Dagblaðið Vísir - DV - 03.04.1982, Blaðsíða 8

DAGBLAÐIÐ & VlSIR. LAUGARDAGUR 3. APRlL 1982.
8
;OtQ«uW«B: FfJAIc qwmlálun hf.
'8t}ónwformaður og útBéfustJórl: 8vslnn R. EyJúHsson.
'Frsnútvasmdsstjóri og útuáfustjóri: Hfirður Elnsrsson.
'Rltstjórsn Jónss Krist)ónsson og EBsrt B. 8chrsm.
Afistofisrrttstjðrl: Hsukur Hslgsson.
Fróttsstjórl: Samundur Qufivlnsson.
Auglýslngsstjórsr PÓ8 Stsfónsson og IngóHur P. Stsinsson.
Ritstjóm: Síðumúta 12-14. Augiýsinyar: SMJumúla 8. AfgraiMi, áskrtftir, .mAauglý.lngar, •krtfatofa:
thrarhoM 11. Sfeni 27022.
Sfrni ritstjómar 86611.
Satnlng, umbrot, mynda- og piötugarð: Hilmir M., Sfðumúla 12.
Prsntun; Aryókur WL.SksHunnl to, ______ ________________________
^Askrtftsrvsrfi ó 110 kr. Vsrfi I Isusssðki 0 kr. Hstgsrhlsfi 10 kr.
Valdið og freistingin
Enda þótt enn séu tæpir tveir mánuðir til sveitar-
stjómarkosninga er þegar farið að hitna í kolunum. í
fyrradag kom til snarpra umræðna í borgarstjórn
Reykjavíkur vegna útgáfu bæklings um skipulagsmál.i
Davíð Oddsson talsmaður minnihlutans kvaddi sér
hljóðs utan dagskrár á borgarstjórnarfundi þar sem
hann hafði haft spumir af útgáfu bæklingsins. Óskaði
hann eftir því, að borgarfulltrúar fengju tækifæri til að
kynna sér efni ritsins, en auk þess gagnrýndi Davíð að
,,meirihlutinn notaði peninga skattborgaranna til að
dreifaáróðri”.
Báðum þessum athugasemdum var vísað á bug af
meirihlutamönnum og borgarbúar munu næstu daga
fá bæklinginn inn um bréfalúgurnar.
Hér munu vera á ferðinni skipulagstillögur þær, sem
meirihluti borgarstjómar hefur samþykkt fyrr á kjör-
tímabilinu. Á sínum tíma vöktu þær upp deilur, enda
orka þær mjög tvímælis, svo ekki sé meira sagt. í skoð-
anakönnunum kom fram að meirihluti Reykvíkinga
var andvígur þeim ráðagerðum, sem aðallega felast í
því að skipuleggja byggð við Rauðavatn ofan við Ár-
bæjarhverfið. Sá ágreiningur skal látinn liggja milli
hluta og er ekki aðalatriðið umræðunnar í íyrradag. Út
af fyrir sig getur það ekki talist gagnrýnisvert, að lög-
legur meirihluti í borgarstjórn, sem staðið hefur að
samþykkt og ákvörðunum um skipulagsmál, vilji
kynna þetta sama skipulag fyrir borgarbúum. Hitt er
alvarlegra ef réttu máli er hallað og kynningarrit sem
þetta er einhliða áróður um umdeilda ákvörðun, kosn-
ingapési fyrir tiltekna flokka.
Þess vegna er sú ósk réttmæt hjá minnihlutanum að
fá tækifæri til að lesa bæklinginn yfir, enda er hann
gefinn út í nafni borgarstjómarinnar allrar.
Það kom og í ljós við umræðuna að flestir meiri-
hlutafulltrúarnir höfðu enga vitneskju um innihald
bæklingsins.
Það er vissulega reginhneyksli ef meirihluti borgar-
stjórnar nýtir sér fé skattborgaranna til að dreifa bækl-
ingum til borgarbúa, í þeim tilgangi að kasta ryki í
augu þeirra og upphefja sjálfa sig.
Sjálfstæðisflokkurinn sat við völd í Reykjavík í
hálfa öld, og hvað svo sem sagt verður um þann valda-
feril, þá var hann aldrei sakaður um að mgla saman
fjárreiðum borgarsjóðs og eigin herkostnaði, þegar til
kosninga dró. í rauninni má það teljast lofsvert afreki
að halda svo á málum í fimmtiu ár, að engin spilling
eða misnotkun skyldi upplýsast þá loks sá flokkur
missti völdin. Af þeim ástæðum hafa fulltrúar Sjálf-
stæðisflokksins í borgarstjórn efni á því að vara við og
gagnrýna, ef og þegar slík misnotkun á sér stað, eftir
fjögurra ára valdaferil hinna flokkanna.
Páll Pétursson, formaður þingflokks framsóknar-
manna, flutti ræðu i þinginu nú í vikunni og gaf í skyn
að stórfelld misbeiting á opinberri aðstöðu og fé hefði
átt sér stað meðal valdhafa vegna Blönduvirkjunar.
