Dagur - Tíminn - 02.11.1996, Blaðsíða 8
20 - Laugardagur 2. nóvember 1996 jDctyur-CmTÍrat
Helga í hóp með
sunnudagaskólabörnum.
Og allir syngja af lífi og sál.
Hvítasunnukonan
semur fyrir Þjóðkirkjuna
Uppbygging laganna er meðvituð hjá
mér, ég verð að semja lögin í takt við
tíðarandann til að ná athygli
barnanna. Boðskapurinn er
einfaldur þar sem ég höfða til
vináttu, réttlœtis og reglusemi.
Regnboginn, Nói og Englar
Guðs. Þessi lög hljóma nú
í öllum kirkjum landsins
á sunnudagsmorgnum í sunnu-
dagaskólanum. Það þekkja öll
börn og þeir foreldrar sem
mæta í sunnudagaskólana. Fáir
vita að höfundurinn að lögun-
um er Hvítasunnukonan Helga
Jónsdóttir, fimm barna móðir í
Vestmannaeyjum. Helga og eig-
inmaður hennar, Arnór Her-
mannsson, sáu um barnastarfið
í Hvítasunnukirkjunni í þrjú ár
en voru fengin til þess að koma
í Landakirkju í Eyjum og kynna
lög Helgu. í stuttu máli slógu
lögin í gegn og aðsókn í sunnu-
dagaskólann í Eyjum hefur ver-
ið með eindæmum.
„Þegar við sáum um starfið í
Hvítasunnukirkjunni fannst
okkur vanta ný lög í tengslum
við efnið sem við vorum með.
Þá var ekki annað að gera en
að setjast niður og semja. Ekk-
ert lag var til um regnbogann,
Nóa gamla eða englana. Ég sá
það fljótlega að börnin vildu
hafa líf í lögunum og því stað-
færði ég þau með góðri hjálp
þeirra," segir Helga.
í vor var farið þess á leit við
Helgu að semja lög fyrir
fræðsludeild Þjóðkirkjunnar í
sunnudagaskólum landsins í
vetur. Helga samdi tíu lög og
voru fjögur af þeim valin og sett
í fræðsluhefti Þjóðkirkjunnar
sem er lagt til grundvallar
starfi sunnudagaskólanna í
landinu. Ekki nóg með það
heldur voru tvö lög tekin upp á
myndband og öll tíu lögin sem
Helga sendi til fræðsludeildar
kirkjunnar voru tekin upp af
Ríkissjónvarpinu til að sýna í
sunnudagaskóla morgunsjón-
varpsins á sunnudögum í vetur.
Um allt land
Elín Jóhannsdóttir, sem sér um
barnastarfið á vegum fræðslu-
deildar Þjóðkirkjunnar, heyrði
af lögum Helgu vegna ábend-
ingar frá séra Jónu Hrönn
Bolladóttur í Eyjum. Elín varð
yfir sig hrifin og ákvað að koma
þeim á framfæri. Segja má a,ð
boltinn hafi farið að rúlla fyrir
alvöru eftir ábendingu Jónu
Hrannar því lög Helgu hljóma
nú í sunnudagaskólum í kirkj-
um landsmanna um land allt.
Og ekki nóg með það heldur tók
Ríkissjónvarpið, eins og fyrr
segir, lög Helgu upp á arma
sína.
Helga segir að þetta sé mikill
heiður fyrir sig. Hún hefði verið
að semja barnalög í gegnum
tíðina en búist við því að það
yrði aðeins fyrir sig og sína
nánustu. Helga starfaði í
barnastarfi Hvítasimnukirkj-
unnar í mörg ár en sl. vetur
voru hún og eiginmaður henn-
ar, Arnór Hermannsson, fengin
til þess að vera með í sunnu-
dagaskóla Landakirkju þar sem
Helga hefur kynnt lög sín við
frábærar undirtektir.
