Morgunblaðið - 05.11.2000, Blaðsíða 22
-22 B SUNNUDAGUR 5. NÓVEMBER 2000 MORGUNBLAÐIÐ
SKOÐUN
GEGN LANDFYLLINGU
í ARNARNESVOGI
SÍÐARI hluta septembermánað-
ar sl. var haldinn kynningarfundur í
Fjölbrautaskóla Garðabæjar vegna
tillögu framkvæmdaraðila að mats-
áætlun vegna mats á umhverfís-
áhrifum hugsanlegrar
landfyllingar í Arnar-
nesvogi í Garðabæ.
Fundurinn var ekki
vel auglýstur en
greinarhöfundur bar
gæfu til þess að vera í
fámennum hópi íbúa
við Arnarnesvog sem
frétti af fundinum og
mætti á hann.
Tíu Laugardals-
vellir
I tillögu fram-
kvæmdaraðila, sem lá
frammi á fundinum,
kom fram að fyrirhug-
uð væri 5,5 hektara
landfylling út í Arnar-
nesvog. Fram kom hjá fram-
kvæmdaraðilum að gert væri ráð
fyrir að í voginum myndi rísa 2.500
manna íbúðarbyggð (íbúafjöldi
Húsavíkur), þar af um helmingur á
hinni nýju landfyllingu. Einnig var
greint frá því að gert væri ráð fyrir
3 til 5 hæða fjölbýlishúsum á land-
fyllingunni og að um bryggjuhverfí
yrði að ræða. Það vekur óneitanlega
- athygli að samkvæmt tillögu fram-
kvæmdaraðila að matsáætlun, sem
var send Skipulagsstofnun, er fyrir-
huguð landfylling orðin 7,7 hektar-
ar, eða 40% stærri en greint var frá
á kynningarfundinum. Hið tilbúna
nes kann að sýnast lítið og sakleys-
islegt á mynd en það yrði í raun
geysistórt; það yrði á við rúmlega
tíu Laugardalsvelli að stærð!
Andstaða
við landfyllingu
I kjölfar kynningarfundarins
ákvað greinarhöfundur að kynna
áðurnefnda framkvæmd, þ.á m. til-
lögu framkvæmdaraðila að mats-
áætlun, fyrir öðrum íbúum í þeim
hverfum sem liggja að Arnarnes-
vogi, þ.e. á Arnarnesi, í Grunda-
hverfí og í Ásahverfi. í framhaldi af
því var efnt til íbúafundar til að
ræða málið. A fundinum, sem var
fjölmennur, kom fram mikil and-
staða við umrædda landfyllingu í
Arnarnesvogi. Almenn skoðun
íbúanna við voginn er sú að sjálf-
sagt sé og eðlilegt að gera ráðstaf-
anir til að hófleg íbúðabyggð komi í
stað iðnaðarhverfisins í botni vogs-
ins. Þeir telja hins vegar að með
landfyllingu langt út í voginn,
ásamt tilheyrandi
íbúðabyggð, bíla- og
bátaumferð, yrði geng-
ið á þá náttúruperlu
sem vogurinn er og á
hagsmuni núverandi
íbúa í Garðabæ, ekki
síst íbúanna við vog-
inn. Þeir hafa ekki
mátt ætla að sjálfur
Arnarnesvogurinn, þ.e.
grunnsævi hans, yrði
byggingarland.
Náttúruperla
Arnarnesvogur er
vistfræðilega mjög
TómasH. mikilvægur. Vogurinn
Heiðar er hjarta vistkerfis
strandsvæðanna í
kring og hann er meðal fárra lítt
raskaðra leirusvæða sem eftir eru á
höfuðborgarsvæðinu. Arnarnesvog-
ur er allur á náttúruminjaskrá og á
alþjóðlegum skrám yfir mjög mikil-
væg fuglasvæði í heiminum sem ber
að vemda. Á svæðinu eru annars
vegar mikilvægar varp- og dvalar-
stöðvar fyrir um 30 staðbundnar
fuglategundir og hins vegar er
svæðið mikilvægur áningarstaður
fyrir um 10 tegundir af farfuglum.
