Morgunblaðið - 14.01.1999, Qupperneq 6

6 FIMMTUDAGUR 14. JANÚAR 1999
MORGUNBLAÐIÐ
FRÉTTIR
Breytingar samþykktar á Alþingi á lögum um stjórn fískveiða
„Hyldýpi milli stjórnar
og stjórnarandstöðu“

.
BÁTAR í höfn á Hornafirði í vikubyrjun.
Morgunblaðið/RAX
ALÞINGI samþykkti í gær breyt-
ingar á lögum um stjórn fiskveiða,
sem lagðar voru fram í kjölfar dóms
Hæstaréttar í máli Valdimars Jó-
hannessonar gegn íslenska ríkinu.
Kristinn H. Gunnarsson, þingmaður
Framsóknarflokks og formaður
sjávarútvegsnefndar Alþingis, sagði
undir lok umræðunnar í gær að með
breytingunum á fiskveiðistjórnun-
arlöggjöfinni væri verið að bregðast
við dómi Hæstaréttar en jafnframt
væri við það miðað að þær breyting-
ar hefðu sem minnst áhrif á skipan
mála í sjávarútvegi að öðru leyti.
Stjómarandstæðingar héldu því
hins vegar fram, allt fram á síðustu
stundu, að ríkisstjómin og stjórnar-
meirihlutinn á Alþingi hefðu vikist
undan dómi Hæstaréttar í stað þess
að bregðast við honum. Verið væri
að skjóta vandanum á frest um ótil-
tekinn tíma og að fljótlega myndi
ganga annar dómur í Hæstarétti
sem sannaði það. Þá gagnrýndu
stjómarandstæðingar vinnubrögð
sjávarútvegsnefndar harkalega og
að breytingar skyldu gerðar á
nefndaráliti meirihlutans eftir að
það hefði verið afgreitt úr nefndinni
í fyrrakvöld.
Kristinn og aðrir stjómarþing-
menn höfnuðu því hins vegar að um
óvönduð vinnubrögð hefði verið að
ræða. Að lokinni atkvæðagreiðslu
um breytingartillögur stjómar-
meirihlutans, síðdegis í gær, voru
greidd atkvæði um frumvarpið i
heild með áorðnum breytingum.
Var það samþykkt með 29 sam-
hljóða atkvæðum en 13 þingmenn,
allt þingmenn stjómarandstöðu,
sátu hjá. Að því búnu var þingi
frestað til 2. febrúar nk., en þing
var kallað saman 6. janúar sl., fyrr
en upphaflega var gert ráð fyrir,
einungis til að ræða umrætt þing-
mál.
Við upphaf þriðju umræðu í gær
um kvótafrumvarpið svokallaða
skýrði Kristinn H. Gunnarsson m.a.
frá breytingartillögum meirihlutans
eftir aðra umræðu. Sagði hann m.a.
að þær tillögur hefðu miðað að því
að mæta þeim sjónarmiðum sem
fram hefðu komið við aðra umræðu.
Kristinn tók einnig fram að ef litið
væri á málið í heild þá hefði frum-
varpið, eins og það fyrst leit út, í
raun og vem tekið mjög litlum
breytingum í meðförum þingsins.
Þær breytingar sem gerðar hefðu
verið miðuðu m.a. annars að því að
styrkja stöðu minni útgerða sem og
stöðu sjávarplássanna. Einnig hefðu
breytingamar m.a. miðað að því að
auka öryggi sjómanna á smábátum
og vísaði hann þar m.a. til þess
ákvæðis sem bannar veiðar smá-
báta í svartasta skammdeginu eða
frá október og til marsloka.
Ekki heildarendurskoðun
á löggjöfinni
Sjávaiútvegsráðherra, Þorsteinn
Pálsson, tók einnig þátt í umræðun-
um í gær og minnti m.a. á að kvóta-
frumvarpið væri ekki afrakstur
heildarendurskoðunar á löggjöfinni
um stjórn fiskveiða heldur fæli það í
sér „afmörkuð viðbrögð við dómi
Hæstaréttar“. Löggjöf á borð við
lögin um stjóm fiskveiða yrði aldrei
fullkomin og því þyrfti stöðugt að
laga hana að nýjum og breyttum að-
stæðum. Því verki yrði aldrei lokið í
eitt skipti fyrir öll.
