Fréttir frá Íslandi - 01.01.1871, Síða 10

10
LANDSTJÓRN.
ið sú, að a) af hverju tólfrœðu hundraði af fiski, sem hertur er
eða verkaður sem saltfiskur, skuli goldin */* alin, b) af hverri
tunnu af söltuðum fiski V2 alin, c) af hverri tunnu af lýsi, af
hákarli eða öðrum fiski, sem eigi er gjaldskyldur eptir staflið a
og b, skuli goldin ein alin. Nefnd sú, er kosin var til að rœða
frumvarpið, hafði einnig fengið til íhugunar nokkrar bœnarskrár
um málið, er fóru í líka stefnu og frumvarpið. Nefndin hjelt
sjer við aðalstefnu frumvarpsins, en varð ásátt um ýmsar breyt-
ingar. Þingið rœddi síðan málið á lögskipaðan hátt. Þótt sú
skoðun lýsti sjer hjá sumum þingmönnum, að eðlilegra og hag-
kvæmara væri að leggja gjaldið á fremur eptir stœrð skipanna
en eptir aflaupphæðinni, þá áleit þingið þó eigi ástœðu til að
raska gjaldstofninurn, og beiddist því i álitsskjali sínu til kon-
ungs um málið, að frumvarpið yrði gjört að lögum með ýmsum
smábreytingum þingsins.
7. Fiskiveiðamálið eða málið um breytingu á til-
skipun 13. Júní 1787 (um fiskiveiðar erlendra). Nefnd sú, er
þingið setti í málið, rjeð til að aðhyllast frumvarpið, nema 1.
grein þess, þar sem hún gæfi enga tryggingu fyrir því að íslend-
ingum yrði borgið við ágangi erlendra fiskimanna fremur en er.
Þingið komst að sömu niðurstöðu, og bað þess í álitsskjali sínu
til konungs, að hann löggilti frumvarpið, þó svo að 1. grein
væri felld úr og breytingar þingsins að öðru leyti teknar til
greina.
8. Síldarveiðamálið eða málið um síldarveiði með
nót. Nefndin, sem sett var í málið, rjeð þinginu að gjöra ýms-
ar smábreytingar við frumvarpið, en aðhyllast það ( heild sinni.
Þingið gjörði svo, og bað konung síðan í álitsskjali sínu, að gjöra
frumvarpið að lögum með nokkrum smábreytingum þingsins.
9. Laxveiðamálið. Nefnd sú, er sett var til að
rœða frumvarpið, fjekk einnig brjef um málið til íhugunar. í
frumvarpinu er meðal annars ákveðið, að eigi megi veiða lax
frá 1. sept. til 20. maí, og á öðrum tíma árs eigi rúman sólar-
hring um hverja helgi. Nefndin fjellst á frumvarpið í heild sinni,
en gjörði að eins nokkrar smábreytingar. Þingið gjörði á sömu
leið, og bað konung um, að lögleiða það með breytingum
þingsins.
10. Búnaðarskólamálið. í frumvarpinu er ákveð-