Áður hefur verið upplýst, að tveir ráðherrar höfðu í
heimildarleysi boðið gull og græna skóga í sama til-
gangi. öll þjóðin hefur orðið vitni að siðlausum af-
skiptum samgönguráðherra í tengslum við kaup Arnar-
flugs á Iscargo. öll þessi dæmi eru talandi tákn þess,
hversu sú freisting er hættuleg og nálæg fyrir valdhafa
að misnota aðstöðu sína. Núverandi meirihluti borgar-
stjórnar ætti að varast að falla fyrir þeim freistingum.
íslenskir kjósendur hugsa þeim þegjandi þörfina, sem
misnota vald sitt.
ebs
Kosturinn við að búa á tslandi er,
að þar færðu allt, sem hugurinn
girnist....öðru hvoru megin við
helgina. Það er sama, hvað þér dettur
í hug að kaupa þér, þú getur gengið
að því sem vísu hér á landi...bara
ekki i bláu númer 42.
,,Það er ekki til” er ekki til í orða-
forða verzlunarmannanna okkar.
Þótt ekkert sé inni I sjoppúnni annað
en afgreiðslumaðurinn segir hann:
„Jú, við eigum það til...... inni í
tollvörugeymslu, á bakkanum, í
pöntun, á leiðinni til landsins ef ekki í
tolli.” Og sé það hvorki nýbúið né
rétt ókomið, þá er bara hægt að
panta það fyrir þig, smíða það fyrir
þig, jafnvel finna það upp fyrir þig.
Ég þekki mann, sem náði sér í um-
boð fyrir góðar flísatengur fyrir
mörgum árum og hefur síöan lifað
góðu lífi. Þetta var hans vendipunkt-
ur í lífinu. Ég veit líka um mann, sem
flytur inn plastik utan um bjúgu og
bróðir hans, sem breytir öllu, sem
hann snertir, I olíu, er með umboð
fyrir umferðarljós. Með vaxandi um-
ferð hefur fyrirtæki þess siðarnefnda
verið skipt upp I þrjár deildir. Eini
þeirra sinnir nú einvörðungu græna
ljósinu.
Ég komst að þvf, að það eru til
fulltrúar á íslandi fyrir allt, sem
framleitt er í heiminum, þegar ég
ætlaði loks að taka á mig rögg og
hefja innflutning á einhverju. Ég
ætlaði að vera framsýnn og fá mér
umboð fyrir þægilega geimferðar-
búninga^en jafnvel þar hafði einhver
orðið á undan mér.
Ég var að gefast upp, þegar ég fékk
þá snjöllu hugmynd einn rígningar-
daginn að reyna að krækja mér i
einkaumboðið á íslandi fyrir gott
veður. Miðað við veðráttuna gat ekki
verið, að neinn væri með umboðið
fyrir þaö hér á landi.
Ég gáði I simaskrána undir erlend
umboð fyrir sólargeisla frá Flórida en
hingað kominn reyndist hann bæði
blautur og kaldur og þar með ekkert
frábrugðinn okkar veðráttu.
Ég komst í samband við góöan
aðila á Spáni, sem sérhæfir sig í að
flytja út gott veður, pakka því og
koma því á skip fyrir lítið verð.
Ég fékk átta sólardaga í tilrauna-
sendingu með síðasta Laxfossi. Þetta
voru nokkrar mismunandi gerðir. Ég
fékk einn dag af dýrustu týpunni,
heiðskíranhiminnallan sólarhringinn,
hitinn frá 15 til 25 stig. Lognið er
innifalið I þessarí týpu, en verður að
Úrritvél
Jóns Björgvinssonar
sérpantast meö þeim ódýrari, þar sem
dregur fyrir sólu I einn upp i fjóra
klukkutíma á dag.
Veðurstofan sýndi ódýrasta degin-
um nokkurn áhuga og ætlaði að
dreifa honum um veðurathugunar-
stöðvar sínar í tilraunaskyni. Ef það
gengi vel var jafnvel talað um, að ég
pantaöi fyrir þá tvo til þrjá daga af
lúxus týpunni til að eiga upp á sumar-
ið.
En málið strandaði í tollinum. Ég
vildi flytja þetta inn undir flokkun-
inni 29.34.01. (Ýmis önnur lífræn og
ólífræn efnasambönd) og ekki borga
nein aðflutningsgjöld. En þeir á toll-
inum vildu flokka þetta með
loftþyngdarmælum og öðrum veöur-
tækjum I 90.23.14 og leggja á þaö
35% toll, 24% vörugjald, 1% tollaf-
greiðslugjald og 25.85% sölugjald
eða flokka það jafnvel með sólar-
lömpum í 85.20.06 með enn hærri
álögum.
Það mundi með öðrum orðum
þýða, að við hefðum ekki efni á nema
einum virkilega góðum veðurdegi á
árí vegna tolla.
Síðustu þrem vikum hef ég varið
niðri á tollstjóraskrifstofu til að leið-
rétta þetta ranglæti. Eina niðurstað-
an, sem ég hef komizt að er sú, að
væri Livingstone lifandi legði hann
vafalaust strax upp í leiðangur um
myrkviöi islenzka tollafrumskógarins
með minnst þrjátlu innfædda burðar-
menn.
Góða veðrið okkar er sem sagt fast
í tolli og það er útséð um, að ég nái af
þessari sendingu fyrir hvítasunnuna.
En ég geri mér vonir um að geta leyst
einn eða tvo sæmilega daga út fyrir
sumarið...... öðru hvorum megin
viðeinhverja helgina.