Ráðherra greindi einnig frá því
að viðbrögð ríkisstjórnarinnar við
dómi Hæstaréttar, hefðu verið að
leggja fram frumvarp sem breytti
fimmtu grein fiskveiðistjórnunar-
laganna, á þann veg að allir gætu
fengið veiðileyfi og hefðu réttindi
til þess að kaupa aflahlutdeild frá
öðrum og veiða tegundir sem væru
ekki bundnar kvóta. „Það lá hins
vegar Ijóst fyrir að málið var flókn-
ara varðandi smábátana," sagði
hann og hélt áfram. „Ef ekkert
frekar hefði verið að gert í þeim
efnum hefðu nýir aðilar getað lagt í
rúst þann veiðirétt sem þar hefur
verið fyrir.“
Eins og fyrr segir gagnrýndu
stjórnarandstæðingar það harðlega
í umræðunum að ríkisstjórnin og
meirihluti Alþingis hefði ekki
brugðist við dómi Hæstaréttar. Af
og til mátti þó heyra raddir frá
stjórnarþingmönnum sem kvört-
uðu yfir þvi að stjórnarandstæð-
ingar hefðu sjálfir ekki komið fram
með raunhæfar tillögur um það
hvernig bregðast skyldi við dómn-
um. Þessu vísuðu stjórnarandstæð-
ingar á bug og sumir þeirra sögðu
m.a. að það mætti bregðast við
honum með því að koma á veiði-
leyfagjaldi.
Rannveig Guðmundsdóttir, þing-
flokksformaður jafnaðarmanna, ít-
rekaði það skömmu áður en at-
kvæðagreiðsla fór fram um breyt-
ingartillögur meirihlutans að hyl-
dýpi væri á milli stjórnar og stjórn-
arandstöðu í þessu máli. „Lögin
sem Alþingi er hér að setja festa
betur í sessi yfirráð fárra yfir auð-
lindinni og auka möguleika þeirra
sem fengið hafa ókeypis úthlutun
veiðiheimilda til að selja aðgang að
fiskimiðunum, nú með heimild til
að selja sóknardaga. Þetta er alfar-
ið mál stjórnarmeirihlutans eins og
það hefur verið unnið. Þess vegna
mun þingflokkur jafnaðarmanna
sitja hjá við afgreiðslu þessa máls,“
sagði hún.
Vandanum skotið á frest
um ótiltekinn tíma
Svavar Gestsson, þingflokksfor-
maður Alþýðubandalagsins, kvaðst
sömuleiðis vera þeirra skoðunar að
viðbrögð ríkisstjórnarinnar við
dómi Hæstaréttar væru ófullnægj-
andi. „Ég tel reyndar að það sé
verið að skjóta vandanum á frest
um ótiltekinn tíma og þannig megi
segja eins og hæstvirtur sjávarút-
vegsráðherra hefur orðað í öðru
samhengi að stjórnarmeirihlutinn
vilji gefa Hæstarétti langt nef, með
þeirri afgreiðslu sem hér er uppi,“
sagði hann og taldi eðlilegast að
ríkisstjórnin bæri ein ábyrgð á
þessu máli öllu og því sætu alþýðu-
bandalagsmenn hjá við atkvæða-
greiðsluna.
Steingrímur J. Sigfússon, þing-
flokki óháðra, gagnrýndi einnig
viðbrögð stjórnarmeirihlutans, og
sagði í atkvæðagreiðslunni um
frumvarpið í heild að hann hlyti að
lýsa yfir vonbrigðum með og mikl-
um efasemdum um viðbrögð ríkis-
stjórnar og meirihlutans í málinu.
„Túlkunin á dómi Hæstaréttar sem
lögð er til grundvallar er hæpin.
Viðbrögð ríkisstjórnarinnar orka
mjög tvímælis og vinnubrögðin í
þessu máli hafa verið óvönduð,
ruglingsleg og einkennst af óvenju-
legum hringlandahætti. Það mun
eiga eftir að koma mönnum í koll,“
sagði hann meðal annars.
Hæstaréttarddmar
birtir á heimasíðu
Laun æðstu embættismanna hækkuðu um 3,65% um áramót
Hæstu heildar-
launin 535 þús.
Laun æðstu embættismanna frá 1. jan 1999 skv. Yfirv.t. úrskurði Kjaradóms Mánaðarlaun á mán. Laun samt.
