Morgunblaðið - 07.11.1999, Blaðsíða 8
8 B SUNNUDAGUR 7. NÓVEMBER 1999
MORGUNBLAÐIÐ
Stjórn ÁTVR samþykkir breytingar
á starfsemi fyrirtækisins
Fjölbreyttara
úrval og aukin
áhersla á þjónustu
Breytingar á vöruúrvali og aukin þjálfun
starfsmanna er meðal þess sem framundan
er hjá ÁTVR. Steingrímur Sigurgeirsson
ræddi við þau Hildi Petersen stjórnarfor-
mann og Höskuld Jónsson forstjóra um
breytingar á starfsemi fyrirtækisins er
nýlega voru samþykktar í stjórn þess.
TÖLUVERÐAR breytingar
eru framundan á starfsemi
Áfengis- og tóbaksverslun-
ar ríkisins en um miðjan
síðasta mánuð samþykkti stjórn
fyrirtækisins tillögur, sem miðast
að því auka þjónustu við viðskipta-
vini og efla þekkingu starfsfólks.
Tvær nýjar verslanir ÁTVR
verða opnaðar síðar í þessum mán-
uði, á Fáskrúðsfirði og í Grindavík.
Alls mun því ÁTVR reka 32 versl-
anir í árslok, að sögn Höskuldar
Jónssonar, og segir hann að óskað
hafi verið eftir heimild fjármála-
ráðuneytisins til að opna verslanir á
fjórum stöðum til viðbótar á næsta
ári, í Búðardal, á Hvammstanga,
Djúpavogi og Hvolsvelli.
Hildur Petersen segir að ATVR
fari nú hraðar en verið hefur í opn-
un nýrra útibúa og einnig séu þau
opnuð á minni stöðum en áður. Áð-
ur hafi verið miðað við 1.000 íbúa
en nú sé viðmiðunin 500 íbúar. „Pað
má segja að það sé spurning um
ákveðin mannréttindi að fólk hafi
aðgang að þessari vöru líkt og aðrir
íbúar og þurfi ekki að leggja sig í
hættu með ferðum yfir fjöll og firn-
indi til að nálgast hana.“
Viðskiptavinir ÁTVR munu
einnig verða varir við breytingar í
desembermánuði en þá stendur til
að kynna sérstaklega í verslunum
Morgunblaðið/Golli
Höskuldur Jónsson forstjóri og Hildur Petersen,
stjórnarformaður ÁTVR.
vöru, sem tengist jólum og áramót-
um, jafnt vörur sem áður hafa fallið
í sk. mánaðarflokk, s.s. jólabjór og
Beaujolais Nouveau en einnig
freyðivín og kampavín. Verður
þessum vörum nú stillt upp í lík-
ingu við það, sem almennt tíðkast
með jólavöru í verslunum.
Á næsta ári er stefnt að því að
stokka upp reglur um innkaup og
sölu áfengis. „Markmið þessara
breytinga verður að tryggja meiri
breidd í vöruúrvali,“ segir Höskuld-
ur. Hann segir að til að tryggja að-
gang að vínum frá helstu vínrækt-
arsvæðum heims verði settar regl-
ur er kveði á um að jafnan skuli
vera í hillum aðalverslana rauðvín
frá að minnsta kosti 24 tilgreindum
héruðum eða löndum. Eru svæðin
Médoc, Graves og Libournais í
Bordeaux sérstaklega tilgreind, svo
dæmi sé tekið, sem og Piemont og
Toscana á Italíu, Napa og Sonoma í
Kaliforníu auk bandarísku vínrækt-
arsvæðanna Washington og
Oregon. Þá verður til að mynda
tryggt að þýsk Riesling-vín verði
fáanleg.
Skipting þessi nær til allra vöru-
flokka og verður bjór til að mynda
skipt í þrettán mismunandi flokka,
m.a. með það að markmiði að
tryggja framboð á yfirgerjuðum
bjór frá Belgíu og hveitibjór frá
Þýskalandi.
„Við miðum við að þessar nýju
reglur taki gildi 1. febrúar en und-
irbúningur þeirra er nú á lokastigi.
Það er ljóst að við munum ekki
geta boðið upp á allar tegundir í
kjarna áfram alls staðar og því má
búast við meiri skiptingu milli
verslana í framtíðinni. Á heildina
litið mun úrvalið í kjarna aukast en
einungis tvær verslanir, Heiðrún
og Kringlan, vera með allar teg-
undir í hillum. Tala sölutegunda
hefur stöðugt verið að aukast en
við höfum ekki húsnæði til að taka
við þeim öllum. Þær tegundir sem
bætast við með þessum breyting-
um yrðu því viðbót í stóru verslun-
unum en í öðrum má búast við að
úrvalið dragist eitthvað saman frá
því sem nú er. Það verður þó ekki
breyting á reynslusölukerfinu og á
móti munu verslunarstjórar fá að
ráða allt að 10% af úrvalinu í hverri
verslun."
