Dagur - Tíminn - 02.11.1996, Blaðsíða 5
IDagur-ÍEmmm
MENNING O G LISTIR
„Ég hef svo lítið hugmyndaflug að ég þarf alltaf að sækja allt sem ég geri í mitt nánasta umhverfi," segir Þorvald-
ur og telur verkin á sýningunni hvorki frumleg né sérstaklega listræn. Myn&.jinHnu
Laugardagur 2. nóvember 1996 -17
Bókavörður
Bókavörð vantar til starfa við Bókasafn Há-
skólans á Akureyri í hálft starf.
Megin starfssvið hans verður upplýsinga- og not-
endaþjónusta, einkum á sviði uppeldis- og kennslu-
mála bæði fyrir nemendur og starfsfólk háskólans
svo og starfslið grunnskóla á Norðurlandi eystra
skv. samningi milli háskólans og Skólaþjónustu Ey-
þings um vistun kennslugagnasafns. Skilyrt er að
viðkomandi hafi kennarapróf, auk þess sem próf í
bókasafns- og upplýsingafræðum (30 ein.) er æski-
legt.
Nauðsynlegt er að vilkomandi geti hafið störf sem
fyrst.
Laun fara eftir samningi Félags háskólakennara á
Akureyri.
Umsóknir, með ítarlegum upplýsingum um mennt-
un og starfsferil, sendist fyrir 17. nóvember til yfir-
bókavarðar, Háskólanum á Akureyri, Þingvalla-
stræti 23, 600 Akureyri.
Nánari upplýsingar veitir yfirbókavörður í síma 463
0905.
HÁSKÓLINN Á AKUREYRI.
HÁSKÓLIISiN
ÁAKUREYRI
Ævintýri
hversdagsins
g er að reyna að nálgast
hversdagsleikann. Þenn-
an veruleika sem telst
kannski ekki neitt ákaflega list-
rænn eða dramatískur í eðli
sínu en hefur alla tíð verið það
eina sem ég hef sóst eftir að
skilja. Hann er sjálft frumævin-
týrið.“
Það er myndlistarmaðurinn
Þorvaldur Þorsteinsson sem
mælir þessi orð um sýningu
sína, Eilíft líf, sem opnar í dag
klukkan fjögur í Listasafninu á
Akureyri. Þó sjálfur segi hann
að á sýningunni sé ekkert frum-
legt og fátt listrænt er varla
hægt að flokka hana sem hefð-
bundna. Um 200 Akureyringar
munu birtast sýningargestum á
einn eða annan hátt. Sumir á
svokölluðum „skólaspjöldum",
sumir eru myndaðir við algeng-
ar daglegar athafnir, kvenfé-
lagskonur verða á staðnum og
selja kökur og ekki má gleyma
röddunum sem heyrast í mín-
útumyndunum sem verða spil-
aðar í morgunþætti Rásar 2. All-
flestar Maríur bæjarins, sem
listaðar eru í símaskránni,
prýða einnig veggi listasafnsins,
og áfram mætti telja. „Mikilvæg-
ast í sýningunni er að mínu mati
að gera hlutverk listamannsins
hversdagslegra og koma mér
niður á jörðina; horfast í augu
við fólk,“ segir Þorvaldur.
Sækir í samvinnu
Athygli vekur að þó Þorvaldur
setji upp sýninguna eru fæst
verkin eignuð honum einum.
Arnaldur Halldórsson, ljós-
myndari, tók t.d. myndir í ljós-
myndaröð sem sýnir 25 algeng-
ar athafnir fólks í heimahúsum
og í Mínútumyndunum fyrr-
nefndu sá útvarpsmaðurinn
Þorsteinn J. um að taka viðtölin
og klippa þau. „Ég hef lengi sótt
í að vinna með öðrum,“ segir
Þorvaldur. „í leikhúsinu lærði
ég að með því að gefa egóið eft-
ir og sleppa takinu á þeirri
kröfu að vera einstakur og al-
Ég drekk jafnmörg
glös af mjólk,
borða jafnmargar
brauðsneiðar og fer
á sömu sýningar í bíó
hvort sem ég heiti
myndlistarmaður,
rithöfundur eða t.d.
iðnaðarmaður.
ráður er hægt að leysa heil-
mikla orku úr læðingi. Ég hef
nokkrum sinnum skrifað texta
fyrir leikhús sem aðrir hafa síð-
an unnið úr án þess að ég fái
miklu ráðið hvað úr honum
verður á endanum. Útkoman
hefur alltaf orðið betri en ef ég
hefði verið einn að gaufast."
Þorvaldur er á því að sam-
vinna við annað fólk færi lista-
manninn nær almenningi. Hann
segir með ólíkindum hve vel
þeir Akureyringar sem hann
hafi leitað til fyrir þessa sýn-
ingu hafi tekið sér og telur góð-
ar viðtökur merki um traust
fólks á myndlistarmönnum.
„Við erum ekki lengur utan-
garðs. Ég held að þetta sé bara
þjóðsaga sem við höngum á; að
myndlistarmenn séu eitthvað
sér í þjóðfélaginu. Eigi sitt eigið
tungumál, helst svolítið óskilj-
anlegt. Ég hef tröllatrú á að
þessu sé hægt að snúa við og í
því sem ég er að gera reyni ég
að leita að því sem ég á sameig-
inlegt með öðru fólki frekar en
því sem aðgreinir mig og gerir
mig að einhverjum ímynduðum
snillingi. Ég er búin að fá að
leið á að leita að því einstaka
enda einstaklega óáhugavert.“
Erfitt að vera
óskilgreindur
Þorvaldur hefur komið víða við.
