Morgunblaðið - 23.12.1999, Qupperneq 4

4 FIMMTUDAGUR 23. DESEMBER 1999
MORGUNBLAÐIÐ
FRÉTTIR
Morgunblaðið/Golli
Bálkestir rísa fyrir gamlárskvöld
Um þessar mundir keppast ungir
og gamlir við að hlaða upp ógnar-
stóra bálkcsti víðsvegar um land
sem kveikt verður í á gamlárs-
kvöld að venju. Brennusafnararnir
sem urðu á vegi ljósmyndara í gær
litu vart upp frá starfa sínum er
ljósmyndara bar að garði á
íþróttavellinum í Kópavogi. Þeir
þurfa væntanlega ekki að hafa
miklar áhyggjur af því að eldsmat-
urinn blotni úr hófi á næstunni því
á höfuðborgarsvæðinu er spáð
þurru veðri að mestu fram í næstu
viku hvað sem síðar kann að verða.
Greiðsluhlutfall
sjúklinga í lyfja-
verði hækkar
GREIÐSLUHLUTFALL sjúkl-
inga í lyfjaverði hækkar um ára-
mót með nýrri reglugerð um
gi-eiðsluþátttöku almannatrygg-
inga sem Ingibjörg Pálmadóttir
heilbrigðis- og tryggingamálaráð-
hen-a hefur undirritað. Munu
sjúklingar framvegis þurfa að
greiða 2.400 krónur að hámarki
fyrir svokölluð B-merkt lyf og
nemur hækkunin sex hundruð
krónum en hámarksgreiðsluhluti
sjúklings vegna E-merktra lyfja,
sem ekki eru talin lífsnauðsynleg
þótt þau séu lyfseðilsskyld, en í
þennan flokk falla öll algengustu
lyf á markaðnum, hækka úr 3.500
krónum í 3.800 krónur.
í fréttatilkynningu frá heil-
brigðis- og tryggingamálaráðun-
eytinu segir að þrátt fyrir að
greiðsluhlutfall neytenda í verði
lyfja aukist nú líkt og undanfarin
áramót komi á móti að lyfjaliður
vísitölu neysluverðs, eða greiðslu-
þáttur neytenda í lyfjaverði eins
og Hagstofa íslands mæli hann,
sé nú rúmlega 82% af því sem
hann var í mars 1997. Þeir sem
kaupi lyf nú séu því að greiða hlut-
fallslega minna fyrir lyf en þeir
gerðu þá.
Segir einnig að sérfræðingar
gangi almennt út frá því að ný lyf,
sem að margra dómi séu betri,
hækki lyfjareikninga vestrænna
þjóða um 13 af hundraði á ári
hverju, ef ekki er gripið til sér-
stakra aðgerða. Reglugerðar-
breytingin sé þess vegna liður í
því að draga úr áhrifum inn-
byggðrar aukningar á kostnaði
íyfja-
Hámark á lyfjum aldraðra
Fram kemur í fréttatilkynning-
unni að það markmið hafí verið
haft að leiðarljósi að takmarka
sem mest verðhækkun lyfja sem
elli- og örorkulífeyrisþegar noti.
Þetta hafi verið gert með því að
ákvarða hámarksgreiðslur þess-
ara hópa vegna lyfjakaupa þann-
ig, að þeh- greiði aldrei meira en
1.100 krónur fyrir lyf. Hámar-
ksverð elli- og örorkulífeyiisþeg-
ar vegna B-merktra lyfja verður
því 800 krónur, en var 600 krónur,
og vegna E-merktra lyfja 1.100
krónur en var 1.000 krónur.
Telja snjó-
mokstur á fjall-
vegum ónógan
Flugmálaáætlun fyrir árin 2000-2003
Möguleikar á næturflugi
til Isafjarðar kannaðir
ÍBÚAR í Amarfirði á Vestfjörðum
gera sig ekki ánægða með snjó-
mokstursþjónustu Vegagerðarinnar
á Hrafnseyrarheiði og Dynjandis-
heiði og var því gripið til þess ráðs að
handmoka sig í gegnum 20 metra
langan skafl í fyrradag á Hrafnseyr-
arheiði þar sem Vegagerðin sinnti
ekki beiðni íbúanna um að ryðja
skaflinum burt. Segja íbúar að skafl-
inn valdi algeru samgöngurofi í Vest-
firðingafjórðungi.
