Morgunblaðið - 19.05.1996, Blaðsíða 9

MORGUNBLAÐIÐ
SUNNUDAGUR 19. MAÍ 1996 B 9
RAGNHILDUR í gervi Dawn í Hrekkjarvöku VI ásamt MYNDIN sem umboðsmaður Ragnhildar
skólabróður sínum og vini Paul Rudd. dreifði til kynningar og átti að undir-
strika týpuna sem hún hentaði í; kalda,
vitsmunalega og ákveðna.
RAGNHILDUR Rúriksdóttir í Draumadísum.
arlömb. Þar sem ég þyki frekar
skarpleit, lék ég alltaf sterkar kon-
ur, með völd, vitsmunalegar fágað-
ar, ákveðnar. Þvílík þröngsýni er ríkj-
andi í þessum kvikmyndabransa að
leikarinn festist í ákveðinni mann-
gerð, vegna útlits, oft alla ævi. Þess
vegna datt engum í hug að ég gæti
leikið blíðlyndar, veiklyndar konur,
þaðan af síður fómarlömb. Meira að
segja umboðsmaðurinn minn notaði
kynningarmyndir af mér sem undir-
strikuðu þessa þætti.
Þessi iðnaður er algjör „bisness"
- enda hafa þeir úr nógu að velja í
allar týpur. En til lengdar sýgur
þetta úr manni allan kraft og sköp-
unargleði."
Varðstu þreytt á þessu?
„Já,“ segir Ragnhildur af sann-
færingu og bætir því við að það sé
ekki síður þreytandi hversu mikil
fyrirhöfn það sé að koma sér áfram,
jafnvel þótt maður standi sig vel.
“Maður verður að hafa sig allan við
að kynnast rétta fólkinu. En það
er alls ekki alltaf nóg, því það er
alls konar samningamakk í gangi á
bak við tjöldin. Til dæmis geiði gegn
greiða.
Maður fer til dæmis í prufu og
stendur sig vel, en þá hefur kannski
umboðsmaður aðalleikarans komið
með þá kröfu að tíu af þeim leikur-
um sem hann er með á skrá, fylgi
með í pakkanum. Þá skiptir engu
máli hver hafi staðið sig best.
Einhvern veginn get ég ekki var-
ist þeirri hugsun að óralangt sé
milii hins íslenska veruleika og hins
ameríska, að ég tali nú ekki um
hvað þessi hlýja og blátt áfram
unga kona sem situr fyrir framan
mig hljóti að vera illa hönnuð fyrir
spillingu og makk. Hún hlær.
„Þetta er ógeðslega rotinn heimur
þama úti. Ég hef oft fengið tilboð,
undir rós, frá alls konar körlum og
þegar ég lét taka af mér leikara-
myndir til kynningar var mér ráð-
lagt að taka af mér giftingahringinn
- hann gæti skemmt fyrir mér...
En ég hélt nú ekki. Ég er ég og
því verður ekki breytt. En þetta
þótti svo sjálfsagt, því þarna gerir
fólk allt til að komast áfram og
gengur í gegnum alls kyns niður-
lægingar til þess. Það er ógeðfellt
að horfa upp á það.“
Óöldin í Los Angeles
Þegar hér var komið sögu, segist
Ragnhildur hafa verið orðin leið á
L.A. og orðin þreytt á því að búa
þar. “Eiginlega voru það uppþotin
í Los Angeles í apríl 1992, sem fylltu
mælinn hjá okkur Jóni,“ segir hún.
„Mamma og pabbi vom í heim-
sókn hjá okkur og daginn sem dóm-
urinn var kveðinn upp yfir Rodney
King, var ég með þau í litla bílnum
mínum að sýna þeim borgina; fá-
tækrahverfin og ríku hverfin.Mér
fannst eitthvað einkennilegt við það
að svertingjarnir tóku að safnast
saman í hópum í Griffith Park, þeg-
ar við áttum leið þar um.
Þegar við komum heim sá ég í
sjónvarpinu að allt hafði orðið vit-
laust. Það var brostin á óöld. Og
þetta var svo nálægt okkur. Manni
í næstu götu við okkur var stillt upp
við vegg og hann skotinn. Þetta var
hrein aftaka. Tveir hvitir strákar
3 litir. Kr. 1.990
smáskór
í bláu húsi við Fákafen,
Suðurlandsbraut 52,
sími 568 3919.
- kjarni málsins!
fóru á mótorhjólum út á þjóðveginn
til að hjálpa dökkri vinkonu sinni sem
var bensínlaus en á leiðinni þangað
voru þeir skotnir. Það var útgöngu-
bann í fjóra daga og nágrannamir
skiptust á vopnum til að vakta hverf-
ið. Þetta var ótrúleg lífsreynsla en
við fengum alveg nóg.“
Til mormónanna í Utah
Þegar þau Ragnhildur og Jón
höfðu fengið nóg af langkeyrslum,
harki, uppþotum og óöld, fluttu þau
til mormónabyggðarinnar Utah.
