Dagblaðið Vísir - DV - 19.05.1984, Síða 8
DV. LAUGARDAGUR19. MAl 1984.
GRÓÐIJRSETNÍNG
Takið plönturnar úr umbúðum sem fyrst. F.f ekki
á að gróðursetja strax eru þær settar í mold til
bráðabirgða og vökvaðar. Forðist að gróðursetja
í sólskini og vinnið aðeins með eina plöntu í einu.
Hafið holurnar svo stórar að hægt sé að greiða
\el úr rótum.
Notið hálfrotinn búfiáráburð. — Setjið lag af
honum neðst í holu og einangrið með mold. Til-
búinn áburð er varasamt að nota nema afar lít-
ið. — Milli rólanna er fyllt með blöndu af l'iin-
um áburði og bestu moldinni og plantan hreyfð
varlega svo a.ð öll holrútn fyllist.
LIMGERÐÍ
í limgerði eru gjarnan notaðar fljótvaxnar og
ódýrar plöntur, 20 - 30 cm á hæð, 3 - 4 á metrann.
— klippt limgerði eru hentug til að afmarka
svæði og mynda línur. Þau taka minna rými en
krefjast meiri umhirðu en óklippt limgerði sem
eru frekar ræktuð til að skýla og byrgja sýn.
Byrjað er að klippa limgerði strax á fyrsta ári.
Uppmjó eða keilnlaga gerði endast lengur og
þola betur snjóþyngsli en limgerði með lóðrétt-
ar hliðar sem gisna fljótt neðan til og glata skjól-
áhrifum.
Holan er fylll að mestu og vökvað vel. — Þegar
vatnið er sigið er hún fvllt alvesz og moldin
þjöppuð vcl með l'ótunum. — Phintan á að
standa lóðrétl og þola nokkurt átak án þess að
losna. — Trjápliinlur eru yfirleitt settar jafndjúpt
og þær stóðu áður nema ösp og víðir sem má
planta <Jýpra.
Ýmis stór tré'þarf að styðja meðan þau eru að
festa rætur og er stoðin þá sett í holuna á undan
trénu svo að ræturnar skemmist ekki.
í lág limgerði, um það bil metra há, henta vel
tegundir eins og alparifs, mispill, brekkuvíðir og
rauðtoppur. Þetta eru fíngerðar, greinóttar og
blaðþéttar tegundir.
Eigi limgerði að vera hærra má nota birki,
alaskavíði, gljávíði eða viðju sem verða hærri og
grófgerðari. Ýmsar fleiri tegundir koma til greina
en þessar eru allar harðgerðar og vaxa um allt
land.
Trjáræktaráhugi hefur vaxið mjög á síðustu árum:
Nú er heppilegastí tíminn
tii að setja níður tré
— birki vinsælasta trjátegundin
,jSkógræktarfélag Reykjavíkur er
áhugamannafélag um skógrækt og
trjárækt og hefur um 1300 félaga. Skóg-
ræktarfélagið er sjálfseignarstofn-
un,” sagði Vilhjálmur Sigtryggsson,
framkvæmdastjóri félagsins, er við
heimsóttum Skógræktina í Fossvogi
fyrir stuttu til að kynnast starfsem-
inni. Skógræktin er með trjáplöntu-
ræktun í Fossvoginum og eru þær
plöntur síðan seldar til einstaklinga,
auk þess sem þær fara í Heiðmörk og á
útivistarsvæði Reykjavíkurborgar.
„Við höfum verið meö sumarvinnu
fyrir unglinga í Heiðmörk og hér í
borginni í tengslum við Reykjavíkur-
borg. En alls hafa þetta verið um eitt
hundraö og fimmtíu unglingar sem
hafa unnið hjá okkur yfir sumartím-
ann,” sagði Vilhjálmur ennfremur.
Þeir mörgu sem gerst hafa félagar
hjá Skógræktarfélaginu hafa notið
þess að geta sótt fundi sem félagið
heldur nokkrum sinniun á ári. Eru það
fyrir utan aðalfund leiöbeiningakvöld
um ræktun trjáa og runna. Auk þess
gefur félagið út vandaö rit árlega þar
sem fjallað er um skógrækt og land-
græðslu.
I Fossvoginum getur almenningur
fengið margháttaöa fræðslu og um leiö
og trén eru keypt reyna starfsmenn
eftir fremsta megni að leiðbeina
kaupanda trjáa um hvar plantan sé
best staðsett og hvernig umhirðu hún
þarf.