Vegagerðin brást við í gær og
ruddi skaflinum í burt í gær þrátt
fyrir að heiðin sé ekki á snjómokst-
ursáætlun Vegagerðarinnar að sögn
vegamálastjóra.
Mikið hefur verið kvartað yfir-
sinnuleysi Vegagerðarinnar vegna
moksturs á fjallvegunum og segir
Einar K. Guðfinnsson, fyrsti þing-
maður Vestfjarða, að í samtölum sín-
um við Vegagerðina hafi komið fram
að reynt yrði að halda vegunum opn-
um þangað til hægt yrði að beita
snjóbílum á vegunum. Segist hann
hafa litið svo að það væri stefna
Vegagerðarinnar að moka á þeim
tíma sem ekki yrði komið við slíkum
farartækjum og segist telja að það
væri mjög eðlilegt að vegunum yrði
undanbragðalaust haldið opnum
fram eftir hausti.
Allar bjargir
bannaðar
„Oft er það þannig á haustin að
ekki er unnt að beita snjóbílum og þá
er augljóst mál að ef ekki er mokað
þá eru mönnum allar bjargir bann-
aðar og það er ólíðandi," segir Einar.
Helgi Hallgrímsson vegamála-
stjóri segir að þrátt fyrir að vegirnir
séu ekki á snjómokstursáætlun þar
sem um háa fjallvegi sé að ræða sé
engu að síður reynt að verða við
kröfum íbúanna með því að halda
vegunum opnum fram undir jól, en
undir slíkum kringumstæðum sýni
sig að óskir heimamanna séu oft
meiri en Vegagerðin treysti sér til að
fullnægja.
EF ATHUGANIR gefa jákvæða
niðurstöðu er ráðgert að ráðast í
framkvæmdir á Isafjarðarflugvelli
til að gera næturaðflug til Isafjarðar
mögulegt skv. tillögu til þingsálykt-
unar um flugmálaáætlun fyrir árin
2000-2003, sem Sturla Böðvarsson
samgönguráðherra lagði fram á Al-
þingi síðasta starfsdag þingsins fyrir
jólafrí. Ennfremur gerir áætlunin
ráð fyrir að lokið verði við fyrri
áfanga við byggingu æfingaflugvall-
ar í nágrenni Reykjavíkur árið 2004.
Flugmálaáætlunin tekur bæði til
endurskoðunar á framkvæmdum á
árunum 2000 og 2001 og nýrra fram-
kvæmda á árunum 2002 og 2003, að
því er segir í frétt frá samgöngu-
ráðuneyti. Þar kemur fram að fram-
kvæmdum við flugvelli megi skipta í
tvo flokka, annars vegar viðhalds-
framkvæmdir og hins vegar nýfram-
kvæmdir.
Helstu framkvæmdir í áætluninni
eru m.a. endurbætur á Reykjavíkur-
flugvelli en þeirra sér einnig stað í
núgildandi flugmálaáætlun og hófust
framkvæmdir í október 1999. Miðað
er við að þeim Ijúki árið 2002. Jafn-
framt er gert ráð fyrir að á árunum
2000 og 2001 verði varið 15 milljón-
um króna til undirbúnings að bygg-
ingu nýrrar flugstöðvar við Reykja-
víkurflugvöll. Þegar hefur verið
ákveðið að bygging flugstöðvarinnar
verði fjármögnuð sem einkafram-
kvæmd.
Flugmálaáætlunin gerir aukin-
heldur ráð fyrir að á tímabilinu 2000-
2002 verði komið upp flugbrautum
með malarslitlagi á Bakkaflugvelli
og er áætlaður kostnaður 66 milljón-
ir króna. Einnig verður haldið áfram
framkvæmdum við flugstöðvarbygg-
ingu á Akureyrarflugvelli.
Næturaðflug til ísafjarðar?
Flugmálaáætlunin gerir ráð fyrir
því að kannaðir verði möguleikar til
næturaðflugs til ísafjarðar í sam-
vinnu við flugrekendur, en staðan er
sú í dag á Isafjarðarflugvelli að
vegna hindrana í umhverfinu eru
lendingar aðeins leyfðar við sjón-
flugsskilyrði. Gefi þessar athuganir
jákvæða niðurstöðu er ráðgert að
ráðast í framkvæmdir á árunum
2001, 2002 og 2003 en áætlaður
kostnaður framkvæmdanna er 75
milljónir króna.
