Morgunblaðið - 19.11.1995, Blaðsíða 2
2 B SUNNUDAGUR 19. NÓVEMBER 1995
MORGUNBLAÐIÐ
Morgunblaðið/RAX
RAULARINN
DULARFULLI
Hinn glaðbeitti og eggjandi raulari Bogomil
Font er aftur kominn á kreik, nú sem
túlkandi laga Kurts Weills. Sigtryggur
Baldursson, faðir Bogomils, sagði
--------------------------------------------
Arna Matthíassyni að hann hafi viljað
túlka lög Weills eins og það væri
sirkushljómsveitað spila.
SIGTRYGGUR Baldurs-
son trommuleikari varð
frægur um allt land sem
hinn glaðbeitti og eggj-
andi raulari Bogomil Font fyrir
þremur árum. Með hljómsveit sinni
Milljónamæringunum hrinti Bog-
omil Font af stað mambóæði á
íslandi, sem sér ekki fyrir endann
á, sendi frá sér metsöluplötu og
hvarf svo eins skjótt og hann hafði
birst haustið 1993, þegar Sig-
tryggur fluttist tii Bandaríkjanna
og tók aukasjálfið Bogomil með.
Vestan hafs hefur Sigtryggur
meðal annars starfað við trommu-
ieik fyrir ýmsa listamenn, á meðan
kona hans stundar nám. Bogomil
lét hann þó ekki í friði og Sigtrygg-
ur lét undan; sendi fyrir skemmstu
frá sér breiðskífu þar sem Bogom-
il Font syngur lög eftir þýska tón-
skáldið Kurt Weill.
Á plussklæddum barnum á
Hotel Intercontinental í
Zagreb
Bogomil Font varð til á pluss-
klæddum barnum á Hotel Inter-
continental í Zagreb, þar sem
Bragi Ólafsson og Sigtryggur sátu
eitt sinn og ræddu þá hugmynd
að setja á stofn sveiflusveit með
raulara að hætti Franks Sinatra
og fleiri góðra fyrirmynda. Bog-
omil-nafnið fékk Sigtryggur úr
dagatali á staðnum þar sem fram
kom að Bogomil væri fæðingar-
dagsdýrlingur hans, en seinni hlut-
inn var ljóðrænn innblástur. Bog-
omil tróð fyrst upp með Hljóm-
sveit Konráðs Bé, sem var undir
stjórn trommuleikarans Braga
Ólafssonar, og kynnt var „hin
glaðbeitta og eggjandi“ rödd hans.
Um mitt ár 1992 fór svo Bogomil
að láta á sér kræla með hljóm-
sveit sinni Miljónamæringunum.
Sigtryggur lýsti því í viðtal fyr-
ir tveimur árum að framan af
hafí gengið erfiðlega að fá fólk til
að taka hann og hljómsveitina al-
varlega; það taldi að Sigtryggur
trommuleikari Sykurmolanna væri
varia alvarlegur söngvari. Sig-
tryggur hélt þó Bogomil til streitu,
ekki síst til að auðvelda sér að
standa á sviðinu, því hann segir
að hann hafi hvorki fundið fyrir
sviðskrekk né streitu þegar hann
var að syngja, því það var ekki
Sigtryggur Baldursson sem stóð á
sviðinu heldur Bogomil Font.
Hætt á toppnum
Bogomil Font og Milljónamær-
ingarnir tóku upp breiðskífuna
Ekki þessi leiðindi sem varð ein
söluhæsta plata ársins 1993 og
höfðu yfrið nóg að gera í kjölfarið
sem vinsælasta ballhljómsveit
landsins. Þá var það sem Sigtrygg-
ur ákvað að segja skilið við hljóm-
sveitina, hætta á toppnum, og
flytja til Bandaríkjanna, þar sem
Sigrún kona hans var að hefja
doktorsnám í líffræði. Þau settust
að í háskólaborginni Madison og
ekki leið á löngu þar til Sigtrygg-
ur var farinn að svipast um eftir
aukavinnu við trommuleik.
Bad Taste USA
Það er napurt vetrarveður þeg-
ar ég heimsæki Sigtrygg í höfuð-
stöðvar Smekkleysu í Chicago, í
gríðarstórri íbúð samstarfsaðila
fyrirtækisins, sem lítur reyndar
út eins og sprengja hafi fallið á
húsið, enda er hann, John
Henderson, að koma sér fyrir í
íbúðinni. Herbergi Smekkleysu,
sem er á ábyrgð Sigtryggs, er
áberandi snyrtilegt, sérstaklega
samanborið við aðra hluta íbúð-
arinnar, og reyndar eini staður-
inn þar sem hægt er að tylla sér
niður.