Sem stendur eru 558 tegundir í
kjarna, um 150 í reynslusölu og
2.180 á sérpöntunarlista. Af þeim
fást um 900 í sjálfsafgreiðslu í
versluninni Heiðrúnu á Stuðlahálsi.
Að sögn Höskuldar má búast við að
tegundum í kjama fjölgi í um 600
með breytingunum. Einnig sé
stöðug aukning í sérpöntunardeild-
inni og velti hún nú á við meðal
áfengisverslun, eða um 100 m.kr. á
síðasta ári. „Salan er langmest í
Reykjavík og ef menn á annað borð
eru að leita að sérpöntunarvínum
þá virðast þeir koma í verslunina í
stað þess að panta.“
í athugun er að fjölga stöðum
þar sem sérpöntunarvín verða fá-
anleg og er horft til verslunarinnar
í Kringlunni í því samhengi. „Vilji
er hins vegar ekki allt sem þarf,“
segir Höskuldur og tekur fram að
ýmis tæknileg atriði tefji fram-
kvæmdina.
Fyrir skömmu var haldinn fund-
ur í Finnlandi þar sem saman komu
fulltrúar áfengiseinkasalna á Norð-
urlöndunum og í Kanada og Banda-
ríkunum. Hildur segir að fundurinn
hafi verið sá fyrsti sinnar tegundar
og hafi þeir fulltrúar ÁTVR sem
hann sóttu lært mikið. „Á Norður-
löndunum er svipað lagaumhverfi
og hér en þar leyfa einkasölurnar
sér að túlka reglur með frjálslegri
hætti en við, t.d. hvað viðkemur
kynningu á áfengi. Þessi fyrirtæki
stunda töluverða útgáfu þar sem
vín eru kynnt, einnig eru sérstök
starfsmannarit og einkasalan í
Finnlandi rekur jafnvel vínklúbb.
Við höfum áhuga á að gera eitthvað
svipað og þá með forvarnaívafi. Það
er okkar skoðun að í lagi sé að
reyna að stuðla að jákvæðri notkun
á þessum veigum en benda jafn-
framt á óæskilegar afleiðingar of-
neyslu.“
ÁTVR hefur þegar sótt um leyfi
til að gefa út rit um nýjar vörur og
jafnframt er verið að ljúka gerð
innranets ÁTVR, sem að hluta gæti
Nú er tækifærið!
Við erum að innrita í
ndm
Um er að ræða námsbraut fyrir þá sem vilja læra að
matreiða heilsufæði og sérfæði.
Heilbrigðis- og tryggingamálaráðuneytið veitir matar-
tæknum starfsréttindi.
Inntökuskilyrði: Grunnskólapróf, starfsreynsia og annað
nám metið.
Námstími er þrjú ár, bæði í skóla og á starfsnámsstað.
Mikil vöntun er á matartæknum til
starfa á vinnumarkadinum.
Innritun virka daga frá kl. 8.00 til 15.00
Frekari upplýsingar veitir kennslustjóri.
HÓTEL- OG MATVÆLASKÓLINN
MENNTASKÓLINN í KÓPAVOGI
I ■ ■ v/Digranesveg 200 Kópavogi.
mmmmm Sími 544 5530, fax 554 3961, netfang mk@ismennt.is
cyyðrún Erna Rudólfsdóttir
Ég er verkstjóri í matsölum Landsspítalans.
Starf mitt er fjölbreytt, krefjandi og felur í sér
mikla ábyrgd. Því mæli ég eindregid með
matartæknanámi.
öf Jóna Jónsdóttir
matartæknir
Ég vinn sem verkstjóri í eldhósi Landsspítalans.
Ég sé um vörumóttöku og birgðahaid. Þetta er
mjög krefjandi og fjölbreytt starf.
c^rafney Ásgeirsdóttir
matartæknir/matráðskona á leikskólanum Rauðuborg.
Ég mæli heilshugar med matartæknanámi því
það hefur veitt mér tækifæri til þess að vinna
að áhugaverðu verkefni með yndislegu fólki og
vinnutíminn er góður.
C^slaug Guðmundsdóttir
Ég er verkstjóri í sérfæðisdeild eldhóss Lands-
í deildinni.
Fjölbreytt starf.