Dagblaðið Vísir - DV - 21.05.1983, Blaðsíða 23

Dagblaðið Vísir - DV - 21.05.1983, Blaðsíða 23
DV. LAUGARDAGUR21. MAÍ1983. 23 Popp Popp Popp Popp Popp Þaö hefur smám saman orðið lýð- um ljóst aö popp og rokk dafna bærí- lega í fleiri löndum heldur en Bret- landi og Bandaríkjunum. Meira aö segja Bretar og Bandaríkjamenn viðurkenna oröiö aö svo sé. Það má til sanns vegar færa aö í Eyjaálfu sé einhver frjóasti jarðvegur popps- ins/rokksins þessi misserín, utan móðurlandanna tveggja. Frá Ástra- liu hafa f rá öndverðu komið nafntog- aðir listamenn á borð við hina jarm- andi Bee Gees bræður og Oliviu New- ton-John hina fögru. Og við skulum bæta hinum smávöxnu en kraftmiklu AC/DCvið. En hægan nú. Þessir þrír aðilar munu ekki ástralskir nema að nafn- inu til. Allir eru þeir nefnilega inn- flytjendur en ekki innfæddir Ástral- ir. A þetta benda fimmmenningar er nefna sig Men At Work og hafa ný- lega slegið hressilega í gegn í Banda- ríkjunum og Evrópu. Þeir segja að tæpast megi líta á Gibbbræður, Oli- víu og AC/DC sem dæmigerð sýnis- horn af ástralskri poppmúsík. Af orðum þeirra má ráða að sjálfir séu þeir nær þvi að kallast „hin týpíska ástralska poppgrúppa". Og ef svo er er ekki ástæöa til að ör- vænta. Men At Work gáfu út plötuna Business As Usual í hittifyrra en hún vakti fyrst verulega athygli í öðrum heimsálf um seint á síðasta ári. Fyrst lagið „Who Can It Be Now" og síðan „Down Under" sem notið hefur fá- dæma vinsælda. Nú í mars kom önn- ur breiðskífa sem nefnist Cargo og hefur lagið Over Kill náð að klifra hátt á vinsældalista. Men At Work virðast þvi f astir í sessl Hljómsveitina skipa fimm menn. Fyrstan skal telja Colin Hay sem er eigandi hinnar hásu en viðkunnan- legu söngraddar sem er aðalsmerki Men At Work. Hay semur að auki flcst laganna og öll sem einhverjum vinsældum hafa náð. Hann leikur auk þess á gitar. Sólógítarísti er hins vegar Ron Strykert og hefur hann vakið mikla athygli sem slíkur enda stíll hans sérstæður um margt. Þeg- ar hann var eitt sinn í viðtali spurður hver jir helstu áhrif a valdar hans sem gítarleikara væru svaraði Ron: „Brennivín.. og margir breskir gtt- arístar, sér í lagi Jeff Beck." Þeir Hay og Strykert hafa lengi staðið saman. Alit frá þvi þeir störfuðu í banka og hættu saman og héldu á vit f rægðarinnar til Melbourne. A litlum pöbbi í borginni hittu þeir gamlan skólafélaga Hays og trommara, Jim Speiser, og John Rees bassaleikara sem stundaði tónlistarnám á píanó og fiðlu. Þeir tveir slógust í hópinn. Við sama tónlistarskóla og Rees nam var annar vinur Hays við nám. Sá hét Greg Ham, saxófón-, flautu- og hljómborðsleikarí. Liðið varfullskip- að. Saman byrjuðu Men At Wórk að spila á litlum pöbbum fyrir lítinn pening. En hvaðan kom nafnið? Imienai IWORK Colin Hay hefur orðið. „Það var bara eitt af þessum nöfnum. Við áttum að byrja að spila á pöbbi einum og við vorum nafnlausir. Men At Work var ein af fjölmörgum litlausum uppá- stungum, að okkur fannst. Og þegar við gengum inn á sviðið spurðum viö bara, ja, af hverju ekki Men At Work eins og eitthvað annað? Þetta er hræðilega venjulegt nafn og engin sniðug saga á bak við það." Og þannig gekk um nokkurt skeið. Einn góðan veðurdag komu útsendarar CBS hljómplötufyrirtækisins. Ekki að beiðni Men At Work heldur æsts aðdáanda þeirra sem að sögn trúði meira á mátt þeirra og megin en þeir sjálfir. Tónlistin fékk brátt fast form. Kannski að hún sé dæmigerð fyrir Astraliu. Eitt