Morgunblaðið - 04.11.1997, Blaðsíða 1

100 SÍÐUR B/C
STOFNAÐ 1913
251. TBL. 85. ARG.
ÞRIÐJUDAGUR 4. NOVEMBER 1997
PRENTSMIÐJA MORGUNBLAÐSINS
Reuters
Mótmæla
sakfellingu
„GUÐ hjálpi okkur ef við fangels-
um Louise,“ segir á einu skiltanna
sera stuðningsfólk bresku barn-
fóstrunnar Louise Woodwards bar
í gær er mótmælt var úrskurði
dómstóls í Massachusetts er dæmdi
Louise í lífstíðarfangelsi fyrir
morð á Matthew Eappen, átta
mánaða dreng er hún gætti í
Bandaríkjunum.
I gær kröfðust verjendur Wood-
ward þess að Hiller B. Zobel dóm-
ari ómerkti úrskurð kviðdómsins,
eða mildaði ákæruna. Munu veij-
endur og sækjendur ganga á fund
hans í dag.
Bresk stjórnvöld höfnuðu í gær
beiðni þingmanns heimahéraðs
Woodwards um að beitt yrði póli-
tískum þrýstingi í máli hennar,
verði því áfrýjað. Lögfræðingar
Woodwards hafa sagt að niður-
stöðu dómsins verði áfrýjað,
ómerki dómarinn ekki úrskurð
sinn. Þingmaðurinn, Andrew Mill-
er, átti fund með Liz Symmons, að-
stoðarutanríkisráðherra, og tjáði
henni að nauðsynlegt væri að
áfrýjuninni yrði hraðað. Miller
tjáði fréttamönnum eftir fundinn
að tryggja yrði að þrýstingi yrði
beitt „eftir diplómatískum leiðum"
til þess að hraða málinu. Nefndi
Miller að það geti tekið allt að einu
ári að áfrýjunarmál komi fyrir rétt
í Bandaríkjunum.
Bretar binda/31
Þrigg;ja manna sendinefnd SÞ til fraks
Bandaríkin setja
Irak tímamörk
Washington, New York, Baghdad. Reuters.
BANDARÍSK yfirvöld vöruðu
Iraka við því í gær að sá frestur,
sem þeim hefði verið gefinn til að
komast hjá „hörðum aðgerðum“
væri að renna út. írakar neita því
enn að leyfa Bandaríkjamönnum í
vopnaeftirliti Sameinuðu þjóðanna
að starfa í Irak og komu í gær í veg
fyrir að þeir hæfu störf að nýju.
Sagði James Rubin, talsmaður
bandaríska utanríkisráðuneytisins,
það álit þess að Öryggisráð SÞ ætti
að vera reiðubúið að grípa til að-
gerða gegn írökum, skiptu þeir
ekki um skoðun á „næsta sólarhring
eða þar um bil“.
Irakar féllust í gær á að eiga fund
með þriggja manna sáttanefnd á
vegum SÞ, sem kemur til Baghdad í
dag, þriðjudag. Hvatti Saddam
Hussein, forseti íraks, til viðræðna,
sem ættu að miða að því að „koma
hlutunum í samt lag“. Talsmenn
Bandaríkjastjórnar sögðu stjórn-
völd ekki hafa áhuga á viðræðum
um málið, þau gerðu þá kröfu að
Irakar hlíttu samþykktum Samein-
uðu þjóðanna um vopnaeftirlit.
Hóta að skjóta niður flugvélar
Með viðvörun bandaríska utan-
ríkisráðuneytisins eru írökum sett
tímamörk í fyrsta sinn í þessari
deilu. Rubin sagði Bandaríkjamenn
áskilja sér rétt til að grípa þil ein-
hliða hernaðaraðgerða gegn írökum
en tók hins vegar fram að það yrði
ekki næsta skref. I gær svöruðu
írakar þessu með því að hóta því að
U-2 njósnavélar Bandaríkjamanna,
sem stutt hafa vopnaeftirlitssveitir
SÞ, yrðu skotnar niður, sæjust þær
í íraskri lofthelgi.
Rubin sagði að afturkölluðu Irak-
ar ekki bann við störfum Banda-
ríkjamanna í írak í kjölfar viðræðn-
anna við sendinefnd SÞ, ætti
Öryggisráðið að grípa til aðgerða
gegn írökum. Ekki er hins vegar
ljóst hvort ráðið styður hernaðarað-
gerðir, utanríkisráðherra Frakka,
Jacques Rummelhardt, neitaði í
gær að svara slíkri spurningu beint,
sagði hana „skilyrta".
Arangurs-
laus fund-
ur á Krít
Agia Pelagia. Reuters.
COSTAS Simits, forsætisráðherra
Grikklands, lýsti því yfir í gær að
fundur hans og Mesuts Yilmaz, for-
sætisráðherra Tyrklands, hefði verið
árangurslaus. Vonir höfðu staðið til
þess að draga mætti úr spennu á
milli ríkjanna með fundi þeirra en
hún hefur aukist mjög síðustu vikur
vegna harðnandi deilna um yfirráð
yfir Kýpur og hafsvæði í Eyjahafi.
Simitis og Yilmaz ræddust við á
grísku eyjunni Krít en þar stendur
nú yfir leiðtogafundur ríkja á
Balkanskaga.
Fundinn sækja ráðamenn frá
Grikklandi, Júgóslavíu, Rúmeníu,
Búlgaríu, Albaníu, Bosníu og Ma-
kedóníu en honum verður fram hald-
ið í dag.í gær sagði í yfirlýsingu leið-
toganna að þeh- stefndu að auknu
samstarfl á sviði efnahags- og stjórn-
mála.
