Morgunblaðið - 20.11.1996, Page 19

MORGUNBLAÐIÐ
v
LISTIR
MIÐVIKUDAGUR 20. NÓVEMBER 1996 19
Rússnesk-íslensk
orðabók afhent
HALLDÓR Ásgrímsson utanrík-
isráðherra afhenti á dögunum
Jevgení Prímakov, utanríkisráð-
herra Rússlands, fyrsta eintak
rúsnesk-íslenskrar orðabókar
Helga Haraldssonar í
Petrozavodsk. Bókin er hin
fyrsta sinnar tegundar. Hefur
hún verið í smíðum í tvo ára-
tugi. Bókin kemur formlega út á
vegum Nesútgáfunnar um ára-
mót.
Konsert í
Skálholtskirkju
SÉRA Jónas Gíslason vígslubiskup
verður sjötugur nk. laugardag 23.
nóvember. I tilefni afmælisins
verður honum til heiðurs haldinn
konsert í Skálholtskirkju á afmæl-
isdaginn kl. 15.
Kór Menntaskólans að Laugar-
vatni flytur m.a. kantötu er einn
af kórfélögunum, Hreiðar Ingi
Þorsteinsson, Laugarási, hefur
samið við hugvekju í bók vígslu-
biskupsins, „Hver dagur nýr“.
Barnakór Biskupstungna syngur.
Þá syngur óperusöngkonan Inga
Backman og flautuleikarinn Kol-
beinn Bjarnason leikur. Organisti
og kórstjórnandi verður Hilmar
Örn Agnarsson. Athöfninni í kirkj-
unni lýkur með stuttri helgistund
í umsjá afmælisbarnsins.
Að athöfninni lokinni er kirkju-
gestum boðið til kaffidi-ykkju í
Oddsstofu. Það skal tekið fram
að séra Jónas biðst undan persónu
legum afmælisgjöfum en bendir ,
að fólk geti ef það óskar styrk
Vídalínssjóð Skálholtskirkju eð.
KFUM. Þess má geta að séra Jón
as hefur nýlega ritað bók í tilefr
af snjóflóðunum á Vestfjörður
1995 er nefnist „Um tilurð böl
og þjáningar í heiminum".
Brúðhjón
Allur boröbiínaður Glæsileg gjafdvard Brúóarlijóna lislar
VERSLUNIN
Langavegi 52, s. 562 4244.
Hálfnað verk ...
TÓNLIST
Langholtskirkja
KÓRTÓNLEIKAR
Afmælistónleikar Kórs Menntaskól-
ans að Laugarvatni við undirleik
Jasstríós Carls Möllers. Stjórnandi:
Hilmar Óm Agnarsson. Langholts-
kirkju, laugardaginn 16.
nóvember kl. 17.
ÚR ÞVÍ að framhaldsskólarnir
heyja milli sín sjónvarpskeppni þar
sem reynir á skyndiminni og hrað-
hugsun, og með hliðsjón af því að
smergilgítaristar lýðveldisins eiga
sér fastan samastað í Músíktilraun-
um, hvernig væri þá að efna til
keppni milli fyrrgreindra mennta-
stofnana í göfugum kórsöng? Varla
er til sá framhaldsskóli sem ekki
rekur kór í einhverri mynd. Söng-
áhugi er mikill og fer vaxandi, ungt
fólk hefur gagn og gaman af hvetj-
andi samkeppni, og allir myndu
hagnast af kórakeppni á t.d.
tveggja ára fresti: kórarnir, stjórn-
endur þeirra, hlustendur og sönglist
í landinu almennt.
Hugmyndin kviknaði á vel sótt-
um 5 ára afmælistónleikum KML í
Langholtskirkju á laugardaginn var
og er hér með komið á framfæri.
Því þó að söngfólkið hefði skv. eðli
mála ekki sambærilega reynslu að
baki og „fullorðins“kórar höfuð-
borgarsvæðisins, og raddirnar eins
og gefur að skilja lítt þroskaðar,
þá ieyndi innlifunin sér ekki. Efnis-
valið var að vísu mest í léttasta
kantinum og nærri helmingur texta
á ensku, hér á sjálfum nýstofnuðum
menningar- og minningardegi ís-
lenzkrar tungu („Gefðu að móður-
málið mitt“ var sungið utan dag-
skrár, líkt og í yfirbótarskyni), en
unga fólkið fólkið lagði sig fram
af megni, og undirtektir áheyrenda
voru einkar hlýlegar.
Kórinn gekk inn syngjandi keðju
Hiltons (ekki hóteleigandans)
„Come follow me“ í líklega hæg-
asta tempói sem hugsazt getur, en
hljómaði þó fallega. Síðan kom
enska þjóðlagið „Early one Morn-
ing,“ Vísur Vatnsenda-Rósu og Þitt
fyrsta bros (Gunnar Þórðarson), hið
síðasta nokkuð þunglamalegt, eink-
um fyrir hinar vélrænu jafnlöngu
8.-partsnótur viðlagsins, sem ein-
söngvari myndi syngja fijálslegar.
„Sound of Silence“ (Paul Simon)
hefði þurft að æfa aðeins betur, því
jasstríóið var svolítið óleiðitamt við
hraðabreytingar stjórnandans.