er það sem bendir i þá átt. Fyrir nokkru vakti önnur áströlsk hljómsveit, Mental As Any- thing, umtalsverða athygli hérlendis sem í Bretlandi með plötu sinni Cats & Dogs. Tónlist þessara tveggja hljómsveita er merkilega lík. Báðar sækja þær hugmyndir og fyrirmynd- ir aftur til 7. áratugarins þegar létt og kitlandi melódia og einfaldar og auðmeltar útsetningar voru fyrsta boðorðið. Enda segja Men At Work sjálfir (og vart er ástæða til að þýða þann frasa): „... our music has a lot of similariues to 6Qs good-time popp tunes — the sing-along chorus- es and strong melodies." Og þeir bæta við að meginmunurinn liggi í textunum. Þeir séu ekki jafnbjart- sýnir og jákvæðir og þeir voru hér í eina tið. Poppspekúlantar hafa auðvitaö reynt að marka tónlist Men At Work bás. Einn lýsti henni samblandi af nýbylgju, „popp'n'roll" og engilsax- neskri þjóðlagatónlist. Ekki verri lýsing en hver önnur. Aðrir hafa þóst greina áhrif frá Police (Rödd Hays svipi tilStongs og reggeaáhrif), Cars og Traffic (sérstaklega flautu- og saxófónleikur Hams). Hvað sem öllu líður leika Men At Work létt og melódískt rokk. Vandað að allri gerð. Men At Work þykja h úmoristar vel fyrir ofan meðallag. Því fengu ís- lenskir Skonrokksgláparar aö kynn- ast fyrir stuttu þegar videóspólan Down Under birtist á skjánum. Men At Work þykja einkar skemmtilegir á sviði. Líf legir og litríkir. Skopskyn- ið birtist oft í textum þeirra þótt þeir séu langt í frá að vera einn brandari út í gegn. Það fer dálitið í taugarnar á Könunum aö skilja ekki orð og orðasambönd sem virðast sér- áströlsk. Þar birtist húmorinn meðal annars. Dæmi (úr Down Under): AFried-out combie: hálfónýtt Volks- wagen rúgbrauð. Vegemite: kjöttætlur fyrir ofurhuga aðéta. Yonnie: steinn, Docket (úr laginu Helpless Automation): þýðir ekki neitt en rímar á móti „pocket". -TT. Frá vinstrí: Greg Ham, Ron Strykert, Colin Hay, John Rees og Jerry Speiser. Hodgson að hætta Fyrir um tveimur mánuðum til- kynnti höfuðpaur Supertramp, Roger Hodgson, að hann væri að hætta. Þetta fékkst staðfest skömmu siðar. Af ein- hverjum ástæðum fór fregnin alveg framhjá mér. Ef svo skyldi vera um fleiri er þetta ítrekaö hér. Supertramp þarf ekki að kynna enda eitt stærsta nafnið i rokkinu siðasta áratug. Hljóm- sveitin var stofnuð 1970 og frá 1974 (Crime Of The Century) hafa engin mannaskipti orðið. Asamt Rick Davies hefur Hodgson samið flest þau lög sem Supertramp hefur skilið eftir sig. Lög á borö við The Logical Song, Breakfast In America, Fool's Overture og It's Raining Again. Og með Hodgson hverf- ur einnig hin sérstæða háa og tæra rödd sem verið hefur svo einkennandi fyrir Supertramp. Supertramp er þó ekki þar með úr sögunni. Hinir fjórir ætla að halda ótrauðir áfram og hyggjast að sögn hverfa aftur til þeirra hugmynda sem mótuðu Crime Of The Century hvað mest. Og einnig hyggjast þeir snúa sér i auknum mæli að video og kvikmynd- um. Það má því búast við nokkrum brey tingum á þeim bæ. Þess ber að geta að áður en Hodgson segir endanlega skilið við félaga sína ætlar hann ásamt þeim að halda í hljómleikaferðalag i sumar. Þeir verða á ferðinni í Evrópu i júni og júlí en í Bandaríkjunum í ágúst og septem- ber. -TT. 1» Roger Hodgson (fyrir miðjul er að hætta með gömlu fólögunum sinum en þeir hyggjast halda uppi merkinu. F.v. John A. Helliwell, Rick Davies, Hodgson, Bob Siebenberg og Dougie Thomson.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.