Þar á meðal er margæs en umrætt
svæði er eini staðurinn á Suðvestur-
landi þar sem tegundin hefur við-
komu á leið sinni milli írlands og
Kanada. Á öllum árstímum má sjá
breiður af fuglum víðs vegar um
voginn. Hið fjölskrúðuga fuglalif
hefur fengið að þrífast á voginum
vegna þeirrar kyrrðar sem þar rík-
ir. Ljóst er að umrædd landfylling,
ásamt tilheyrandi íbúðabyggð og
bátaumferð, myndi ekki aðeins
eyðileggja og rýra lífríki í voginum
heldur kynnu alvarlegar afleiðingar
að ná víðar, jafnt til aðliggjandi
strandsvæða sem annarra landa.
Forsendur
núverandi byggðar
íbúar hafa valið sér búsetu við
Arnamesvog ekki hvað síst vegna
nálægðar við náttúruna og lífríkið,
friðsældar þeirrar sem ríkir í vogin-
um og útsýnisins. Þetta á bæði við
um þá íbúa sem fyrir eru á svæðinu
Garðabær
Arnarnesvogurinn, seg-
ir Tómas H. Heiðar, er
hjarta vistkerfis
strandsvæðanna í kring
og þá sem nú em að koma sér fyrir í
nýbyggingunum í Ásahverfi sunnan
til við voginn. Lífsgæði þessi endur-
speglast m.a. í háu lóða- og fast-
eignaverði á svæðinu. Með landfyll-
ingu langt út í voginn, ásamt
tilheyrandi íbúðabyggð, stórauk-
inni bílaumferð um botn vogsins og
út á hann og bátaumferð m.a. á mjó-
um sundum sem mynduðust milli
landfyllingarinnar og núverandi
íbúðabyggðar, yrði gengið á rétt-
mæta hagsmuni íbúanna við voginn.
Þeir hafa ekki mátt ætla að sjálfur
KOSTABOÐ
Allt QÖ
afsláttur
Fagleg rábgjöf
Fullkomin tölvuteiknun
Fyrsta flokks hönnunarvinna hátijni6A(thúsn. Förix)SÍMI:5524420
rífform
Jóga gegn kvíða með Ásmundi Gunnlaugssyni
hefst 7. nóvember - þn. og fim. ki. 19.30
4ra vikna uppbyggjandi námskeið, m.a. byggt á eigin reynslu Ásmundar, fyrir
þá, sem eiga við streitu, kvíða og fælni að stríða og/eða eru að ganga í gegn-
um miklar breytingar í iífinu. Kenndar verða leiðir til þess að slaka á og öðlast
aukið frelsi og lífsgleði. Engin reynsla eða þekking á jóga nauðsynleg.
Ásmundur tekur fyrir þætti eins og jógaleikfimi (asana), öndun, slökun og
andleg lögmál, sem stuðla að velgengni, jafnvægi og heilsu.
Allar nánari upplýsingar er að finna á heimasíðu okkar www.yogastudio.is
Arnarnesvogurinn, þ.e. grunnsævi
hans, yrði byggingaland og þannig
sótt að þeim af hafi. Gegnir þar
öðru máli en á svæðum þar sem eru
auðar landspildur sem ætla má að
geti farið undir byggingar. íbúar á
þeim svæðum vita að umhverfið
kann að breytast.
Hljóðbær vogur
Rétt er að hafa í huga að vogur-
inn er mjög hljóðbær enda berst
hljóð hindrunarlaust eftir haffletin-
um langt utan af voginum. Fyrir
nokkrum árum var að sumarlagi
starfrækt sjóþotuleiga í botni hans
og var hvorki vært fyrir íbúa við
voginn umrætt sumar né fyrir fugla
sem fældust burt. Nægði ein sjó-
þota til að skapa mikinn usla í vog-
inum og óbærilegan hávaða í ná-
grenni hans. I kjölfar kvartana frá
íbúum á svæðinu vár ákveðið að
endurnýja ekki leyfi til starfrækslu
sjóþotuleigunnar. í ljósi þessarar
reynslu má sjá fyrir þær afleiðingar
sem sú bátaumferð hefði sem tillaga
framkvæmdaraðila gerir ráð fyrir
að laða að umræddu bryggjuhverfi.