„Núna er einmitt kominn tími til að
gróöursetja tré því allt frost er farið úr
jörðu,” sagði Vilhjálmur. „Við reynum
aö leiöbeina fólki eftir því sem við get-
um um hvaða plöntur væri best fyrir
þaö að kaupa og fólk hefur mjög mikið
notfært sér það. Það er Uka mjög mikið
smekksatriði hvers og eins sem ræður
hvaða trjátegundir best er að taka.
Það er mikið um það að fólk komi
hingaö seinni part vetrar og spáir þá í
hvaöa trjátegundir yrði best fyrir það
að fá í garð sinn. Eg held nú aö birki sé
algengasta trjátegundin núna, brekku-
víðir hefur einnig verið vinsæU og
alaskavíðir er mjög í tísku þessa
stundina. Gljávíðir var mikið í tísku
fyrir nokkrum árum en hefur minnkaö
mikið. Hins vegar er gljávíðirinn sú
planta sem maðkurinn sækir minnst í.
Brekkuvíðir er sú trjátegund sem
maðkurinn sækir mest í enda hefur
sala mikið dottiö niður í honum vegna
þess. Hins vegar er brekkuvíðirinn
mjög dugleg planta og faUeg en hún
þarf kannski meiri umhirðu en aörar,”
sagöi Vilhjálmur. „Svo eru það aftur
stærri tré eins og íslenskur reynir og
alaskaösp sem hafa verið vinsæl.”
ViUijálmur sagði að hægt væri að
velja um eitt hundrað tegundir af
trjám og runnum og hefði úrvaUð
aukist mjög mikið á síðustu árum.
„Við seljum venjulega um 80—90 mis-
munandi tegundir á vorin en þó eru
það um þrjátíu tegundir sem mest
fara.
Áhugi á trjárækt hefur aukist tU
mikilla muna og nú þykir sjálfsagt að
ganga frá garðinum um leið og húsið
er byggt sem ekki var gert hér áður
fyrr. Oft er það svo að fólk hefur sett
garðinn í stand áður en flutt er inn. ”
Vilhjálmur sagði ennfremur aö
mikið væri spurt um limgerði. „Margir
hafa klippt limgerðið eftir bókum en
einnig höfum við veitt leiðsögn hér á
staðnum. Þá förum við gjarnan með
fólki hér út og sýnum hvernig á að
klippa. Ef limgerðið er klippt rétt
verður þaömun þéttara og fallegra.”
Áður en hafist er handa við að kaupa
tré og runna er í mörg horn að líta, að
sögn VUhjálms. Það þarf að vera góð-
ur jarðvegur þar sem gróðursett er og
sjálfsagt er að spara ekki húsdýra-
áburðinn á meðan verið er að byggja
upp garðinn. Eftir að garðurinn er gró-
inn er hins vegar ekki nauðsynlegt að
setja húsdýraáburð nema á þriggja
ára fresti, sagði Vilhjálmur.
Mikið úrval af svalakössum og kerum:
Svalimar geta komið í
stað verandarinnar
Þeir sem ekki eiga sinn einkagarð
geta engu að síður gert blómlegt í
kringum sig. Svalirnar eru ákjósanleg-
ur staður tU að gera aö skemmtUegum
stað á sumrin. Blómaverslanir á
höfuðborgarsvæðinu selja margvís-
legar gerðir af ýmsum svalakössum,
jafnt sem hengja má á svalahandriö,
hengja á vegg, eða blómaker sem
standa mega á svölunum.
I Blómavali er mjög mikið úrval af
slíkum kerum. A vegginn getur þú
valið um leirpotta í hinum ýmsu litum
sem kosta frá 130 kr. eöa ólitaða leir-
potta sem kosta aðeins frá 40 kr.
Einnig er mikið úrval af plastpottum.
Það hefur alltaf verið vinsælt aö
setja ílöng ker á svalahandriðiö en þau
eru fáanleg frá 40 cm upp í 1 metra.
Hvert sumarblóm kostar um 14 krónur
þannig að það þarf ekki að kosta
mikinn pening að gera svalimar vist-
legar.
Mjög algengt er orðið að fólk vilji
hafa sumarlegt á svölunum. Oft eru
svalirnar líka notaðar þegar grilla á
matinn úti og þá er mjög skemmtilegt í
góðu veðri að hafa stóla og borð og
snæða matinn úti. Það þarf sem sagt
ekki aö vera ýkja dýrt að lífga
svalimarupp.
■/