Morgunblaðið - 19.07.1996, Blaðsíða 2
2 FÖSTUDAGUR 19. JÚLÍ 1996
MORGUNBLAÐIÐ
FRÉTTIR
Skipun nýrrar bæjarnefndar í Hafn-
arfirði kærð til félagsmálaráðuneytis
Meirihlutinn sak-
aður um valdníðslu
Óvissa um afdrif gömlu kirkjunnar í Reykholti
Morgunblaðið/Bernhard Jóhannesson
TÍMANS tönn hefur nagað gömlu kirkjuna í Reykholti.
Kostnaður við
flutning 15 milljónir
BÆJARFULLTRÚAR Sjálfstæðis-
flokksins í Hafnarfírði, þau Val-
gerður Sigurðardóttir og Magnús
Gunnarsson, sem sitja í minnihluta
bæjarstjómar, hafa kært til félags-
málaráðuneytis ákvörðun meiri-
hluta bæjarstjórnar um að sam-
þykkja að setja á fót starfsnefnd,
er fjalli um framkvæmdamál Hafn-
arfjarðarhafnar.
Nefnd þessa, sem í eiga að sitja
þrír fulltrúar, tveir tilnefndir af
hafnarstjórn og einn af bæjarráði,
átti að skipa á fundi bæjarráðs í
gær, en tilnefningunni var frestað
þar sem Magnús Gunnarsson taldi
sig ekki geta tekið þátt í kosning-
unni fyrr en úrskurður ráðuneytis-
ins um réttmæti þessarar ákvörðun-
ar lægi ljós fyrir.
Valgerður og Magnús voru í
meirihluta bæjarstjórnar fyrir Sjálf-
stæðisflokkinn við upphaf kjörtíma-
bilsins ásamt þeim Jóhanni Berg-
þórssyni og Ellert Borgari Þorvalds-
syni áður en tveir hinir síðastnefndu
klufu sig út úr bæjarmálaflokki
meirihlutans og mynduðu nýjan
meirihluta ásamt alþýðuflokks-
mönnum á síðasta ári. Hafnarstjóm
er þó skipuð eins og í upphafi kjör-
tímabils enda lögskipuð til fjögurra
ára í senn. Meirihluta hafnarstjórn-
ar mynda tveir sjálfstæðismenn og
einn alþýðubandalagsmaður og er
Valgerður formaður stjómarinnar.
í minnihluta hafnarstjómar em
tveir alþýðuflokksmenn. Á hafnar-
stjórnarfundum situr jafnframt
hafnarstjóri sem er Ingvar Viktors-
son bæjarstjóri.
Vanvirðing við
störf okkar
Valgerður og Magnús telja meiri-
hluta bæjarstjómar fara út fyrir
valdsvið sitt með skipun nýrrar
„hafnarstjórnar", sem setja eigi til
’höfuðs þeirri, sem starfandi sé, og
telja þá ákvörðun vera hreina van-
virðingu við störf núverandi hafnar-
stjórnar. „Þetta virkar sem hrein
og klár valdníðsla. Ég tel skipun
sérstakrar starfsnefndar, sem fjalla
á um framkvæmdamál hafnarinnar,
ólögmæta þar sem þessi nefnd á
greinilega að fara inn á verksvið
hafnarstjómar," sagði Valgerður í
samtali við Morgunblaðið í gær-
kvöld.
Hún sagði núverandi hafnar-
stjórn hafa unnið mjög ötullega að
rekstri og uppbyggingu hafnarinn-
ar og hafi hafnarstjórn staðið ein-
huga að því verki. „Ég get því ekki
séð neitt sem réttlætir nýja auka-
nefnd um framkvæmdamál hafnar-
innar. Hér er greinilega einhver
valdabarátta á ferðinni. Það eru
menn að sækjast eftir völdum, sem
þeim ber ekki samkvæmt lögum,"
segir Valgerður.
Ekki náðist tal af bæjarstjóra
Hafnarfjarðar eða formanni bæjar-
ráðs í gær.
Banaslys á
Akureyri
MAÐUR lést á Akureyri í gær
þegar hann varð undir bíla-
lyftu á bílaverkstæði í bænum.
Að sögn lögreglu er ekki vitað
hver tildrög slyssins voru.
Maðurinn var fluttur á Fjórð-
ungssfukrahúsið á- Akureyri
þar sem hann var úrskurðaður
látinn.
Málið er í rannsókn hjá
Vinnuéftirliti og rannsóknar-
deild lögreglunnar á Akureyri.
ÓVISSA ríkir um afdrif gömlu
kirkjunnar í Reykholti eftir að
ný kirkja verður vígð þar 28. júlí
næstkomandi. Kirkjan var reist
árið 1886-87 og er orðin illa farin
að sögn Geirs Waage sóknar-
prests í Reykholti, enda hefur
henni lítt verið haidið við seinustu
sjötíu ár.