Auk þess að vera myndlistar-
maður hefur hann fengist við
ritstörf, bæði fyrir leikhús og
sjónvarp og einnig hefur hann
skrifað tvær bækur. En hvernig
skilgreinir hann sjálfan sig? Er
hann myndlistarmaður, rithöf-
undur eða bara eitthvað allt
annað?
„Ég er búin að reka mig á að
það er ákaflega erfitt að vera
óskilgreindur og getur hrein-
lega tafið fyrir framgangi mála.
Þess vegna reyni ég að hafa á
hreinu að þegar ég er að búa til
sýningar er ég myndlistarmað-
ur, leikskáld þegar ég skrifa
leikrit og rithöfundur þegar ég
skrifa bækur. Að öðru leyti
skiptir þetta mig engu máli. Ég
drekk jafnmörg glös af mjólk,
borða jafnmargar brauðsneiðar
og fer á sömu sýningar í bíó
hvort sem ég heiti myndlistar-
maður, rithöfundur eða t.d. iðn-
aðarmaður. Stundum er ég líka
fyrst og fremst eiginmaður og
stundum áhugamaður um golf.
Nú eða bara maðurinn sem hef-
ur áhyggjur af því hvort hann
eigi að skipta yfir á nagladekk.
Ég er bara það sem ég er
hverju sinni.“ AI
Sigrún
Astrós
Sýning laugard. 2. nóv. kl. 20.30.
*
Dýrin í
Hálsaskógi
eftir Thorbjarn Egner
Sýningar:
Laugard. 2. nóv. kl. 14.00
- Uppselt
Sunnud. 3. nóv. kl. 14.00
Sunnud. 3. nóv. kl. 17.00
MuniS kortasöluna okkar
Sími 462 1400
MiSasalan er opin alla virka daga
nema mánud. kl. 13.00-17.00
og fram aS sýningu sýningardaga.
Símsvari allan sólarhringinn.
Simi í miSasölu: 462 1400.
i ]ítgttr-(IItttTtmT
- besti tími dagsins!
<s>
ÞJÓBLEIKHÚSH)
Stóra sviðið kl. 20.00:
Söngleikurinn Hamingjuránið
eftir Bengt Ahlfors
í kvöld, fimmtud. 7. nóv.,
sunnud. 10. nóv„ föstud. 15. nóv.
Ath! Aðeins 4 sýningar eftir.
Þrek og tár
eftir Ólaf Hauk Símonarson.
Á morgun. Nokkur sæti laus
Föstud. 8. nóv. Nokkur sæti laus
Laugard. 16. nóv. Nokkur sæti laus
Ath. Takmarkaður sýningafjöldi
Nanna systir
eftir Einar Kárason og
Kjartan Ragnarsson
Laugard. 9. nóv.
fimmtud. 14. nóv.,
sunnud. 17. nóv.
Kardemommubærinn
eftir Thorbjörn Egner
Á morgun kl. 14.
Nokkur sæti laus.
Sunnud. 10. nóv. kl. 14.
Sunnud. 17. nóv. kl. 14.
Ath. aðeins 5 sýningar eftir.
Smíðaverkstæðið kl. 20.30
Leitt hún skyldi vera skækjá
eftir John Ford
Miðvikud. 6. nóv. - Uppselt.
Laugard. 9. nóv. - Uppselt.
Fimmtud. 14. nóv. - Uppselt.
Sunnud. 17. nóv., föstud. 22. nóv.
Athygli er vakin á að sýningin er ekki
við hæfi barna.
Ekki er hægt að hleypa gestum inn í
salinn eftir að sýning hefst.
Litla sviðið kl. 20.30:
í hvítu myrkri
eftir Karl Ágúst Úlfsson
i kvöld. Uppselt.
Á morgun. Uppselt.
Fimmtud. 7. nóv. Uppselt.
Föstud. 8. nóv. Uppselt.
Föstud. 15. nóv. Uppselt.
Laugard. 16. nóv. Uppselt.
Fimmtud. 21. nóv. Uppselt.
Sunnud. 24. nóv. Örfá sæti laus.
Aukasýning sunnud. 10. nóv.
Athugið að ekki er hægt að hleypa gest-
um inn i salinn eftir að sýning hefst.
Listaklúbbur Leikhúskjallarans mánud.
4. nóv. kl.21.00
Hrólfur eftir Sigurð Pétursson í flutningi
Spaugstofunnar.
Leikendur: Sigurður Sigurjónsson, Örn
Árnason, Karl Ágúst Ulfsson, Pálmi
Gestsson og Randver Þorláksson.
Aukasýning mánud. 4. nóv. kl. 17.00.
Uppselt.
★ ★ ★
Miðasalan er opin mánud. og
þriðjud. kl. 13.00-18.00,
miðvikud.-sunnud. kl. 13.00-20.00 og til
20.30 þegar sýningar eru á þeim tima. -
Einnig er tekið á móti slmapöntunum frá kl.
10.00 virka daga. - Sími 551 1200.