Morgunblaðið - 31.01.1999, Blaðsíða 11

MORGUNBLAÐIÐ
SUNNUDAGUR 31. JANÚAR 1999 B 11
Í > ♦
H Þjer sem fcrðist ti! útlanda j
! E Athuglfl, að vjer bjóðum yóttr far rwð bhnt.ki i ílugvjet 2
1 • af bestu gerfi og flytjum yður mílli Js.la»ul.s oj; Noiður- f
;; lanrta á 7 klukkustuntium fyrir svipað gjalt! ug sú íerð <;
;; kostar með skipi. Notið-flugvjelina, íarartæki ftanuið-
lE aritmar, Með því vinst timi, gúft itftan og tkomtilrg fvrft.
i! J'oflUir Lf.
E! llafnar.strifti 23. .Stuii (Ȓ*71. %
.« #
i > ‘Y
EIN AF fyrstu auglýsingum Loftleiða. Mbl 4.10 1947.
höggvið næst flugfélögunum, en
Ferðaskrifstofa ríkisins var áber-
andi í kynningum á skipaferðum og
var m.a. í samstarfí við Skipaút-
gerð ríkisins.
Upphaf sólarlandaferða
Frá og með árinu 1960 verða
miklar breytingar í millilandaflugi.
Fargjöld fara hríðlækkandi og
verða samkeppnishæf við fargjöld á
farþegaskipum. Blómaskeið einka-
rekinna ferðaskrifstofa hefst. A
þessum tíma fór teiknuðum auglýs-
ingum fækkandi um leið og ljós-
myndir urðu æ vinsælli. Textinn í
auglýsingum ber vott um að land-
inn sé orðinn veraldarvanari og
óbeinar auglýsingar fara að sjást.
Þó er ekki enn farið að höfða til
ákveðinna markhópa né farið að
bjóða sérfargjöld. Markaðsleg að-
greining á milli flugíélagana
tveggja er ekki áberandi líkt og síð-
ar varð.
Fyrsti markhópurinn
Næstum árlega frá árinu 1962 til
1970 má sjá breytingar á auglýs-
ingum Flugfélags íslands. Félagið
fer að höfða til hinna ýmsu mark-
hópa. Fyrst í stað er það hinn al-
menni Islendingur, óháð kynferði
og án tillits til stéttar eða stöðu.
Ekki er farið að höfða til verðskyns
viðkomandi og er t.d. aðeins aug-
lýst að það sé stutt til Kaupmanna-
hafnar þar sem alltaf sé eitthvað að
gerast. í auglýsingum félagsins
vorið 1962 er hins vegar reynt að
höfða til ákveðins markhóps á
skemmtilegan hátt. A sama tíma
verða áherslubreytingar á ímynd-
arsköpun Flugfélags Islands. Fram
koma upplýsingar um verð og
hversu mikið sé hægt að spara.
Viscount-vél félagsins er í bak-
grunni, en hún prýddi auglýsingar
frá árunum 1960 til ársins 1966.
Blómaskeið ferðaskrifstofa
Með aukinni tíðni ferða til megin-
landsins skapaðist um leið gi-und:
völlur til rekstrar ferðaskiifstofa. í
þeirra hópi voru m.a. Ferðaskrif-
stofan Sunna, Ferðaskrifstofan Ut-
sýn og Ferðaskrifstofan Lönd og
leiðir. Auglýsingar þessara fyrir-
tækja virðast vera aðeins á eftir
auglýsingum Flugfélags Islands i
myndanotkun, en þess í stað er oft
um langan texta að ræða.