Lituð tillaga
að matsáætlun
Tillaga framkvæmdaraðila að
matsáætlun vegna hugsanlegrar
landfyllingar í Arnarnesvogi er afar
lituð. Þess er t.d. getið að íbúar á
landfyllingunni myndu m.a. njóta
útsýnis yfir glæsilega einbýlishúsa-
byggð á Arnarnesi en ekki er vikið
einu orði í tillögunni að þeirri skerð-
ingu á útsýni núverandi íbúa við
voginn sem umrædd framkvæmd
hefði í för með sér. Arkitekt fram-
kvæmdarinnar lýsir skipulagshug-
mynd sinni svo í Fasteignablaði
Morgunblaðsins 24. október sl. að
reisa eigi á landfyllingunni „lága
byggð sem fellur vel inn í landslagið
enda er það aðaleinkenni byggðar í
Garðabæ sem eðlilegt er að virða.“
Hann lýsir því einnig þar að „lang-
flest húsin yrðu þrjár hæðir,“ m.a.
til að forðast það að taka útsýni frá
húsunum á Arnarnesi. Erfitt er að
sjá hvernig þessi ráðstöfun tekur
tillit til íbúa í húsunum á Arnarnesi
og má m.a. benda á í því sambandi
að þau hús sem standa næst strönd-
inni þar mega samkvæmt lóðaskil-
málum ekki vera nema ein hæð til
að skyggja ekki á þau hús sem ofar
standa. I tillögu framkvæmdaraðila
er ranglega fullyrt að aðeins fjaran
beggja vegna landfyllingarinnar sé
á náttúruminjaskrá. Hið rétta er að
allur Arnarnesvogurinn er á
náttúruminjaskrá, þ.m.t. grunn-
sævi hans. Einnig er fullyrt í tillög-
unni að þótt umræddar fram-
kvæmdir samræmist ekki aðal-
skipulagi Garðabæjar liggi þegar
fyrir jákvæð afstaða bæjarstjórnar
Garðabæjar í garð framkvæmda-
nna. Þetta fær ekki staðist enda
hafa bæjaryfirvöld ekki tekið af-
stöðu til hugsanlegrar landfylling-
ar.
Hinn eðlilegi kostur
Það sem stingur þó mest í augun í
tillögu framkvæmdaraðila er að hún
gerir aðeins ráð fyrir að umhverfis-
áhrif hugsanlegrar landfyllingar
verði borin saman við það að aðhaf-
ast ekkert á svæðinu (núllkostur),
þ.e. að svæðið verði áfram nýtt und-
ir iðnað. Eðlilegt væri að bera um-
hverfisáhrif hugsanlegrar landfyll-
ingar saman við þann sjálfsagða
kost að breyta núverandi iðnaðar-
svæði í botni vogsins í íbúðasvæði
án landfyllingar út í voginn.
Prófsteinn
Vogarnir inn af Skerjafirði, þ.e.
Arnarnesvogur, Lambhúsatjörn,
Kópavogur og Fossvogur, eru afar
grunnir og því auðveldir til landfyll-
ingar. Hugsanleg landfylling í Arn-
arnesvogi er prófsteinn á það hvort
farið verður út í landfyllingar í ná-
lægum vogum. Yrði það óheillaspor
stigið að gera umrædda landfyll-
ingu að veruleika er Ijóst að mun
minna skref yrði að bæta við þá
landfyllingu eða fara út í sams kon-
ar framkvæmdir í nálægum vogum.
Það er því full ástæða til að spyrna
við fótum.
Treystum
á bæjaryfirvöld
Á fyrrnefndum íbúafundi var
ákveðið að hefja söfnun undir-
skrifta gegn landfyllingu í Arnar-
nesvogi í þeim hverfum sem liggja
að voginum. Er undirskriftasöfnun-
in vel á veg komin og undirtektir
mjög góðar. Einnig var ákveðið að
óska eftir fundi með bæjaryfirvöld-
um í Garðabæ til þess að lýsa and-
stöðu við umrædda framkvæmd.
Hafa fulltrúar íbúa þegar átt fgndi
með bæjaryfirvöldum og kynnt
þeim sjónarmið sín. Bæjaryfirvöld
hafa eins og við, íbúarnir við voginn,
lýst áhuga á að breyta iðnaðar-
hverfinu í botni hans í íbúðarhverfi
en hafa lagt áherslu á að engin af-
staða hafi verið tekin til hugsan-
legrar landfyllingar. Við treystum
því að bæjaryfirvöld muni láta
skynsemina ráða og taka þá afstöðu
að láta áform um landfyllingu í Arn-
arnesvogi ekki verða að veruleika.
Höfundur er lögfræðingur og fbúi
við Amamesvog
Asmundur
Y0GA$>
STUDIO
Auðbrekku 14, Kópavogi,
sími 5-44-55-60.
GSM 864 1445.
u
HALUR OG SPRUND ehf.
halur@yogastudio.is
Biotone nuddvörur, Oshadhi ilmkjarnaolíur
og Custom Craftworks nuddbekkir