Forseti íslands kr. 468.050 0 468.050
Forsætisráðherra 450.479 0 450.479
Ráðherrar 409.517 0 409.517
Forseti Hæstaréttar 372.651 42 535.190
Hæstaréttardómarar 338.803 37 468.986
Ríkissaksóknari 338.803 37 468.986
Ríkissáttasemjari 323.927 - 323.927
Ríkisendurskoðandi 323.927 55 508.946
Biskup íslands 282.857 40 400.344
Dómst. í Reykjavík 310.695 47 462.344
Dómst. utan Rvk 280.814 47 417.878
Héraðsdómarar 270.967 37 375.084
Umboðsmaður bama 269.594 30 353.586
Alþingismenn 228.204 - 228.204
FÖST mánaðarlaun æðstu embætt-
ismanna sem heyra undir úrskurð-
arvald Kjaradóms hækkuðu um
3,65% 1. janúar sl. samkvæmt
ákvörðun Kjaradóms. Forseti
Hæstaréttar nýtur hæstu heildar-
launa þeirra sem heyra undir úr-
skurðarvald dómsins, en mánaðar-
laun hans, að viðbættum greiðslum
fyrir fasta yfirvinnu, eru eftir
hækkunina 535.190 kr. Næstur í
röðinni er ríkisendurskoðandi en
heildarlaun hans eru 508.946 kr. á
mánuði. Föst mánaðarlaun forseta
Islands, ráðherra og alþingismanna
eru hins vegar lægri, en þessir aðil-
ar fá ekki ákvarðaðar sérstakar
greiðslur fyrir yfirvinnu líkt og
dómarar og fleiri embættismenn.
Mánaðarlaun forseta íslands eftir
hækkunina um áramótin
eru 468.050 kr., forsæt-
isráðherra 450.479 kr.
og annarra ráðherra
409.517, að viðbættu
þingfararkaupi. Þing-
fararkaup alþingis-
manna er 228.204 kr.
Þessar upplýsingar
koma fram á fylgiskjali
með svari Davíðs Odds-
sonar forsætisráðhen-a
við fyrirspum Sighvats
Björgvinssonar alþing-
ismanns á Alþingi í gær.
Kjaradómur ákvarðaði dómurum
og nokkrum embættismönnum fast-
ar mánaðarlegar greiðslur fyrir yf-
irvinnu alla mánuði ársins með úr-
skurðum á árunum 1997 og 1998.
Reiknast tímakaup fyrir eftirvinnu
1,0385% af grunnlaunum. Þessar
greiðslur hækkuðu því einnig um
síðustu áramót þar sem þær era
reiknaðar sem hlutfall af mánaðar-
launum þeirra sem í hlut eiga.
HÆSTIRÉTTUR íslands hefur
opnað heimasíðu og er tilgangur
hennar að auka þjónustu við þá sem
nýta vilja sér upplýsingar réttarins.
Verða í dag eftir klukkan 16.30 birtir
þar fyrstu dómamir sem kveðnii-
verða upp.
Símon Sigvaldason, skrifstofustjóri
Hæstaréttar, segir að meðal nýjunga
heimasíðunnar sé þessi birting dóma í
áfrýjuðum málum. Verða þeir settir
inn á síðuna hvem fimmtudag. Jafn-
framt birtist með hveijum hæstarétt-
ardómi stutt dómareifun viðkomandi
máls í héraðsdómi og segir Símon það
auðvelda mönnum að glöggva sig á
málum.
„Ég á von á því að margir muni
hafa áhuga á að nýta sér þessa þjón-
ustu Hæstaréttar, lögmenn, fjölmiðl-
ar og almenningur," sagði Símon í
viðtali við Morgunblaðið. Eftir há-
degi hvem fímmtudag birtist á
heimasíðunni listi yfir dóma sem
kveðnir verða upp þann dag. Þá er
að finna á síðunni ýmsar upplýsingar
er varða starfsfólk og starf réttarins,
um hús Hæstaréttar og fleira.
Einnig verður að finna á heimasíð-
unni leitarkerfi þannig að menn geta
leitað að dómum vegna álitamála en
aðeins verða birtir á heimasíðunni
dómar Hæstaréttar frá byrjun þessa
árs.
Símon segir að farið verði með
nafnbirtingar í dómum sem birtast á
heimasíðunni eins og verið hafi í
dómasafni, þ.e. í ákveðnum mála-
flokkum eins og kynferðisafbrota-
málum er nafnleynd og í einkamál-
um er nafnleynd á málum er varða
t.d. forsjármál.
Slóð heimasíðu Hæstaréttar er:
httpv7www.haestirettur.is. Skíma
annaðist hönnun á heimasíðu Hæsta-
réttar.