Morgunblaðið - 04.11.1997, Blaðsíða 16

16 ÞRIÐJUDAGUR 4. NÓVEMBER 1997
MORGUNBLAÐIÐ
YFIRLÝSING
- samþykkt á aðalfundi Landssambands íslenskra útvegsmanna 31. október 1997
FRAMFARIR
Alla þá öld sem nú er senn á enda hefur sjávarútvegur verið undir-
staða framfara og velferðarþróunar á íslandi. Það er sjávarútvegur-
inn sem fyrst og fremst hefur fært landsmönnum vaxandi tekjur og
lífskjör sem jafnast á við það besta í nágrannalöndunum. Það er
æskilegt að efnahagur landsmanna byggist á mörgum atvinnugrein-
um, þó er ljóst að sjávarútvegurinn verður næstu áratugi burðarás
x atvinnu- og efnahagslífi íslendinga.
ÞEKKING
Kunnátta, upplýsingar og þekking á lífn'ki sjávar, veiðum, vinnslu
og markaðssetningu sjávarafurða skipta sköpum fyrir afkomu ís-
lensks sjávarútvegs og fyrir lífskjör í landinu. I harðri samkeppni
á alþjóðlegum mörkuðum sjávarafurða skapast mörg sóknarfæri á
sviðum skyldra greina í iðnaði og þjónustu. Öflugur sjávarútveg-
ur hefur staðið undir margháttaðri nýsköpun í íslenskum iðnaði,
sem hefur verið að skila sér í stórauknum útflutningstekjum hans.
íslenskir útvegsmenn líta á það sem hlutverk sitt að efla, styrkja
og styðja vísindi og rannsóknir í þágu íslensks sjávarútvegs.
ARÐSEMI
Hlutverk útvegsmanna er að vera í fararbroddi fyrir ábyrgri, hag-
kvæmri og sjálfbærri nýtingu auðlinda sjávar. Okkur ber að skila
góðri arðsemi í rekstri, stuðla að sem mestri verðmætasköpun og
tryggja íslensku þjóðarbúi sem mestan arð.
RÉTTINDI OG SKYLDUR
Með þvi' að eiga frumkvæði og taka þá áhættu sem er samfara því
að stofna til atvinnurekstrar í sjávarútvegi hafa útvegsmenn aflað
sér mikilvægra atvinnuréttinda. Þennan sögulega rétt okkar ætlum
við að standa vörð um en jafnframt rækja þær margvíslegu skyld-
ur sem hann leggur okkur á herðar.
UMHVERFISMARKMIÐ
Stefna íslenskra útvegsmanna er að byggja á sjálfbærri nýtingu auð-
lindarinnar en meginstoðir hennar eru þrjár; árangursríkt stjórn-
kerfi, öflugar rannsóknir og stöðug þróun vísinda. Það er skylda ís-
lenskra útvegsmanna að vernda og verja vistkerfi sjávar og gera
ekkert sem spillt getur þeirri mynd að íslenskur sjávarútvegur sé
ábyrgur og vistvænn og að afurðir hans séu hreinar og ómengaðar.
Við höfum sett okkur þau umhverfismarkmið að skila auðlindum
sjávar í jafngóðu eða betra ástandi til komandi kynslóða. Islenskir
útvegsmenn ætla ekki að liggja á liði sínu við eflingu allra þátta
sjálfbærs sjávarútvegs á íslandi. Til þess að markmiðin náist ætla
útgerðir landsins að taka upp umhverfisstjórnun og móta sér um-
hverfisstefnu.
JAFNRÆÐI
Það er skylda okkar að skila þjóðarbúinu eðlilegum arði af þeim
verðmætum sem skapast við að nýta auðlindir sjávar. íslenskir út-
vegsmenn krefjast engra sérréttinda en ætlast til þess að fá að sitja
við sama borð og aðrar atvinnugreinar. Óeðlilegt er að setja sér-
stakar álögur á sjávarútveg og íþyngja honum með sérstökum skatti
sem gerir greininni erfitt fyrir í alþjóðlegri samkeppni sem nýtur
oft ríkisstyrkja og kemur illa niður á dreifbýli landsins þar sem
sjávarútvegsfyrirtæki eru uppistaðan í atvinnuh'finu.
Reykjavík, 31. október 1997.