„Fræðsludeild kirkjunnar
hefur einnig beðið mig að
Lög Helgu eru
skemmtilega upp
byggð. Þeimfylgja
ýmsar einfaldar hreyf-
ingar, táknmálog
hljóð og höfða því vel
til barnanna. Það hef-
ur blaðamaður sjálfur
séð í sunnudaga-
skólanum.
semja jólalag sem senda á öll-
um leikskólum á landinu. Þá
vantaði einfalt jólalag sem
semja átti út frá ákveðinni
sögu. Ég er nýbúin að senda
lagið frá mér og búin fá það
samþykkt. Ég hef fengið þau
skiláboð frá þjóðkirkjunni að
hún hyggi á meira samstarf við
mig í framtíðinni. Fyrir mig er
þetta algjört ævintýri. Ég er
mjög þakklát fyrir að hafa feng-
ið að starfa í sunnudagaskóla
Landakirkju. Annars hefði ég
aldrei fengið þetta tækifæri.
Mér hefur nú verið falið að
stjórna barnakór í Landakirkju
sem við köllum Litla lærisveina.
Það er kórinn sem syngur lögin
í sjónvarpsupptökunum og mér
sýxúst við hafa nóg að gera í
vetur,“ segir Helga.
Uppeldislegt gildi
Lög Helgu eru skemmtilega upp
byggð. Þeim fylgja ýmsar ein-
faldar hreyfingar, táknmál og
hljóð og höfða því vel til
barnanna. Það hefur blaðamað-
ur sjálfur séð í suimudagaskól-
anum.
„Uppbygging laganna er
meðvituð hjá mér, ég verð að
semja lögin í takt við tíðarand-
ann til að ná athygli barnanna.
Boðskapurinn er einfaldur þar
sem ég höfða til vináttu, rétt-
lætis og reglusemi. Sem dæmi
er mér hugleikin saga úr Biblí-
unni sem ég ákveð að semja lag
um. Ég einfalda guðfræðina og
sleppi smáatriðum og reyni
þannig að aðlaga textann að
hugsanagangi og orðaforða lít-
ils barns. Ég er allt frá einum
degi og upp í tvo mánuði að
semja lögin, það er allur gang-
ur á því. Ég reyni að hafa lögin
þannig að þau hafi uppeldislegt
gildi. Það er einfaldlega mín
ábyrgð þar sem þau eru farin
að ná til íjöldans," segir Helga.
Fullt hefur verið út úr dyrum
í sunnudagaskóla Landakirkju í
vetur. Helga segir barnastarf í
Landakirkju í miklum blóma og
sé leitun að öðru eins á Iands-
vísu og þótt víðar væri leitað.
Aðdáunarvert sé einnig að sjá
hversu foreldrar eru duglegir
að koma með börnin sín í
sunnudagaskólann
„Ég er þakklát fyrir það ör-
læti frá Guði að hafa gefið mér
þessa gjöf. Ég vona að ég of-
metnist aldrei,“ sagði Helga
ennfremur.
„Samstarf Hvítasunnuhjón-
anna í Eyjum við Þjóðkirkjuna
sýnir að allt er hægt enda er
tími kominn til að við sem
kennum okkur við Krist störf-
um saman,“ eins og IJelga
komst að orði. ÞoGu
Guðrún Erlingsdóttir hefur starfað f Sunnudaga-
skóla Landakirkju í mörg ár. Hún segir að tónlist
Helgu hafi heldur betur lífgað upp á
tónlistarflóruna í sunnudagaskólanum.
Það góða við lög Helgu eru boðskapurinn, hann er
einfaldur og kemst vel til skila. Þá er Helga með
hraðari og hressari takt en gömlu sálmalögin sem
auðvitað eru einnig ómissandi. Þetta fer vei saman.
„Segja má að lög Helgu séu annar flutningur á
góðu efni,“ segir Guðrún.
„Lögin ná vel tii krakkanna og öll kirkjan er á iði
þegar lög Helgu hl]óma.“ Guðrún segir að krakk-
arnir fái svo mikla útrás eftir að hafa sungtð lögin
en þau séu prúð og stillt þegar kemur að kristilega
þættinum. „Þetta er góð viðbót og ánægjulegt að
hafa fengið þau h]ón, Helgu og Arnór til starfa f
Þjóðkirkjunni," segir Guðrún.