Kvæntist
rangri
konu
Kaíró. The Daily Telegraph.
UNGUR egypskur brúðgumi
féll í yfirlið af skelfingu að
kvöldi brúðkaupsdagsins er
hann komst að því að hann
hafði kvænst 45 ára konu,
sem hann hafði aldrei augum
litið, í stað átján ára unnustu
sinnar.
Maðurinn hafði orðið ást-
fanginn af ungu þokkadísinni
og fengið jáyrði foreldra
hennar við ráðahagnum.
Hann fylltist því skelfingu á
brúðkaupsnóttina er hann
lyfti blæjunni frá andliti eig-
inkonunnar og sá miðaldra
konu, sem var „hreint ekki lík
verðandi eiginkonu hans“
eins og sagði í A1 Akhbar.
Féll hann í yfirlið en rank-
aði fljótt við sér og hélt þegar
til lögreglu, þar sem hann
lagði fram kæru á hendur
tengdaforeldrum sínum.
Málsverður í verkfalli
Reuters
LANGAR bflalestir mynduðust í
gær um allt Frakkland vegna
verkfalls franskra vörubflsljóra. Á
annað hundrað vegatálma hafði
verið komið upp í gær og var talið
að 1.500 vörubifreiðar frá ná-
grannaríkjum Frakklands væru
innlyksa í landinu. Þeirra á meðal
voru bflar frá Spáni en ökumenn
þeirra létu það ekki á sig fá, held-
ur fengu sér í svanginn á miðri
hraðbraut, sem bar ekki nafn með
rentu í gær.
143 vegatálmar settir/23
Ráðgjafanefnd Alþjóðahafrannsóknaráðsins leggur til niðurskurð í Barentshafí
SAMÞYKKT var í ráðgjafanefnd
Alþjóðahafrannsóknaráðsins,ICES,
á fundi hennar í Kaupmannahöfn
fyrir helgi, að leggja til, að þorsk-
kvótinn í Barentshafí á næsta ári
yrði 514.000 tonn eða rúmlega
300.000 tonnum minni en líklegur
afli á þessu ári. Sigfús Schopka
fiskifræðingur segir ýmsar ástæður
vera fyrir þessum samdrætti í
stofnstærðinni. Niðurstöður úr leið-
öngrum og afli á sóknareiningu í
veiðunum gefi til kynna minni stofn.
Þá hefur forsendum fyrir útreikn-
ingi á sambandi milli vísitölu leið-
angra og stofnstærðar verið breytt í
núverandi úttekt, sem á sinn þátt í
því, að stofninn er metinn minni nú
en áður.
Ráðgjafanefnd ICES kemur sam-
an til fundar tvisvar á ári, vor og
haust, og á haustfundinum er m.a.
farið yfir stöðu fiskstofnanna í
Barentshafi.
Þorskkvótinn
minnki um
300.000 tonn
Sigfús segir, að í tillögum ráð-
gjafanefndarinnar um 514.000
tonna þorskkvóta á næsta ári sé
lagt til að hann nái til allra veiða,
jafnt utan sem innan lögsögunnar,
og þar með einnig hugsanlegra
veiða í Smugunni en þær hafa hing-
að til staðið utan við úthlutaðan
kvóta.
Astæðurnar fyrir minni þorsk-
stofni geta verið ýmsar og til dæmis
er hugsanlegt, að sjálfsránið sé
meira en talið var. Á það er einnig
bent, að veiðarnar hafi verið meiri
en stofninn þolir að meðaltali. Talið
er, að hann geti staðið undir 700.000
tonna veiði árlega til jafnaðar en
síðustu fjögur hafa verið veidd
300.000 tonn umfram það.
Sigfús sagði, að ekki væru lagðar
til miklar breytingar á ufsanum en
nærri 50% niðurskurður í ýsunni.
Hins vegar er gert ráð fyrir, að
ýsuaflinn verði um 210.000 tonn á
þessu ári en lagt er til, að hann
verði aðeins 120.000 tonn á því
næsta. Veiðin að undanförnu hefur
aðallega byggst á einum sterkum
árgangi frá árinu 1990. Sá árgangur
fer senn að hverfa úr veiðinni og
lakari árgangar að verða uppistað-
an í stofninum og á því byggist
þessi mikii niðurskurður á kvóta.
Ráðgjafanefndin mælir áfram
með veiðibanni á grálúðu en nýliðun
í þeim stofni hefur brugðist árum
saman. Þá er lagt til, að veiði verði
áfram bönnuð á loðnu. Er hrygning-
arstofn loðnunnar áætlaður 300.000
tonn en þarf að vera 500.000 tonn
áður en veiði kemur til álita.
Eins og áður segir er hér um að
ræða tillögur ráðgjafanefndar
ICES en stjórnvöld í Noregi og
Rússlandi munu taka endanlegar
ákvarðanir um kvótana.
Dregur ur
drykkju á
Grænlandi
MJÖG hefur dregið úr
drykkju á Grænlandi á undan-
förnum áratug og drekka
Grænlendingar nú helmingi
minna en fyrir tíu árum. Þetta
kemur fram í frétt Politiken.
A níunda áratugnum
drakku Grænlendingar 12
lítra af vínanda á mann á ári
en drekka nú jafnmikið og
Danir, um 6 lítra. Peter Bjer-
regaard, hjá dönsku rann-
sóknarstofnuninni DIKE,
segir breytinguna fyrst og
fremst hafa orðið í höfuð-
staðnum Nuuk en þar hefur
dregið mest úr drykkjunni á
meðal menntafólks.