Tölvumál - 01.10.1988, Page 9

Vilhjálmur Þorsteinsson:
REYNSLA
AF ÚTFLUTNINGI HUGBÚNAÐAR
Vilhjálmur Þorsteinsson flutti eftirfarandi erindi á ráöstefnu um hug-
búnaöariönaö á íslandi, stööu hans og horfur, sem haldin var á vegum
Skýrslutæknifélagins, 26. október s.l. Erindiö birtist hér meö fyrir-
sögnum TÖLVUMÁLA, með góöfúslegu leyfi höfundar.
Aðdragandi
Sú hugmynd að freista þess að flytja út hugbúnað kviknaði hjá mér og
félaga mínum í íslenskri forritaþróun s.f., Erni Karlssyni, snemma
árs 1985. Þá höfðum við unnið í tvö ár að smíði og sölu bókhalds- og
viðskiptahugbúnaðar fyrir innlendan markað, með góðum árangri, en
vorum síður en svo búnir að hlaupa af okkur hornin.
Við töldum okkur hafa komið auga á verðugt verkefni, það að smíða
þýðanda fyrir forritunarmálið Ada. Þetta verkefni sameinaði að okkar
mati tvennt: í fyrsta lagi væri um að ræða nýjan og vænlegan markað,
sem við þekktum sæmilega og gætum rutt okkur til rúms á og í öðru
lagi væri verkefnið tæknilega krefjandi og skemmtilegt.
9 TOLVUMAL