Þessum kafla lauk svo með
„Memory" úr Cats eftir Lloyd Web-
ber og „Can’t help falling in love“
(eftir George Weiss, en greinilega
innblásið af Plaisir d’Amour eftir
Padre Martini), allt þokkavel sung-
ið, en í heild fremur hægt.
9 manna kammerkórar ML 1996
og 1995 sungu þá „To be or not
to be“ eftir Leo Mathisen í Manhatt-
an Transfer „scat“-stíl, negrasálm-
inn „I can tell the world“, „Come
Again“ eftir „Don“ [sic] Dowland
(hefði mátt stemma betur) og Ást-
arsælu eftir Gunnar Þórðarson.
Hefði hér þurft að magna upp
söngvarana, einkum þegar sungið
var við undirleik, en e.t.v. virkuðu
hljóðnemar guðshússins illa eða
ekki, því undirr. varð ekki var við
að for- og einsöngvarar hefðu af
þeim teljandi gagn, hvorki á undan
né á eftir.
Eldri kórfélagar sungu - allt a
cappella nema síðasta lagið - Und-
ir bláum sólarsali (úts. Emil Thor-
oddsens), Haustvísur til Máríu eftir
Atla Heimi, Hjá lygnri móðu (Jón
Ásgeirsson), Heilagi Drottinn (ísl.
þjóðlag í úts. Þorkels Sigurbjörns-
sonar), Lindina (lag og texti eftir
kórfélagana Hreiðar Inga Þor-
steinsson og Sjöfn Þór) og Evrópu-
söngvakeppnismell Jóns Kjells
Seljeseths, Ég man hveija stund.
Kom einföld en stílhrein útsetning
Þorkels tiltölulega bezt út, en í öðr-
um a cappella-lögum hafði kórinn
stundum áberandi tilhneigingu til
að síga.
í lok tónleikanna sungu eldri og
yngri kórfélagar „Bridge over
troubled water“ eftir Paul Simon,
er heppnaðist nokkuð vel, þótt út-
setningin væri heldur þunn, og
Smávinir fagrir eftir Jón Nordal
komst sömuleiðis fallega til skila.
Síðra var Sjáumst aftur (betur
þekkt sem Bonjour mon cæur eftir
di Lasso), líklega fyrir taugaóstyrk
og reynsluleysi, en „Cum decore“
eftir endurreisnartónlistarútgef-
andann Susato slapp hins vegar
fyrir horn.
Tónleikaskráin var víða fámál
um nöfn útsetjara, og hlýtur í slík-
um tilvikum óhjákvæmilega að falla
grunur á að söngstjórinn hafi haft
hönd í bagga. Ef svo, mætti hvort
tveggja kalla óþarfa hógværð og
þjónustuleysi við tónleikagesti.
Merkilegt starf hefur verið unnið
þar eystra við að byggja upp áhuga
úr engum. Nú er hins vegar að
virkja áhugann og heimta af mönn-
um vinnu, því fullnægjandi radd-
beiting, jafnvægi og inntónun fæst
ekki öðruvísi. En hálfnað verk þá
hafið er, og eftir áhuga ML-inga
að dæma mun sú vinna örugglega
skila árangri.
Ríkarður Ö. Pálsson
Við skiptum við
SPARISJÓÐ VÉLSTJÓRA
Guðmundur Sveinsson
er framkvæmdastjóri hjá Héðni Smiðju hf, í Garðabæ.
Hann er
VélMður...
Starf hans felst í daglegum rekstri fyrirtækis sem flytur
inn og þjónustar vélbúnað í flutninga- og fiskiskip auk
þess sem það sér um tæknivinnu, hönnun og uppsetningu
á búnaði fyrir fiskimjölsverksmiðjur. Guðmundur telur
að vélfræðingsnámið sé góð undirstaða fyrir það starf
sem hann hefur með höndum og gefi honum nauðsynlega
innsýn í mikilvæga verkþætti.
Nánari upplýsingar veitir:
Vélstjórafélag
íslands
Vanti ykkur traustan starfsmann
með víðtæka sérmenntun á tæknisviði,
bæði bóklega og verklega,
þá eru þið að leita að vclfræðingi.

Borgartúni 18,105 Reykjavík
Sími: 562-9062
í bókinni er litið yfir æviferil nýkjörins forseta íslands, Ólafs
Ragnars Grímssonar. Fjallað er um uppvöxt hans á Isafirði,
skólagöngu í MR og Manchester, fjölmiðlamanninn Ólaf Ragnar
og fræðimanninn. Meginefni bókarinnar er þó leið hans til áhrifa
innan íslenskra stjórnmála, úr Framsóknarflokknum í gegnum
Möðruvallahreyfinguna og Samtök frjálslyndra og vinstri manna
yfir í Alþýðubandalagið. Þar var hann óvænt kjörinn formaður
flokksins og settist fljótlega í stól fjármálaráðherra. Að lokum
er aðdraganda forsetakosninganna lýst ítarlega.
BÓKAFORLAG
SÍMI5882225.FAX58872V6
BÓKIN ER RITUÐ AF PÁLMA JÓNASSYNI SAGNFRÆÐINGI. KEMUR ÚT Á LÝÐVELDISDAGINN 1. DESEMBER