Dagur - Tíminn - 02.11.1996, Blaðsíða 15
|0agur-'3Imrám
Laugardagur 2. nóvember 1996 - 27
A N N A
O G
ÚTLITIÐ
Bamaföt
Anna F.
Gunnarsdóttir
skrifar um tísku
Barnaföt þurfa fyrst og
fremst að vera þægileg til
þess að hindra ekki
hreyfivídd barnanna. Best er
að hafa fötin úr náttúrulegum
efnum t.d. úr silki, bómull eða
ull. Skemmtilegra er að barna-
fötin séu í fallegum litum, helst
ekki svört nema til að eiga við
jarðarfarir. Barn þarf að eiga
hversdagsfót og spariföt.
Spariföt í dag eru ekki lengur
óþægileg eins og þau oft hafa
verið. Til að fræðast betur um
barnaföt hafði ég samband við
Jórunni í barnafataversluninni
Dýrðlingar:
- Ræður það úrslitum um val
á barnafatnaði hvað erí tísku?
„Nei, fólk lætur börnin sín
máta og metur svo fötin út frá
því.“
- Finnst þér foreldrar horfa í
peningana þegar um fatakaup
fyrir börnin er að ræða?
„Nei, en skipta má fólki í tvo
hópa hvað varðar fatakaupin.
Annarsvegar fólk sem vill það
besta fyrir börnin sín, þ.e.
vandaða og góða vöru, og hins-
vegar fólk sem
vill bara ódýrt.“
- Kaupir fólk
ekki ódýrt vegna
þess að barn
stækkar svo
fijótt upp úr flík-
inni að það
borgar sig ekki
að kaupa dýrt?
„Það getur
verið sjónarmið
útaf fyrir sig en
mér finnst að
fólk sem gerir
kröfur um fínan
og vandaðan
fatnað á sjálft
sig leggi alltof
lítið upp úr fatn-
aði hjá börnum
sínum. Það er
ekkert eins öm-
urlegt að sjá vel
búna foreldra
með illa útbúin
börn.“
- Spáir fólk í
snið þegar fatn-
aður er valinn á barnið?
„Já, fólk spáir mjög mikið í
útlitið. Það spyr hvað er nýtt og
hvað selst aðallega og metur
svo vöruna út frá því.“
- Hverjir eru það sem kaupa
helst betri fatnað á börnin. For-
eldrar ömmur eða afar?
„Ömmur og afar hugsa
meira um betri fatnað fyrir
börnin sín, þ.e. kápur, kjóla,
vandaðar blússur og pils. Ömm-
ur og afar eru mjög barnvænt
Dýrt eða ekki dýrt?
- Hvaðan færð þú helst fötin?
„Frá Hollandi, Danmörku og
Frakklandi. Hönnuðir þessara
fyrirtækja sem ég versla við
leggja mikið upp úr litum og
munstrum og er mikið spáð í
samsetningu þeirra. Hægt er að
kaupa eina flík nú og bætt við
hana næsta ár á eftir.“
- Buxur hjá þér kosta
kannski fjögur til fimmþúsund
krónur. Er það ekki frekar dýrt
miðað við
hvað barnið
stækkar
fljótt?
„Ekki vil
ég meina það
því buxurnar
eru hannað-
ar þannig að
eftir því sem
þær eru
styttri þeim
mun meiri
stíl mynda
þær. Efnin
eru mjög góð
og þær halda
sér alltaf eins
og nýjar.
Buxurnar
eru yfirleitt
með streng
og treyju um
mittið. Allt til
þess að
hindra ekki
hreyfigetu
barnanna."
- Hvernig
eru skórnir hjá þér?
„Ég er með franska skó sem
eru frekar dýrir en halda lögun
sinni mjög vel. Oft þurfa börn
að vera í alltof stórum skóm til
þess að þeir endist betur. Hugs-
ið ykkur hvernig foreldrum
fyndist að skórnir myndu
skrölta á fótunum. Spariskórnir
eru mjög ódýrir og eru lakkskór
og er efnið í þeim gallon sem
þolir þvott.“
- Hvernig er strákalínan hjá
þer?
„Sparibuxurnár eru teinóttar
ullarbuxur og eru þær fóðraðar
vegna aukins ofnæmis hjá fólki
fyrir lúl. Jakkar eru í miklu
uppáhaldi en vestin víkja.
Skyrtur og þunnar peysur eru
alltaf sígildar.“
Spariföt og útgallar
- Mér finnst það fara minnk-
andi að börn séu fín á tyllidög-
um og þykir mér það miður. Við
foreldrar eigum að gera börn-
um okkar dagamun frá hvers-
dagsleikanum eins og við ger-
um með okkur sjálf. Hvað finnst
þér um þetta?
„Spariföt eru meira hugsuð
út frá hagræðingarsjónarmið-
um. Þau eru sportlegri og gróf-
ari þannig að auðvelt sé að
nota þau dags daglega."
- Mér finnst sorglegt að
horfa upp á hálfsoðin börn sem
eru í vatnsheldum galla, sem
ekki andar, úti að leika sér.
Hvernig væri að gera kröfur um
efni sem „anda“ fyrir börnin?
Einnig eru börn of oft mikið
klædd. Hvað kostar að þínu
mati að klæða börn upp fyrir
veturinn?
„Það má áætla að alklæðnað-
ur kosti á milli fimmtíu og sex-
tíuþúsundkr ónur. “
- Hvernig er útlitið á kjólun-
um í dag?