Þotuöldin
Árið 1967 hófst þotuöldin á ís-
landi. Flugfélag íslands varð fyn-i
til að kaupa þotu og var hún af
gerðinni Boeing 727. Samkeppni
við erlend flugfélög, sem hér milli-
lentu, var enn í nokkrum mæli,
einna mest auglýsti Pan American,
en G. Helgason og Melsted hf. voru
umboðsaðilar. Jafnframt voru á
þessum tíma síðustu ár Gullfoss-
ferðanna. Með tilkomu þotuflugsins
jókst jafnframt markaðsleg að-
greining íslensku flugfélaganna og
fyrstu heilsíðu auglýsingarnar fóru
að birtast. Auglýsingar Loftleiða
byggðust frekar á hagstæðu verði
og greiðslukjörum á meðan Flugfé-
lag Islands minnti á aukinn ferða-
hraða.
Þá er einnig athyglisvert að Loft-
leiðir nota nafn Rolls Royce í aug-
lýsingum sínum sem þó framleiddi
aðeins hreyfla Canadair-flugvéla
þeirra. I bókinni I sviptivindum
segir Sigurður Helgason þáverandi
forstjóri Loftleiða að það hafi flug-
félagið gert í auglýsingaskyni.
ÞAR SEM Loftleiðir höfðu ekki
yfir þotu að ráða var lögð meiri
áhersla á sætarými og veit-
ingar. Mbl 23.5 1968.
.. Þeir voru fáir sem þekktu
flugvélategundina Canadair. Rolls-
Royce var hins vegar heimsþekkt
gæðamerki vegna bflaframleiðslu
sinnar. Þetta var brella sem við
notuðum óspart í auglýsingum okk-
ar og hafði tvímælalaust jákvæð
áhrif og jók traust fólks á flugvél-
unum.“
Eiginkonan fer með
I byrjun árs 1970 kveður við nýj-
an tón í auglýsingum Flugfélags Is-
lands. Arin á undan var höfðað
nokkuð jafnt til kynjanna. Nú hafa
þotuferðir hins vegar staðið yfir í
þrjú ár og stjórnendur félagsins
farnir að sjá ákveðið mynstur í far-
þegahópum. Þeir taka eftir því að
karlmenn eru í miklum meirihluta.
Því býður flugfélagið upp á þá at-
hyglisverðu nýjung að bjóða 50%
afslátt af fargjaldinu fyi-ir annan
aðilann svo að viðkomandi (eigin-
konan) þurfí ekki að sitja heima.
Félögin sameinast
Á aðalfundi Loftleiða hinn 28.
júní 1973 urðu þáttaskil í sögu fé-
lagsins. Akyeðið var að sameinast
Flugfélagi Islands og skildi samein-
ingin verða frá og með 1. ágúst
1973. Frá árinu 1974 fóru félögin að
auglýsa undir sama nafni. Á sama
tíma fór eftirspurn eftir utanferð-
um með skipum minnkandi og lögð-
ust farþegaflutningar með Gullfossi
af árið eftir.
Hér hefur aðeins verið stiklað á
stóru í upprifjun á þeim auglýsing-
um sem tengjast frumkvöðlum í ís-
lensku millilandaflugi. Hún er ekki
tæmandi, enda aðeins sóttar upp-
lýsingar í einn miðil. Ljóst má hins
vegar vera að endurspeglun flug-
sögu landsins má sjá á ýmsan máta
og þar er þáttur auglýsinga síst
minnstur. Þá má ætla að fínna megi
hliðstæður hjá öðrum atvinnugrein-
um og má í því sambandi nefna
bíla-,trygginga- og drykkjarvöru-
geirann. Hins vegar mun þróun
auglýsinga halda áfram og hver
veit nema auglýsingastofur nútím-
ans fari einn daginn að líta aftur til
upphafsára fjölmiðla í leit sinni að
nýjungum.
Höfundur er markaðsfræðingur.
MILU iSLANDS 1
flUOÍAH SIIIAX-
FftH CRIITT SlDAR
lVlenalind
Vernd fyrir viðkvæma húð
KYNNING
á nýju húðverndarlínunni frá HARTMANN
í Borgar Apóteki, Álftamýri 1,
mánudag og þriðjudag, 1,- 2. febrúar
kl.13.00-17.00.
Ráðgjafi verður á staðnum.
20% KYNNINGARAFSLÁTTUR