Sigtryggur segist snemma hafa
rekið sig á að ekki væri auðsótt
að finna verkefni við hæfi í Madi-
son, því Madison sé lítil háskóla-
borg með fremur daufu tónlistar-
lífi. Hann sá því í hendi að hann
þyrfti að halda til Chicago, sem
er um þriggja tíma akstur frá
Madison, vildi hann fá eitthvað að
gera af viti, en einnig segir hann
að sér hafi verið ofarlega í huga
að finna samstarfsaðila fyrir út-
gáfur Smekkleysu vestan hafs, en
Sigtryggur á og rekur það fyrir-
tæki með öðrum meðlimum Sykur-
molanna meðal annarra.
Leitað að samstarfaðila
„Ég fór í heimsókn til ýmissa
lítilla útgáfufyrirtækja í Chicago,
bæði til að leita eftir vinnu og svo
að finna samstarfsðila,“ segir Sig-
tryggur. „Meðal manna sem ég
talaði við var John Henderson sem
rekur útgáfu sem oft bar á góma
í samtölum mínum við aðra og
nýtur mikillar virðingar hér um
slóðir. Þegar ég svo hitti John
Henderson komst ég að því að
hann er mikill áhugamaður um
íslenska tónlist og á mikið safn
af henni frá níunda áratugnum.
Þannig þekkti hann vel til hljóm-
sveita eins og Kuklsins, Þeys og
Purrks Pillnikks, en ekki bara
Sykurmolanna," segir Sigtryggur.
Hann segir að fyrir vikið hafí far-
ið vel á með þeim félögum og fljót-
lega ákváðu þeir að stofna fyrir-
tækið Bad Taste USA, sem rekið
yrði sem eins konar systurfyrir-
tæki útgáfu Hendersons.
Meðfram þessu fékk Sigtryggur
ýmislegt að gera sem trymbill í
Chicago, helst í tengslum við „ind-
ustrial" hljóðverið War Zone.
Drukkin sirkushljómsveit
í gegnum John Henderson seg-
ist Sigtryggur síðan hafa kynnst
eigendum King Size-hljóðversins
sem féll vel að þeirri hugmynd sem
kviknaði að taka upp breiðskífu
þar sem Bogomil Font flytti lög
Kurts Weills. „Það hljóðver hent-
aði betur fyrir Kurt Weill-verkefn-
ið og þann hljóm sem ég leitaði
eftir, svolítið hráan eins og væri
drukkin sirkushljómsveit að spila,“
segir Sigtryggur.
„Bogomil Font er bara eitt af
Ijölmörgum verkefnum mínum og
ég ætlaði ekkert að vinna meira
með hann í bili þegar ég flutti
hingað. Svo fékk ég þá flugu í
höfuðið að gera Kurt Weill-plötu,
hafði verið að hlusta mikið á lög
hans og Bogomil langaði að syngja
lög hans. Það lét mig svo ekki í
friði svo ég ákvað að framkvæma
hugmyndina og meðhöndla lögin
nákvæmlega eins og mér sýndist,
ég var ekki með gróðasjónarmið í
huga.“
Hugmyndafræðin skoðuð
„Ég var búinn að vera að dunda
mér við sum þessara Kurt Weill-
laga í langan tíma,“ segir Sig-
tryggur. „Eg byijaði að taka upp
í júli og var þá búinn að vinna
prufuupptökur af nokkrum lögum
og velta fyrir mér hugmyndafræð-
inni. Ég ætlaði reyndar ekki að
taka upp plötu með Bogomil Font
strax. Ékki þessi leiðindi, sem
Bogomil söng inn á með Milljóna-
mæringunum, var gerð sem tón-
leikaplata vegna þess að hljóm-
sveitin var vinsæí ballhljómsveit
og átti aldrei að vera annað, ball-
hljómsveit með stíl. Þegar Bogom-
il flytur síðan af landi brott lagð-
ist hann í einskonar dvala, enda
hafði ég í nógu öðru að snúast
eins og ég nefndi,“ segir Sigtrygg-
ur. „Bogomil lét mig þó ekki í friði
og loks tók ég þá ákvörðun að
láta undan, leitaði til ýmissa tón-
listarmanna sem ég hafði kynnst
hér í Chigaco, þar fremstan í flokki
Dave Trumfio, sem er meðal eig-
enda King Size-hljóðversins og
helsti upptökumaður, en hann leik-
ur á kontrabassa á plötunni með-
fram því að sjá um tæknihliðina,
og síðan þeirra Daves Adlers hljóm-
borðs- ogtrompetleikara, sem einn-
ig sér um blásturshljóðfæri, og
Biffs Blumfengagners fiðlu- og gít-
arleikara, sem sá um strengjaút-
setningar," segir Sigtryggur, en
platan er öll tekin upp I Chicago.
Einfaldlega skemmtileg tónlist
Sigtryggur fellst ekki á að mik-
ið sé færst í fang að taka upp lög
eftir Kurt Weill, sem helst hafa
verið túlkuð af klassík menntuðum
tónlistarmönnum. „Auðvitað ber
ég virðingu fyrir verkefninu og
þess vegna, að vissu leyti, tók ég
það að mér. Ég gerði þetta ekki