„Kjólarnir eru með jap-
önskum áhrifum, þ.e. með
kína-hneppingu, blómamynstur
og silkiáferð. Einnig eru flauels-
efni með mynstrum áberandi
og mikið lagt upp úr krögum og
bekk neðan á pilsunum. Kjól-
arnir eru oft þröngir að ofan en
með vídd á neðri hlutanum svo-
kallað hefðbundið prinsessun-
snið.“
fólk.“
Sigurborg Kr.
Hannesdóttir
skrifar
frá Egilsstööum
Gott í kroppinn
Líður þér vel líkamlega?
Eða finnurðu fyrir stöð-
ugum verkjum, vöðva-
bólgu og spennu? Ertu
sátt(ur) við líkamann þinn?
Eða ertu upptekin(n) af hugs-
unum um að hann ætti að
vera einhvern veginn öðru-
vísi en hann er?
Við upplifum djúpa vellíð-
an þegar það ríkir algjört
jafnvægi milli líkama, hugar
og tilfinninga. Ef þú upplifir
sjaldan shka vellíðan hætt-
irðu að gera kröfur um hana.
Þú sættir þig við spennuverki
hér og þar, hnúturinn í mag-
anum fer að verða þér eðli-
legur og þannig mætti lengi
telja. Smátt og smátt hætt-
irðu að kunna að slaka á og
njóta. Njóta lífsins.
Þegar við slökum vel á lfk-
amanum, opnast hann og
orkuflæðið eykst. Við kom-
umst inn á ný stig vellíðunar
og öll líkamleg upplifun verð-
ur mun sterkari en venju-
lega. Við finnum einfaldlega
betur fyrir því að vera lif-
andi. Ef þú vilt gera svolitla
tilraun til að auka líkamlega
vellíðan, getur þú fylgt þess-
um skrefum.
í fyrsta lagi skaltu leyfa
þér að þykja vænt um líkama
þinn, eins og hann er, þú
færð ekki annan í þessu lífi,
og því eins gott að þú sættir
þig við hann strax. Allt annað
er tímasóun, sem mun aðeins
skila þér vanlíðan. Hugsaðu
um líkamann eins og besta
vin þinn.
Síðan skaltu hugsa þannig
að allt sem þú gerir fyrir lík-
amann eigi að vera gott. Þeg-
ar þú andar, skaltu anda
djúpt og halda hkamanum
slökum. Þegar þú hreyfir þig,
skaltu njóta þess. Njóta þess
að taka á, hitna og svitna. Og
finndu hversu góð líkamleg
líðan fylgir því að syngja og
dansa af öllum lífs og sálar
kröftum.
Þegar þú nýtur ásta skaltu
njóta með öllum líkamanum
og halda önduninni djúpri til
að upplifa til fulls. Prófaðu
líka að stilla þig inn á öndun
mótaðilans. Síðast en ekki
síst eru svo máltíðirnar. í
stað þess að gleypa eitthvað í
þig, standandi við eldhús-
bekkinn, skaltu njóta máltíð-
arinnar út í ystu æsar. Sá
háttur sem Frakkar hafa á,
að taka sér góðan tíma í að
borða vel undirbúnar máltíð-
ir, er sennilega einhver holl-
asta neysluvenja sem við
gætum tamið okkur. Hugsaðu
um máltíðina sem athöfn þar
sem þú ert að næra bæði Ifk-
ama og sál. Njóttu þess að
elda og undirbúa máltíðina
með þetta í huga. Eins og þú
viljir gleðja með þessum mat.
Gleðja þig, gleðja líkama
þinn. Og að sjálfsögðu gleður
þú aðra heimilismenn í leið-
inni. Þegar þú borðar skaltu
svo gefa þér tíma, anda og
halda líkamanum slökum,
tyggja vel og jafnvel hugsa
um hvernig líkaminn er að
taka við þeirri næringu sem
þú ert að gefa honum.
Vertu þakklát(ur) fyrir lík-
ama þinn. Hann hefur borið
þig í gegnum þetta líf og sá
hluti þess sem eftir er, er að
miklu leyti undir honum
kominn.
Góð heilsa er ekki eitthvað
sem við getum gengið að sem
vísu. Þess vegna getum við í
raun verið þakklát fyrir
hvern þann dag sem líkam-
inn okkar er í góðu lagi.
Þakklæti og sátt við líkamann
mun færa þér vellíðan. Þú
ferð að finna hvernig það er
svo miklu betra að njóta lífs-
ins þegar allt sem þú gerir,
er „gott í kroppinn".
Vetur konungur er geng-
inn í garð. Fyrsti vetrar-
dagur var fyrir viku síð-
an. Við fögnum gjarnan sumri
en blótum vetrinum. Hér koma
því fáein atriði til að minna
okkur á að veturinn hefur sína
kosti þótt kaldur sé.
• Á köldum vetrarkvöldum er
notalegt að draga fyrir glugga-
tjöldin, koma sér vel fyrir í
hægindastól fyrir framan eldinn
og gæða sér á nýbökuðum
skonsum.
• Hvað er betra en heitt kakó
eftir göngutúr á köldum vetrar-
degi?
• Fátt kætir börnin okkar
meira en nýfallinn snjór.
• Þeim sem leiðist garðavinna
geta horft á garðinn sinn út um
gluggann án nokkurs samvisku-
bits.
• ískaldar tásur gefa okkur
góða ástæðu til að sækjast eftir
hlýju frá þeim sem við elskum.
• Fyrst veturinn er kominn fer
að styttast í vorið.