Tölvumál - 01.10.1988, Page 13

tæki. Ef um er að ræða smærri, afmarkaðan markhóp kemur á hinn
bóginn til greina að vasast í sölumálum af eigin rammleik, en menn
ættu að vera viðbúnir því, að kálið sé alls ekki sopið, þótt hugbúnað-
urinn sé kominn á diskinn.
Að lokum: Ég tel að það skipti ekki máli út af fyrir sig, hvort hug-
búnaður er íslenskur eður ei. Mín reynsla er sú að erlendis spyrji
menn ekki um þjóðerni forritahöfunda. Það sem skiptir máli er, hvort
varan hafi markað, sé tæknilega góð, vel prófuð og atvinnumannslega
frá henni gengið.
13 TÖLVUMAL