“Auðvitað gerði ég mér grein fyrir
því hvað markaðurinn var lítill þar,“
segir Ragnhildur. “En fyrst við gát-
um ekki farið til íslands var þetta
góður kostur - og mikill munur.
Þetta var allt miklu manneskju-
legra. Þarna voru hestar og kindur
á beit úti í haga, rétt eins og heima.
Kvikmyndaiðnaðurinn er allur
smærri í sniðum í Utah en í örum
vexti. Þar er mjög mikið tekið af
kvikmyndum, meðal annars vegna
þess að það er ótrúleg náttúmfeg-
urð í þessu fylki.
Utahfylki er eitt af fáum ríkjum
í Bandaríkjunum sem kallast „Right
to Work State,“ sem þýðir að fólk
þarf ekki að vera í stéttarfélagi til
að geta unnið. Þarna er því hægt
að ráða fólk fyrir mun lægra kaup
en til dæmis í Kaliforníu. Það er til
dæmis mjög algengt að aðaltökulið-
ið og aðalleikararnir komi frá Los
Angeles, en ráði aðstoðarleikara,
aðstoðarmenn, og statista í Utah.
Framleiðslan verður miklu ódýrari
fyrir vikið. Markaðurinn er minni
og tækifærin færri í Utah en það
er ekki vafi að þetta fylki á eftir
að verða stórt í kvikmyndaiðnaðin-
um næstu árin...“
Og þá drífur þú þig í burtu.
„Já, já,“ segir Ragnhildur og
minnir enn einu sinni á að ísland
hafi alltaf verið draumurinn. “En
ég er með umboðsmann í Utah og
samskipti okkar eru á allt öðrum
gmndvelli og mun mannlegri nótum
en við umboðsmanninn í Los Angel-
es. Hún er fyrrverandi “casting
director" og leiklistarkennari.
Ásamt því að hafa fengist við ýmis-
legt í leiklistinni, hef ég meðal ann-
ars verið aðstoðarmaður hennar við
leiklistarkennslu.
Hrekkjavaka VI í
mormónalandi
Eitt helsta verkefnið sem Ragn-
hildur hefur tekið að sér frá því hún
flutti til Utah er hlutverk Dawn í
Halloween VI (Hrekkjavöku VI),
sem er auðvitað hrollvekja.
„Ég var boðuð í prufu fyrir þessa
mynd. Þegar Glenda, umboðsmað-
urinn minn, hringdi, hafði ég ekki
hugmynd um hvað hún var að tala.
Ég horfi aldrei á hryllingsmyndir
og finnst þær ömurlegar. Glenda
sagði mér að fara út á myndbanda-
leigu, ná í Halloween V og horfa á
hana til að sjá hvað þessar myndir
ganga út á..
Ég entist í gegnum hálfa mynd-
ina, því mér fannst hún svo ógeðs-
legn. En hvað með það, ég fékk
hlutverkið - og fékk að ieika mjög
skemmtilegan karakter. Myndin
fjallar um sértrúarflokk og inn í það
flettast Ásatrú og rúnaristur, Ég lék
Dawn, sem er siðprúð, hallærisleg
skrifstofudama á daginn en breytist
í tryllta, heiðna ofstæk-
ismanneskju á kvöldin.
Þetta var mjög
skemmtilegur tími. Ég
hitti höfund handritsins
og hann var hæst ánægð-
ur að ég skyldi hreppa hlutverkið.
Ekki spillti fyrir að ég var komin
af víkingum. Loksins fékk ég að
leika norræna konu. Það var ýmis-
legt sem ég gat frætt þá um nor-
ræna goðafræði. Meðal annars tóku
þeir upp þulu sem ég fór með fyrir
þá úr Hávamálum. „Rúnar munt
þú finna/ok ráðna stafí,/mjök stóra
stafi,/mjök stinna stafi.:“ . Þeir voru
alveg gagnteknir og ætluðu að nota
hana, en eflaust þótti þetta of magn-
þrungið fyrir höfund tónlistar, því
þetta var ekki með i endanlegu út-
gáfunni. Það var samt gaman að
miðla þessu..
Þarna lék ég á móti Donald Ples-
ance, Mitch Ryan og skólabróður
mínum og góðum vini Paul Rudd.
Hann lék til dæmis í framhaldsþætt-
inum Sisters og í myndinni Clueless.
Það er gleðilegt að sjá hvað honum
gengur vel í kvikmyndabransanum.
Hann er sá eini úr mínum útskriftar-
hópi sem eru að byija að skapa sér
nafn. Mér fannst mjög gaman að
vinna við þessa mynd og takast á
við svona klofinn karakter. Plesance
var alveg dásamlegur en ég fann að
hann var orðinn gamall og lúinn.
