Tölvumál - 01.10.1988, Page 6

HUGBÚNAÐARIÐNAÐUR Á ÍSLANDS
STAÐA OG HORFUR
Miðvikudaginn 26. október s.l. efndi Skýrslutæknifélagið til ráðstefnu
á Hótel Sögu um hugbúnaðariðnað á íslandi, stöðu hans og horfur. I
ráðstefnuboði kom fram að íslenskur hugbúnaðariðnaður sé í brenni-
depli, ekki síst nú á tímum kreppu og samdráttar. Fræðsla og umræður
um stöðu hans, vandamál og tækifæri ætti erindi til allra sem láta
sig upplýsingatækni á íslandi einhverju varða. Á ráðstefnunni, sem
haldin var í tilefni Norræns tækniárs voru flutt 7 stutt en fræðandi
erindi. Lína Guðlaug Atladóttir, viðskiptafræðingur hjá Félagi ísl.
iðnrekenda skýrði frá þróun og stöðu menntamála á sviði hugbúnaðar-
gerðar. Arni Arnalds, framkvæmdastjóri Verk- og kerfisfræðistofunnar
talaði um forsendur fyrir árangri í hugbúnaðariðnaði. Ragnar Pálsson,
forstöðumaður Tölvuþjónustu SÍS um hvernig best væri að nálgast
bestu hugbúnaðarlausnina. Ómar Kristinsson, IBM, um markaðsfærslu
IBM á aðkeyptum hugbúnaði. Vilhjálmur Þorsteinsson hjá íslenskri
forritaþróun um reynslu af útflutningi hugbúnaðar. Ingjaldur Hannibals-
son, framkvæmdastjóri Útflutningsráðs um markaðsmöguleika erlendis
og Páll Kr. Pálsson, forstjóri Iðntæknistofnunar íslands um rannsóknir
og þróunarstörf.
Ráðstefnunni voru gerð ítarleg skil á viðskiptasíðu Morgunblaðsins 3.
nóv. s.l. Hér verður aðeins drepið stuttlega á nokkur af þeim atriðum,
sem fram komu í máli framsögumanna og umræðum:
- Of lítil vinna er lögð í kerfisgreiningu, hvort sem þar er um að
kenna skilningsleysi notenda/verkkaupa eða fúski fagmannanna.
- Verð á íslenskum hugbúnaði er mjög lágt miðað við önnur lönd, og
virðast menn í þessum iðnaði hafa vanmetið þann tíma, sem nauðsynlegt
er að reikna sér í vöruþróun, markaðssetningu, símenntun o.s.frv.
- Hugbúnaðarhúsin eru of lítil og fjárvana til að geta t.d. boðið stærri
fyrirtækjum heildarlausnir og unnið traust og tiltrú þeirra.
- Markaðssetning hefur verið vanrækt. Orsakirnar virðast m.a. vera
hugarfar tæknimanna, sem missa áhugann á verkinu eftir að helstu
tæknilegu vandamálin eru yfirstigin. Ennfremur almennt reynsluleysi
í harði sölusamkeppni.
6 TÖLVUMÁL