Morgunblaðið - 19.01.1997, Side 15

MORGUNBLAÐIÐ
SUNNUDAGUR 19. JANÚAR 1997 15
ÍÞRÓTTIR
Fær 2,8 milljarða fýrir
5 ára samning við Nike
TIGER Woods er orðinn forríkur
þó svo að hann hafi aðeins leikið
golf sem atvinnumaður í tæpa fimm
mánuði. Hann undirritaði stóran
samning við íþróttavöruframleið-
andann Nike daginn eftir að hann
gerðist atvinnumaður, verðmæti
hans er 40 milljónir dala og er
samningurinn til fimm ára. Greg
Norman gerði 2,5 milljóna dollara
samning við Reebok skömmu áður.
Þegar umboðsmaður Tigers sagði
honum frá þessu var lítið um fagn-
aðarlæti. „Gerir þú þér grein fyrir
að þetta er meira en Nike er að
borga Michael .Jordan?" spurði um-
boðsmaðurinn. Enn þagði Tiger, en
seint og um síðir sagði hann róleg-
ur eins og venjulega, „ég býst við
að þetta sé mjög merkilegt." Dag-
inn eftir kom umboðsmaðurinn aft-
ur, þá með 20 milljóna dollara
samning við Titleist.
Líf Woods hefur þó ekki verið
eintómur dans á rósum. Hann hefur
fengið að finna fyrir því að vera
ekki hvítur. Foreldrar hans settust
að í Cypress í Kaliforníu nokkrum
vikum áður en hann fæddist og
voru þau eina fjölskyldan í hverfinu
sem ekki var hvít. Þegar Tiger bytj-
aði í leikskóla bundu nokkrir eldri
strákar hann við tré, grýttu hann
og kölluð apa og niggara. Tiger
sagði foreldrum sínum ekki frá
þessu fyrr en nokkru síðar, vildi
vinna sig út úr vandanum sjálfur.
Tvívegis var Tiger bannað að
æfa í golfklúbbnum sem hann var
í, aðeins vegna litarháttar. Forráða-
menn klúbbsins sögðu að hann
væri of ungur, en á sama tíma voru
yngri piltar, hvítir að sjálfsögðu,
að æfa. Faðir hans fór í seinna
skiptið og veðjaði við golfkennar-
ann. Ef hann myndi vinna Tiger í
18 holu keppni, myndu þeir feðgar
sætta sig við að hann mætti ekki
æfa, en ef Tiger hefði betur ætlaði
kennarinn að draga bannið til baka.
Tiger vann og fékk að æfa. Meðlim-
ir klúbbsins létu þá reka kennarann
og Tiger skipti um klúbb.
Faðir hans þekkir þetta enn bet-
ur því hann var fyrsti svertinginn
sem lék í hafnabolta og það var
ekkert sældarlíf. Hann varð að gista
á mótelum fyrir svarta, langt frá
samheijum sínum og þegar farið
var út að borða var honum laumað
inn bakdyramegin og fékk á disk í
eldhúsinu. „Ég vil að Tiger nýti sér
þetta á jákvæðan hátt. Það á að
læra af þessu, ekki fyllast hatri útí
kerfið, en hvergi í heiminum er
meira kynþáttahatur og fordómar
en hér,“ segir Earl. Tiger tekur
undir þetta á vissan hátt. „Tölfræði-
lega ætti ég ábyggilega að teljast
asíubúi, en ef menn hafa einn dropa
af blóði blökkumanns í sér í Banda-
ríkjunum teljast þeir svertingjar."
Eitt af því sem fylgdi risasamn-
ingnum við Nike var að Tiger skyldi
leika í auglýsingu fyrir fyrirtækið.
í fyrstu auglýsingunni er mynd af
honum og á skjánum stendur: „Það
eru enn golfvellir í Bandaríkjunum
þar sem ég má ekki spila vegna
litarháttar. Ég hef heyrt menn segja
að ég sé ekki tilbúinn. Eruð þið til-
búnir að mæta mér?“ „Ég tel mikil-
vægt að ræða þessa hluti,“ segir
Tiger. „Ég er ekki að hella úr skál-
um reiði minnar í auglýsingunni og
ég er ekki að monta mig. Þetta er
sett svona fram til að koma skila-
boðum áleiðis og ég taldi það þess
virði. Það er ekki hægt að vera
kurteis þegar maður ræðir um
svona hluti.“
Meb Swift verÓur aksturinn áreynslulaus.
Vitara er vinsœlasti jeppinn á Islandi.
Og skildi engan undra.
frááááááááááááááAáá^*
ALLIR
SUZUKI BÍLAR
ERU MEÐ 2 ÖRYGGIS-
LOFTPÚÐUM.
SUZUKI BILAR HF
Skeifunni 17, 108 Reykjavík.
Sími 568 51 00.
SUZUKl
A1JL OG
ÖR'YGGl :
ISYN
Ly JL JL tI
NÝR VTTARA
SWIFT DIESEL
• Ótrúlegt verð: 980.000 kr. (3-dyra)
• Areiðanlegur og ódýr í rekstri.
• Meiri búnaður, mikil þœgindi ogaukið öryggi.
Kaupleigu- eða íánakjörsem létta þér bílakaupin.
• Sterkbyggður á öflugri grind.
Dísilvél með forþjöppu og milliKæli geíur rífandi afl.
• Mjög léttkeyrandi með milda seiglu.
• Verð aðeins 2.180.000 kr. (beinskiptur)
OPIÐ LAUGARDAG OG SUNNUDAG FRÁ 12-17