Fyrir nokkru fór presturinn í
Reykholti þess á leit við Bandalag
starfsmanna ríkis og bæja að það
tæki við kirkjunni og flytti hana
á brott, og var rætt um að koma
henni fyrir í Munaðarnesi í því
sambandi.
Ögmundur Jónasson formaður
BSRB segir hins vegar þá hug-
mynd hafa verið kveðna í kútinn,
þar sem menn telji kostnað sam-
fara flutningum, endurbótum og
viðhaidi of mikinn.
„Standa þarf vel að slíku verk-
efni og við treystum okkur ein-
faldlega ekki til þess og léðum
hugmyndinni því ekki brautar-
gengi,“ segir Ögmundur.
Ifiallur að hruni kominn
„I því ástandi sem kirkjan er,
er hún náttúrulega hjallur að
hruni kominn. Það er ekki komið
í ljós hvað verður um hana og
engin ákvörðun verið tekin um
það ennþá. Á sínum tíma var at-
hugað hvort hún myndi henta sem
safnkirkja í Görðum á Akranesi,
en niðurstaðan var sú að svo væri
ekki.
Við höfum áhuga á að búa svo
um hnútana að hægt væri að varð-
veita kirkjuna og það verður best
gert með því að útvega henni
nýjan samastað þar sem hún yrði
endurbyggð í upphaflegri gerð
og þannig um búið að hún yrði
notuð áfram sem kirkja. Én það
verður að bíða síns tíma að taka
ákvörðun um hver örlög hennar
verða,“ segir Geir.
Geir segir að áætlað hafi verið
að kostnaður við að flylja kirkj-
una, og lágmarks frágangur,
nemi um 15 milljónum króna.
Hann kveður kirkjuna mjög illa
farna, enda hafi henni ekki verið
haldið við með það fyrir augum
að hún gegndi hlutverki sínu, síð-
an 1923 þegar tekin hafi verið
ákvörðun um að safna sjóði til að
byggja nýja kirkju.
Á þeim tíma hafi kirkjan aðeins
fengið lágmarks viðhald, auk þess
sem búið sé að breyta henni mik-
ið frá upphaflegri gerð þannig
að stílfræðilega sé hún ekki sama
hús og í byijun.
„Menn hafa aðeins haldið henni
við til að húsið væri brúklegt í
hverri tíð. Það eru ekki not fyrir
hana í Reykholti, enda ekki góð
reynsla af því að vera með gamla
kirkju uppihangandi þegar ný
kirkja tekur við,“ segir hann og
kveðst ekki útiloka að kirkjan
verði rifin, finnist engir kostir
aðrir. Menn voni þó að svo fari
ekki.
Samningur um vinnu við Hvalfjarðargöng undirritaður
Andlát
Laun starfsmanna
hækka um 3-6%
VINNUVEITENDASAMBAND
íslands og þrjú verkalýðsfélög inn-
an Verkamannsambands íslands
undirrituðu kjarasamning fyrir
starfsmenn, sem starfa við gerð
Hvalfjarðarganga, í gær. Snær
Karlsson, sem sæti á í samninga-
nefnd Dagsbrúnar, segir að samn-
ingurinn feli í sér 3-6% launa-
hækkun hjá starfsmönnum sem
starfa við göngin. Þetta er fyrsti
kjarasamningur sem gerður er um
jarðgangagerð á íslandi. Hann
gildir til aldamóta.
Félögin þijú eru Dagsbrún,
Framsókn og Verkalýðsfélag
Akraness. Um 90% starfsmanna,
sem nú starfa við gerð Hvalfjarð-
arganga, eru í þessum félögum.
Fjögur félög iðnaðarmanna, sem
tóku þátt í viðræðunum, höfnuðu
því að gera samning þar sem þau
töldu tilboð vinnuveitenda ófull-
nægjandi.
20-30% hærri taxtar
I samningnum er launatafla
sem er að sögn Snæs um 20-30%
hærri en launatafla í almennum
kjarasamningum fólks sem vinnur
sambærileg störf. Ekki er þó um
að ræða 20-30% hækkun á launum
Samningnrinn er
sá fyrsti um jarð-
göng og gildir til
aldamóta
því að starfsmenn við jarðgöngin
ffkfa fengið greidd laun sem eru
talsvert hærri en samningar. Snær
sagði að laun flestra starfsmanna
kæmu til með að hækka um 3-6%
frá því sem þau væru í dag.
Taxtar hækka í samræmi við
almenna samninga
Samningurinn gerir ráð fyrir
að launataxtar hækki í samræmi
við samninga, sem verkalýðsfélög-
in gera á samningstímanum.