Við lukum tökum í desember 1994
og svo dó hann, blessaður, í byijun
árs ’95. Myndin er tileinkuð honum.
Mormónum brugðið
„Eitt það fyndnasta sem tengdist
vinnu minni í þessari mynd, var að
ég bjó þarna í ríki sem er algert
mormónaland - um 70% íbúanna
tilheyra þeim trúarbrögðum. Við Jón
búum í litlum bæ, rétt utan við
Salt Lake City, þar sem 90% af íbú-
unum eru mormónatrúar. Það frétt-
ist að ég væri að leika í þessari
mynd og náagrönnunum leist ekki
vel á blikuna. Það lá við að fólk
gerði krossmark þegar það sá mig,“
segir Ragnhildur brosandi.
Það má segja að þetta hafi verið
með síðustu verkefnum mínum úti,
því síðan ’94 hef ég verið meiri part-
inn hér heima. Og aftur eru þau Jón
komin í milliríkjahjónaband, sem
auðvitað hefur gefið kjaftagangi -
hér heima - nokkurt svigrúm. Hún
segist stundum vera spurð hvort þau
séu skilin, en það er af og frá.
„Engu að síður hefur Jón minn
setið úti með sárt ennið á meðan
ég hef verið að vinna hér. En núna,
loksins, er draumur okkar að ræt-
ast. Við erum að koma heim. Hann
er búinn að fá góða vinnu og við
erum alsæl.“
Ragnhildur hefur engar sérstakar
áhyggjur af því hvað bíði hennar hér
heima. “ Maður verður bara að vera
bjartsýnn. Hér er mikið af atvinnu-
lausum leikurum og erfítt að komast
að hjá leikhúsunum, en þá skapar
maður sér bara verkefni sjálfur.
Hér á íslandi eru engar „prufur".
Mér finnst sorglegt að sá frábæri
máti skuli ekki notaður til að velja
leikara í hlutverk. Það er eins og
leikstjórar fletti upp í minninu einu
sér og rifji upp þennan leikara í
þessu hlutverki og annan í öðru og
noti þá svo aftur og aft-
ur. Alls staðar sem ég
þekki til úti, eru prufur.
Þær eru mjög fagleg
vinnubrögð og gefur leik-
aranum kost á því að
undirbúa sig og sýna hvað í honum
býr. Það hlýtur að verða breyting
hér á og það verður gleðilegt þegar
það loksins gerist."
Það er langt liðið á daginn þar
sem við sitjum og drekkum kaffi í
endapunktinum á páskahretinu.
Ragnhildur ætlar að elda fyrir fjöl-
skylduna og er að verða tæp á tíma,
en það er ekki hægt að sleppa henni
án þess að spyija hana aðeins út í
huldumanninn „Jón mmn,“ sem
verður að segjast eins og er að hafi
sýnt af sér ótrúlega þolinmæði....
Hvar hittust þið?
„Við hittumst á Reynimel í eld-
húsinu hjá ömmu hans fyrir fjórtán
árum og það var ást við fyrstu sýn..“
En ekki hvað? Hvar annars stað-
ar gæti manneskja eins og Ragn-
hildur fundið lífsförunaut sinn?
Um þessar mundir er verið að
æfa aðra leikkonu inn í hlutverk
Ragnhildar í Englinum og hórunni,
því hún er að þjóta út til að pakka
búslóðinni saman til að senda hana
heim.

Ráðgjafaþjónusta
Jóhanns og Birgís
I- i bIJ
Við bjóðum upp á einkaviðtöl, hjónaviðtöl, námskeið
og stuðningshópa fyrir áfengissjúka, átfíkna, spilafíkna
og aðstandendur þeirra.
Einnig veitum við fyrirtækjum og félagasamtökum
upplýsingar og aðstoð í einstökum málum.
Flatahrauni 29 Hafnarfirði • Simi 555 4460 • Fax 555 4461.
hAsköunn
A AKUREYRI
Háskólinn á Akureyri auglýsir:
Nám fyrir verðandi leikskólakennara hefst í kennaradeild háskólans á
haustmisseri nk. Ákveðið hefur verið að 30 nemendur verði innritaðir
í þetta nám. Af þessum 30 nemendum skulu a.m.k. 24 hafa lokið
stúdentsprófi en heimilt er að innrita allt að sex nemendur í námið
á grundvelli starfsreynslu og/eða annarrar menntunar en stúdents-
prófs.
Umsóknarfrestur er til 1. júní nk. Með umsóknum þurfa að fylgja
staðfest afrit af prófskírteinum, upplýsingar um starfsferil og
meðmæli tveggja aðila.
Hér á íslandi
eru engar
„prufur".