til skipti-
vina erlendis og um leið landkynn-
ing, enda fáanlegt bæði með ensku
og þýzku tali.
Frímerkjasala póststjórnarinnar
hefur myndband þetta til sölu, en
einnig fæst það að sjálfsögðu hjá
framleiðanda, Nýja bíói hf., Skip-
holti 31, 105 Reykjavík.
Jón Aðalsteinn Jónsson
Viðbragðsfljótir félagar Atlasklúbbsins detta í sólarpottinn!
Sólarlandaferð á verði frá
a mann
Viðbragðsfljótir handhafar Atlas-korta og Gullkorta
Eurocard eiga nú möguleika á að detta í Sólarpottinn
- þann líflega lukkupott.
♦ I boði eru nokkrar pottþéttar sólarlandaferðir á frábæru verði þar sem tryggð
er fyrsta flokks gisting nærri strönd og allri þjónustu.
Um er að ræða ferðir til Benidorm á Spáni, Mallorca eða Portúgal. Hvert
ferðinni er heitið nákvæmlega kemur í ljós 4 dögum fyrir brottför!
1. Þú hringir í síma 88 90 80 og tilgreinir t hvaða viku þú vilt fara út,
hversu löng ferðin á að vera (1,2, eða 3 vikur), fjölda og aldur ferðalanga
og bókar brottför þína.
2. Bókun er staðfest þegar staðfestingargjald hefur verið greitt:
14.000 kr. fyrir fullorðna og 7.000 kr. fyir bóm.
3. 4 dögum fyrir brottför er hringt til þín með staðfestingu um áfangastað
og hótel t Portúgal, Benidorm eða Mallorca.
Allar nánari upplýsingar í síma 88 90 80.
Hér er um örfá sæti að ræða og því ekki eftir neinu að bíða!
Verðdæmi 1: 34.900 kr. á mann
(2 fullorðnir og 2 böm) í hálfsmánaðarferð.
Verðdæmi 2: 49.900 kr. á mann
(2 fullorðnir) í hálfsmánaðarferð. i,
1 þessum verðdæmum er gert ráð fyrir að korthafi
nýti 4.000 kr. ajsláttarávísun frá Átlasklábbnum. osSiÍíkÍlfcÍÉk'
Þessa ávísun fá allirAtlas- og Gullkorthafar einu
ATLAS nýtur sérkJara!
Innifalið í verði: Flug, gisting, akstur til og frá
flugvelli erlendis, íslensk fararstjórn, skattar og gjöld.
HVÍTA HÚSIO / SÍA