Hækkanirnar eiga að koma til
framkvæmda eigi siðar en tveimur
vikum eftir að félögin hafa sam:
þykkt samninga. Hagdeildir ASÍ
og VSÍ eiga að meta launaþróun
samkvæmt nánari verklagsregl-
um. Verði ágreiningur milli þeirra
mun Hagstofan úrskurða um
launahækkanir.
Snær sagði að með samningn-
um væri tryggt að bæði almennar
launahækkanir, sem samið verður
um fram til aldamóta og það
launaskrið, sem verður á samn-
ingstímanum, kæmi fram í launa-
töxtum verkamanna sem vinna við
göngin.
Snær sagði ennfremur mikil-
vægt að viðurkennd væri í samn-
ingnum sú starfsreynsla, sem
menn hefðu aflað sér á almennum
vinnumarkaði. Hún væri að fullu
metin sem þýddi að flestir starfs-
menn færu inn á hærri launaþrep-
in í samningnum. Samningurinn
gerir ráð fyrir starfsaldurshækk-
unum eftir eitt ár, þrjú ár, fimm
ár og tíu ár.
Með samningnum fylgir yfírlýs-
ing þar sem forsvarsmaður Foss-
virkis hf. heitir því að starfsmenn,
sem fengið hafa greitt hærra kaup
en samningurinn kveður á um,
haldi óbreyttum launum. Iðnaðar-
menn drógu sig út úr viðræðum
við VSÍ m.a. með þeim rökum að
tilboð vinnuveitenda fæli í sér
lækkun á launum sumra iðnaðar-
manna.
Samningurinn verður kynntur
starfsmönnum í dag og á morgun.
■ Járniðnaðarmenn/4
HRINGUR
JÓHANNESSON
EINN þekktasti mynd-
listarmaður landsins,
Hringur Jóhannesson,
lést á miðvikudag á
Landspítalanum, 63
ára að aldri. Hringur
vakti öðru fremur at-
hygli fyrir að beina
sjónum sínum að hvers-
dagslegum hlutum frá
óvenjulegu sjónarhorni.
Hann var mjög
tengdur átthögum sín-
um í Aðaldal í S-Þing-
eyjarsýslu og sótti
þangað mörg yrkisefni.
Um hann hefur verið
sagt að hann hafi í verkum sínum
íhugað fortíðina, en jafnframt þá
hluti sem nútímafólk hefur í kring-
um sig.
Hringur kom fram sem listmálari
í kringum 1960. Hann hélt um 40
einkasýningar og tók þátt í yfir 60
samsýningum áíistamannsferli sín-
um bæði heima og erlendis. Hann
á verk á öllum helstu listasöfnum
landsins, í opinberum stofnunum
og á einkasöfnum. Hringur hefur
myndskreytt margar bækur, blöð
og tímarit og hannað minnismerki,
bókamerki og auglýsingar.
Hringur var fæddur í Haga í
Aðaldal 21. desember 1932 og þar
ólst hann upp hjá foreldrum sínum,
Jónu Jakobsdóttur húsmóður og
Jóhannesi Friðlaugssyni, rithöfundi
og kennara. Hringur hóf nám í
Myndlista- og handíðaskólanum og
lauk þaðan prófi í
teikningu 1952. Hann
var kennari við Breiða-
gerðisskóla 1960-
1962, kennari við
Myndlistaskólann í
Reykjavík frá 1962 og
Myndlista- og hand-
íðaskólann 1959-
1962. Hann vann við
keramikmálun o.fl. hjá
Glit 1962-1966 og var
listgagnrýnandi Vísis
1971-1972.
Hringur tók virkan
þátt í félagsstörfum
fyrir listamenn; sat í
stjórn Myndlistaskólans í Reykjavík
frá 1965, í stjóm og sýningamefnd-
um Félags íslenskra myndlistar-
manna um 15 ára skeið, í safnaráði
Listasafns íslands 1981-1988 og í
stjórn Sambands íslenskra myndlist-
armanna frá 1984-1988.
Hringur naut margvíslegrar við-
urkenningar á listamannsferli sín-
um. Hann hlaut verðlaun fyrir
námsárangur í Myndlista- og hand-
íðaskólanum 1951. Hann var valinn
fulltrúi íslands á sýningunni Ac-
center í nordisk konst í Sveaborg í
Finnlandi 1980. Hringur hlaut
starfslaun listmanns 1982 og lista-
mannalaun í aldarfjórðung.
Eftirlifandi sambýliskona Hrings
er Bryndís Halldóra Bjartmarsdóttir
aðstoðarskólastjóri. Fyrri kona
hans var Sigurbjörg Guðjónsdóttir
og eignuðust þau fjögur börn.