Þorgeir Pálsson flugmálastjóri
sagði í samtali við Morgunblaðið að
það hefði verið niðurstaða vinnu-
hóps, sem fjallað hefði um þetta mál
undanfarið ár, að það væri tæknilega
hugsanlegt að koma á næturflugi til
Isafjarðar. Slíkar framkvæmdir
myndu hins vegar kosta talsverða
fjármuni og eins þyrfti að gera frek-
ari athuganir áður en ákvörðun yrði
tekin í málinu.
Til dæmis væri lokaaðflug bratt-
ara á ísafjarðarflugvelli heldur en
gerist og gengur og jafnframt væru
ýmis rekstrarleg og tæknileg atriði
sem þyrfti að skoða varðandi það
hvaða flugvélar gætu nýtt sér þetta.
Ræða þyrfti við alla sem að málinu
kæmu, og þá ekki síst flugmenn.
„Það er auðvitað mjög hamlandi ef
ekki er hægt að fljúga að nóttu til,
eða við næturskilyrði eins og það er
kallað, þegar sól er komin sex gráður
undir sjóndeildarhring," sagði Þor-
geir. „Það auðvitað takmarkar
möguleikana, sérstaklega yftr vetr-
artímann,“ bætti hann við. Yfir há-
sumartímann skipti þetta hins vegar
engu máli.
Kom fram hjá Þorgeiri að næsta
ár yrði notað til að gera umræddar
athuganir en eins og áður segir gerir
flugmálaáætlun ráð fyrir að fram-
kvæmdir myndu hefjast árið 2001.
Nokkrir mögnleikar í skoðun
vegna æfingaflugvallar
Flugmálaáætlun gerir ráð fyrir að
lokið verði við fyrri áfanga við bygg-
ingu æfingaflugvallar í nágrenni
Reykjavíkur árið 2004 en Þorgeir
segir að með tilkomu slíks æfinga-
flugvallar væri miklu álagi létt af
Reykjavíkurflugvelli, einkum vegna
fjölda svokallaðra snertilendinga en
þær eru næstum tveir þriðju af öll-
um „hreyfingum" á Reykjavíkur-
flugvelli, að sögn Þorgeirs.
Endanleg staðsetning æfingaflug-
vallarins hefur ekki verið ákveðin en
Þorgeir segir að verið sé að skoða
staði á Reykjanesi, t.d. fyrir sunnan
Hafnarfjörð, en einnig gætu komið
til greina staðir fyrir austan Reykja-
vík, t.d. á Mosfellsheiði eða í ná-
grenni hennar.
HOLTACARAAR
OPIÐ í DAG KL«
10-23
BÓNUI FRÁ 12-23
ír
iKEA.

'teiSaiííSS1
Könnun Þjóðarpúls Gallups
69,4% andvíg innflutn-
ingi norskra mjólkurkúa
TÆPLEGA sjötíu prósent lands-
manna eru andvíg því að fluttar verði
inn norskar mjólkurkýr, eða 69,4%.
Þetta kemur fram í Þjóðarpúlsi Gall-
ups, símakönnun sem gerð var dag-
ana 21. nóvember til 6. desember.
Innflutningur á norskum mjólkur-
kúm til íslands hefur nokkuð verið
til umræðu að undanförnu en fram
kemur £ könnun Gallups að einungis
11,4% eru fylgjandi hugmyndinni.
19,2% telja hins vegar ekki skipta
máli hvort þær verða fluttar inn eða
ekki. Konur eru andvígari innflutn-
ingi á norskum kúm en karlar, eða
75,6% á móti 63,2% karla. Gallup
spurði einnig um afstöðu fólks til
nektarstaða og vildu 67,5% að-
spurðra að sérstakar reglur giltu um
starfsemi þeirra umfram aðra
skemmtistaði. Jafnframt telja íúm-
lega 96% landsmanna að vændi sé
stundað í einhverjum mæli í tengsl-
um við nektarstaði. Af þeim telja
24,6% að mikið kveði að þessu.
Loks sýnir könnun Gallups að
tæplega 52% vilja að sótt verði um
aðild að Evrópusambandinu ef ís-
lendingar eiga þess kost en 27% eru
því andvíg.